Check out the new design

Fassarar Ma'anonin Alqura'ni - Fassara a yaren Luwanci - Ƙungiyar Duniya ta Kimiyya da wayewar al'adu * - Teburin Bayani kan wasu Fassarori

Fassarar Ma'anoni Sura: Al'haqah   Aya:
Teburin Jerin Sunayen Surori Lambar shafi HTML

Al-Haqqah

Aya: 1

ٱلۡحَآقَّةُ
Eliatoto (lilirurila).
Tafsiran larabci:

Aya: 2

مَا ٱلۡحَآقَّةُ
Ne eliatoto (lilirurila) elo ni shina?
Tafsiran larabci:

Aya: 3

وَمَآ أَدۡرَىٰكَ مَا ٱلۡحَآقَّةُ
Ne nishina shikhumanyia eliatoto elo?
Tafsiran larabci:

Aya: 4

كَذَّبَتۡ ثَمُودُ وَعَادُۢ بِٱلۡقَارِعَةِ
Abandu ba Tsamudi nende A’ad bakatsula amasila karenjinjia omwoyo.
Tafsiran larabci:

Aya: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ
Mana Abandu ba Tsamudi basishibwa nende amasila amakali.
Tafsiran larabci:

Aya: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ
Ne Abandu ba A’ad basishibwa nomuyeka kweyimbumbuyeka.
Tafsiran larabci:

Aya: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ
Okwayabarumila khubilo saba nende tsinyanga munane tsilondokhana, olola Abandu nibalambalile shinga emisala chia mitende emikhaya.
Tafsiran larabci:

Aya: 8

فَهَلۡ تَرَىٰ لَهُم مِّنۢ بَاقِيَةٖ
Kho ololangakhwo yesiyesi mubo watong’a?
Tafsiran larabci:

Aya: 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ
Ne Firauni niyetsa nende abali imbeli wuwe, nende tsingongo tsiakalukhanibwa hasi niba hekulu, okhurulana nende tsimbi tsiabu.
Tafsiran larabci:

Aya: 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً
Nibakhaya okhuloonda Omurumwa wa Nyasaye wabu Omulesi, ne mana nabakhamara obutinyu muno.
Tafsiran larabci:

Aya: 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ
Toto olwa amaatsi ketsula, khwabachinga Muliaro.
Tafsiran larabci:

Aya: 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ
Khulwokhukhola ako kabe eshitsulisio khwinywe, ne shikawulile eshirwi shiokhuwulila.
Tafsiran larabci:

Aya: 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ
Olwa olwika lulifurwamwo okhufurwa khulala.
Tafsiran larabci:

Aya: 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ
Ne eshialo nende efikulu olwa bilichingwa, mana biswakwe okhuswakwa khulala.
Tafsiran larabci:

Aya: 15

فَيَوۡمَئِذٖ وَقَعَتِ ٱلۡوَاقِعَةُ
Inyanga eyo niyo olwe indukho ilirulila.
Tafsiran larabci:

Aya: 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ
Ne likulu lilirandukha, nalio inyanga eyo liliba liteshele.
Tafsiran larabci:

Aya: 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ
Ne Abamalaika baliba khundulo khwalio, ne munane mubo balichinga eshifumbi shiobwami shia Omulesi wuwo hekulu wabu.
Tafsiran larabci:

Aya: 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ
Inyanga eyo mulirebwa habulafu mwesi, ne shibulaho shiosishiosi shiliifisa mwinywe.
Tafsiran larabci:

Aya: 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ
Kho ulia ulihebwa eshitabu shishie nomukhono omuluunji, aliboola mbu: “Itse musomekhwo eshitabu shianjie.
Tafsiran larabci:

Aya: 20

إِنِّي ظَنَنتُ أَنِّي مُلَٰقٍ حِسَابِيَهۡ
Toto bwene ndali ndamanya ndilinyola okhurebwa ebikhole bianje.”
Tafsiran larabci:

Aya: 21

فَهُوَ فِي عِيشَةٖ رَّاضِيَةٖ
Kho aliba mubulamu buchamisia.
Tafsiran larabci:

Aya: 22

فِي جَنَّةٍ عَالِيَةٖ
Mumukunda kwomwikulu kwa hekulu.
Tafsiran larabci:

Aya: 23

قُطُوفُهَا دَانِيَةٞ
Ebiamo biakwo bili ahambi.
Tafsiran larabci:

Aya: 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ
“Lie mana munywe mubusangafu okhurulana nende kamwaranjilisia mutsinyanga tsiabura (khushialo).”
Tafsiran larabci:

Aya: 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ
Ne ulia ulihebwa eshitabo shishie nomukhono omukhasi, aliboola mbu: “Manyanga ekhaya okhuhebwa eshitabu shianje.
Tafsiran larabci:

Aya: 26

وَلَمۡ أَدۡرِ مَا حِسَابِيَهۡ
Mana kata ekhayanga okhumanya shinga ndilirebwa ebikhole bianje.
Tafsiran larabci:

