Übersetzung der Bedeutungen Surah An-Nāziʿāt - Luhya-Übersetzung - Internationale Gesellschaft für Wissenschaft und Kultur - Enzyklopädie des edlen Qurans

An-Naziat

Vers (Ayah): 1

وَٱلنَّٰزِعَٰتِ غَرۡقٗا

Nditsuba khubamalaika bakhunyulanga (emioyo cha bakhayi) nende amaani.

Vers (Ayah): 2

وَٱلنَّٰشِطَٰتِ نَشۡطٗا

Nende balia barusinjia (emioyo chiabasuubili) kaala.

Vers (Ayah): 3

وَٱلسَّٰبِحَٰتِ سَبۡحٗا

Nende balia bakulukhanga mwikulu bukulukha.

Vers (Ayah): 4

فَٱلسَّٰبِقَٰتِ سَبۡقٗا

Nende balia bashilananga tsimbilo (nende emioyo chiabasuubili okhuyila mwikulu).

Vers (Ayah): 5

فَٱلۡمُدَبِّرَٰتِ أَمۡرٗا

Nende balia bachesinjia amakhuwa (emioyo emibii nichinyoola eshinyasio, ne emilayi nichisangaasibwa).

Vers (Ayah): 6

يَوۡمَ تَرۡجُفُ ٱلرَّاجِفَةُ

Inyanga yolwika lulifurwamwo lweyimbeli (lulirenjia buli eshindu).

Vers (Ayah): 7

تَتۡبَعُهَا ٱلرَّادِفَةُ

Ne olwika lundi lulilondakhwo.

Vers (Ayah): 8

قُلُوبٞ يَوۡمَئِذٖ وَاجِفَةٌ

Inyanga eyo emioyo chilirengarenga khuburi.

Vers (Ayah): 9

أَبۡصَٰرُهَا خَٰشِعَةٞ

Tsimoni tsiachio tsilikhookha (tsilihenga hasi).

Vers (Ayah): 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

(Abakhayi) baboolanga mbu: “Khulikalusibwa toto shinga khwali (khulilamusibwa)?

Vers (Ayah): 11

أَءِذَا كُنَّا عِظَٰمٗا نَّخِرَةٗ

Olwakhuliba ebikumba biabulungukha?”

Vers (Ayah): 12

قَالُواْ تِلۡكَ إِذٗا كَرَّةٌ خَاسِرَةٞ

Baboola mbu: “Okhukalusibwa okho khulibulamwo obukhala (khwifwe)!”

Vers (Ayah): 13

فَإِنَّمَا هِيَ زَجۡرَةٞ وَٰحِدَةٞ

Kho toto okhulamusibwa okho ni oluyoka lulala lwonyene.

Vers (Ayah): 14

فَإِذَا هُم بِٱلسَّاهِرَةِ

Hawo na hawo buli eshiloonje shiliba mushikuri eshiya.

Vers (Ayah): 15

هَلۡ أَتَىٰكَ حَدِيثُ مُوسَىٰٓ

Koo! Lwakhuulilakhwo olukano lwa Musa?

Vers (Ayah): 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Olwa Nyasaye wuwe Omulesi yamulanjila mulitwoma lioluyali lia T’uwaa.

Vers (Ayah): 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

“Tsia ewa Firauni. Toto ye yaburirira.

Vers (Ayah): 18

فَقُلۡ هَل لَّكَ إِلَىٰٓ أَن تَزَكَّىٰ

Omuboolele mbu: 'Koo, chama obe Omutswenufu?

Vers (Ayah): 19

وَأَهۡدِيَكَ إِلَىٰ رَبِّكَ فَتَخۡشَىٰ

Ekhwimilile khu Nyasaye wo Omulesi onyoole okhumuria.'”

Vers (Ayah): 20

فَأَرَىٰهُ ٱلۡأٓيَةَ ٱلۡكُبۡرَىٰ

Mana namwechesia ebimanyisio ebikhongo muno.

Vers (Ayah): 21

فَكَذَّبَ وَعَصَىٰ

Ne nakatsula mana nakhaila elala.

