Ibisobanuro by'amagambo Isura Al Hijri - Ibisobanuro bya Qur'an mu rurimi rw'igiluhiya - Ishyirahamwe mpuzamahanga ry'ubumenyi n'umuco. - ububiko bwa qor'an yejejwe

Al-Hijr

Umurongo: 1

الٓرۚ تِلۡكَ ءَايَٰتُ ٱلۡكِتَٰبِ وَقُرۡءَانٖ مُّبِينٖ

Alif Lam Ra. Tsino ni tsinyaali tsieshitabu nende Ikurani yinoosinjia.

Umurongo: 2

رُّبَمَا يَوَدُّ ٱلَّذِينَ كَفَرُواْ لَوۡ كَانُواْ مُسۡلِمِينَ

Awundi balitsa bekomba balia bakhaya mbu, bamanyanga baba Abasalamu.

Umurongo: 3

ذَرۡهُمۡ يَأۡكُلُواْ وَيَتَمَتَّعُواْ وَيُلۡهِهِمُ ٱلۡأَمَلُۖ فَسَوۡفَ يَعۡلَمُونَ

Baleshe sa balie ebiakhulia mana basangale, mana bakatibwe nende amekombo kobubeyi (mbu balileshelwa), ahambi ano betsa okhumanya.

Umurongo: 4

وَمَآ أَهۡلَكۡنَا مِن قَرۡيَةٍ إِلَّا وَلَهَا كِتَابٞ مَّعۡلُومٞ

Ne shikhwasishiakhwo olukongo lwosilwosi tawe, halali lwali nende ebise bialwo bimanyikhane.

Umurongo: 5

مَّا تَسۡبِقُ مِنۡ أُمَّةٍ أَجَلَهَا وَمَا يَسۡتَـٔۡخِرُونَ

Ne babulaho abandu bosibosi banyala okhuranjilila ebise biabu bieyindukho, nohomba shibanyala okhushinda tawe.

Umurongo: 6

وَقَالُواْ يَٰٓأَيُّهَا ٱلَّذِي نُزِّلَ عَلَيۡهِ ٱلذِّكۡرُ إِنَّكَ لَمَجۡنُونٞ

Ne baboola mbu; “Ewe oweshilibwa ametsulisio, toto ewe oli omulalu.

Umurongo: 7

لَّوۡمَا تَأۡتِينَا بِٱلۡمَلَٰٓئِكَةِ إِن كُنتَ مِنَ ٱلصَّٰدِقِينَ

Shichila shina nolakhurerera Abamalaika nikali mbu ewe oli mubaboolanga obwatoto?"

Umurongo: 8

مَا نُنَزِّلُ ٱلۡمَلَٰٓئِكَةَ إِلَّا بِٱلۡحَقِّ وَمَا كَانُوٓاْ إِذٗا مُّنظَرِينَ

Efwe shikhwishinjia Abamalaika tawe halali khubwatoto (ebise biokhusishibwa khwabu nibiula), ne awo shibalihebwa obwiyangu tawe (balisishibwa butswa).

Umurongo: 9

إِنَّا نَحۡنُ نَزَّلۡنَا ٱلذِّكۡرَ وَإِنَّا لَهُۥ لَحَٰفِظُونَ

Toto efwe nefwe khweshia ametsulisio kano, ne khandi toto efwe nefwe khwitsa okhukalinda.

Umurongo: 10

وَلَقَدۡ أَرۡسَلۡنَا مِن قَبۡلِكَ فِي شِيَعِ ٱلۡأَوَّلِينَ

Ne toto khwaruma Abarumwa mumikanda chia abandu beyimbeli.

Umurongo: 11

وَمَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ

Ne Omurumwa yesiyesi shiyabetselanga halali bo bamukholelanga omubayo.

Umurongo: 12

كَذَٰلِكَ نَسۡلُكُهُۥ فِي قُلُوبِ ٱلۡمُجۡرِمِينَ

Ne endio nilwa khuyinjisinjia mumioyo chia balia abamabii.

Umurongo: 13

لَا يُؤۡمِنُونَ بِهِۦ وَقَدۡ خَلَتۡ سُنَّةُ ٱلۡأَوَّلِينَ

Shibaisuubilanga tawe, ne bamala okhulola shingala kali khubandu bali imbeli wabu eyo.

