Check out the new design

Prijevod značenja Plemenitog Kur'ana - Prijevod na finski (Lohja) - Međunarodno udruženje za nauku i kulturu. * - Sadržaj prijevodā

Prijevod značenja Sura: En-Naziat   Ajet:
Indeks sura Broj stranice HTML

An-Naziat

Ajet: 1

وَٱلنَّٰزِعَٰتِ غَرۡقٗا
Nditsuba khubamalaika bakhunyulanga (emioyo cha bakhayi) nende amaani.
Tefsiri na arapskom jeziku:

Ajet: 2

وَٱلنَّٰشِطَٰتِ نَشۡطٗا
Nende balia barusinjia (emioyo chiabasuubili) kaala.
Tefsiri na arapskom jeziku:

Ajet: 3

وَٱلسَّٰبِحَٰتِ سَبۡحٗا
Nende balia bakulukhanga mwikulu bukulukha.
Tefsiri na arapskom jeziku:

Ajet: 4

فَٱلسَّٰبِقَٰتِ سَبۡقٗا
Nende balia bashilananga tsimbilo (nende emioyo chiabasuubili okhuyila mwikulu).
Tefsiri na arapskom jeziku:

Ajet: 5

فَٱلۡمُدَبِّرَٰتِ أَمۡرٗا
Nende balia bachesinjia amakhuwa (emioyo emibii nichinyoola eshinyasio, ne emilayi nichisangaasibwa).
Tefsiri na arapskom jeziku:

Ajet: 6

يَوۡمَ تَرۡجُفُ ٱلرَّاجِفَةُ
Inyanga yolwika lulifurwamwo lweyimbeli (lulirenjia buli eshindu).
Tefsiri na arapskom jeziku:

Ajet: 7

تَتۡبَعُهَا ٱلرَّادِفَةُ
Ne olwika lundi lulilondakhwo.
Tefsiri na arapskom jeziku:

Ajet: 8

قُلُوبٞ يَوۡمَئِذٖ وَاجِفَةٌ
Inyanga eyo emioyo chilirengarenga khuburi.
Tefsiri na arapskom jeziku:

Ajet: 9

أَبۡصَٰرُهَا خَٰشِعَةٞ
Tsimoni tsiachio tsilikhookha (tsilihenga hasi).
Tefsiri na arapskom jeziku:

Ajet: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ
(Abakhayi) baboolanga mbu: “Khulikalusibwa toto shinga khwali (khulilamusibwa)?
Tefsiri na arapskom jeziku:

Ajet: 11

أَءِذَا كُنَّا عِظَٰمٗا نَّخِرَةٗ
Olwakhuliba ebikumba biabulungukha?”
Tefsiri na arapskom jeziku:

Ajet: 12

قَالُواْ تِلۡكَ إِذٗا كَرَّةٌ خَاسِرَةٞ
Baboola mbu: “Okhukalusibwa okho khulibulamwo obukhala (khwifwe)!”
Tefsiri na arapskom jeziku:

Ajet: 13

فَإِنَّمَا هِيَ زَجۡرَةٞ وَٰحِدَةٞ
Kho toto okhulamusibwa okho ni oluyoka lulala lwonyene.
Tefsiri na arapskom jeziku:

Ajet: 14

فَإِذَا هُم بِٱلسَّاهِرَةِ
Hawo na hawo buli eshiloonje shiliba mushikuri eshiya.
Tefsiri na arapskom jeziku:

Ajet: 15

هَلۡ أَتَىٰكَ حَدِيثُ مُوسَىٰٓ
Koo! Lwakhuulilakhwo olukano lwa Musa?
Tefsiri na arapskom jeziku:

Ajet: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى
Olwa Nyasaye wuwe Omulesi yamulanjila mulitwoma lioluyali lia T’uwaa.
Tefsiri na arapskom jeziku:

Ajet: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ
“Tsia ewa Firauni. Toto ye yaburirira.
Tefsiri na arapskom jeziku:

Ajet: 18

فَقُلۡ هَل لَّكَ إِلَىٰٓ أَن تَزَكَّىٰ
Omuboolele mbu: 'Koo, chama obe Omutswenufu?
Tefsiri na arapskom jeziku:

Ajet: 19

وَأَهۡدِيَكَ إِلَىٰ رَبِّكَ فَتَخۡشَىٰ
Ekhwimilile khu Nyasaye wo Omulesi onyoole okhumuria.'”
Tefsiri na arapskom jeziku:

Ajet: 20

فَأَرَىٰهُ ٱلۡأٓيَةَ ٱلۡكُبۡرَىٰ
Mana namwechesia ebimanyisio ebikhongo muno.
Tefsiri na arapskom jeziku:

Ajet: 21

فَكَذَّبَ وَعَصَىٰ
Ne nakatsula mana nakhaila elala.
Tefsiri na arapskom jeziku:

Ajet: 22

ثُمَّ أَدۡبَرَ يَسۡعَىٰ
Khandi nakalukha inyuma, nakhola eshinani (okhukania Abandu balafuchilila Musa tawe).
Tefsiri na arapskom jeziku:

Ajet: 23

فَحَشَرَ فَنَادَىٰ
Nakhung’asia Abandu nalaanga.
Tefsiri na arapskom jeziku:

