Check out the new design

Ibisobanuro bya Quran Ntagatifu - Ibisobanuro bya Qur'an mu rurimi rw'igiluhiya - Ishyirahamwe mpuzamahanga ry'ubumenyi n'umuco. * - Ishakiro ry'ibisobanuro

Ibisobanuro. Isurat: Dukhanu   Umurongo:
Urutonde rw'amasura Nimero ya Paji. HTML

Ad-Dukhan

Umurongo: 1

حمٓ
Ha, Mim.
Ibisobanuro by'icyarabu:

Umurongo: 2

وَٱلۡكِتَٰبِ ٱلۡمُبِينِ
Nditsuba khushitabu shinoosinjia.
Ibisobanuro by'icyarabu:

Umurongo: 3

إِنَّآ أَنزَلۡنَٰهُ فِي لَيۡلَةٖ مُّبَٰرَكَةٍۚ إِنَّا كُنَّا مُنذِرِينَ
Toto efwe khwashishia mushilo shietsikhabi, toto efwe khuli abekanyilisi.
Ibisobanuro by'icyarabu:

Umurongo: 4

فِيهَا يُفۡرَقُ كُلُّ أَمۡرٍ حَكِيمٍ
Toto eshilo esho buli likhuwa eliamachesi linoosibungwa.
Ibisobanuro by'icyarabu:

Umurongo: 5

أَمۡرٗا مِّنۡ عِندِنَآۚ إِنَّا كُنَّا مُرۡسِلِينَ
Likhuwa lirula khwifwe, toto efwe nefwe Abaruma.
Ibisobanuro by'icyarabu:

Umurongo: 6

رَحۡمَةٗ مِّن رَّبِّكَۚ إِنَّهُۥ هُوَ ٱلسَّمِيعُ ٱلۡعَلِيمُ
Tsimbabaasi okhurula khu Nyasaye wuwo Omulesi, toto Ye ni Omuwulili po, Omumanyi muno.
Ibisobanuro by'icyarabu:

Umurongo: 7

رَبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَآۖ إِن كُنتُم مُّوقِنِينَ
Nyasaye Omulesi welikulu nende eshialo, nende bioosi bili hakari wabio, toto nimuli mbu mwasuubila noobwatoto.
Ibisobanuro by'icyarabu:

Umurongo: 8

لَآ إِلَٰهَ إِلَّا هُوَ يُحۡيِۦ وَيُمِيتُۖ رَبُّكُمۡ وَرَبُّ ءَابَآئِكُمُ ٱلۡأَوَّلِينَ
Abulaho Nyasaye wundi halali Ye tawe, alamusinjia ne afwisinjia. Nyasaye wenyu Omulesi khandi owabasenywe beyimbeli.
Ibisobanuro by'icyarabu:

Umurongo: 9

بَلۡ هُمۡ فِي شَكّٖ يَلۡعَبُونَ
Halali bo bali mutsinganakani, babayanga sa.
Ibisobanuro by'icyarabu:

Umurongo: 10

فَٱرۡتَقِبۡ يَوۡمَ تَأۡتِي ٱلسَّمَآءُ بِدُخَانٖ مُّبِينٖ
Kho linda inyanga yelikulu liakharusie omwosi kulolekha.
Ibisobanuro by'icyarabu:

Umurongo: 11

يَغۡشَى ٱلنَّاسَۖ هَٰذَا عَذَابٌ أَلِيمٞ
Kulifunikha Abandu, shino ni eshinyasio eshilulu.
Ibisobanuro by'icyarabu:

Umurongo: 12

رَّبَّنَا ٱكۡشِفۡ عَنَّا ٱلۡعَذَابَ إِنَّا مُؤۡمِنُونَ
"Nyasaye wefu Omulesi, khuyiniliekhwo eshinyasio, toto efwe khulasuubila."
Ibisobanuro by'icyarabu:

Umurongo: 13

أَنَّىٰ لَهُمُ ٱلذِّكۡرَىٰ وَقَدۡ جَآءَهُمۡ رَسُولٞ مُّبِينٞ
Okhwitsulila khwabu khubakhoonya shina bulano, ne toto Omurumwa Omwinoosia yamala okhubeetsela.
Ibisobanuro by'icyarabu:

Umurongo: 14

ثُمَّ تَوَلَّوۡاْ عَنۡهُ وَقَالُواْ مُعَلَّمٞ مَّجۡنُونٌ
Mana nibamuhelesia omukongo, nibaboola mbu: “Uno yechesibwa, naye ni Omulalu.”
Ibisobanuro by'icyarabu:

