Translation of the Meanings Surah As-Sāffāt - Kinyarwanda translation - Rwanda Muslim Association - Encyclopedia of the Noble Quran

Aswafati

Verse: 1

وَٱلصَّٰٓفَّٰتِ صَفّٗا

Ndahiye (abamalayika bahagaze) ku mirongo itunganye (basenga).

Verse: 2

فَٱلزَّٰجِرَٰتِ زَجۡرٗا

N’abajyana ibicu (babyerekeza aho Allah ashaka).

Verse: 3

فَٱلتَّٰلِيَٰتِ ذِكۡرًا

N’abasoma (amagambo ya Allah) basingiza (Nyagasani wabo).

Verse: 4

إِنَّ إِلَٰهَكُمۡ لَوَٰحِدٞ

Mu by’ukuri Imana yanyu ni imwe.

Verse: 5

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ

Nyagasani w’ibirere n’isi ndetse n’ibiri hagati yabyo, akaba na Nyagasani w’uburasirazuba bwose.^[1]

[1] Izuba rirasira mu duce 365, rikanarengera mu duce 365, ari byo bingana n’iminsi igize umwaka. Buri munsi rirasira mu gice gishya kugeza umwaka urangiye, hanyuma rikazagaruka aho ryahereye nyuma y’umwaka.

Verse: 6

إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ

Mu by’ukuri ikirere cyegereye isi twagitakishije inyenyeri.

Verse: 7

وَحِفۡظٗا مِّن كُلِّ شَيۡطَٰنٖ مَّارِدٖ

Tunakirinda buri shitani ryose ryigometse (dukoresheje ibishashi by’umuriro).

Verse: 8

لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ

Ntashobora (amashitani) kumviriza (ibivugwa n’) abanyacyubahiro bo hejuru (abamalayika), kubera ko aterwa (ibishashi) mu mpande zose.

Verse: 9

دُحُورٗاۖ وَلَهُمۡ عَذَابٞ وَاصِبٌ

Bigamije kuyirukana. Kandi (no ku munsi w’imperuka) azahanishwa ibihano bihoraho.

Verse: 10

إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ

Usibye iribashije kwiba (ibanga) bwangu nuko rigakurikizwa ibishashi by’umuriro.

Verse: 11

فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٖ لَّازِبِۭ

Ngaho (yewe Muhamadi) babaze (abahakanyi b’i Maka) niba iremwa ryabo ari ryo rikomeye kurusha ibyo twaremye (ibirere n’isi ndetse n’imisozi). Mu by’ukuri twabaremye mu ibumba rimatira.

Verse: 12

بَلۡ عَجِبۡتَ وَيَسۡخَرُونَ

Ahubwo uratangazwa (no kuba bahakana izuka) naho bo banannyega (ubutumwa bwawe).

Verse: 13

وَإِذَا ذُكِّرُواْ لَا يَذۡكُرُونَ

N’iyo bibukijwe (amagambo ya Allah) ntibibuka.

Verse: 14

وَإِذَا رَأَوۡاْ ءَايَةٗ يَسۡتَسۡخِرُونَ

N’iyo babonye igitangaza (giturutse kwa Allah) bashishikarizanya kukinnyega.

Verse: 15

وَقَالُوٓاْ إِنۡ هَٰذَآ إِلَّا سِحۡرٞ مُّبِينٌ

Maze bakavuga bati “Iki si ikindi usibye ko ari uburozi bugaragara.”

Verse: 16

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

“Ese nidupfa tugahinduka igitaka ndetse n’amagufa (akabora) tuzazurwa koko?”

Verse: 17

أَوَءَابَآؤُنَا ٱلۡأَوَّلُونَ

“N’abakurambere bacu (bazazurwa) se?”

Verse: 18

قُلۡ نَعَمۡ وَأَنتُمۡ دَٰخِرُونَ

Vuga (yewe Muhamadi) uti “Yego! (muzazurwa), kandi muzaba musuzuguritse.”

Verse: 19

فَإِنَّمَا هِيَ زَجۡرَةٞ وَٰحِدَةٞ فَإِذَا هُمۡ يَنظُرُونَ

Mu by’ukuri impanda izavuzwa rimwe, maze (bazurwe) babone (ibyo basezeranyijwe).

Verse: 20

وَقَالُواْ يَٰوَيۡلَنَا هَٰذَا يَوۡمُ ٱلدِّينِ

Nuko bavuge bati “Mbega ishyano tubonye! Uyu ni umunsi w’ibihembo.”

Verse: 21

هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ

Uyu ni wo munsi w’urubanza mwajyaga muhinyura.

