Firo maanaaji Simoore. Simoore kabaaru (darnga) - Eggo maanaaji Kur'aana e haala Luhya - Jami'aadu Adunaaji e Ngamtaare - Musuwaɗe Alkur'aan Kirim

An-Naba

Aaya.: 1

عَمَّ يَتَسَآءَلُونَ

Barebananga hekulu wa shina?

Aaya.: 2

عَنِ ٱلنَّبَإِ ٱلۡعَظِيمِ

Hekulu wa amacheni amakhongo ako.

Aaya.: 3

ٱلَّذِي هُمۡ فِيهِ مُخۡتَلِفُونَ

Kalia akabawukhanangamwo.

Aaya.: 4

كَلَّا سَيَعۡلَمُونَ

Tawe! Lekha butswa. Ahambi hano baletsa okhumanya.

Aaya.: 5

ثُمَّ كَلَّا سَيَعۡلَمُونَ

Mana khandi tawe lekha butswa. Ahambi hano baletsa okhumanya.

Aaya.: 6

أَلَمۡ نَجۡعَلِ ٱلۡأَرۡضَ مِهَٰدٗا

Shikhwakhola liloba okhuba shinga obulili?

Aaya.: 7

وَٱلۡجِبَالَ أَوۡتَادٗا

Ne efikulu okhuba tsisiilo?

Aaya.: 8

وَخَلَقۡنَٰكُمۡ أَزۡوَٰجٗا

Ne ni khubaloonga tsimbia tsibili (eshisatsa neshikhasi)?

Aaya.: 9

وَجَعَلۡنَا نَوۡمَكُمۡ سُبَاتٗا

Ne nikhukhola okhukona khwenyu okhuba okhuwuluukha?

Aaya.: 10

وَجَعَلۡنَا ٱلَّيۡلَ لِبَاسٗا

Ne nikhukhola eshilo okhuba eshifwalo?

Aaya.: 11

وَجَعَلۡنَا ٱلنَّهَارَ مَعَاشٗا

Ne nikhukhola eshitere okhuba shiokhukhalabanila obulamu?

Aaya.: 12

وَبَنَيۡنَا فَوۡقَكُمۡ سَبۡعٗا شِدَادٗا

Ne nikhumbakha hekulu wenyu amakulu saba aka amaani.

Aaya.: 13

وَجَعَلۡنَا سِرَاجٗا وَهَّاجٗا

Ne nikhukasia itaa yobulafu obunji (eliuba).

Aaya.: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Ne nikhwishia amatsi karulanga mubunji okhurula mumaleesi.

Aaya.: 15

لِّنُخۡرِجَ بِهِۦ حَبّٗا وَنَبَاتٗا

Kho khurusie khuko imele nende emimela.

Aaya.: 16

وَجَنَّٰتٍ أَلۡفَافًا

Nende emikunda chiemisala chiatilana.

Aaya.: 17

إِنَّ يَوۡمَ ٱلۡفَصۡلِ كَانَ مِيقَٰتٗا

Toto inyanga yobwaukhasi yarebwaho khubise.

Aaya.: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Inyanga yolwika lulifurwamwo, nanyu muliitsa mumikanda.

Aaya.: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

Ne likulu liliikulwa liaba shinga emiliango.

Aaya.: 20

وَسُيِّرَتِ ٱلۡجِبَالُ فَكَانَتۡ سَرَابًا

Ne efikulu filisiulwa fiaba shinga amaweruweru.

Aaya.: 21

إِنَّ جَهَنَّمَ كَانَتۡ مِرۡصَادٗا

Toto Jahannamu iliindanga muno!

Aaya.: 22

لِّلطَّٰغِينَ مَـَٔابٗا

Ni habundu wokhumenya wa Ababura eshichelo (shia Nyasaye).

Aaya.: 23

لَّٰبِثِينَ فِيهَآ أَحۡقَابٗا

Balimenyamwo tsinyanga netsinyanga.

Aaya.: 24

لَّا يَذُوقُونَ فِيهَا بَرۡدٗا وَلَا شَرَابًا

Shibalipilamwo shiosishiosi eshinyifu nohomba eshinywebwa tawe.

Aaya.: 25

إِلَّا حَمِيمٗا وَغَسَّاقٗا

Halali amatsi kayile pa nende amafila.

Aaya.: 26

جَزَآءٗ وِفَاقًا

Nomurungo kubayela.

Aaya.: 27

إِنَّهُمۡ كَانُواْ لَا يَرۡجُونَ حِسَابٗا

Toto bo shibasubilanga mbu khuliba nende inyanga yokhurebwa ebikhole tawe.

Aaya.: 28

وَكَذَّبُواْ بِـَٔايَٰتِنَا كِذَّابٗا

Ne bakatsulanga muno ebimanyisio biefu.

Aaya.: 29

وَكُلَّ شَيۡءٍ أَحۡصَيۡنَٰهُ كِتَٰبٗا

Ne buli eshindu khwashimanya obulai muno mubuhandiche.

Aaya.: 30

فَذُوقُواْ فَلَن نَّزِيدَكُمۡ إِلَّا عَذَابًا

Kho pile! Shikhulabameta shiosishiosi tawe halali eshinyasio!

Aaya.: 31

إِنَّ لِلۡمُتَّقِينَ مَفَازًا

Toto abaria Nyasaye nibo abalibura.

Aaya.: 32

حَدَآئِقَ وَأَعۡنَٰبٗا

(Balinyoola) emikunda (chomwikulu) nende tsizabibu.

Aaya.: 33

وَكَوَاعِبَ أَتۡرَابٗا

Nende abakhana bayelana ninabo.

Aaya.: 34

وَكَأۡسٗا دِهَاقٗا

Nende tsigilasi tsitsule (ebinywebwa ebilayi).

Aaya.: 35

لَّا يَسۡمَعُونَ فِيهَا لَغۡوٗا وَلَا كِذَّٰبٗا

Shibaliwulilamwo obusilu nohomba okhukatsulana tawe.

Aaya.: 36

جَزَآءٗ مِّن رَّبِّكَ عَطَآءً حِسَابٗا

Omurungo okhurula khu Nyasaye wuwo Omulesi, okhuhebwa khuyela.

Aaya.: 37

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا

Nyasaye Omulesi welikulu nende eshialo nende bioosi bilimwo, Omunji wetsimbabaasi, shibalinyala okhulomaloma imbeli wuwe tawe.

Aaya.: 38

يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا

Inyanga ya Roho (Jibril) alisinjila nende Abamalaika khulunyaali. Shalilomaloma yesiyesi tawe okhuyiniakhwo ulia ulifuchililwa nende Omunji wetsimbabaasi, ne aliboola obulaamba bwonyene.

Aaya.: 39

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

Eyo niyo inyanga yatoto. Ne owenya, atile injila akalushile Nyasaye wuwe Omulesi.

Aaya.: 40

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا

Toto efwe khubekanyisilia eshinyasio shili ahambi okhuula. Inyanga yomundu alilola kayakhola omwene. Ne Omukhayi aliboola mbu: “Manyanga ndakhabeele liloba!”