Firo maanaaji Simoore. Simoore naasiyat - Eggo maanaaji Kur'aana e haala Luhya - Jami'aadu Adunaaji e Ngamtaare - Musuwaɗe Alkur'aan Kirim

An-Naziat

Aaya.: 1

وَٱلنَّٰزِعَٰتِ غَرۡقٗا

Nditsuba khubamalaika bakhunyulanga (emioyo cha bakhayi) nende amaani.

Aaya.: 2

وَٱلنَّٰشِطَٰتِ نَشۡطٗا

Nende balia barusinjia (emioyo chiabasuubili) kaala.

Aaya.: 3

وَٱلسَّٰبِحَٰتِ سَبۡحٗا

Nende balia bakulukhanga mwikulu bukulukha.

Aaya.: 4

فَٱلسَّٰبِقَٰتِ سَبۡقٗا

Nende balia bashilananga tsimbilo (nende emioyo chiabasuubili okhuyila mwikulu).

Aaya.: 5

فَٱلۡمُدَبِّرَٰتِ أَمۡرٗا

Nende balia bachesinjia amakhuwa (emioyo emibii nichinyoola eshinyasio, ne emilayi nichisangaasibwa).

Aaya.: 6

يَوۡمَ تَرۡجُفُ ٱلرَّاجِفَةُ

Inyanga yolwika lulifurwamwo lweyimbeli (lulirenjia buli eshindu).

Aaya.: 7

تَتۡبَعُهَا ٱلرَّادِفَةُ

Ne olwika lundi lulilondakhwo.

Aaya.: 8

قُلُوبٞ يَوۡمَئِذٖ وَاجِفَةٌ

Inyanga eyo emioyo chilirengarenga khuburi.

Aaya.: 9

أَبۡصَٰرُهَا خَٰشِعَةٞ

Tsimoni tsiachio tsilikhookha (tsilihenga hasi).

Aaya.: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

(Abakhayi) baboolanga mbu: “Khulikalusibwa toto shinga khwali (khulilamusibwa)?

Aaya.: 11

أَءِذَا كُنَّا عِظَٰمٗا نَّخِرَةٗ

Olwakhuliba ebikumba biabulungukha?”

Aaya.: 12

قَالُواْ تِلۡكَ إِذٗا كَرَّةٌ خَاسِرَةٞ

Baboola mbu: “Okhukalusibwa okho khulibulamwo obukhala (khwifwe)!”

Aaya.: 13

فَإِنَّمَا هِيَ زَجۡرَةٞ وَٰحِدَةٞ

Kho toto okhulamusibwa okho ni oluyoka lulala lwonyene.

Aaya.: 14

فَإِذَا هُم بِٱلسَّاهِرَةِ

Hawo na hawo buli eshiloonje shiliba mushikuri eshiya.

Aaya.: 15

هَلۡ أَتَىٰكَ حَدِيثُ مُوسَىٰٓ

Koo! Lwakhuulilakhwo olukano lwa Musa?

Aaya.: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Olwa Nyasaye wuwe Omulesi yamulanjila mulitwoma lioluyali lia T’uwaa.

Aaya.: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

“Tsia ewa Firauni. Toto ye yaburirira.

Aaya.: 18

فَقُلۡ هَل لَّكَ إِلَىٰٓ أَن تَزَكَّىٰ

Omuboolele mbu: 'Koo, chama obe Omutswenufu?

Aaya.: 19

وَأَهۡدِيَكَ إِلَىٰ رَبِّكَ فَتَخۡشَىٰ

Ekhwimilile khu Nyasaye wo Omulesi onyoole okhumuria.'”

Aaya.: 20

فَأَرَىٰهُ ٱلۡأٓيَةَ ٱلۡكُبۡرَىٰ

Mana namwechesia ebimanyisio ebikhongo muno.

Aaya.: 21

فَكَذَّبَ وَعَصَىٰ

Ne nakatsula mana nakhaila elala.