Verse: 22

۞ ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ

(Abamalayika bazababwira) bati “Mukoranye inkozi z’ibibi n’abambari bazo ndetse n’ibyo basengaga,

Verse: 23

مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ

“Bitari Allah, maze muberekeze mu nzira igana umuriro ugurumana”,

Verse: 24

وَقِفُوهُمۡۖ إِنَّهُم مَّسۡـُٔولُونَ

“Munabahagarike kuko mu by’ukuri bagomba (kubanza) kubazwa.”

Verse: 25

مَا لَكُمۡ لَا تَنَاصَرُونَ

(Bazabazwa bati) “Byagenze bite ko mudatabarana (nk’uko mwabigenzaga ku isi)?”

Verse: 26

بَلۡ هُمُ ٱلۡيَوۡمَ مُسۡتَسۡلِمُونَ

Ahubwo kuri uwo munsi bazaba baciye bugufi (basuzuguritse).

Verse: 27

وَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ

Nuko bamwe bahindukire berekere ku bandi babazanya

Verse: 28

قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ

Bavuga bati “Mu by’ukuri ni mwe mwatugeragaho mwitwaje idini kandi mugamije kutuyobya.”

Verse: 29

قَالُواْ بَل لَّمۡ تَكُونُواْ مُؤۡمِنِينَ

Abandi babasubize bati “Ahubwo ntabwo mwari abemeramana”,

Verse: 30

وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمٗا طَٰغِينَ

“Kandi nta bubasha twari tubafiteho; ahubwo mwari abantu barengera (imbibi za Allah).”

Verse: 31

فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ

“None imvugo ya Nyagasani wacu idusohoreyeho ko tugomba kumva ububabare bw’ibihano.”

Verse: 32

فَأَغۡوَيۡنَٰكُمۡ إِنَّا كُنَّا غَٰوِينَ

“Twarabayobeje kuko mu by’ukuri natwe twari twarayobye.”

Verse: 33

فَإِنَّهُمۡ يَوۡمَئِذٖ فِي ٱلۡعَذَابِ مُشۡتَرِكُونَ

Kuri uwo munsi bose bazaba bafatanyije ibihano.

Verse: 34

إِنَّا كَذَٰلِكَ نَفۡعَلُ بِٱلۡمُجۡرِمِينَ

Mu by’ukuri uko ni ko tugenza inkozi z’ibibi,

Verse: 35

إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ

Kuko iyo babwirwaga ko nta yindi mana ikwiye gusengwa by’ukuri uretse Allah, baribonaga.

Verse: 36

وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرٖ مَّجۡنُونِۭ

Bakanavuga bati “Ese koko tureke imana zacu kubera umusizi w’umusazi?”

Verse: 37

بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ

Ahubwo (Intumwa Muhamadi) yazanye ukuri inahamya iby’Intumwa zayibanjirije.

Verse: 38

إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ

Mu by’ukuri mwe (ababangikanyamana) mugiye kumva ibihano bibabaza.

Verse: 39

وَمَا تُجۡزَوۡنَ إِلَّا مَا كُنتُمۡ تَعۡمَلُونَ

Kandi nta kindi muri buhemberwe kitari ibyo mwakoze.

Verse: 40

إِلَّا عِبَادَ ٱللَّهِ ٱلۡمُخۡلَصِينَ

Uretse abagaragu ba Allah b’imbonera.

Verse: 41

أُوْلَٰٓئِكَ لَهُمۡ رِزۡقٞ مَّعۡلُومٞ

Abo bazahabwa amafunguro azwi (mu ijuru):

Verse: 42

فَوَٰكِهُ وَهُم مُّكۡرَمُونَ

Imbuto; kandi bazaba bubashywe,

Verse: 43

فِي جَنَّٰتِ ٱلنَّعِيمِ

Mu busitani bwuje inema (Ijuru).

Verse: 44

عَلَىٰ سُرُرٖ مُّتَقَٰبِلِينَ

Bari ku bitanda berekeranye,

Verse: 45

يُطَافُ عَلَيۡهِم بِكَأۡسٖ مِّن مَّعِينِۭ

Bazengurutswamo ibirahuri by’inzoga (zidasindisha) zavomwe mu migezi itemba,

Verse: 46

بَيۡضَآءَ لَذَّةٖ لِّلشَّٰرِبِينَ

Zererana, ziryoheye abazinywa.