Vers (Ayah): 22

ثُمَّ أَدۡبَرَ يَسۡعَىٰ

Khandi nakalukha inyuma, nakhola eshinani (okhukania Abandu balafuchilila Musa tawe).

Vers (Ayah): 23

فَحَشَرَ فَنَادَىٰ

Nakhung’asia Abandu nalaanga.

Vers (Ayah): 24

فَقَالَ أَنَا۠ رَبُّكُمُ ٱلۡأَعۡلَىٰ

Naboola mbu: “Nesie nyasaye wenyu omulesi ohuli hekulu muno.”

Vers (Ayah): 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Kho Nyasaye namutila namuhelesia eshinyasio khukayaboola kokhumalilikha (‘nesie Nyasaye wenyu omukhongo’), nende kayaranjilila (‘abulaho Nyasaye wundi owulali esie’).

Vers (Ayah): 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Toto esho neshimanyisio khubalia baria Nyasaye.

Vers (Ayah): 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Koo! Nobutinyu okhubaloonga enywe nohomba likulu? Ye niye waliumbakha!

Vers (Ayah): 28

رَفَعَ سَمۡكَهَا فَسَوَّىٰهَا

Yalichingula hekulu, nalikasia obulayi muno.

Vers (Ayah): 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Ne nara eshilima mushilo shiayio, ne nayiniamwo eshitere.

Vers (Ayah): 30

وَٱلۡأَرۡضَ بَعۡدَ ذَٰلِكَ دَحَىٰهَآ

Okhurula awo nakwalasia liloba.

Vers (Ayah): 31

أَخۡرَجَ مِنۡهَا مَآءَهَا وَمَرۡعَىٰهَا

Narusiamwo amatsi kalio nende emimela.

Vers (Ayah): 32

وَٱلۡجِبَالَ أَرۡسَىٰهَا

Ne efikulu nafitinyia mwiloba.

Vers (Ayah): 33

مَتَٰعٗا لَّكُمۡ وَلِأَنۡعَٰمِكُمۡ

Bibe biokhwisangasia bwenyu nende ebiayo bienyu.

Vers (Ayah): 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Olwamatinyu amakhongo kaliula,

Vers (Ayah): 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Inyanga eyo omundu aliitsulila kayakhola.

Vers (Ayah): 36

وَبُرِّزَتِ ٱلۡجَحِيمُ لِمَن يَرَىٰ

Ne Jahannamu ililolesibwa yalolekha khu ulola.

Vers (Ayah): 37

فَأَمَّا مَن طَغَىٰ

Kho ulia waburirira mubufuru.

Vers (Ayah): 38

وَءَاثَرَ ٱلۡحَيَوٰةَ ٱلدُّنۡيَا

Mana nachama muno obulamu bweshialo.

Vers (Ayah): 39

فَإِنَّ ٱلۡجَحِيمَ هِيَ ٱلۡمَأۡوَىٰ

Toto Jahannamu ni habundu wuwe wokhumenya!

Vers (Ayah): 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Ne ulia waria okhwema imbeli wa Nyasaye wuwe Omulesi, mana nakaania omwoyo kukwe eshihonya.

Vers (Ayah): 41

فَإِنَّ ٱلۡجَنَّةَ هِيَ ٱلۡمَأۡوَىٰ

Toto oyo Omukunda kwomwikulu nikuliba habundu wuwe wokhumenya!

Vers (Ayah): 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Bakhurebanga ebise bieyindukho biliba lina?

Vers (Ayah): 43

فِيمَ أَنتَ مِن ذِكۡرَىٰهَآ

Ne shiomanyile shiosishiosi khubio khobabolere tawe.

Vers (Ayah): 44

إِلَىٰ رَبِّكَ مُنتَهَىٰهَآ

Obumalilishi bweyinyanga eyo buli khu Nyasaye wuwo Omulesi.

Vers (Ayah): 45

إِنَّمَآ أَنتَ مُنذِرُ مَن يَخۡشَىٰهَا

Toto ewe oli butswa Omwikanyilisi khu ulia owaria inyanga eyo.

Vers (Ayah): 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Olwa baliyilola inyanga eyo, balikaala mbu shibaamenyakhwo (khushialo) tawe halali ingolobe ndala nohomba eshitere shiayo.