Umurongo: 15

إِنَّا كَاشِفُواْ ٱلۡعَذَابِ قَلِيلًاۚ إِنَّكُمۡ عَآئِدُونَ
Toto efwe khwitsa okhuyiniaho eshinyasio hatiti, ne toto enywe mulakalukha shinga mwali.
Ibisobanuro by'icyarabu:

Umurongo: 16

يَوۡمَ نَبۡطِشُ ٱلۡبَطۡشَةَ ٱلۡكُبۡرَىٰٓ إِنَّا مُنتَقِمُونَ
Inyanga yakhulikhupa eshikhupo eshikhongo, toto efwe khulibarunga imongo.
Ibisobanuro by'icyarabu:

Umurongo: 17

۞ وَلَقَدۡ فَتَنَّا قَبۡلَهُمۡ قَوۡمَ فِرۡعَوۡنَ وَجَآءَهُمۡ رَسُولٞ كَرِيمٌ
Ne toto efwe khwakholela Abandu ba Firauni amatemo imbeli wabu, ne yaboolela Omurumwa woluyali.
Ibisobanuro by'icyarabu:

Umurongo: 18

أَنۡ أَدُّوٓاْ إِلَيَّ عِبَادَ ٱللَّهِۖ إِنِّي لَكُمۡ رَسُولٌ أَمِينٞ
Naboola mbu: “Mumbe (akeekhoyeshele), Abasumba ba Nyasaye, toto esie endi Omurumwa omwisikwa khwinywe.
Ibisobanuro by'icyarabu:

Umurongo: 19

وَأَن لَّا تَعۡلُواْ عَلَى ٱللَّهِۖ إِنِّيٓ ءَاتِيكُم بِسُلۡطَٰنٖ مُّبِينٖ
Ne mulakholela Nyasaye obufuru tawe. Toto esie ndalabarerera ebifune biyela.
Ibisobanuro by'icyarabu:

Umurongo: 20

وَإِنِّي عُذۡتُ بِرَبِّي وَرَبِّكُمۡ أَن تَرۡجُمُونِ
Ne esie ndiliinda khu Nyasaye wanje Omulesi khandi Nyasaye wenyu Omulesi mulandasa amachina tawe.
Ibisobanuro by'icyarabu:

Umurongo: 21

وَإِن لَّمۡ تُؤۡمِنُواْ لِي فَٱعۡتَزِلُونِ
Ne nimulasuubila tawe, be ehale ninasi.”
Ibisobanuro by'icyarabu:

Umurongo: 22

فَدَعَا رَبَّهُۥٓ أَنَّ هَٰٓؤُلَآءِ قَوۡمٞ مُّجۡرِمُونَ
Nasaba Nyasaye wuwe Omulesi mbu: “Toto bano ni Abandu abamabii.”
Ibisobanuro by'icyarabu:

Umurongo: 23

فَأَسۡرِ بِعِبَادِي لَيۡلًا إِنَّكُم مُّتَّبَعُونَ
Mana Nyasaye naboola mbu: “Rula nende Abasumba banje eshilo. Toto enywe mulalondwakhwo.
Ibisobanuro by'icyarabu:

Umurongo: 24

وَٱتۡرُكِ ٱلۡبَحۡرَ رَهۡوًاۖ إِنَّهُمۡ جُندٞ مُّغۡرَقُونَ
Ne oleshe inyanza endio ngayilekhaane. Toto abo ni omukanda kweliyie kwitsa okhusishibwa.”
Ibisobanuro by'icyarabu:

Umurongo: 25

كَمۡ تَرَكُواْ مِن جَنَّٰتٖ وَعُيُونٖ
Ne balekha emikunda chinga nende tsisebele?
Ibisobanuro by'icyarabu:

Umurongo: 26

وَزُرُوعٖ وَمَقَامٖ كَرِيمٖ
Nende emimela nende obwami bwoluyali.
Ibisobanuro by'icyarabu:

Umurongo: 27

وَنَعۡمَةٖ كَانُواْ فِيهَا فَٰكِهِينَ
Nende obwokholo bwabasangalilanga.
Ibisobanuro by'icyarabu:

Umurongo: 28

كَذَٰلِكَۖ وَأَوۡرَثۡنَٰهَا قَوۡمًا ءَاخَرِينَ
Endio nilwa kali, mana nikhuhelesia ako Abandu bandi.
Ibisobanuro by'icyarabu:

Umurongo: 29

فَمَا بَكَتۡ عَلَيۡهِمُ ٱلسَّمَآءُ وَٱلۡأَرۡضُ وَمَا كَانُواْ مُنظَرِينَ
Ne likulu nohomba eshialo shibialila khulwa bo tawe, ne shibahebwa ebise tawe.
Ibisobanuro by'icyarabu:

