Translation of the Meanings Surah Al-Qiyāmah - Luhya translation - International Society for Science and Culture - Encyclopedia of the Noble Quran

Al-Qiyamah

Verse: 1

لَآ أُقۡسِمُ بِيَوۡمِ ٱلۡقِيَٰمَةِ

Nditsuba khuinyanga yeyinduukho.

Verse: 2

وَلَآ أُقۡسِمُ بِٱلنَّفۡسِ ٱللَّوَّامَةِ

Ne nditsuba khumwoyo kwa okhwifunaania.

Verse: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Koo, omundu aparanga mbu shikhulikhung’asia halala ebikumba bibie tawe?

Verse: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Khulwa shina! Efwe khunyala okhura habwene tsinyali tsia tsinzala tsitsie.

Verse: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Habula omundu yenyanga sa okhutsililila okhukhola amabii khutsinyanga tsili imbeli waye.

Verse: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

Arebanga mbu: “Iliba lina inyanga yeyindukho?”

Verse: 7

فَإِذَا بَرِقَ ٱلۡبَصَرُ

Mana olwa imoni iling’ang’aala.

Verse: 8

وَخَسَفَ ٱلۡقَمَرُ

Ne olwa omwesi kulitilana.

Verse: 9

وَجُمِعَ ٱلشَّمۡسُ وَٱلۡقَمَرُ

Ne olwa eliuba nende omwesi bilihambasibwa.

Verse: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Inyanga eyo Omundu aliboola mbu: “Amelushilo kali yena?”

Verse: 11

كَلَّا لَا وَزَرَ

Tawe! Wokhwilushila wosiwosi abulaho tawe!

Verse: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Inyanga eyo ewa Nyasaye wuwo Omulesi niiliba habundu wokhutong’ao.

Verse: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Inyanga eyo omundu aliboolelwa kayaranjilisia nende kayamalilishia.

Verse: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Halali buli omundu yemanyile omwene muno.

Verse: 15

وَلَوۡ أَلۡقَىٰ مَعَاذِيرَهُۥ

Kata narusia ebichila ebiinji.

Verse: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Olabuyungubasilia (obufimbuli bwa Nyasaye) olulimi lulwo tawe, khulwokhubusooma lwangu lwangu tawe.

Verse: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Toto kali khwifwe okhubukhuung’asia (mushilifu shishio) halala nende okhukhukhola obusome.

Verse: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Kho nikhwakhabusooma, londelela okhusooma khwabuo.

Verse: 19

ثُمَّ إِنَّ عَلَيۡنَا بَيَانَهُۥ

Mana kali khwifwe okhubwinoosia (khwiwe).

Verse: 20

كَلَّا بَلۡ تُحِبُّونَ ٱلۡعَاجِلَةَ

Shikali kario tawe! Halali enywe mwayanza obulamu bwokhushialo.

Verse: 21

وَتَذَرُونَ ٱلۡأٓخِرَةَ

Ne mulekhanga obulamu bwomwikulu.

Verse: 22

وُجُوهٞ يَوۡمَئِذٖ نَّاضِرَةٌ

Obweni inyanga eyo bulimesamesa.

Verse: 23

إِلَىٰ رَبِّهَا نَاظِرَةٞ

Buliheenga Nyasaye wabwo Omulesi.

Verse: 24

وَوُجُوهٞ يَوۡمَئِذِۭ بَاسِرَةٞ

Ne obweni bundi inyanga eyo bulisinyikha po.

Verse: 25

تَظُنُّ أَن يُفۡعَلَ بِهَا فَاقِرَةٞ

Bulimanya mbu buulilwe nende shifunakanga olukongofuma.

Verse: 26

كَلَّآ إِذَا بَلَغَتِ ٱلتَّرَاقِيَ

Shikali kario tawe! Olwa omwoyo kuliula khushikumba shielikosi.

Verse: 27

وَقِيلَ مَنۡۜ رَاقٖ

Mana kareebwe mbu: “Ni wina umusilikha?”

Verse: 28

وَظَنَّ أَنَّهُ ٱلۡفِرَاقُ

Ne omwene namanya mbu toto bwene okho nikho okhufwa.

Verse: 29

وَٱلۡتَفَّتِ ٱلسَّاقُ بِٱلسَّاقِ

Ne olwa emiluku chilitilana halala okundi khukundi.

Verse: 30

إِلَىٰ رَبِّكَ يَوۡمَئِذٍ ٱلۡمَسَاقُ

Inyanga eyo niyo yebindu bioosi biliyilwa ewa Nyasaye wuwo Omulesi.

Verse: 31

فَلَا صَدَّقَ وَلَا صَلَّىٰ

Mana shiyafuchilila (aka Nyasaye), nohomba shiyaswaliya tawe.

Verse: 32

وَلَٰكِن كَذَّبَ وَتَوَلَّىٰ

Halali yakatsula mana nafutara.

Verse: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Mana natsia khubandu baye niyesunga.

Verse: 34

أَوۡلَىٰ لَكَ فَأَوۡلَىٰ

Oh abaane koo ewe! Oh abaane koo ewe!

Verse: 35

ثُمَّ أَوۡلَىٰ لَكَ فَأَوۡلَىٰٓ

Mana khandi oh abaane koo ewe! Oh abaane koo ewe!

Verse: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Koo, omundu aparanga mbu anyala okhulekhwa butswa eshikhaya?

Verse: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Koo, shiyali indonyande yamatsi kolwibulo kamitsungwa tawe?

Verse: 38

ثُمَّ كَانَ عَلَقَةٗ فَخَلَقَ فَسَوَّىٰ

Mana naba amalika, mana Nyasaye namuloonga namukaasia obulayi muno.

Verse: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Mana nakhola okhurulanamwo tsimbia tsibili: abasatsa nende abakhasi.

Verse: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Kho koo, oyo shali omunyali muno wokhulamusia abafu tawe?