Translation of the Meanings Surah Al-Fajr - Luhya translation - International Society for Science and Culture - Encyclopedia of the Noble Quran

Al-Fajr

Verse: 1

وَٱلۡفَجۡرِ

Nditsuba khubise biomumabwibwi.

Verse: 2

وَلَيَالٍ عَشۡرٖ

Nende khubilo ekhumi.

Verse: 3

وَٱلشَّفۡعِ وَٱلۡوَتۡرِ

Nende khu bibili bibili nende khushilala shilala.

Verse: 4

وَٱلَّيۡلِ إِذَا يَسۡرِ

Nende khushilo shinga shiburanga.

Verse: 5

هَلۡ فِي ذَٰلِكَ قَسَمٞ لِّذِي حِجۡرٍ

Kho, mu kano shilimwo eshitsubo khumuchesi?

Verse: 6

أَلَمۡ تَرَ كَيۡفَ فَعَلَ رَبُّكَ بِعَادٍ

Shiwalolakhwo shinga Nyasaye wuwo Omulesi yakhola Abandu ba A’di tawe?

Verse: 7

إِرَمَ ذَاتِ ٱلۡعِمَادِ

Abandu ba Iram, eyali nende tsinzu tsindambi?

Verse: 8

ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ

Aba Nyasaye alalongakhwo shinga bo khushialo tawe.

Verse: 9

وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ

Nende Thamudi abakasinjia tsinzu mumatwoma?

Verse: 10

وَفِرۡعَوۡنَ ذِي ٱلۡأَوۡتَادِ

Nende Firauni wetsinzu shinga tsisiilo?

Verse: 11

ٱلَّذِينَ طَغَوۡاْ فِي ٱلۡبِلَٰدِ

Abakhola tsimbi muno khushialo?

Verse: 12

فَأَكۡثَرُواْ فِيهَا ٱلۡفَسَادَ

Nibetsusiamwo obwononia?

Verse: 13

فَصَبَّ عَلَيۡهِمۡ رَبُّكَ سَوۡطَ عَذَابٍ

Mana Nyasaye wuwo Omulesi nabakhupa eshiboko shieshinyasio.

Verse: 14

إِنَّ رَبَّكَ لَبِٱلۡمِرۡصَادِ

Toto Nyasaye wuwo Omulesi abahenganga nabalindilile.

Verse: 15

فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ

Ne Omundu olwa Nyasaye wuwe Omulesi amutema namuhelesia emiandu nende obwokholo, amalanga aboola mbu: “Nyasaye wanje Omulesi yambelesiye oluyali!”

Verse: 16

وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ

Ne namutema mana amuleemie omukabo kwe, naboola mbu: “Nyasaye wanje Omulesi yandutuyia!”

Verse: 17

كَلَّاۖ بَل لَّا تُكۡرِمُونَ ٱلۡيَتِيمَ

Shikali kario tawe! Halali enywe shimuhenganga abana bafwilwa neshisa tawe.

Verse: 18

وَلَا تَحَٰٓضُّونَ عَلَىٰ طَعَامِ ٱلۡمِسۡكِينِ

Ne shimutinyisaninjia okhulisia abamanani tawe.

Verse: 19

وَتَأۡكُلُونَ ٱلتُّرَاثَ أَكۡلٗا لَّمّٗا

Ne mulitsanga emiandu chia abafwilwa okhulia khwatoto.

Verse: 20

وَتُحِبُّونَ ٱلۡمَالَ حُبّٗا جَمّٗا

Ne mwayanza emiandu obuyanzi obuunji muno.

Verse: 21

كَلَّآۖ إِذَا دُكَّتِ ٱلۡأَرۡضُ دَكّٗا دَكّٗا

Shikali kario tawe! Olwa eshialo shilifunakwa ebitonye ebitonye.

Verse: 22

وَجَآءَ رَبُّكَ وَٱلۡمَلَكُ صَفّٗا صَفّٗا

Ne aliitsa Nyasaye wuwo Omulesi nende Abamalaika olunyali olunyali.

Verse: 23

وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٖ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ

Ne omulilo kwa Jahannamu kulireerwa inyanga eyo, omundu inyanga eyo alitsulila, halali okhwitsulila okho shikhulimukhoonya shiosishiosi tawe.

Verse: 24

يَقُولُ يَٰلَيۡتَنِي قَدَّمۡتُ لِحَيَاتِي

Aliboola mbu: “Manyanga, ndakharanjisiliyie ebikhole ebilayi khulwa obulamu bwanje (bwemakombe)!”

Verse: 25

فَيَوۡمَئِذٖ لَّا يُعَذِّبُ عَذَابَهُۥٓ أَحَدٞ

Mana inyanga eyo abulaho yesiyesi ulihelesia eshinyasio shinga eshinyasio shishie.

Verse: 26

وَلَا يُوثِقُ وَثَاقَهُۥٓ أَحَدٞ

Ne yesiyesi shaliboya shinga okhuboya khukhwe tawe.

Verse: 27

يَٰٓأَيَّتُهَا ٱلنَّفۡسُ ٱلۡمُطۡمَئِنَّةُ

Ewe omwoyo omwihotselefu!

Verse: 28

ٱرۡجِعِيٓ إِلَىٰ رَبِّكِ رَاضِيَةٗ مَّرۡضِيَّةٗ

Kalukha khu Nyasaye wuwo Omulesi noli nende obuchami, ne khandi nochamilwe.

Verse: 29

فَٱدۡخُلِي فِي عِبَٰدِي

Kho injila halala nende Abasumba banje.

Verse: 30

وَٱدۡخُلِي جَنَّتِي

Mana winjile mumukunda kwanje kwomwikulu.