Aaya.: 22

ثُمَّ أَدۡبَرَ يَسۡعَىٰ

Khandi nakalukha inyuma, nakhola eshinani (okhukania Abandu balafuchilila Musa tawe).

Aaya.: 23

فَحَشَرَ فَنَادَىٰ

Nakhung’asia Abandu nalaanga.

Aaya.: 24

فَقَالَ أَنَا۠ رَبُّكُمُ ٱلۡأَعۡلَىٰ

Naboola mbu: “Nesie nyasaye wenyu omulesi ohuli hekulu muno.”

Aaya.: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Kho Nyasaye namutila namuhelesia eshinyasio khukayaboola kokhumalilikha (‘nesie Nyasaye wenyu omukhongo’), nende kayaranjilila (‘abulaho Nyasaye wundi owulali esie’).

Aaya.: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Toto esho neshimanyisio khubalia baria Nyasaye.

Aaya.: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Koo! Nobutinyu okhubaloonga enywe nohomba likulu? Ye niye waliumbakha!

Aaya.: 28

رَفَعَ سَمۡكَهَا فَسَوَّىٰهَا

Yalichingula hekulu, nalikasia obulayi muno.

Aaya.: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Ne nara eshilima mushilo shiayio, ne nayiniamwo eshitere.

Aaya.: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Okhurula awo nakwalasia liloba.

Aaya.: 31

أَخۡرَجَ مِنۡهَا مَآءَهَا وَمَرۡعَىٰهَا

Narusiamwo amatsi kalio nende emimela.

Aaya.: 32

وَٱلۡجِبَالَ أَرۡسَىٰهَا

Ne efikulu nafitinyia mwiloba.

Aaya.: 33

مَتَٰعٗا لَّكُمۡ وَلِأَنۡعَٰمِكُمۡ

Bibe biokhwisangasia bwenyu nende ebiayo bienyu.

Aaya.: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Olwamatinyu amakhongo kaliula,

Aaya.: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Inyanga eyo omundu aliitsulila kayakhola.

Aaya.: 36

وَبُرِّزَتِ ٱلۡجَحِيمُ لِمَن يَرَىٰ

Ne Jahannamu ililolesibwa yalolekha khu ulola.

Aaya.: 37

فَأَمَّا مَن طَغَىٰ

Kho ulia waburirira mubufuru.

Aaya.: 38

وَءَاثَرَ ٱلۡحَيَوٰةَ ٱلدُّنۡيَا

Mana nachama muno obulamu bweshialo.

Aaya.: 39

فَإِنَّ ٱلۡجَحِيمَ هِيَ ٱلۡمَأۡوَىٰ

Toto Jahannamu ni habundu wuwe wokhumenya!

Aaya.: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Ne ulia waria okhwema imbeli wa Nyasaye wuwe Omulesi, mana nakaania omwoyo kukwe eshihonya.

Aaya.: 41

فَإِنَّ ٱلۡجَنَّةَ هِيَ ٱلۡمَأۡوَىٰ

Toto oyo Omukunda kwomwikulu nikuliba habundu wuwe wokhumenya!

Aaya.: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Bakhurebanga ebise bieyindukho biliba lina?

Aaya.: 43

فِيمَ أَنتَ مِن ذِكۡرَىٰهَآ

Ne shiomanyile shiosishiosi khubio khobabolere tawe.

Aaya.: 44

إِلَىٰ رَبِّكَ مُنتَهَىٰهَآ

Obumalilishi bweyinyanga eyo buli khu Nyasaye wuwo Omulesi.

Aaya.: 45

إِنَّمَآ أَنتَ مُنذِرُ مَن يَخۡشَىٰهَا

Toto ewe oli butswa Omwikanyilisi khu ulia owaria inyanga eyo.

Aaya.: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Olwa baliyilola inyanga eyo, balikaala mbu shibaamenyakhwo (khushialo) tawe halali ingolobe ndala nohomba eshitere shiayo.