Prijevod značenja Sura En-Nedžm - Prijevod na finski (Lohja) - Međunarodno udruženje za nauku i kulturu. - Enciklopedija Kur'ana Časnog

An-Najm

Ajet: 1

وَٱلنَّجۡمِ إِذَا هَوَىٰ

Nditsuba khu ing’ining’ini olwa ikhamuukhanga.

Ajet: 2

مَا ضَلَّ صَاحِبُكُمۡ وَمَا غَوَىٰ

Owashienywe uno shiyakora nohomba shiyakhola kano mukhwitsukhanila tawe.

Ajet: 3

وَمَا يَنطِقُ عَنِ ٱلۡهَوَىٰٓ

Ne shaboolanga khubwikombi bubwe tawe.

Ajet: 4

إِنۡ هُوَ إِلَّا وَحۡيٞ يُوحَىٰ

Halali ni obufimbuli bwafimbulilungwa butswa.

Ajet: 5

عَلَّمَهُۥ شَدِيدُ ٱلۡقُوَىٰ

Yechesibwa nende Owamaani amanji.

Ajet: 6

ذُو مِرَّةٖ فَٱسۡتَوَىٰ

Owalongwa okhulongwa okhulayi mana nakololokha.

Ajet: 7

وَهُوَ بِٱلۡأُفُقِ ٱلۡأَعۡلَىٰ

Naye ali ebuleka wa hekulu muno wekulu lia hasi.

Ajet: 8

ثُمَّ دَنَا فَتَدَلَّىٰ

Mana nasuta ehambi nende omurumwa, ne nameta khandi okhusuta ehambi.

Ajet: 9

فَكَانَ قَابَ قَوۡسَيۡنِ أَوۡ أَدۡنَىٰ

Naba shinga oburambi bwa akari wetsimbeka tsibili tsiatsiyingo tsibiri nohomba ahambi muno.

Ajet: 10

فَأَوۡحَىٰٓ إِلَىٰ عَبۡدِهِۦ مَآ أَوۡحَىٰ

Mana namufimbulila Omusumba wuwe kalia akayafimbula.

Ajet: 11

مَا كَذَبَ ٱلۡفُؤَادُ مَا رَأَىٰٓ

Omwoyo shikwaboola obubeyi khukakwalola tawe.

Ajet: 12

أَفَتُمَٰرُونَهُۥ عَلَىٰ مَا يَرَىٰ

Koo, mumuyingasinjia khukayalola?

Ajet: 13

وَلَقَدۡ رَءَاهُ نَزۡلَةً أُخۡرَىٰ

Mana toto (Omurumwa) yamulolakhwo (Jibril) khandi.

Ajet: 14

عِندَ سِدۡرَةِ ٱلۡمُنتَهَىٰ

Mushisina shio musaala (mkunazi) kwokhumalilikha muno (omusala kuno kuli mwikulu lia msafu).

Ajet: 15

عِندَهَا جَنَّةُ ٱلۡمَأۡوَىٰٓ

Ahambi nende omusaala oko, kuliwo omukunda kwomwikulu kwamenywamwo.

Ajet: 16

إِذۡ يَغۡشَى ٱلسِّدۡرَةَ مَا يَغۡشَىٰ

Olwa kwafimbwa omusaala oko (khubunyali bwa Nyasaye) nende shiakufiimba (shilamanyishe mbu ni shina halali Nyasaye butswa niumanile).

Ajet: 17

مَا زَاغَ ٱلۡبَصَرُ وَمَا طَغَىٰ

Tsimoni shitsiesundukha tawe nohomba shitsiabura eshichelo tawe.

Ajet: 18

لَقَدۡ رَأَىٰ مِنۡ ءَايَٰتِ رَبِّهِ ٱلۡكُبۡرَىٰٓ

Toto yalola khubimanyisio ebikhongo bia Nyasaye wuwe Omulesi.