Umurongo: 14

وَلَوۡ فَتَحۡنَا عَلَيۡهِم بَابٗا مِّنَ ٱلسَّمَآءِ فَظَلُّواْ فِيهِ يَعۡرُجُونَ

Ne khubekulilanga omuliango kwomwikulu, mana baba nibaninangamwo.

Umurongo: 15

لَقَالُوٓاْ إِنَّمَا سُكِّرَتۡ أَبۡصَٰرُنَا بَلۡ نَحۡنُ قَوۡمٞ مَّسۡحُورُونَ

Bakhaboolele mbu; “Toto tsimoni tsiefu tsimeesibwe, ne efwe abeene ni ababdu khulochelwe.”

Umurongo: 16

وَلَقَدۡ جَعَلۡنَا فِي ٱلسَّمَآءِ بُرُوجٗا وَزَيَّنَّٰهَا لِلنَّٰظِرِينَ

Ne toto khwara mwikulu tsing’ining’ini tsikhongo, mana nikhutsirona khubalia bokhuhenga.

Umurongo: 17

وَحَفِظۡنَٰهَا مِن كُلِّ شَيۡطَٰنٖ رَّجِيمٍ

Ne khwatsilinda okhurulana nende buli Shetani ulondungwa.

Umurongo: 18

إِلَّا مَنِ ٱسۡتَرَقَ ٱلسَّمۡعَ فَأَتۡبَعَهُۥ شِهَابٞ مُّبِينٞ

Halali ulia uwulilisinjia mukhwiba, naye mana, amulondangakhwo nende eshichenga shiomulilo shilolokha.

Umurongo: 19

وَٱلۡأَرۡضَ مَدَدۡنَٰهَا وَأَلۡقَيۡنَا فِيهَا رَوَٰسِيَ وَأَنۢبَتۡنَا فِيهَا مِن كُلِّ شَيۡءٖ مَّوۡزُونٖ

Ne liloba khwaliala mana nikhuramwo tsingulu ne nikhumesiamwo buli eshindu khushichelo.

Umurongo: 20

وَجَعَلۡنَا لَكُمۡ فِيهَا مَعَٰيِشَ وَمَن لَّسۡتُمۡ لَهُۥ بِرَٰزِقِينَ

Ne nikhubakasiliamwo obulamu nende ebindi bia enywe mulabikabilanga emikabo tawe.

Umurongo: 21

وَإِن مِّن شَيۡءٍ إِلَّا عِندَنَا خَزَآئِنُهُۥ وَمَا نُنَزِّلُهُۥٓ إِلَّا بِقَدَرٖ مَّعۡلُومٖ

Ne shibulaho shiosishiosi halali khuli nende ebiachi biashio. Ne sikhushiishinjia tawe halali khushichelo shimanyishe.

Umurongo: 22

وَأَرۡسَلۡنَا ٱلرِّيَٰحَ لَوَٰقِحَ فَأَنزَلۡنَا مِنَ ٱلسَّمَآءِ مَآءٗ فَأَسۡقَيۡنَٰكُمُوهُ وَمَآ أَنتُمۡ لَهُۥ بِخَٰزِنِينَ

Ne khureranga omuyeka kwitsulemwo liime, ne khwishinjia amatsi okhurula mumaleesi. Mana khubanywesinjia amatsi ako. Ne shimuli enywe mukabikhanga tawe.

Umurongo: 23

وَإِنَّا لَنَحۡنُ نُحۡيِۦ وَنُمِيتُ وَنَحۡنُ ٱلۡوَٰرِثُونَ

Ne toto ni efwe khulamusinjia ne nefwe abafwisinjia, ne efwe nefwe abalichelama (buli eshindu).

Umurongo: 24

وَلَقَدۡ عَلِمۡنَا ٱلۡمُسۡتَقۡدِمِينَ مِنكُمۡ وَلَقَدۡ عَلِمۡنَا ٱلۡمُسۡتَـٔۡخِرِينَ

Ne toto khwamala okhumanya abaranjilila mwinywe, ne toto khwamala okhumanya abatong’a inyuma.

Umurongo: 25

وَإِنَّ رَبَّكَ هُوَ يَحۡشُرُهُمۡۚ إِنَّهُۥ حَكِيمٌ عَلِيمٞ

Ne toto Nyasaye wuwo Omulesi niye wakhabakhung’asie. Toto Ye niye Owamachesi, Omumanyi muno.

