የመልዕክት ትርጉም ሱራ (ምዕራፍ) አል ቂያማህ - የሎሁያ ቋንቋ ትርጉም - - የተከበረው ቁርኣን ኢንሳይክሎፔዲያ

Al-Qiyamah

አንቀፅ: 1

لَآ أُقۡسِمُ بِيَوۡمِ ٱلۡقِيَٰمَةِ

Nditsuba khuinyanga yeyinduukho.

አንቀፅ: 2

وَلَآ أُقۡسِمُ بِٱلنَّفۡسِ ٱللَّوَّامَةِ

Ne nditsuba khumwoyo kwa okhwifunaania.

አንቀፅ: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Koo, omundu aparanga mbu shikhulikhung’asia halala ebikumba bibie tawe?

አንቀፅ: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Khulwa shina! Efwe khunyala okhura habwene tsinyali tsia tsinzala tsitsie.

አንቀፅ: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Habula omundu yenyanga sa okhutsililila okhukhola amabii khutsinyanga tsili imbeli waye.

አንቀፅ: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

Arebanga mbu: “Iliba lina inyanga yeyindukho?”

አንቀፅ: 7

فَإِذَا بَرِقَ ٱلۡبَصَرُ

Mana olwa imoni iling’ang’aala.

አንቀፅ: 8

وَخَسَفَ ٱلۡقَمَرُ

Ne olwa omwesi kulitilana.

አንቀፅ: 9

وَجُمِعَ ٱلشَّمۡسُ وَٱلۡقَمَرُ

Ne olwa eliuba nende omwesi bilihambasibwa.

አንቀፅ: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Inyanga eyo Omundu aliboola mbu: “Amelushilo kali yena?”

አንቀፅ: 11

كَلَّا لَا وَزَرَ

Tawe! Wokhwilushila wosiwosi abulaho tawe!

አንቀፅ: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Inyanga eyo ewa Nyasaye wuwo Omulesi niiliba habundu wokhutong’ao.

አንቀፅ: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Inyanga eyo omundu aliboolelwa kayaranjilisia nende kayamalilishia.

አንቀፅ: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Halali buli omundu yemanyile omwene muno.

አንቀፅ: 15

وَلَوۡ أَلۡقَىٰ مَعَاذِيرَهُۥ

Kata narusia ebichila ebiinji.

አንቀፅ: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Olabuyungubasilia (obufimbuli bwa Nyasaye) olulimi lulwo tawe, khulwokhubusooma lwangu lwangu tawe.

አንቀፅ: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Toto kali khwifwe okhubukhuung’asia (mushilifu shishio) halala nende okhukhukhola obusome.

አንቀፅ: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Kho nikhwakhabusooma, londelela okhusooma khwabuo.

አንቀፅ: 19

ثُمَّ إِنَّ عَلَيۡنَا بَيَانَهُۥ

Mana kali khwifwe okhubwinoosia (khwiwe).

አንቀፅ: 20

كَلَّا بَلۡ تُحِبُّونَ ٱلۡعَاجِلَةَ

Shikali kario tawe! Halali enywe mwayanza obulamu bwokhushialo.

አንቀፅ: 21

وَتَذَرُونَ ٱلۡأٓخِرَةَ

Ne mulekhanga obulamu bwomwikulu.

አንቀፅ: 22

وُجُوهٞ يَوۡمَئِذٖ نَّاضِرَةٌ

Obweni inyanga eyo bulimesamesa.

አንቀፅ: 23

إِلَىٰ رَبِّهَا نَاظِرَةٞ

Buliheenga Nyasaye wabwo Omulesi.

አንቀፅ: 24

وَوُجُوهٞ يَوۡمَئِذِۭ بَاسِرَةٞ

Ne obweni bundi inyanga eyo bulisinyikha po.

አንቀፅ: 25

تَظُنُّ أَن يُفۡعَلَ بِهَا فَاقِرَةٞ

Bulimanya mbu buulilwe nende shifunakanga olukongofuma.

አንቀፅ: 26

كَلَّآ إِذَا بَلَغَتِ ٱلتَّرَاقِيَ

Shikali kario tawe! Olwa omwoyo kuliula khushikumba shielikosi.

አንቀፅ: 27

وَقِيلَ مَنۡۜ رَاقٖ

Mana kareebwe mbu: “Ni wina umusilikha?”

አንቀፅ: 28

وَظَنَّ أَنَّهُ ٱلۡفِرَاقُ

Ne omwene namanya mbu toto bwene okho nikho okhufwa.

አንቀፅ: 29

وَٱلۡتَفَّتِ ٱلسَّاقُ بِٱلسَّاقِ

Ne olwa emiluku chilitilana halala okundi khukundi.

አንቀፅ: 30

إِلَىٰ رَبِّكَ يَوۡمَئِذٍ ٱلۡمَسَاقُ

Inyanga eyo niyo yebindu bioosi biliyilwa ewa Nyasaye wuwo Omulesi.

አንቀፅ: 31

فَلَا صَدَّقَ وَلَا صَلَّىٰ

Mana shiyafuchilila (aka Nyasaye), nohomba shiyaswaliya tawe.

አንቀፅ: 32

وَلَٰكِن كَذَّبَ وَتَوَلَّىٰ

Halali yakatsula mana nafutara.

አንቀፅ: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Mana natsia khubandu baye niyesunga.

አንቀፅ: 34

أَوۡلَىٰ لَكَ فَأَوۡلَىٰ

Oh abaane koo ewe! Oh abaane koo ewe!

አንቀፅ: 35

ثُمَّ أَوۡلَىٰ لَكَ فَأَوۡلَىٰٓ

Mana khandi oh abaane koo ewe! Oh abaane koo ewe!

አንቀፅ: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Koo, omundu aparanga mbu anyala okhulekhwa butswa eshikhaya?

አንቀፅ: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Koo, shiyali indonyande yamatsi kolwibulo kamitsungwa tawe?

አንቀፅ: 38

ثُمَّ كَانَ عَلَقَةٗ فَخَلَقَ فَسَوَّىٰ

Mana naba amalika, mana Nyasaye namuloonga namukaasia obulayi muno.

አንቀፅ: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Mana nakhola okhurulanamwo tsimbia tsibili: abasatsa nende abakhasi.

አንቀፅ: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Kho koo, oyo shali omunyali muno wokhulamusia abafu tawe?