Ajet: 19

أَفَرَءَيۡتُمُ ٱللَّٰتَ وَٱلۡعُزَّىٰ

Koo, mwalolakhwo Laata nende Uzza?

Ajet: 20

وَمَنَوٰةَ ٱلثَّالِثَةَ ٱلۡأُخۡرَىٰٓ

Nende Manata, owundi wakhataru?

Ajet: 21

أَلَكُمُ ٱلذَّكَرُ وَلَهُ ٱلۡأُنثَىٰ

Koo, nenywe muli nabasiani Naye ali nabakhaana?

Ajet: 22

تِلۡكَ إِذٗا قِسۡمَةٞ ضِيزَىٰٓ

Toto okho ni okhukaba okhubi muno.

Ajet: 23

إِنۡ هِيَ إِلَّآ أَسۡمَآءٞ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍۚ إِن يَتَّبِعُونَ إِلَّا ٱلظَّنَّ وَمَا تَهۡوَى ٱلۡأَنفُسُۖ وَلَقَدۡ جَآءَهُم مِّن رَّبِّهِمُ ٱلۡهُدَىٰٓ

Ako namerasa kamwakulikha enywe nende basenywe, Nyasaye shiyeshiakhwo shiosishiosi khumeera ako tawe. Balondangasa amaparo nende shie mioyo chiabu chienya. Ne toto obulunjifu bwabetsela okhurula khu Nyasaye wabu Omulesi.

Ajet: 24

أَمۡ لِلۡإِنسَٰنِ مَا تَمَنَّىٰ

Mbu Omundu anyoolanga shia yekombanga?

Ajet: 25

فَلِلَّهِ ٱلۡأٓخِرَةُ وَٱلۡأُولَىٰ

Nyasaye sa niye mwene mwikulu nende eshialo.

Ajet: 26

۞ وَكَم مِّن مَّلَكٖ فِي ٱلسَّمَٰوَٰتِ لَا تُغۡنِي شَفَٰعَتُهُمۡ شَيۡـًٔا إِلَّا مِنۢ بَعۡدِ أَن يَأۡذَنَ ٱللَّهُ لِمَن يَشَآءُ وَيَرۡضَىٰٓ

Ne ni Abamalaika benga bali mwikulu, abokhusabila khwabu shikhulikhoonya yesiyesi tawe, halali khuwa Nyasaye achamile mana namufuchilila?

Ajet: 27

إِنَّ ٱلَّذِينَ لَا يُؤۡمِنُونَ بِٱلۡأٓخِرَةِ لَيُسَمُّونَ ٱلۡمَلَٰٓئِكَةَ تَسۡمِيَةَ ٱلۡأُنثَىٰ

Toto balia balasuubilanga mwikulu tawe balanganga Abamalaika amera keshikhasi.

Ajet: 28

وَمَا لَهُم بِهِۦ مِنۡ عِلۡمٍۖ إِن يَتَّبِعُونَ إِلَّا ٱلظَّنَّۖ وَإِنَّ ٱلظَّنَّ لَا يُغۡنِي مِنَ ٱلۡحَقِّ شَيۡـٔٗا

Ne babula shibamanyile khu ako tawe, balondanga butswa amaparo. Ne toto okhuparirisia shikhukhoonyanga shiosishiosi imbeli wobwatoto tawe.

Ajet: 29

فَأَعۡرِضۡ عَن مَّن تَوَلَّىٰ عَن ذِكۡرِنَا وَلَمۡ يُرِدۡ إِلَّا ٱلۡحَيَوٰةَ ٱلدُّنۡيَا

Lekhana nende ulia uhelesia omukongo ametsulisio kefu, ne shiyenya shosishosi tawe halali obulamu bwokhushialo.

Ajet: 30

ذَٰلِكَ مَبۡلَغُهُم مِّنَ ٱلۡعِلۡمِۚ إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِمَنِ ٱهۡتَدَىٰ

Awo niwo obumanyi bwabo bulira. Toto Nyasaye wuwo Omulesi niye umanyile muno ulia wakora ehale nende injila ye, naye amanyile muno ulia walunjikha.