Umurongo: 26

وَلَقَدۡ خَلَقۡنَا ٱلۡإِنسَٰنَ مِن صَلۡصَٰلٖ مِّنۡ حَمَإٖ مَّسۡنُونٖ

Ne toto khwalonga omundu okhurula khwiloba eliumu, eliwumukhanga (nilituywa), elirulana nende amatoyi amamali akakalukhana ifwani.

Umurongo: 27

وَٱلۡجَآنَّ خَلَقۡنَٰهُ مِن قَبۡلُ مِن نَّارِ ٱلسَّمُومِ

Ne lijini khwalilonga imbeli awo, okhurulana nende omuyeka kwomulilo.

Umurongo: 28

وَإِذۡ قَالَ رَبُّكَ لِلۡمَلَٰٓئِكَةِ إِنِّي خَٰلِقُۢ بَشَرٗا مِّن صَلۡصَٰلٖ مِّنۡ حَمَإٖ مَّسۡنُونٖ

Ne Nyasaye wuwo Omulesi olwa yaboolela Abamalaika mbu; “Toto esie nditsa okhulonga omundu okhurula khuliloba liwumukhanga (nilituywa), lirulana nende amatoyi amamali akakalukhana ifwani.

Umurongo: 29

فَإِذَا سَوَّيۡتُهُۥ وَنَفَخۡتُ فِيهِ مِن رُّوحِي فَقَعُواْ لَهُۥ سَٰجِدِينَ

Kho olwa emala okhumulonga, mana nemufuramwo mumiuya chianje, mumurerere hasi obweni."

Umurongo: 30

فَسَجَدَ ٱلۡمَلَٰٓئِكَةُ كُلُّهُمۡ أَجۡمَعُونَ

Kho, Abamalaika boosi halala nibamurerera hasi obweni (basujuda).

Umurongo: 31

إِلَّآ إِبۡلِيسَ أَبَىٰٓ أَن يَكُونَ مَعَ ٱلسَّٰجِدِينَ

Halali Ibilisi, yakhaya okhuba halala nende balia bara hasi obweni (basujuda).

Umurongo: 32

قَالَ يَٰٓإِبۡلِيسُ مَا لَكَ أَلَّا تَكُونَ مَعَ ٱلسَّٰجِدِينَ

(Nyasaye) Naboola mbu; “Ewe Ibilisi, obele orie ulabeele halala nende abarerere hasi obweni (abasujude)?”

Umurongo: 33

قَالَ لَمۡ أَكُن لِّأَسۡجُدَ لِبَشَرٍ خَلَقۡتَهُۥ مِن صَلۡصَٰلٖ مِّنۡ حَمَإٖ مَّسۡنُونٖ

Naboola mbu; “Shenyala okhurerera hasi obweni omundu wawaloonga khuliloba eliumu, liwumukhanga (nilituywa), elirula khu matoyi amamali akakalukhana ifwani tawe.”

Umurongo: 34

قَالَ فَٱخۡرُجۡ مِنۡهَا فَإِنَّكَ رَجِيمٞ

(Nyasaye) Naboola mbu; “Mana kharula omo! Toto olondelwe muno.

Umurongo: 35

وَإِنَّ عَلَيۡكَ ٱللَّعۡنَةَ إِلَىٰ يَوۡمِ ٱلدِّينِ

Ne toto oli nende eshilamo shianje okhula Inyanga yeyindukho.”

Umurongo: 36

قَالَ رَبِّ فَأَنظِرۡنِيٓ إِلَىٰ يَوۡمِ يُبۡعَثُونَ

Naboola mbu; “Nyasaye wanje Omulesi, mbelesia obwiyangu okhula inyanga yabalilamusibwa.”

Umurongo: 37

قَالَ فَإِنَّكَ مِنَ ٱلۡمُنظَرِينَ

(Nyasaye) Naboola mbu; “Toto ewe oli mubalia bahesibwe obwiyangu.

Umurongo: 38

إِلَىٰ يَوۡمِ ٱلۡوَقۡتِ ٱلۡمَعۡلُومِ

Okhula inyanga yebise bimanyishe biarebwaho.”