Umurongo: 30

وَلَقَدۡ نَجَّيۡنَا بَنِيٓ إِسۡرَٰٓءِيلَ مِنَ ٱلۡعَذَابِ ٱلۡمُهِينِ
Ne toto khwahabina Abana ba Israili okhurulana nende eshinyasio shiokhubatutuyia.
Ibisobanuro by'icyarabu:

Umurongo: 31

مِن فِرۡعَوۡنَۚ إِنَّهُۥ كَانَ عَالِيٗا مِّنَ ٱلۡمُسۡرِفِينَ
Okhurulana nende Firauni, toto ye yali Omufuru mubalia babura eshichelo.
Ibisobanuro by'icyarabu:

Umurongo: 32

وَلَقَدِ ٱخۡتَرۡنَٰهُمۡ عَلَىٰ عِلۡمٍ عَلَى ٱلۡعَٰلَمِينَ
Ne toto khwabalobola khumachesi kefu, okhushila ebilonje bindi bioosi.
Ibisobanuro by'icyarabu:

Umurongo: 33

وَءَاتَيۡنَٰهُم مِّنَ ٱلۡأٓيَٰتِ مَا فِيهِ بَلَٰٓؤٞاْ مُّبِينٌ
Ne nikhubahelesia ebimanyisio biefu, amatemo kalolekha.
Ibisobanuro by'icyarabu:

Umurongo: 34

إِنَّ هَٰٓؤُلَآءِ لَيَقُولُونَ
Toto bano baboolanga mbu:
Ibisobanuro by'icyarabu:

Umurongo: 35

إِنۡ هِيَ إِلَّا مَوۡتَتُنَا ٱلۡأُولَىٰ وَمَا نَحۡنُ بِمُنشَرِينَ
“Khubulaho okhufwa khundi tawe halali okhufwa khweimbeli sa, ne efwe shikhulilamusibwa tawe.
Ibisobanuro by'icyarabu:

Umurongo: 36

فَأۡتُواْ بِـَٔابَآئِنَآ إِن كُنتُمۡ صَٰدِقِينَ
Mana lamusiekhwo basefwe nikali mbu muboolanga habwene.”
Ibisobanuro by'icyarabu:

Umurongo: 37

أَهُمۡ خَيۡرٌ أَمۡ قَوۡمُ تُبَّعٖ وَٱلَّذِينَ مِن قَبۡلِهِمۡ أَهۡلَكۡنَٰهُمۡۚ إِنَّهُمۡ كَانُواْ مُجۡرِمِينَ
Koo, abo naabalayi muno nohomba Abandu ba Tuba’ nende balia baliho imbeli wabu bakhwasishia? Toto abo bali abamabii.
Ibisobanuro by'icyarabu:

Umurongo: 38

وَمَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا لَٰعِبِينَ
Ne efwe shikhwaloonga likulu nende bioosi bilimwo khumubayo tawe.
Ibisobanuro by'icyarabu:

Umurongo: 39

مَا خَلَقۡنَٰهُمَآ إِلَّا بِٱلۡحَقِّ وَلَٰكِنَّ أَكۡثَرَهُمۡ لَا يَعۡلَمُونَ
Shikhwabiloonga tawe halali khubwatoto, ne abaanji mubo shibamanyile tawe.
Ibisobanuro by'icyarabu:

Umurongo: 40

إِنَّ يَوۡمَ ٱلۡفَصۡلِ مِيقَٰتُهُمۡ أَجۡمَعِينَ
Toto inyanga yokhubusia eshina ni ebise biabu biabarererwaho boosi.
Ibisobanuro by'icyarabu:

Umurongo: 41

يَوۡمَ لَا يُغۡنِي مَوۡلًى عَن مَّوۡلٗى شَيۡـٔٗا وَلَا هُمۡ يُنصَرُونَ
Inyanga yomwitsa omukhoonyi shalikhoonya owashie nende shiosishiosi tawe, ne shibalihabinwa tawe.
Ibisobanuro by'icyarabu:

Umurongo: 42

إِلَّا مَن رَّحِمَ ٱللَّهُۚ إِنَّهُۥ هُوَ ٱلۡعَزِيزُ ٱلرَّحِيمُ
Halali ulia owa Nyasaye alihelesia tsimbabaasi. Toto ye niwa Amaani, Owobukoosia muno.
Ibisobanuro by'icyarabu:

Umurongo: 43

إِنَّ شَجَرَتَ ٱلزَّقُّومِ
Toto omusaala kwa Zaqum.
Ibisobanuro by'icyarabu:

Umurongo: 44

طَعَامُ ٱلۡأَثِيمِ
Ni eshiakhulia shia owetsimbi.
Ibisobanuro by'icyarabu:

