Translation of the Meanings Surah Hūd - Luhya translation - International Society for Science and Culture - Page Number 232 - Encyclopedia of the Noble Quran

Verse: 89

وَيَٰقَوۡمِ لَا يَجۡرِمَنَّكُمۡ شِقَاقِيٓ أَن يُصِيبَكُم مِّثۡلُ مَآ أَصَابَ قَوۡمَ نُوحٍ أَوۡ قَوۡمَ هُودٍ أَوۡ قَوۡمَ صَٰلِحٖۚ وَمَا قَوۡمُ لُوطٖ مِّنكُم بِبَعِيدٖ

Ne enywe Abandu banje! Okhukabukhana ninasi khwenyu khulabayila kabanyoola shinga kalia kanyoola Abandu ba Nuhu, nohomba Abandu ba Hud nohomba abandu ba Swaleh tawe? Ne Abandu ba Luti shibali ehale ninanyu tawe.

Verse: 90

وَٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِۚ إِنَّ رَبِّي رَحِيمٞ وَدُودٞ

Ne sabe eshileshelo khu Nyasaye wenyu Omulesi, mana mwikanile khuye. Toto Nyasaye wanje Omulesi ni wetsimbabaasi muno, owobuyanzi muno.”

Verse: 91

قَالُواْ يَٰشُعَيۡبُ مَا نَفۡقَهُ كَثِيرٗا مِّمَّا تَقُولُ وَإِنَّا لَنَرَىٰكَ فِينَا ضَعِيفٗاۖ وَلَوۡلَا رَهۡطُكَ لَرَجَمۡنَٰكَۖ وَمَآ أَنتَ عَلَيۡنَا بِعَزِيزٖ

Baboola mbu: “Ewe Shuaib, efwe shikhuwulilanga muno akoboolanga tawe, ne toto efwe khukhulolanga mbu oli omuteshele khwifwe. Bakhayanga okhuba Abandu bo, khwakhakhulasile amachina, ne sholi omundu woluyali khwifwe tawe.”

Verse: 92

قَالَ يَٰقَوۡمِ أَرَهۡطِيٓ أَعَزُّ عَلَيۡكُم مِّنَ ٱللَّهِ وَٱتَّخَذۡتُمُوهُ وَرَآءَكُمۡ ظِهۡرِيًّاۖ إِنَّ رَبِّي بِمَا تَعۡمَلُونَ مُحِيطٞ

Naboola mbu: “Enywe Abandu! Abandu banje niboluyali muno khwinywe okhushila Nyasaye? Ne mwamukhola okhuba inyuma wemikongo chienyu. Toto Nyasaye yatereera koosi akamukholanga.

Verse: 93

وَيَٰقَوۡمِ ٱعۡمَلُواْ عَلَىٰ مَكَانَتِكُمۡ إِنِّي عَٰمِلٞۖ سَوۡفَ تَعۡلَمُونَ مَن يَأۡتِيهِ عَذَابٞ يُخۡزِيهِ وَمَنۡ هُوَ كَٰذِبٞۖ وَٱرۡتَقِبُوٓاْ إِنِّي مَعَكُمۡ رَقِيبٞ

Ne enywe Abandu banje! Khole ngamwenya shiamunyalilwa, siesi ekholanga. Ahambi hano mulamanya witsa okhuulilwa nende eshinyasio shiokhumututuyia, nende ulia uli omubeyi. Kho linde butswa, siesi toto endi ninanyu enindanga.”

Verse: 94

وَلَمَّا جَآءَ أَمۡرُنَا نَجَّيۡنَا شُعَيۡبٗا وَٱلَّذِينَ ءَامَنُواْ مَعَهُۥ بِرَحۡمَةٖ مِّنَّا وَأَخَذَتِ ٱلَّذِينَ ظَلَمُواْ ٱلصَّيۡحَةُ فَأَصۡبَحُواْ فِي دِيَٰرِهِمۡ جَٰثِمِينَ

Ne olwa likhuwa liefu liola, khwahonokosia Shuaib nende balia basuubila halala ninaye khutsimbabaasi tsiefu, ne balia bakhola obubii, oluyoka lwababukula mana nibanyolekha mutsinzu tsiabu mafumama, nibali emilambo.

Verse: 95

كَأَن لَّمۡ يَغۡنَوۡاْ فِيهَآۗ أَلَا بُعۡدٗا لِّمَدۡيَنَ كَمَا بَعِدَتۡ ثَمُودُ

Nibaba shinga abalamenyakhwo omo obulayi muno tawe. Koo, wulile, basikha Abandu ba Madyan shingala Abandu ba Thamud basikha.

Verse: 96

وَلَقَدۡ أَرۡسَلۡنَا مُوسَىٰ بِـَٔايَٰتِنَا وَسُلۡطَٰنٖ مُّبِينٍ

Ne toto khwaruma Musa halala nende ebimanyisio biefu nende ebifune bili habulafu.

Verse: 97

إِلَىٰ فِرۡعَوۡنَ وَمَلَإِيْهِۦ فَٱتَّبَعُوٓاْ أَمۡرَ فِرۡعَوۡنَۖ وَمَآ أَمۡرُ فِرۡعَوۡنَ بِرَشِيدٖ

Khu Firauni nende abandu baye. Halali abo baloonda amakhuwa ka Firauni, ne amakhuwa ka Firauni shinamalunjifu tawe.