Umurongo: 39

قَالَ رَبِّ بِمَآ أَغۡوَيۡتَنِي لَأُزَيِّنَنَّ لَهُمۡ فِي ٱلۡأَرۡضِ وَلَأُغۡوِيَنَّهُمۡ أَجۡمَعِينَ

Naboola mbu; “Nyasaye wanje Omulesi, shingala wukholele okhukora, toto nditsa okhubaronela (abandu) khushialo, ne toto nditsa okhubakosia boosi.

Umurongo: 40

إِلَّا عِبَادَكَ مِنۡهُمُ ٱلۡمُخۡلَصِينَ

Halali abasumba bobo mubo abawulwa.”

Umurongo: 41

قَالَ هَٰذَا صِرَٰطٌ عَلَيَّ مُسۡتَقِيمٌ

(Nyasaye) Naboola mbu; “Ino ni injila yokhwitsa ewanje ingololofu.

Umurongo: 42

إِنَّ عِبَادِي لَيۡسَ لَكَ عَلَيۡهِمۡ سُلۡطَٰنٌ إِلَّا مَنِ ٱتَّبَعَكَ مِنَ ٱلۡغَاوِينَ

Ne toto ewe sholaba nende obunyali khu abasumba banje tawe, halali balia abakhulondakhwo mubalia abakora .

Umurongo: 43

وَإِنَّ جَهَنَّمَ لَمَوۡعِدُهُمۡ أَجۡمَعِينَ

Ne toto Jahannam niho habundu wabu wabakasilibwa boosi.

Umurongo: 44

لَهَا سَبۡعَةُ أَبۡوَٰبٖ لِّكُلِّ بَابٖ مِّنۡهُمۡ جُزۡءٞ مَّقۡسُومٌ

Ili nende emiliango saba, ne buli omuliango kuli nende ebuleka yakwakabulilwa mubo."

Umurongo: 45

إِنَّ ٱلۡمُتَّقِينَ فِي جَنَّٰتٖ وَعُيُونٍ

Toto balia baria Nyasaye baliba mumikunda chiomwikulu nende tsisebele.

Umurongo: 46

ٱدۡخُلُوهَا بِسَلَٰمٍ ءَامِنِينَ

Injilemwo mushironyo, nomulembe.

Umurongo: 47

وَنَزَعۡنَا مَا فِي صُدُورِهِم مِّنۡ غِلٍّ إِخۡوَٰنًا عَلَىٰ سُرُرٖ مُّتَقَٰبِلِينَ

Ne khulirusia amakhonye akali mubilifu biabu, ne baliba (shinga) abananda nibekhale khubisala biobwami nibahengana.

Umurongo: 48

لَا يَمَسُّهُمۡ فِيهَا نَصَبٞ وَمَا هُم مِّنۡهَا بِمُخۡرَجِينَ

Shibulibatilakhwo obuchong’e bwosibwosi omo tawe, ne shibalirusibwamwo tawe.

Umurongo: 49

۞ نَبِّئۡ عِبَادِيٓ أَنِّيٓ أَنَا ٱلۡغَفُورُ ٱلرَّحِيمُ

Boolela abasumba banje mbu toto esie nesie Owobulesheli obunji, Owetsimbabaasi muno.

Umurongo: 50

وَأَنَّ عَذَابِي هُوَ ٱلۡعَذَابُ ٱلۡأَلِيمُ

Ne mbu toto eshinyasio shianje nisho eshinyasio eshilulu muno.

Umurongo: 51

وَنَبِّئۡهُمۡ عَن ضَيۡفِ إِبۡرَٰهِيمَ

Ne baboolele amakhuwa kabacheni ba Ibrahim.

Umurongo: 52

إِذۡ دَخَلُواْ عَلَيۡهِ فَقَالُواْ سَلَٰمٗا قَالَ إِنَّا مِنكُمۡ وَجِلُونَ

Olwa benjila ewuwe nibaboola mbu; “Mulembe.” Naboola mbu: “Toto efwe khubarire.”

Umurongo: 53

قَالُواْ لَا تَوۡجَلۡ إِنَّا نُبَشِّرُكَ بِغُلَٰمٍ عَلِيمٖ

Nibaboola mbu; “Olaria tawe. Toto efwe khukhwelesinjia akomwikhoyo, akomusiani wa obumanyi obunji.”