Verse: 47

لَا فِيهَا غَوۡلٞ وَلَا هُمۡ عَنۡهَا يُنزَفُونَ

Nta ngaruka zizabagiraho ndetse nta n’ubwo zizatuma bata ubwenge

Verse: 48

وَعِندَهُمۡ قَٰصِرَٰتُ ٱلطَّرۡفِ عِينٞ

Kandi bazaba bafite (abagore) barinda indoro zabo, b’amaso meza manini

Verse: 49

كَأَنَّهُنَّ بَيۡضٞ مَّكۡنُونٞ

Bameze nk’amagi yarinzwe neza.

Verse: 50

فَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ

Maze bamwe bahindukire barebe abandi babazanye.

Verse: 51

قَالَ قَآئِلٞ مِّنۡهُمۡ إِنِّي كَانَ لِي قَرِينٞ

Umwe muri bo azavuga ati “Mu by’ukuri nari mfite inshuti magara (ku isi)”,

Verse: 52

يَقُولُ أَءِنَّكَ لَمِنَ ٱلۡمُصَدِّقِينَ

Yajyaga ivuga iti “Ese wowe koko uri mu bemera (izuka)”?

Verse: 53

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَدِينُونَ

“Ese nidupfa tugahinduka igitaka n’amagufa (akabora), tuzabazwa ibyo twakoze koko?”

Verse: 54

قَالَ هَلۡ أَنتُم مُّطَّلِعُونَ

Avuge ati “Ese mushobora kureba (mu muriro)?”

Verse: 55

فَٱطَّلَعَ فَرَءَاهُ فِي سَوَآءِ ٱلۡجَحِيمِ

Nuko arebe amubone hagati mu muriro ugurumana.

Verse: 56

قَالَ تَٱللَّهِ إِن كِدتَّ لَتُرۡدِينِ

Avuge ati “Ndahiye ku izina rya Allah! Wari hafi yo kunyoreka.”

Verse: 57

وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ

“Iyo bitaza kuba ku bw’inema ya Nyagasani wanjye, nanjye nari kuba mu bazanywe (mu muriro nka we).”

Verse: 58

أَفَمَا نَحۡنُ بِمَيِّتِينَ

(Abazaba bari mu ijuru bazavuga bati) “Ese ntabwo tuzongera gupfa?”

Verse: 59

إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ

“Usibye gusa urupfu rwacu rwa mbere, ndetse nta n’ubwo tuzahanwa (nyuma y’uko twinjiye mu ijuru)?”

Verse: 60

إِنَّ هَٰذَا لَهُوَ ٱلۡفَوۡزُ ٱلۡعَظِيمُ

“Mu by’ukuri iyi ni intsinzi ihambaye.”

Verse: 61

لِمِثۡلِ هَٰذَا فَلۡيَعۡمَلِ ٱلۡعَٰمِلُونَ

Ku rugero nk’uru, ngaho abakora (ibyiza) nibakore.

Verse: 62

أَذَٰلِكَ خَيۡرٞ نُّزُلًا أَمۡ شَجَرَةُ ٱلزَّقُّومِ

Ese kwakirwa gutyo si ko kwiza, cyangwa (kwakirizwa) igiti cya Zaqum (kigira imbuto zirura cyane, ni byo byiza)?

Verse: 63

إِنَّا جَعَلۡنَٰهَا فِتۡنَةٗ لِّلظَّٰلِمِينَ

Mu by’ukuri (icyo giti) twakigize ikigeragezo ku bahakanyi.

Verse: 64

إِنَّهَا شَجَرَةٞ تَخۡرُجُ فِيٓ أَصۡلِ ٱلۡجَحِيمِ

Ni igiti gishibuka mu ndiba y’umuriro ugurumana.

Verse: 65

طَلۡعُهَا كَأَنَّهُۥ رُءُوسُ ٱلشَّيَٰطِينِ

Imbuto zacyo zimeze nk’imitwe y’amashitani.

Verse: 66

فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ

Mu by’ukuri bazazirya bazuzuze inda.

Verse: 67

ثُمَّ إِنَّ لَهُمۡ عَلَيۡهَا لَشَوۡبٗا مِّنۡ حَمِيمٖ

Maze barenzeho amazi avangiye yatuye.

Verse: 68

ثُمَّ إِنَّ مَرۡجِعَهُمۡ لَإِلَى ٱلۡجَحِيمِ

Hanyuma ukugaruka kwabo kuzabe kwerekera mu muriro ugurumana.

Verse: 69

إِنَّهُمۡ أَلۡفَوۡاْ ءَابَآءَهُمۡ ضَآلِّينَ

Mu by’ukuri basanze abakurambere babo barayobye.