Ajet: 31

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِ لِيَجۡزِيَ ٱلَّذِينَ أَسَٰٓـُٔواْ بِمَا عَمِلُواْ وَيَجۡزِيَ ٱلَّذِينَ أَحۡسَنُواْ بِٱلۡحُسۡنَى

Ne nibia Nyasaye bioosi bili mwikulu nende mushialo, kho abarunge betsimbi khukabakholanga ne abakhola amalayi abarunge obulayi.

Ajet: 32

ٱلَّذِينَ يَجۡتَنِبُونَ كَبَٰٓئِرَ ٱلۡإِثۡمِ وَٱلۡفَوَٰحِشَ إِلَّا ٱللَّمَمَۚ إِنَّ رَبَّكَ وَٰسِعُ ٱلۡمَغۡفِرَةِۚ هُوَ أَعۡلَمُ بِكُمۡ إِذۡ أَنشَأَكُم مِّنَ ٱلۡأَرۡضِ وَإِذۡ أَنتُمۡ أَجِنَّةٞ فِي بُطُونِ أُمَّهَٰتِكُمۡۖ فَلَا تُزَكُّوٓاْ أَنفُسَكُمۡۖ هُوَ أَعۡلَمُ بِمَنِ ٱتَّقَىٰٓ

Balia beikalilanga okhukhola ebionono ebikhongo nende akeshifwabi, halali orwonono orutiti titi. Toto Nyasaye wuwo Omulesi obulesheli bwe nobubambalifu. Ye abamanyile muno, olwa yabaloonga okhurula khuliloba, nende ngamwali mutsinda tsia banyinenywe. Kho muleelole abatswenufu tawe. Ye amanyile muno owamuria.

Ajet: 33

أَفَرَءَيۡتَ ٱلَّذِي تَوَلَّىٰ

Koo! Walolakhwo ulia ufutariranga (ulobanga obwisilamu nibwakhamulila)?

Ajet: 34

وَأَعۡطَىٰ قَلِيلٗا وَأَكۡدَىٰٓ

Nayinia shitutu mana niyemana.

Ajet: 35

أَعِندَهُۥ عِلۡمُ ٱلۡغَيۡبِ فَهُوَ يَرَىٰٓ

Koo, akhali nende obumanyi khu kefisile, mana akalolanga?

Ajet: 36

أَمۡ لَمۡ يُنَبَّأۡ بِمَا فِي صُحُفِ مُوسَىٰ

Nohomba shiyabolelwakhwo khukali mubitabu bia Musa.

Ajet: 37

وَإِبۡرَٰهِيمَ ٱلَّذِي وَفَّىٰٓ

Nende Ibrahim wosia indache?

Ajet: 38

أَلَّا تَزِرُ وَازِرَةٞ وِزۡرَ أُخۡرَىٰ

Mbu Omundu shalichinga tsimbi tsiowashie tawe?

Ajet: 39

وَأَن لَّيۡسَ لِلۡإِنسَٰنِ إِلَّا مَا سَعَىٰ

Ne Omundu shalinyoola halali kalia kayakhola.

Ajet: 40

وَأَنَّ سَعۡيَهُۥ سَوۡفَ يُرَىٰ

Ne toto ebikhole bibie bililolekha.

Ajet: 41

ثُمَّ يُجۡزَىٰهُ ٱلۡجَزَآءَ ٱلۡأَوۡفَىٰ

Mana alirungwa omurungo kukwe kwoosi nikwitsule.

Ajet: 42

وَأَنَّ إِلَىٰ رَبِّكَ ٱلۡمُنتَهَىٰ

Ne toto khu Nyasaye wuwo Omulesi niwo akaliweela.