Umurongo: 54

قَالَ أَبَشَّرۡتُمُونِي عَلَىٰٓ أَن مَّسَّنِيَ ٱلۡكِبَرُ فَبِمَ تُبَشِّرُونَ

Naboola mbu; “Oh! Mumbelesinjia akomwikhoyo kano nemalile okhukofula. Kho ni munjila shina yamumboolelangamwo akomwikhoyo kano?”

Umurongo: 55

قَالُواْ بَشَّرۡنَٰكَ بِٱلۡحَقِّ فَلَا تَكُن مِّنَ ٱلۡقَٰنِطِينَ

Nibaboola mbu; “Toto efwe khukhuwelesinjia akomwikhoyo khubwatoto. Kho, olaba mubalia abafwitsanga omwoyo tawe.”

Umurongo: 56

قَالَ وَمَن يَقۡنَطُ مِن رَّحۡمَةِ رَبِّهِۦٓ إِلَّا ٱلضَّآلُّونَ

Naboola mbu; “Ne niwina ufwitsanga omwoyo okhurulana nende tsimbabaasi tsia Nyasaye wuwe Omulesi halali balia abakora?”

Umurongo: 57

قَالَ فَمَا خَطۡبُكُمۡ أَيُّهَا ٱلۡمُرۡسَلُونَ

Naboola mbu; “Mana shiamumbolela shindi nishina enywe Abarumwa?”

Umurongo: 58

قَالُوٓاْ إِنَّآ أُرۡسِلۡنَآ إِلَىٰ قَوۡمٖ مُّجۡرِمِينَ

Nibaboola mbu; “Toto efwe khurumilwe khubandu abamabii.

Umurongo: 59

إِلَّآ ءَالَ لُوطٍ إِنَّا لَمُنَجُّوهُمۡ أَجۡمَعِينَ

Halali abandu ba inzu ya Luti. Toto efwe khwitsa okhuhabina abo boosi.

Umurongo: 60

إِلَّا ٱمۡرَأَتَهُۥ قَدَّرۡنَآ إِنَّهَا لَمِنَ ٱلۡغَٰبِرِينَ

Halali omukhasi wuwe, khumalile okhulola mbu alaba mubandu balitong’a inyuma."

Umurongo: 61

فَلَمَّا جَآءَ ءَالَ لُوطٍ ٱلۡمُرۡسَلُونَ

Mana Abarumwa olwa boola khubandu ba Luti,

Umurongo: 62

قَالَ إِنَّكُمۡ قَوۡمٞ مُّنكَرُونَ

(Luti) naboola mbu; “Toto enywe muli abandu balamanyishe tawe.”

Umurongo: 63

قَالُواْ بَلۡ جِئۡنَٰكَ بِمَا كَانُواْ فِيهِ يَمۡتَرُونَ

Nibaboola mbu; “Mana efwe khukhureerere kalia kabakholelanga obukanakani.

Umurongo: 64

وَأَتَيۡنَٰكَ بِٱلۡحَقِّ وَإِنَّا لَصَٰدِقُونَ

Ne khukhwitsile khubulaamba, ne toto efwe khuboolanga obwatoto.

Umurongo: 65

فَأَسۡرِ بِأَهۡلِكَ بِقِطۡعٖ مِّنَ ٱلَّيۡلِ وَٱتَّبِعۡ أَدۡبَٰرَهُمۡ وَلَا يَلۡتَفِتۡ مِنكُمۡ أَحَدٞ وَٱمۡضُواْ حَيۡثُ تُؤۡمَرُونَ

Kho rula nende abandu bawo ebise bieshilo muno, nawe obalondekhwo munyuma, ne yesiyesi mwinywe alakalukhanakhwo okhuhenga inyuma tawe, ne tsie wamulomesibungwa."

Umurongo: 66

وَقَضَيۡنَآ إِلَيۡهِ ذَٰلِكَ ٱلۡأَمۡرَ أَنَّ دَابِرَ هَٰٓؤُلَآءِ مَقۡطُوعٞ مُّصۡبِحِينَ

Ne nikhumubusilia likhuwa elo, mbu emisi chiabu chitsa okhutetwa mumabwibwi.

Umurongo: 67

وَجَآءَ أَهۡلُ ٱلۡمَدِينَةِ يَسۡتَبۡشِرُونَ

Ne abandu belitokho elo nibetsa nibasangalile nibekhoya.

