Translation of the meanings Surah Al-An‘ām - Filipino Translation (Maguindanaon) - Rowad Translation Center - Page Number 136 - The Noble Qur'an Encyclopedia

Ayah: 69

وَمَا عَلَى ٱلَّذِينَ يَتَّقُونَ مِنۡ حِسَابِهِم مِّن شَيۡءٖ وَلَٰكِن ذِكۡرَىٰ لَعَلَّهُمۡ يَتَّقُونَ

Endu da kanu magilek sa Allah (pamaginugut) i kabayadan silan nu manga kafir sa apya paydu, ugayd na pangindawn silan ka basi kagilkan silan sa Allah.

Ayah: 70

وَذَرِ ٱلَّذِينَ ٱتَّخَذُواْ دِينَهُمۡ لَعِبٗا وَلَهۡوٗا وَغَرَّتۡهُمُ ٱلۡحَيَوٰةُ ٱلدُّنۡيَاۚ وَذَكِّرۡ بِهِۦٓ أَن تُبۡسَلَ نَفۡسُۢ بِمَا كَسَبَتۡ لَيۡسَ لَهَا مِن دُونِ ٱللَّهِ وَلِيّٞ وَلَا شَفِيعٞ وَإِن تَعۡدِلۡ كُلَّ عَدۡلٖ لَّا يُؤۡخَذۡ مِنۡهَآۗ أُوْلَٰٓئِكَ ٱلَّذِينَ أُبۡسِلُواْ بِمَا كَسَبُواْۖ لَهُمۡ شَرَابٞ مِّنۡ حَمِيمٖ وَعَذَابٌ أَلِيمُۢ بِمَا كَانُواْ يَكۡفُرُونَ

Endu pasagadi ka (Muhammad) i taw a binaluy nilan su agama nilan a dalmetan endu ipegkakalilini bu endu inilabi nilan su kawyag sa dunya sa akhirat endu ipangindaw nengka su (Qur’an), su kapegkabinasa nu taw na sabap kanu galbek nin, (o mana bu ka pagitungen bu nu taw) na dala makatuldu sa lekanin a salakaw sa Allah endu dala makadtabang lun endu apiya ngin pan i kapangawn nin, na di matalima u mana bu ka aden ipangawn nin, silan a manga taw i tinumalima sa kabinasa sabap kanu pinggalbek nilan, aden paginumen nilan a sangat kayaw nin endu siksa a mapasang sabap kanu kapeg-kafir nilan.

Ayah: 71

قُلۡ أَنَدۡعُواْ مِن دُونِ ٱللَّهِ مَا لَا يَنفَعُنَا وَلَا يَضُرُّنَا وَنُرَدُّ عَلَىٰٓ أَعۡقَابِنَا بَعۡدَ إِذۡ هَدَىٰنَا ٱللَّهُ كَٱلَّذِي ٱسۡتَهۡوَتۡهُ ٱلشَّيَٰطِينُ فِي ٱلۡأَرۡضِ حَيۡرَانَ لَهُۥٓ أَصۡحَٰبٞ يَدۡعُونَهُۥٓ إِلَى ٱلۡهُدَى ٱئۡتِنَاۗ قُلۡ إِنَّ هُدَى ٱللَّهِ هُوَ ٱلۡهُدَىٰۖ وَأُمِرۡنَا لِنُسۡلِمَ لِرَبِّ ٱلۡعَٰلَمِينَ

Edtalu ka (Muhammad) i di kami sumimba sa salakaw sa Allah ka di pakangguna endu di pakagkayd endu makambalingan kami sa naypusan (kapedsimba sa salakaw kanu Allah) sa ulyan a tinutulu kami nu Allah, ka maytu ba sa taw (antu a sinasat na manga Shaytan sya sa lupa, na anteng-anteng aden manga pakat nin a bagenggat sa lekanin (edtalu su manga pakat nin antu) sa sya ka sa tutulu, edtalu ka (Muhammad) su agama nu Allah na entuba i tutulu, endu sinugu kami sa sangkupan nami su Kadenan nu (pedtyakap) sa dunya.

Ayah: 72

وَأَنۡ أَقِيمُواْ ٱلصَّلَوٰةَ وَٱتَّقُوهُۚ وَهُوَ ٱلَّذِيٓ إِلَيۡهِ تُحۡشَرُونَ

Endu itunay nu i sambayang endu ikagilek nu su Allah endu sekanin a Allah i kabuligan (kawlyan tanu).

Ayah: 73

وَهُوَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ بِٱلۡحَقِّۖ وَيَوۡمَ يَقُولُ كُن فَيَكُونُۚ قَوۡلُهُ ٱلۡحَقُّۚ وَلَهُ ٱلۡمُلۡكُ يَوۡمَ يُنفَخُ فِي ٱلصُّورِۚ عَٰلِمُ ٱلۡغَيۡبِ وَٱلشَّهَٰدَةِۚ وَهُوَ ٱلۡحَكِيمُ ٱلۡخَبِيرُ

Endu sekanin i minaluy kanu manga langit endu lupa sa bantang endu gay a kadtalu nin (gay a mawli) sa pangaden ka na maaden, kadtalu nin a haqq endu lekanin i kadatu kanu gay a yupen su sanggakala, a mataw sa mapayag- masulen endu sekanin i bangukum a mataw sa manawt-matiwalu.