Ajet: 24

فَقَالَ أَنَا۠ رَبُّكُمُ ٱلۡأَعۡلَىٰ
Naboola mbu: “Nesie nyasaye wenyu omulesi ohuli hekulu muno.”
Tefsiri na arapskom jeziku:

Ajet: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ
Kho Nyasaye namutila namuhelesia eshinyasio khukayaboola kokhumalilikha (‘nesie Nyasaye wenyu omukhongo’), nende kayaranjilila (‘abulaho Nyasaye wundi owulali esie’).
Tefsiri na arapskom jeziku:

Ajet: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ
Toto esho neshimanyisio khubalia baria Nyasaye.
Tefsiri na arapskom jeziku:

Ajet: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا
Koo! Nobutinyu okhubaloonga enywe nohomba likulu? Ye niye waliumbakha!
Tefsiri na arapskom jeziku:

Ajet: 28

رَفَعَ سَمۡكَهَا فَسَوَّىٰهَا
Yalichingula hekulu, nalikasia obulayi muno.
Tefsiri na arapskom jeziku:

Ajet: 29

وَأَغۡطَشَ لَيۡلَهَا وَأَخۡرَجَ ضُحَىٰهَا
Ne nara eshilima mushilo shiayio, ne nayiniamwo eshitere.
Tefsiri na arapskom jeziku:

Ajet: 30

وَٱلۡأَرۡضَ بَعۡدَ ذَٰلِكَ دَحَىٰهَآ
Okhurula awo nakwalasia liloba.
Tefsiri na arapskom jeziku:

Ajet: 31

أَخۡرَجَ مِنۡهَا مَآءَهَا وَمَرۡعَىٰهَا
Narusiamwo amatsi kalio nende emimela.
Tefsiri na arapskom jeziku:

Ajet: 32

وَٱلۡجِبَالَ أَرۡسَىٰهَا
Ne efikulu nafitinyia mwiloba.
Tefsiri na arapskom jeziku:

Ajet: 33

مَتَٰعٗا لَّكُمۡ وَلِأَنۡعَٰمِكُمۡ
Bibe biokhwisangasia bwenyu nende ebiayo bienyu.
Tefsiri na arapskom jeziku:

Ajet: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ
Olwamatinyu amakhongo kaliula,
Tefsiri na arapskom jeziku:

Ajet: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ
Inyanga eyo omundu aliitsulila kayakhola.
Tefsiri na arapskom jeziku:

Ajet: 36

وَبُرِّزَتِ ٱلۡجَحِيمُ لِمَن يَرَىٰ
Ne Jahannamu ililolesibwa yalolekha khu ulola.
Tefsiri na arapskom jeziku:

Ajet: 37

فَأَمَّا مَن طَغَىٰ
Kho ulia waburirira mubufuru.
Tefsiri na arapskom jeziku:

Ajet: 38

وَءَاثَرَ ٱلۡحَيَوٰةَ ٱلدُّنۡيَا
Mana nachama muno obulamu bweshialo.
Tefsiri na arapskom jeziku:

Ajet: 39

فَإِنَّ ٱلۡجَحِيمَ هِيَ ٱلۡمَأۡوَىٰ
Toto Jahannamu ni habundu wuwe wokhumenya!
Tefsiri na arapskom jeziku:

Ajet: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ
Ne ulia waria okhwema imbeli wa Nyasaye wuwe Omulesi, mana nakaania omwoyo kukwe eshihonya.
Tefsiri na arapskom jeziku:

Ajet: 41

فَإِنَّ ٱلۡجَنَّةَ هِيَ ٱلۡمَأۡوَىٰ
Toto oyo Omukunda kwomwikulu nikuliba habundu wuwe wokhumenya!
Tefsiri na arapskom jeziku:

Ajet: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا
Bakhurebanga ebise bieyindukho biliba lina?
Tefsiri na arapskom jeziku:

Ajet: 43

فِيمَ أَنتَ مِن ذِكۡرَىٰهَآ
Ne shiomanyile shiosishiosi khubio khobabolere tawe.
Tefsiri na arapskom jeziku:

Ajet: 44

إِلَىٰ رَبِّكَ مُنتَهَىٰهَآ
Obumalilishi bweyinyanga eyo buli khu Nyasaye wuwo Omulesi.
Tefsiri na arapskom jeziku:

Ajet: 45

إِنَّمَآ أَنتَ مُنذِرُ مَن يَخۡشَىٰهَا
Toto ewe oli butswa Omwikanyilisi khu ulia owaria inyanga eyo.
Tefsiri na arapskom jeziku:

Ajet: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا
Olwa baliyilola inyanga eyo, balikaala mbu shibaamenyakhwo (khushialo) tawe halali ingolobe ndala nohomba eshitere shiayo.
Tefsiri na arapskom jeziku:
 
Prijevod značenja Sura: En-Naziat
Indeks sura Broj stranice
 
Prijevod značenja Plemenitog Kur'ana - Prijevod na finski (Lohja) - Međunarodno udruženje za nauku i kulturu. - Sadržaj prijevodā

Došlo od Međunarodne asocijacije za nauku i kulturu.

Zatvori