Umurongo: 68

قَالَ إِنَّ هَٰٓؤُلَآءِ ضَيۡفِي فَلَا تَفۡضَحُونِ

(Lut) Naboola mbu; “Toto bano ni abacheni banje, kho mulambe tsisoni tawe.

Umurongo: 69

وَٱتَّقُواْ ٱللَّهَ وَلَا تُخۡزُونِ

Ne rie Nyasaye, ne mulafimbia omurwe tawe.”

Umurongo: 70

قَالُوٓاْ أَوَلَمۡ نَنۡهَكَ عَنِ ٱلۡعَٰلَمِينَ

Nibaboola mbu: “Efwe shikhwakhukaniakho (okhurera) abandu (belwanyi)?"

Umurongo: 71

قَالَ هَٰٓؤُلَآءِ بَنَاتِيٓ إِن كُنتُمۡ فَٰعِلِينَ

Naboola mbu: “Bano nabakhana banje, (itse ebahelesie mubateshie), toto enywe nimuli abakholanga."

Umurongo: 72

لَعَمۡرُكَ إِنَّهُمۡ لَفِي سَكۡرَتِهِمۡ يَعۡمَهُونَ

Nditsuba khulubaka lulwo mbu: “Abo bali mubumesi bwabu, nibanyakhananga eshikhaya.”

Umurongo: 73

فَأَخَذَتۡهُمُ ٱلصَّيۡحَةُ مُشۡرِقِينَ

Mana eshinyasio shioluyoka nishibabukula mumabwibwi.

Umurongo: 74

فَجَعَلۡنَا عَٰلِيَهَا سَافِلَهَا وَأَمۡطَرۡنَا عَلَيۡهِمۡ حِجَارَةٗ مِّن سِجِّيلٍ

Mana nikhukhola hasi wabu okhuba hekulu. Mana nikhubakwisilia ifula yamachina keliloba lia mumulilo.

Umurongo: 75

إِنَّ فِي ذَٰلِكَ لَأٓيَٰتٖ لِّلۡمُتَوَسِّمِينَ

Toto mu ako kalimwo ameeko khubandu baretsanga amakhuwa khushichelo.

Umurongo: 76

وَإِنَّهَا لَبِسَبِيلٖ مُّقِيمٍ

Ne toto tsingongo etso tsili khutsinjila tsiliwo tsiburungwakhwo.

Umurongo: 77

إِنَّ فِي ذَٰلِكَ لَأٓيَةٗ لِّلۡمُؤۡمِنِينَ

Toto mu ako kalimwo ameeko khubasuubili.

Umurongo: 78

وَإِن كَانَ أَصۡحَٰبُ ٱلۡأَيۡكَةِ لَظَٰلِمِينَ

Ne toto abandu bomushitsimi bali ababii.

Umurongo: 79

فَٱنتَقَمۡنَا مِنۡهُمۡ وَإِنَّهُمَا لَبِإِمَامٖ مُّبِينٖ

Mana nikhubahelesia eshinyasio, ne ebialo bibili bino bili khunjila ili habulafu.

Umurongo: 80

وَلَقَدۡ كَذَّبَ أَصۡحَٰبُ ٱلۡحِجۡرِ ٱلۡمُرۡسَلِينَ

Ne toto Abandu ba Hijri bayingasia Abarumwa.

Umurongo: 81

وَءَاتَيۡنَٰهُمۡ ءَايَٰتِنَا فَكَانُواْ عَنۡهَا مُعۡرِضِينَ

Ne nikhubahelesia ebimanyisio biefu, nabo nibalabukulamwo oluchendo tawe.

Umurongo: 82

وَكَانُواْ يَنۡحِتُونَ مِنَ ٱلۡجِبَالِ بُيُوتًا ءَامِنِينَ

Ne bakwotanga tsingulu nibakasia tsinzu nomulembe.

Umurongo: 83

فَأَخَذَتۡهُمُ ٱلصَّيۡحَةُ مُصۡبِحِينَ

Mana eshinyasio shioluyoka nishibabukula mumabwibwi.

Umurongo: 84

فَمَآ أَغۡنَىٰ عَنۡهُم مَّا كَانُواْ يَكۡسِبُونَ

Mana akabakholanga nikalabakhonyakhwo shiosishiosi tawe.