Ajet: 43

وَأَنَّهُۥ هُوَ أَضۡحَكَ وَأَبۡكَىٰ

Ne toto niye ureranga okhutsekha nende okhulila.

Ajet: 44

وَأَنَّهُۥ هُوَ أَمَاتَ وَأَحۡيَا

Naye toto niye owufwisinjia nende ulamusinjia.

Ajet: 45

وَأَنَّهُۥ خَلَقَ ٱلزَّوۡجَيۡنِ ٱلذَّكَرَ وَٱلۡأُنثَىٰ

Ne toto ye niye waloonga eshisatsa nende eshikhasi.

Ajet: 46

مِن نُّطۡفَةٍ إِذَا تُمۡنَىٰ

Okhurulana nende imwo yolwibulo nimitswa.

Ajet: 47

وَأَنَّ عَلَيۡهِ ٱلنَّشۡأَةَ ٱلۡأُخۡرَىٰ

Netoto mbu kali khuye okhulamusibwa khandi.

Ajet: 48

وَأَنَّهُۥ هُوَ أَغۡنَىٰ وَأَقۡنَىٰ

Ne toto niye uyindiasinjia nende ukholanga ebindu okhuhela.

Ajet: 49

وَأَنَّهُۥ هُوَ رَبُّ ٱلشِّعۡرَىٰ

Ne toto niye Nyasaye Omulesi wetsing’ining’ini tsia Shiira (Ing’ining’ini ya abakhayi balaamanga).

Ajet: 50

وَأَنَّهُۥٓ أَهۡلَكَ عَادًا ٱلۡأُولَىٰ

Ne toto niye wasishia A’ad beimbeli.

Ajet: 51

وَثَمُودَاْ فَمَآ أَبۡقَىٰ

Nende Tsamudi shibalekhwa tawe.

Ajet: 52

وَقَوۡمَ نُوحٖ مِّن قَبۡلُۖ إِنَّهُمۡ كَانُواْ هُمۡ أَظۡلَمَ وَأَطۡغَىٰ

Nende Abandu ba Nuhu abaliho imbeli. Toto bali ababii muno abatsimbi po.

Ajet: 53

وَٱلۡمُؤۡتَفِكَةَ أَهۡوَىٰ

Nende tsingongo (tsia abandu ba Luti), yatsichingula hekulu mana natsilakasia mafumama.

Ajet: 54

فَغَشَّىٰهَا مَا غَشَّىٰ

Nitsifuunikhwa nende biatsifuunikha.

Ajet: 55

فَبِأَيِّ ءَالَآءِ رَبِّكَ تَتَمَارَىٰ

Mana ni emikabo shina chia Nyasaye wuwo Omulesi chiokanakananga?

Ajet: 56

هَٰذَا نَذِيرٞ مِّنَ ٱلنُّذُرِ ٱلۡأُولَىٰٓ

Uno ni omwikanyilisi, mubekanyilisi beyimbeli.

Ajet: 57

أَزِفَتِ ٱلۡأٓزِفَةُ

Inyanga yeyindukho ili hambi.

Ajet: 58

لَيۡسَ لَهَا مِن دُونِ ٱللَّهِ كَاشِفَةٌ

Owumao wakhaibuula owulali Nyasaye.

Ajet: 59

أَفَمِنۡ هَٰذَا ٱلۡحَدِيثِ تَعۡجَبُونَ

Ne amakhuwa kano (Ikurani) nikamuukanga (mbu karula wa Nyasaye)?

Ajet: 60

وَتَضۡحَكُونَ وَلَا تَبۡكُونَ

Ne mutsekhanga, ne shimulilanga tawe?

Ajet: 61

وَأَنتُمۡ سَٰمِدُونَ

Nanyu muli mubukoyani?

Ajet: 62

فَٱسۡجُدُواْۤ لِلَّهِۤ وَٱعۡبُدُواْ۩

Kho re obweni bwenyu hasi khulwa Nyasaye, ne mumulaame.