Verse: 70

فَهُمۡ عَلَىٰٓ ءَاثَٰرِهِمۡ يُهۡرَعُونَ

Nuko na bo bihutira kugera ikirenge mu cyabo.

Verse: 71

وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ

Kandi rwose abenshi mu babayeho mbere yabo barayobye.

Verse: 72

وَلَقَدۡ أَرۡسَلۡنَا فِيهِم مُّنذِرِينَ

Kandi mu by’ukuri twaranaboherereje ababurizi.

Verse: 73

فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ

Ngaho reba uko iherezo ry’ababuriwe ryagenze.

Verse: 74

إِلَّا عِبَادَ ٱللَّهِ ٱلۡمُخۡلَصِينَ

Uretse abagaragu ba Allah b’imbonera.

Verse: 75

وَلَقَدۡ نَادَىٰنَا نُوحٞ فَلَنِعۡمَ ٱلۡمُجِيبُونَ

Kandi rwose Nuhu yaratwiyambaje kandi ni twe beza bo gusubiza (uwatwiyambaje).

Verse: 76

وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ

Nuko tumurokorana n’abantu be mu makuba ahambaye.

Verse: 77

وَجَعَلۡنَا ذُرِّيَّتَهُۥ هُمُ ٱلۡبَاقِينَ

Maze dusigaza abamukomokaho.

Verse: 78

وَتَرَكۡنَا عَلَيۡهِ فِي ٱلۡأٓخِرِينَ

Tunamuha kuzasigara avugwa neza mu bazabaho nyuma ye.

Verse: 79

سَلَٰمٌ عَلَىٰ نُوحٖ فِي ٱلۡعَٰلَمِينَ

Amahoro nabe kuri Nuhu mu biremwa byose.

Verse: 80

إِنَّا كَذَٰلِكَ نَجۡزِي ٱلۡمُحۡسِنِينَ

Mu by’ukuri uko ni ko tugororera abakoze neza.

Verse: 81

إِنَّهُۥ مِنۡ عِبَادِنَا ٱلۡمُؤۡمِنِينَ

Mu by’ukuri yari umwe mu bagaragu bacu b’abemeramana (twarokoye).

Verse: 82

ثُمَّ أَغۡرَقۡنَا ٱلۡأٓخَرِينَ

Hanyuma turohamisha abandi (bahakanye).

Verse: 83

۞ وَإِنَّ مِن شِيعَتِهِۦ لَإِبۡرَٰهِيمَ

Mu by’ukuri no mu bamukurikije harimo Ibrahimu.

Verse: 84

إِذۡ جَآءَ رَبَّهُۥ بِقَلۡبٖ سَلِيمٍ

Ubwo yaganaga Nyagasani we n’umutima ukeye.

Verse: 85

إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ

Ubwo yabwiraga se n’abantu be ati “Ibi mugaragira ni ibiki?”

Verse: 86

أَئِفۡكًا ءَالِهَةٗ دُونَ ٱللَّهِ تُرِيدُونَ

“Ese ibigirwamana mwihimbiye muretse Allah ni byo mushaka?”

Verse: 87

فَمَا ظَنُّكُم بِرَبِّ ٱلۡعَٰلَمِينَ

“Ese mutekereza iki kuri Nyagasani w’ibiremwa byose?”

Verse: 88

فَنَظَرَ نَظۡرَةٗ فِي ٱلنُّجُومِ

Nuko (Ibrahimu) yitegereza inyenyeri.

Verse: 89

فَقَالَ إِنِّي سَقِيمٞ

Maze aravuga ati “Mu by’ukuri njye ndarwaye”.^[1]

[1] Ibyo yabikoze ari amayeri yo kugira ngo asigare aho basengeraga ibigirwamana byabo kugira ngo abijanjagure, ndetse no kugira ngo atajyana na bo mu mihango yabo ya gipagani

Verse: 90

فَتَوَلَّوۡاْ عَنۡهُ مُدۡبِرِينَ

Nuko barahindukira barigendera.

Verse: 91

فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ

Maze yinyabya (mu ibanga) ku bigirwamana byabo, nuko aravuga ati “Ese ntimurya (aya mafunguro mwateguriwe)?”

Verse: 92

مَا لَكُمۡ لَا تَنطِقُونَ

“Bite byanyu ko mutavuga?”

Verse: 93

فَرَاغَ عَلَيۡهِمۡ ضَرۡبَۢا بِٱلۡيَمِينِ

Maze arabyadukira (mu ibanga) abijanjaguza ukuboko kwe kw’iburyo.

Verse: 94

فَأَقۡبَلُوٓاْ إِلَيۡهِ يَزِفُّونَ

Nuko (ba babangikanyamana) bagaruka bamugana bihuta.