Umurongo: 45

كَٱلۡمُهۡلِ يَغۡلِي فِي ٱلۡبُطُونِ
Shinga amafura kasalulusibwe karabachilanga munda.
Ibisobanuro by'icyarabu:

Umurongo: 46

كَغَلۡيِ ٱلۡحَمِيمِ
Shinga okhurabachila khwa amatsi kayile pa.
Ibisobanuro by'icyarabu:

Umurongo: 47

خُذُوهُ فَٱعۡتِلُوهُ إِلَىٰ سَوَآءِ ٱلۡجَحِيمِ
Baliboolelwa mbu: “Mumutile mana mumusukune hakari womulilo kwa Jahim.
Ibisobanuro by'icyarabu:

Umurongo: 48

ثُمَّ صُبُّواْ فَوۡقَ رَأۡسِهِۦ مِنۡ عَذَابِ ٱلۡحَمِيمِ
Mana muyombole khumurwe kukwe eshinyasio shia amaatsi karabachilanga.
Ibisobanuro by'icyarabu:

Umurongo: 49

ذُقۡ إِنَّكَ أَنتَ ٱلۡعَزِيزُ ٱلۡكَرِيمُ
Pila.. toto (mbu newe welolanga), newe Omwami, Woluyali?
Ibisobanuro by'icyarabu:

Umurongo: 50

إِنَّ هَٰذَا مَا كُنتُم بِهِۦ تَمۡتَرُونَ
Toto kano niko kamwakanakanangakhwo.'”
Ibisobanuro by'icyarabu:

Umurongo: 51

إِنَّ ٱلۡمُتَّقِينَ فِي مَقَامٍ أَمِينٖ
Toto abaria Nyasaye baliba habundu womulembe.
Ibisobanuro by'icyarabu:

Umurongo: 52

فِي جَنَّٰتٖ وَعُيُونٖ
Mumikunda chomwikulu nende mutsisebele.
Ibisobanuro by'icyarabu:

Umurongo: 53

يَلۡبَسُونَ مِن سُندُسٖ وَإِسۡتَبۡرَقٖ مُّتَقَٰبِلِينَ
Balifwala tsingubo tsinderere tsinyangu tsia hariri..nende tsisiro .. nibahengana.
Ibisobanuro by'icyarabu:

Umurongo: 54

كَذَٰلِكَ وَزَوَّجۡنَٰهُم بِحُورٍ عِينٖ
Endio nilwo lwakaliba, ne khulibabashila mahurul-ain (abakhana bomwikulu).
Ibisobanuro by'icyarabu:

Umurongo: 55

يَدۡعُونَ فِيهَا بِكُلِّ فَٰكِهَةٍ ءَامِنِينَ
Bali laangamwo ebiamo bietsimbia tsioosi nibekhaale nomulembe.
Ibisobanuro by'icyarabu:

Umurongo: 56

لَا يَذُوقُونَ فِيهَا ٱلۡمَوۡتَ إِلَّا ٱلۡمَوۡتَةَ ٱلۡأُولَىٰۖ وَوَقَىٰهُمۡ عَذَابَ ٱلۡجَحِيمِ
Omo shibalipilamwo lifwa tawe, halali okhufwa khwokhuranga. Ne Nyasaye alibalinda okhurulana nende eshinyasio shia Jahim.
Ibisobanuro by'icyarabu:

Umurongo: 57

فَضۡلٗا مِّن رَّبِّكَۚ ذَٰلِكَ هُوَ ٱلۡفَوۡزُ ٱلۡعَظِيمُ
Tsino nitsimbabaasi okhurula khu Nyasaye wuwo Omulesi, okho nikho okhubura okhukhongo.
Ibisobanuro by'icyarabu:

Umurongo: 58

فَإِنَّمَا يَسَّرۡنَٰهُ بِلِسَانِكَ لَعَلَّهُمۡ يَتَذَكَّرُونَ
Ne efwe khwaikhola (Ikurani) okhuba inyangu khululimi lulwo kho banyoole okhwitsulila.
Ibisobanuro by'icyarabu:

Umurongo: 59

فَٱرۡتَقِبۡ إِنَّهُم مُّرۡتَقِبُونَ
Kho liinda, bosi toto baliindanga butswa.
Ibisobanuro by'icyarabu:
 
Ibisobanuro. Isurat: Dukhanu
Urutonde rw'amasura Nimero ya Paji.
 
Ibisobanuro bya Quran Ntagatifu - Ibisobanuro bya Qur'an mu rurimi rw'igiluhiya - Ishyirahamwe mpuzamahanga ry'ubumenyi n'umuco. - Ishakiro ry'ibisobanuro

Biturutse ishyirahamwe mpuzamahanga ry'ubumenyi n'umuco.

Gufunga.