Aya: 27

يَٰلَيۡتَهَا كَانَتِ ٱلۡقَاضِيَةَ
Aaah bayee liakhaberesa lifwa elala (ndakhaya okhulamusibwa).
Tafsiran larabci:

Aya: 28

مَآ أَغۡنَىٰ عَنِّي مَالِيَهۡۜ
Emiandu chianje shichiakhoonya shiosishiosi tawe.
Tafsiran larabci:

Aya: 29

هَلَكَ عَنِّي سُلۡطَٰنِيَهۡ
Obwami bwanje buuwerekhwo!”
Tafsiran larabci:

Aya: 30

خُذُوهُ فَغُلُّوهُ
Mumubukule mana mumuboye.
Tafsiran larabci:

Aya: 31

ثُمَّ ٱلۡجَحِيمَ صَلُّوهُ
Mana mumusukune mumulilo.
Tafsiran larabci:

Aya: 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ
Mana mumuboyokanie nomunyororo kweshichelo shiemikhono amakhumi saba.
Tafsiran larabci:

Aya: 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ
Toto bwene shiyali yasuubila Nyasaye woluyali tawe.
Tafsiran larabci:

Aya: 34

وَلَا يَحُضُّ عَلَىٰ طَعَامِ ٱلۡمِسۡكِينِ
Ne shiyatinyisinjia okhulisia abamanani tawe.
Tafsiran larabci:

Aya: 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ
Mana lwalelo ano abula Omulina.
Tafsiran larabci:

Aya: 36

وَلَا طَعَامٌ إِلَّا مِنۡ غِسۡلِينٖ
Nohomba eshiakhulia halali ghislin (amafila).
Tafsiran larabci:

Aya: 37

لَّا يَأۡكُلُهُۥٓ إِلَّا ٱلۡخَٰطِـُٔونَ
Shibashiliitsanga tawe halali Abandu betsimbi.
Tafsiran larabci:

Aya: 38

فَلَآ أُقۡسِمُ بِمَا تُبۡصِرُونَ
Ne nditsuba khubia mulolanga.
Tafsiran larabci:

Aya: 39

وَمَا لَا تُبۡصِرُونَ
Nende khubia mulalolanga tawe.
Tafsiran larabci:

Aya: 40

إِنَّهُۥ لَقَوۡلُ رَسُولٖ كَرِيمٖ
Toto bwene namakhuwa ka Omurumwa Owoluyali.
Tafsiran larabci:

Aya: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ
Ne shinamakhuwa ka omwimbi wa mashairi tawe. Obusubili bwenyu nibutiti po.
Tafsiran larabci:

Aya: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ
Nohomba shinamakhuwa komufumu tawe. Okhwitsulila khwenyu nokhutiti muno.
Tafsiran larabci:

Aya: 43

تَنزِيلٞ مِّن رَّبِّ ٱلۡعَٰلَمِينَ
Keshibwa okhurula khu Nyasaye Omulesi webiloonje bioosi.
Tafsiran larabci:

Aya: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ
Ne akhuchishilanga amakhuwa kandi.
Tafsiran larabci:

Aya: 45

لَأَخَذۡنَا مِنۡهُ بِٱلۡيَمِينِ
Toto khwakhamutilile nende omukhono omulunji.
Tafsiran larabci:

Aya: 46

ثُمَّ لَقَطَعۡنَا مِنۡهُ ٱلۡوَتِينَ
Mana khwakhamukhalache omusi omukhongo kwomwoyo.
Tafsiran larabci:

Aya: 47

فَمَا مِنكُم مِّنۡ أَحَدٍ عَنۡهُ حَٰجِزِينَ
Ne awumao yesiyesi mwinywe wakhakhwikaliile.
Tafsiran larabci:

Aya: 48

وَإِنَّهُۥ لَتَذۡكِرَةٞ لِّلۡمُتَّقِينَ
Ne ako ni amachelo khubaria Nyasaye.
Tafsiran larabci:

Aya: 49

وَإِنَّا لَنَعۡلَمُ أَنَّ مِنكُم مُّكَذِّبِينَ
Ne toto bwene khwamanya mbu mwinywe balimwo abakhayi.
Tafsiran larabci:

Aya: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ
Ne toto bwene abakhayi baliyitsulisia.
Tafsiran larabci:

Aya: 51

وَإِنَّهُۥ لَحَقُّ ٱلۡيَقِينِ
Ne toto nobwatoto bubulamwo tsinganakani.
Tafsiran larabci:

Aya: 52

فَسَبِّحۡ بِٱسۡمِ رَبِّكَ ٱلۡعَظِيمِ
Kho mana tswenula elira lia Nyasaye wuwo Woluyali.
Tafsiran larabci:
 
Fassarar Ma'anoni Sura: Al'haqah
Teburin Jerin Sunayen Surori Lambar shafi
 
Fassarar Ma'anonin Alqura'ni - Fassara a yaren Luwanci - Ƙungiyar Duniya ta Kimiyya da wayewar al'adu - Teburin Bayani kan wasu Fassarori

Wanda ya fito daga Ƙungiyar Duniya ta Ilimi da wayewar al'adu.

Rufewa