Verse: 95

قَالَ أَتَعۡبُدُونَ مَا تَنۡحِتُونَ

Arababwira ati “Ese mugaragira ibyo mwihangiye”,

Verse: 96

وَٱللَّهُ خَلَقَكُمۡ وَمَا تَعۡمَلُونَ

“Kandi Allah yarabaremye, mwe n’ibyo mukora?”

Verse: 97

قَالُواْ ٱبۡنُواْ لَهُۥ بُنۡيَٰنٗا فَأَلۡقُوهُ فِي ٱلۡجَحِيمِ

Baravuga bati “Nimumwubakire itanura maze mumujugunye mu muriro ugurumana.”

Verse: 98

فَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَسۡفَلِينَ

Bamucuriye umugambi mubisha, nuko turabasuzuguza.

Verse: 99

وَقَالَ إِنِّي ذَاهِبٌ إِلَىٰ رَبِّي سَيَهۡدِينِ

Nuko (amaze kurokoka umuriro) aravuga ati “Mu by’ukuri ngannye kwa Nyagasani wanjye, azanyobora.”

Verse: 100

رَبِّ هَبۡ لِي مِنَ ٱلصَّٰلِحِينَ

“Nyagasani wanjye! Mpa (umwana) uzaba umwe mu ntungane.”

Verse: 101

فَبَشَّرۡنَٰهُ بِغُلَٰمٍ حَلِيمٖ

Nuko tumuha inkuru nziza yo kuzabyara umuhungu witonda (ari we Isimayili).

Verse: 102

فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّٰبِرِينَ

Maze (umuhungu we) amaze kugera mu kigero cyo kugendana na we, (ise) aravuga ati “Mwana wanjye! Mu by’ukuri narose nkubaga (ngutangaho igitambo kwa Allah), mbwira uko ubibona. Aravuga ati “Dawe! Kora icyo wategetswe, Allah nabishaka uzansanga mu bihangana.”

Verse: 103

فَلَمَّآ أَسۡلَمَا وَتَلَّهُۥ لِلۡجَبِينِ

Nuko bombi bamaze kumvira (itegeko rya Allah), (Ibrahimu) amuryamisha hasi yubitse umutwe (kugira ngo amubage).

Verse: 104

وَنَٰدَيۡنَٰهُ أَن يَٰٓإِبۡرَٰهِيمُ

Maze turamuhamagara tuti “Yewe Ibrahimu!

Verse: 105

قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ

Rwose wakabije inzozi. Mu by’ukuri uko ni ko duhemba abakora neza.”

Verse: 106

إِنَّ هَٰذَا لَهُوَ ٱلۡبَلَٰٓؤُاْ ٱلۡمُبِينُ

Mu by’ukuri iki ni cyo kigeragezo kigaragara.

Verse: 107

وَفَدَيۡنَٰهُ بِذِبۡحٍ عَظِيمٖ

Nuko tumucunguza igitambo gihambaye (intama).

Verse: 108

وَتَرَكۡنَا عَلَيۡهِ فِي ٱلۡأٓخِرِينَ

Tunamuha kuzasigara avugwa neza mubazabaho nyuma ye.

Verse: 109

سَلَٰمٌ عَلَىٰٓ إِبۡرَٰهِيمَ

Amahoro nabe kuri Ibrahimu.

Verse: 110

كَذَٰلِكَ نَجۡزِي ٱلۡمُحۡسِنِينَ

Uko ni ko tugororera abakoze neza.

Verse: 111

إِنَّهُۥ مِنۡ عِبَادِنَا ٱلۡمُؤۡمِنِينَ

Mu by’ukuri (Ibrahimu) yari umwe mu bagaragu bacu b’abemeramana.

Verse: 112

وَبَشَّرۡنَٰهُ بِإِسۡحَٰقَ نَبِيّٗا مِّنَ ٱلصَّٰلِحِينَ

Kandi twamuhaye inkuru nziza (yo kuzabyara) Isihaka, akaba umuhanuzi (ndetse akaba n’umwe) mu ntungane.

Verse: 113

وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٞ وَظَالِمٞ لِّنَفۡسِهِۦ مُبِينٞ

Nuko we na Isihaka tubaha imigisha. No mu rubyaro rwabo harimo abakora ibyiza ndetse n’abihemukira ku buryo bugaragara.

Verse: 114

وَلَقَدۡ مَنَنَّا عَلَىٰ مُوسَىٰ وَهَٰرُونَ

Kandi rwose Musa na Haruna twabahaye ingabire (y’ubutumwa).

