ترجمه‌ى معانی سوره نازعات - ترجمه‌ى لوهیا ـ انجمن بین‌المللی علوم و فرهنگ - دایرة المعارف قرآن کریم

An-Naziat

آیه: 1

وَٱلنَّٰزِعَٰتِ غَرۡقٗا

Nditsuba khubamalaika bakhunyulanga (emioyo cha bakhayi) nende amaani.

آیه: 2

وَٱلنَّٰشِطَٰتِ نَشۡطٗا

Nende balia barusinjia (emioyo chiabasuubili) kaala.

آیه: 3

وَٱلسَّٰبِحَٰتِ سَبۡحٗا

Nende balia bakulukhanga mwikulu bukulukha.

آیه: 4

فَٱلسَّٰبِقَٰتِ سَبۡقٗا

Nende balia bashilananga tsimbilo (nende emioyo chiabasuubili okhuyila mwikulu).

آیه: 5

فَٱلۡمُدَبِّرَٰتِ أَمۡرٗا

Nende balia bachesinjia amakhuwa (emioyo emibii nichinyoola eshinyasio, ne emilayi nichisangaasibwa).

آیه: 6

يَوۡمَ تَرۡجُفُ ٱلرَّاجِفَةُ

Inyanga yolwika lulifurwamwo lweyimbeli (lulirenjia buli eshindu).

آیه: 7

تَتۡبَعُهَا ٱلرَّادِفَةُ

Ne olwika lundi lulilondakhwo.

آیه: 8

قُلُوبٞ يَوۡمَئِذٖ وَاجِفَةٌ

Inyanga eyo emioyo chilirengarenga khuburi.

آیه: 9

أَبۡصَٰرُهَا خَٰشِعَةٞ

Tsimoni tsiachio tsilikhookha (tsilihenga hasi).

آیه: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

(Abakhayi) baboolanga mbu: “Khulikalusibwa toto shinga khwali (khulilamusibwa)?

آیه: 11

أَءِذَا كُنَّا عِظَٰمٗا نَّخِرَةٗ

Olwakhuliba ebikumba biabulungukha?”

آیه: 12

قَالُواْ تِلۡكَ إِذٗا كَرَّةٌ خَاسِرَةٞ

Baboola mbu: “Okhukalusibwa okho khulibulamwo obukhala (khwifwe)!”

آیه: 13

فَإِنَّمَا هِيَ زَجۡرَةٞ وَٰحِدَةٞ

Kho toto okhulamusibwa okho ni oluyoka lulala lwonyene.

آیه: 14

فَإِذَا هُم بِٱلسَّاهِرَةِ

Hawo na hawo buli eshiloonje shiliba mushikuri eshiya.

آیه: 15

هَلۡ أَتَىٰكَ حَدِيثُ مُوسَىٰٓ

Koo! Lwakhuulilakhwo olukano lwa Musa?

آیه: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Olwa Nyasaye wuwe Omulesi yamulanjila mulitwoma lioluyali lia T’uwaa.

آیه: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

“Tsia ewa Firauni. Toto ye yaburirira.

آیه: 18

فَقُلۡ هَل لَّكَ إِلَىٰٓ أَن تَزَكَّىٰ

Omuboolele mbu: 'Koo, chama obe Omutswenufu?

آیه: 19

وَأَهۡدِيَكَ إِلَىٰ رَبِّكَ فَتَخۡشَىٰ

Ekhwimilile khu Nyasaye wo Omulesi onyoole okhumuria.'”

آیه: 20

فَأَرَىٰهُ ٱلۡأٓيَةَ ٱلۡكُبۡرَىٰ

Mana namwechesia ebimanyisio ebikhongo muno.

آیه: 21

فَكَذَّبَ وَعَصَىٰ

Ne nakatsula mana nakhaila elala.

آیه: 22

ثُمَّ أَدۡبَرَ يَسۡعَىٰ

Khandi nakalukha inyuma, nakhola eshinani (okhukania Abandu balafuchilila Musa tawe).

آیه: 23

فَحَشَرَ فَنَادَىٰ

Nakhung’asia Abandu nalaanga.

آیه: 24

فَقَالَ أَنَا۠ رَبُّكُمُ ٱلۡأَعۡلَىٰ

Naboola mbu: “Nesie nyasaye wenyu omulesi ohuli hekulu muno.”

آیه: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Kho Nyasaye namutila namuhelesia eshinyasio khukayaboola kokhumalilikha (‘nesie Nyasaye wenyu omukhongo’), nende kayaranjilila (‘abulaho Nyasaye wundi owulali esie’).

آیه: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Toto esho neshimanyisio khubalia baria Nyasaye.

آیه: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Koo! Nobutinyu okhubaloonga enywe nohomba likulu? Ye niye waliumbakha!

آیه: 28

رَفَعَ سَمۡكَهَا فَسَوَّىٰهَا

Yalichingula hekulu, nalikasia obulayi muno.

آیه: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Ne nara eshilima mushilo shiayio, ne nayiniamwo eshitere.

آیه: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Okhurula awo nakwalasia liloba.

آیه: 31

أَخۡرَجَ مِنۡهَا مَآءَهَا وَمَرۡعَىٰهَا

Narusiamwo amatsi kalio nende emimela.

آیه: 32

وَٱلۡجِبَالَ أَرۡسَىٰهَا

Ne efikulu nafitinyia mwiloba.

آیه: 33

مَتَٰعٗا لَّكُمۡ وَلِأَنۡعَٰمِكُمۡ

Bibe biokhwisangasia bwenyu nende ebiayo bienyu.

آیه: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Olwamatinyu amakhongo kaliula,

آیه: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Inyanga eyo omundu aliitsulila kayakhola.

آیه: 36

وَبُرِّزَتِ ٱلۡجَحِيمُ لِمَن يَرَىٰ

Ne Jahannamu ililolesibwa yalolekha khu ulola.

آیه: 37

فَأَمَّا مَن طَغَىٰ

Kho ulia waburirira mubufuru.

آیه: 38

وَءَاثَرَ ٱلۡحَيَوٰةَ ٱلدُّنۡيَا

Mana nachama muno obulamu bweshialo.

آیه: 39

فَإِنَّ ٱلۡجَحِيمَ هِيَ ٱلۡمَأۡوَىٰ

Toto Jahannamu ni habundu wuwe wokhumenya!

آیه: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Ne ulia waria okhwema imbeli wa Nyasaye wuwe Omulesi, mana nakaania omwoyo kukwe eshihonya.

آیه: 41

فَإِنَّ ٱلۡجَنَّةَ هِيَ ٱلۡمَأۡوَىٰ

Toto oyo Omukunda kwomwikulu nikuliba habundu wuwe wokhumenya!

آیه: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Bakhurebanga ebise bieyindukho biliba lina?

آیه: 43

فِيمَ أَنتَ مِن ذِكۡرَىٰهَآ

Ne shiomanyile shiosishiosi khubio khobabolere tawe.

آیه: 44

إِلَىٰ رَبِّكَ مُنتَهَىٰهَآ

Obumalilishi bweyinyanga eyo buli khu Nyasaye wuwo Omulesi.

آیه: 45

إِنَّمَآ أَنتَ مُنذِرُ مَن يَخۡشَىٰهَا

Toto ewe oli butswa Omwikanyilisi khu ulia owaria inyanga eyo.

آیه: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Olwa baliyilola inyanga eyo, balikaala mbu shibaamenyakhwo (khushialo) tawe halali ingolobe ndala nohomba eshitere shiayo.