Umurongo: 85

وَمَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّۗ وَإِنَّ ٱلسَّاعَةَ لَأٓتِيَةٞۖ فَٱصۡفَحِ ٱلصَّفۡحَ ٱلۡجَمِيلَ

Ne shikhwalonga likulu nende eshialo, nende ebili hakari wabio tawe halali khubwatoto. Ne toto indukho iliula, kho leshela okhuleshela okhulayi.

Umurongo: 86

إِنَّ رَبَّكَ هُوَ ٱلۡخَلَّٰقُ ٱلۡعَلِيمُ

Toto Nyasaye wuwo Omulesi niye omuloonji watoto, Omumanyi muno.

Umurongo: 87

وَلَقَدۡ ءَاتَيۡنَٰكَ سَبۡعٗا مِّنَ ٱلۡمَثَانِي وَٱلۡقُرۡءَانَ ٱلۡعَظِيمَ

Ne toto khwakhwelesia tsinyaali saba tsisomungwa ebise nebise, nende Ikurani yoluyali.

Umurongo: 88

لَا تَمُدَّنَّ عَيۡنَيۡكَ إِلَىٰ مَا مَتَّعۡنَا بِهِۦٓ أَزۡوَٰجٗا مِّنۡهُمۡ وَلَا تَحۡزَنۡ عَلَيۡهِمۡ وَٱخۡفِضۡ جَنَاحَكَ لِلۡمُؤۡمِنِينَ

Ne olakhosia tsimoni tsitsio khukalia akakhwahelesia emikanda chindi mubo, khandi olababelelela tawe. Ne wishilie abasuubili olubaa lulwo (lwetsimbabaasi).

Umurongo: 89

وَقُلۡ إِنِّيٓ أَنَا ٱلنَّذِيرُ ٱلۡمُبِينُ

Ne boola mbu: “Toto esie nesie omwikanyilisi, omwinoosi owahabulafu."

Umurongo: 90

كَمَآ أَنزَلۡنَا عَلَى ٱلۡمُقۡتَسِمِينَ

Shingala khweshilia balia (eshinyasio bosi) abekaba emikanda (okhwikalila obusalamu).

Umurongo: 91

ٱلَّذِينَ جَعَلُواْ ٱلۡقُرۡءَانَ عِضِينَ

Balia bakhola Ikurani okhuba ebitonyetonye.

Umurongo: 92

فَوَرَبِّكَ لَنَسۡـَٔلَنَّهُمۡ أَجۡمَعِينَ

Kho nditsuba khu Nyasaye wuwo Omulesi mbu, toto khulibareeba boosi.

Umurongo: 93

عَمَّا كَانُواْ يَعۡمَلُونَ

Khukalia koosi akabakholanga.

Umurongo: 94

فَٱصۡدَعۡ بِمَا تُؤۡمَرُ وَأَعۡرِضۡ عَنِ ٱلۡمُشۡرِكِينَ

Kho yusia akawalomesibwa, ne obe ehale nende abatsokaasi.

Umurongo: 95

إِنَّا كَفَيۡنَٰكَ ٱلۡمُسۡتَهۡزِءِينَ

Toto efwe khukhuyela okhukhulinda okhurulana nende abakhubayilanga.

Umurongo: 96

ٱلَّذِينَ يَجۡعَلُونَ مَعَ ٱللَّهِ إِلَٰهًا ءَاخَرَۚ فَسَوۡفَ يَعۡلَمُونَ

Balia abatsokaasinjia Nyasaye nende abanyasaye bandi, kho balitsa okhumanya.

Umurongo: 97

وَلَقَدۡ نَعۡلَمُ أَنَّكَ يَضِيقُ صَدۡرُكَ بِمَا يَقُولُونَ

Ne toto khwamanya mbu eshilifu shishio shinyoolanga obusiro khukalia akababoolanga.

Umurongo: 98

فَسَبِّحۡ بِحَمۡدِ رَبِّكَ وَكُن مِّنَ ٱلسَّٰجِدِينَ

Kho tswenula Nyasaye wuwo Omulesi khukhumwitsoomia, ne obe halala nende bamwinamilanga nibasujuda.

Umurongo: 99

وَٱعۡبُدۡ رَبَّكَ حَتَّىٰ يَأۡتِيَكَ ٱلۡيَقِينُ

Ne olaame Nyasaye wuwo Omulesi okhuula likhuulile eliatoto elo (lifwa).