Verse: 115

وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ

Maze bombi n’abantu babo tubakiza amakuba ahambaye (yo kurohama).

Verse: 116

وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ

Turanabatabara nuko baba ari bo batsinda.

Verse: 117

وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ

Nuko tubaha igitabo (Tawurati) gisobanutse,

Verse: 118

وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ

Tunabayobora inzira igororotse.

Verse: 119

وَتَرَكۡنَا عَلَيۡهِمَا فِي ٱلۡأٓخِرِينَ

Kandi twanabahaye kuzasigara bavugwa neza mu bazabaho nyuma yabo.

Verse: 120

سَلَٰمٌ عَلَىٰ مُوسَىٰ وَهَٰرُونَ

Amahoro nabe kuri Musa na Haruna.

Verse: 121

إِنَّا كَذَٰلِكَ نَجۡزِي ٱلۡمُحۡسِنِينَ

Mu by’ukuri uko ni ko tugororera abakoze neza.

Verse: 122

إِنَّهُمَا مِنۡ عِبَادِنَا ٱلۡمُؤۡمِنِينَ

Rwose bombi bari mu bagaragu bacu b’abemeramana.

Verse: 123

وَإِنَّ إِلۡيَاسَ لَمِنَ ٱلۡمُرۡسَلِينَ

Kandi mu by’ukuri Iliyasi yari umwe mu ntumwa.

Verse: 124

إِذۡ قَالَ لِقَوۡمِهِۦٓ أَلَا تَتَّقُونَ

Ubwo yabwiraga abantu be ati “Ese ntimugandukira Allah?

Verse: 125

أَتَدۡعُونَ بَعۡلٗا وَتَذَرُونَ أَحۡسَنَ ٱلۡخَٰلِقِينَ

Ese musaba Ba’ala (ikigirwamana) muretse Umuremyi usumba abandi?

Verse: 126

ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ

Allah, Nyagasani wanyu akaba na Nyagasani w’abakurambere banyu?”

Verse: 127

فَكَذَّبُوهُ فَإِنَّهُمۡ لَمُحۡضَرُونَ

Nuko (Iliyasi) baramuhinyura. Mu by’ukuri bazazanwa (kugira ngo bahanwe),

Verse: 128

إِلَّا عِبَادَ ٱللَّهِ ٱلۡمُخۡلَصِينَ

Uretse abagaragu ba Allah b’imbonera.

Verse: 129

وَتَرَكۡنَا عَلَيۡهِ فِي ٱلۡأٓخِرِينَ

Twanamuhaye kuzasigara avugwa neza mu bazabaho nyuma ye.

Verse: 130

سَلَٰمٌ عَلَىٰٓ إِلۡ يَاسِينَ

Amahoro nabe kuri Iliyasi n’abamukurikiye.

Verse: 131

إِنَّا كَذَٰلِكَ نَجۡزِي ٱلۡمُحۡسِنِينَ

Mu by’ukuri uko ni ko tugororera abakoze neza.

Verse: 132

إِنَّهُۥ مِنۡ عِبَادِنَا ٱلۡمُؤۡمِنِينَ

Mu by’ukuri (Iliyasi) yari mu bagaragu bacu b’abemeramana.

Verse: 133

وَإِنَّ لُوطٗا لَّمِنَ ٱلۡمُرۡسَلِينَ

Kandi rwose Lutwi yari umwe mu ntumwa.

Verse: 134

إِذۡ نَجَّيۡنَٰهُ وَأَهۡلَهُۥٓ أَجۡمَعِينَ

Ubwo twamurokoraga n’ab’iwe bose,

Verse: 135

إِلَّا عَجُوزٗا فِي ٱلۡغَٰبِرِينَ

Usibye gusa umukecuru (umugore we) wabaye mu basigaye (mu bihano),

Verse: 136

ثُمَّ دَمَّرۡنَا ٱلۡأٓخَرِينَ

Hanyuma abandi (bo mu mudugudu wa Sodoma) turabarimbura.

Verse: 137

وَإِنَّكُمۡ لَتَمُرُّونَ عَلَيۡهِم مُّصۡبِحِينَ

Kandi rwose mubanyuraho (ku matongo yabo) mu gitondo,

Verse: 138

وَبِٱلَّيۡلِۚ أَفَلَا تَعۡقِلُونَ

Ndetse na nijoro. Ese ntimutekereza?

Verse: 139

وَإِنَّ يُونُسَ لَمِنَ ٱلۡمُرۡسَلِينَ

Kandi mu by’ukuri Yunusu yari umwe mu ntumwa.

