Translation of the Meanings Surah Hūd - Luhya translation - International Society for Science and Culture - Page Number 233 - Encyclopedia of the Noble Quran

Verse: 98

يَقۡدُمُ قَوۡمَهُۥ يَوۡمَ ٱلۡقِيَٰمَةِ فَأَوۡرَدَهُمُ ٱلنَّارَۖ وَبِئۡسَ ٱلۡوِرۡدُ ٱلۡمَوۡرُودُ

Aliimisia Abandu baye inyanga yeyindukho, mana abenjisie mumulilo. Hawo ni habundu ambii muno wookhwinjilaho.

Verse: 99

وَأُتۡبِعُواْ فِي هَٰذِهِۦ لَعۡنَةٗ وَيَوۡمَ ٱلۡقِيَٰمَةِۚ بِئۡسَ ٱلرِّفۡدُ ٱلۡمَرۡفُودُ

Ne balondibwakho eshitsubo khushialo khuno nende inyanga yeyindukho. Ne esho neeshindu eshibi muno shiokhuhebwa.

Verse: 100

ذَٰلِكَ مِنۡ أَنۢبَآءِ ٱلۡقُرَىٰ نَقُصُّهُۥ عَلَيۡكَۖ مِنۡهَا قَآئِمٞ وَحَصِيدٞ

Ako ni mumakhuwa ketsingongo kakhukhukanilanga. Etsindi mutsio tsishiliho, ne etsindi tsiaberwa.

Verse: 101

وَمَا ظَلَمۡنَٰهُمۡ وَلَٰكِن ظَلَمُوٓاْ أَنفُسَهُمۡۖ فَمَآ أَغۡنَتۡ عَنۡهُمۡ ءَالِهَتُهُمُ ٱلَّتِي يَدۡعُونَ مِن دُونِ ٱللَّهِ مِن شَيۡءٖ لَّمَّا جَآءَ أَمۡرُ رَبِّكَۖ وَمَا زَادُوهُمۡ غَيۡرَ تَتۡبِيبٖ

Nafu shikhwabakholela obubii tawe, halali nibo abeene bekholela obubii. Ne abanyasaye babalaamanga abalali Nyasaye shibabakhonyakhwo shiosishiosi tawe olwa likhuwa lia Nyasaye wuwo Omulesi liola. Ne shibabameta halali obusishi butswa.

Verse: 102

وَكَذَٰلِكَ أَخۡذُ رَبِّكَ إِذَآ أَخَذَ ٱلۡقُرَىٰ وَهِيَ ظَٰلِمَةٌۚ إِنَّ أَخۡذَهُۥٓ أَلِيمٞ شَدِيدٌ

Ne endio nilwakhubetsanga okhutila khwa Nyasaye wuwo Omulesi olwa atilanga tsingongo nitsili tsia amabii. Toto okhutila khukhwe ni okhululu, okhukhongo muno.

Verse: 103

إِنَّ فِي ذَٰلِكَ لَأٓيَةٗ لِّمَنۡ خَافَ عَذَابَ ٱلۡأٓخِرَةِۚ ذَٰلِكَ يَوۡمٞ مَّجۡمُوعٞ لَّهُ ٱلنَّاسُ وَذَٰلِكَ يَوۡمٞ مَّشۡهُودٞ

Toto mu ako shilimwo eshilolelo khubalia baritsanga eshinyasio shiomwikulu (Akhera). Eyo niyo inyanga yabandu balikhung’asibwa khulwa yo, ne niyo inyanga ya ebilonje bioosi bilibaho.

Verse: 104

وَمَا نُؤَخِّرُهُۥٓ إِلَّا لِأَجَلٖ مَّعۡدُودٖ

Ne shikhuishindinjia tawe halali okhula ebise biarebwaho.

Verse: 105

يَوۡمَ يَأۡتِ لَا تَكَلَّمُ نَفۡسٌ إِلَّا بِإِذۡنِهِۦۚ فَمِنۡهُمۡ شَقِيّٞ وَسَعِيدٞ

Inyanga lwa yiliula, abulaho ulilomaloma halali khukhuchama khukhwe (Nyasaye). Ne mubo balibamwo abemisaando nende abasaangala.

Verse: 106

فَأَمَّا ٱلَّذِينَ شَقُواْ فَفِي ٱلنَّارِ لَهُمۡ فِيهَا زَفِيرٞ وَشَهِيقٌ

Kho balia baliba mumisaando baliba mumulilo, omo balinyakhana muno okhuyera mukari nende erwanyi.

Verse: 107

خَٰلِدِينَ فِيهَا مَا دَامَتِ ٱلسَّمَٰوَٰتُ وَٱلۡأَرۡضُ إِلَّا مَا شَآءَ رَبُّكَۚ إِنَّ رَبَّكَ فَعَّالٞ لِّمَا يُرِيدُ

Baliikhalamwo ebise bioosi biokhubaho khwa likulu nende eshialo, halali shinga Nyasaye wuwo Omulesi yenya. Toto Nyasaye wuwo Omulesi akholanga muno shiayenya.

Verse: 108

۞ وَأَمَّا ٱلَّذِينَ سُعِدُواْ فَفِي ٱلۡجَنَّةِ خَٰلِدِينَ فِيهَا مَا دَامَتِ ٱلسَّمَٰوَٰتُ وَٱلۡأَرۡضُ إِلَّا مَا شَآءَ رَبُّكَۖ عَطَآءً غَيۡرَ مَجۡذُوذٖ

Ne balia balisaangasibwa baliba mumukunda kwomwikulu, baliikhalamwo ebise bioosi biokhubaho khwa likulu nende eshialo, halali shinga Nyasaye wuwo Omulesi yenya. Oko nomukabo kulaliwa tawe.