Verse: 140

إِذۡ أَبَقَ إِلَى ٱلۡفُلۡكِ ٱلۡمَشۡحُونِ

(Wibuke) ubwo yahungiraga (nta ruhushya rwa Allah) mu bwato bwuzuye (abantu n’ibintu).

Verse: 141

فَسَاهَمَ فَكَانَ مِنَ ٱلۡمُدۡحَضِينَ

Maze (akemera) kuba umwe mu batombora (kugira ngo bamenye urohwa mu nyanja), nuko aratsindwa (aba ari we uyirohwamo).

Verse: 142

فَٱلۡتَقَمَهُ ٱلۡحُوتُ وَهُوَ مُلِيمٞ

Nuko ifi iramumira agayitse (kuko yari yakoze igikorwa cyo gusiga abantu be atabiherewe uburenganzira na Allah).

Verse: 143

فَلَوۡلَآ أَنَّهُۥ كَانَ مِنَ ٱلۡمُسَبِّحِينَ

Iyo aza kuba atari mu basingiza Allah,

Verse: 144

لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ

Yari kuguma mu nda yayo kugeza ku munsi (abantu) bazazurirwaho.

Verse: 145

۞ فَنَبَذۡنَٰهُ بِٱلۡعَرَآءِ وَهُوَ سَقِيمٞ

Nuko tumujugunya ku butaka bw’agasi ameze nk’umurwayi,

Verse: 146

وَأَنۢبَتۡنَا عَلَيۡهِ شَجَرَةٗ مِّن يَقۡطِينٖ

Maze aho yari ari tuhameza uruyuzi rwera ibihaza (kugira ngo rumugirire akamaro)

Verse: 147

وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ

Nuko tumwohereza ku bantu ibihumbi ijana cyangwa banarenga.

Verse: 148

فَـَٔامَنُواْ فَمَتَّعۡنَٰهُمۡ إِلَىٰ حِينٖ

Maze baremera, nuko tubaha umunezero w’igihe gito.

Verse: 149

فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ

Ngaho (yewe Muhamadi) babaze uti “Ese Nyagasani wawe afite abakobwa gusa, hanyuma bo bakagira abahungu?

Verse: 150

أَمۡ خَلَقۡنَا ٱلۡمَلَٰٓئِكَةَ إِنَٰثٗا وَهُمۡ شَٰهِدُونَ

Cyangwa twaremye abamalayika b’abakobwa babireba (ikaba ari yo mpamvu bavuga ko abamalayika ari igitsina gore)?

Verse: 151

أَلَآ إِنَّهُم مِّنۡ إِفۡكِهِمۡ لَيَقُولُونَ

Mu by’ukuri no mu binyoma byabo (ababangikanyamana b’i Maka) baravuga (bati):

Verse: 152

وَلَدَ ٱللَّهُ وَإِنَّهُمۡ لَكَٰذِبُونَ

“Allah yarabyaye (bavugaga ko abamalayika ari abakobwa ba Allah)” Nyamara rwose ni abanyabinyoma!

Verse: 153

أَصۡطَفَى ٱلۡبَنَاتِ عَلَى ٱلۡبَنِينَ

None se (ni ukubera iki) yaba yaratonesheje abakobwa akabarutisha abahungu?

Verse: 154

مَا لَكُمۡ كَيۡفَ تَحۡكُمُونَ

Ese mwabaye mute? Amahitamo yanyu ashingira kuki?

Verse: 155

أَفَلَا تَذَكَّرُونَ

Ese ntimutekereza?

Verse: 156

أَمۡ لَكُمۡ سُلۡطَٰنٞ مُّبِينٞ

Cyangwa mufite ibimenyetso bigaragara?

Verse: 157

فَأۡتُواْ بِكِتَٰبِكُمۡ إِن كُنتُمۡ صَٰدِقِينَ

Ngaho nimuzane igitabo cyanyu, niba muri abanyakuri!

Verse: 158

وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبٗاۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ

Kandi banashyize isano hagati Ye (Allah) n’amajini, nyamara amajini yo azi neza ko azazanwa (imbere ya Allah kugira ngo acirwe urubanza).

Verse: 159

سُبۡحَٰنَ ٱللَّهِ عَمَّا يَصِفُونَ

Ubutagatifu ni ubwa Allah, nta ho ahuriye n’ibyo bamwitirira!

Verse: 160

إِلَّا عِبَادَ ٱللَّهِ ٱلۡمُخۡلَصِينَ

Uretse abagaragu ba Allah b’imbonera (ni bo batajya bagira ibyo bamwitirira).

Verse: 161

فَإِنَّكُمۡ وَمَا تَعۡبُدُونَ

Bityo, mu by’ukuri mwe (ababangikanyamana) ndetse n’ibyo mugaragira bitari Allah,

Verse: 162

مَآ أَنتُمۡ عَلَيۡهِ بِفَٰتِنِينَ

Nta n’umwe (mu bemeramana) mushobora kuyobya.

Verse: 163

إِلَّا مَنۡ هُوَ صَالِ ٱلۡجَحِيمِ

Uretse abazajya mu muriro ugurumana.

Verse: 164

وَمَا مِنَّآ إِلَّا لَهُۥ مَقَامٞ مَّعۡلُومٞ

Kandi nta n’umwe muri twe (abamalayika) udafite umwanya uzwi (mu ijuru).

Verse: 165

وَإِنَّا لَنَحۡنُ ٱلصَّآفُّونَ

Mu by’ukuri twe (abamalayika) dutonda imirongo (dusali nk’uko Abayisilamu babigenza).

Verse: 166

وَإِنَّا لَنَحۡنُ ٱلۡمُسَبِّحُونَ

Kandi mu by’ukuri ni twe dusingiza (Allah).

Verse: 167

وَإِن كَانُواْ لَيَقُولُونَ

Kandi mu by’ukuri (ababangikanyamana b’i Maka) bajyaga bavuga bati:

Verse: 168

لَوۡ أَنَّ عِندَنَا ذِكۡرٗا مِّنَ ٱلۡأَوَّلِينَ

“Iyo tuza kugira urwibutso tuvanye ku bo hambere (mbere y’uko Intumwa Muhamadi ihabwa ubutumwa),

Verse: 169

لَكُنَّا عِبَادَ ٱللَّهِ ٱلۡمُخۡلَصِينَ

Mu by’ukuri twari kuba abagaragu ba Allah b’imbonera.”

Verse: 170

فَكَفَرُواْ بِهِۦۖ فَسَوۡفَ يَعۡلَمُونَ

Nyamara (nyuma y’uko Qur’an ibagezeho) barayihakanye kandi vuba aha bazaba bamenya (ukuri).

Verse: 171

وَلَقَدۡ سَبَقَتۡ كَلِمَتُنَا لِعِبَادِنَا ٱلۡمُرۡسَلِينَ

Kandi rwose, isezerano ryacu ku bagaragu bacu b’Intumwa, ryaje mbere

Verse: 172

إِنَّهُمۡ لَهُمُ ٱلۡمَنصُورُونَ

Ko mu by’ukuri ari bo bazatabarwa.

Verse: 173

وَإِنَّ جُندَنَا لَهُمُ ٱلۡغَٰلِبُونَ

Ndetse ko mu by’ukuri ingabo zacu ari zo zizatsinda.

Verse: 174

فَتَوَلَّ عَنۡهُمۡ حَتَّىٰ حِينٖ

Bityo rero (yewe Muhamadi), birengagize igihe runaka,

Verse: 175

وَأَبۡصِرۡهُمۡ فَسَوۡفَ يُبۡصِرُونَ

Maze ubahozeho ijisho, kuko bidatinze bazabona (ibihano).

Verse: 176

أَفَبِعَذَابِنَا يَسۡتَعۡجِلُونَ

Ese ibihano byacu ni byo bashaka kwihutisha?

Verse: 177

فَإِذَا نَزَلَ بِسَاحَتِهِمۡ فَسَآءَ صَبَاحُ ٱلۡمُنذَرِينَ

Nyamara ubwo bizabamanukiraho, kizaba ari igitondo kibi ku baburiwe.

Verse: 178

وَتَوَلَّ عَنۡهُمۡ حَتَّىٰ حِينٖ

Bityo rero (yewe Muhamadi), birengagize igihe runaka,

Verse: 179

وَأَبۡصِرۡ فَسَوۡفَ يُبۡصِرُونَ

Unabahozeho ijisho, kuko bidatinze bazabona (ibihano).

Verse: 180

سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ

Ubutagatifu ni ubwa Nyagasani wawe, Nyagasani Nyiricyubahiro! Nta ho ahuriye n’ibyo bamwitirira!

Verse: 181

وَسَلَٰمٌ عَلَى ٱلۡمُرۡسَلِينَ

Kandi amahoro nabe ku Ntumwa (zose za Allah)

Verse: 182

وَٱلۡحَمۡدُ لِلَّهِ رَبِّ ٱلۡعَٰلَمِينَ

Kandi ishimwe n’ikuzo byuzuye ni ibya Allah, Nyagasani w’ibiremwa byose.