Translation of the meanings Surah Al-An‘ām - Filipino Translation (Maguindanaon) - Rowad Translation Center - Page Number 138 - The Noble Qur'an Encyclopedia

Ayah: 82

ٱلَّذِينَ ءَامَنُواْ وَلَمۡ يَلۡبِسُوٓاْ إِيمَٰنَهُم بِظُلۡمٍ أُوْلَٰٓئِكَ لَهُمُ ٱلۡأَمۡنُ وَهُم مُّهۡتَدُونَ

Su manga bamamaginugut (babay endu mama) a dala nilan simbuli su kabpangimbenal nilan sa sakutu na silan ba i manga taw a kanilan i katana endu silan i manga taw a natutulu.

Ayah: 83

وَتِلۡكَ حُجَّتُنَآ ءَاتَيۡنَٰهَآ إِبۡرَٰهِيمَ عَلَىٰ قَوۡمِهِۦۚ نَرۡفَعُ دَرَجَٰتٖ مَّن نَّشَآءُۗ إِنَّ رَبَّكَ حَكِيمٌ عَلِيمٞ

Entuba i tindeg nami a inenggay kanu Ibrahim kanu manga qawm nin, ipulu nami i pangkatan nu magkahanda nami, su kadenan nengka i mangukum a mataw.

Ayah: 84

وَوَهَبۡنَا لَهُۥٓ إِسۡحَٰقَ وَيَعۡقُوبَۚ كُلًّا هَدَيۡنَاۚ وَنُوحًا هَدَيۡنَا مِن قَبۡلُۖ وَمِن ذُرِّيَّتِهِۦ دَاوُۥدَ وَسُلَيۡمَٰنَ وَأَيُّوبَ وَيُوسُفَ وَمُوسَىٰ وَهَٰرُونَۚ وَكَذَٰلِكَ نَجۡزِي ٱلۡمُحۡسِنِينَ

Endu inenggay nami sa kani Ishaq endu si Ya'kub, uman i isa na tinutulu nami endu si Nuh a nawna na tinutulu nami endu su kaped kanu muli a taw nin, sila Daud endu si Sulayman endu si Ayub endu si Yusuf endu si Musa endu si Harun na mamba i kabalas nami kanu manga taw a manga mapya.

Ayah: 85

وَزَكَرِيَّا وَيَحۡيَىٰ وَعِيسَىٰ وَإِلۡيَاسَۖ كُلّٞ مِّنَ ٱلصَّٰلِحِينَ

Endu si Zakariya endu si Yahya endu si Eisa endu si Ilyas, langun nilan na kuyug kanu manga mapya.

Ayah: 86

وَإِسۡمَٰعِيلَ وَٱلۡيَسَعَ وَيُونُسَ وَلُوطٗاۚ وَكُلّٗا فَضَّلۡنَا عَلَى ٱلۡعَٰلَمِينَ

Endu si Ismail endu si Yasa'e endu si Yunus endu si Lut endu langun nilan na inilabi nami kanu taw na dunya sa timpu nilan.

Ayah: 87

وَمِنۡ ءَابَآئِهِمۡ وَذُرِّيَّٰتِهِمۡ وَإِخۡوَٰنِهِمۡۖ وَٱجۡتَبَيۡنَٰهُمۡ وَهَدَيۡنَٰهُمۡ إِلَىٰ صِرَٰطٖ مُّسۡتَقِيمٖ

Endu ginanat sa kalukesan nilan endu muli a taw nilan endu manga suled nilan endu pinamili nami silan endu tinutulu nami silan sa lalan a matidtu.

Ayah: 88

ذَٰلِكَ هُدَى ٱللَّهِ يَهۡدِي بِهِۦ مَن يَشَآءُ مِنۡ عِبَادِهِۦۚ وَلَوۡ أَشۡرَكُواْ لَحَبِطَ عَنۡهُم مَّا كَانُواْ يَعۡمَلُونَ

Entuba i tutulu nu Allah, i tutulu nin kanu magkahanda nin sya kanu manga ulipen nin, amayka sinumakutu bu silan na nagugul den sa kanilan su penggalbeken nilan.

Ayah: 89

أُوْلَٰٓئِكَ ٱلَّذِينَ ءَاتَيۡنَٰهُمُ ٱلۡكِتَٰبَ وَٱلۡحُكۡمَ وَٱلنُّبُوَّةَۚ فَإِن يَكۡفُرۡ بِهَا هَٰٓؤُلَآءِ فَقَدۡ وَكَّلۡنَا بِهَا قَوۡمٗا لَّيۡسُواْ بِهَا بِكَٰفِرِينَ

Entuba na inenggan nami silan sa kitab endu hukuman endu kanabi na amayka pagkafiran nu manga taw nengka (Muhammad) na aden bun sinaligan nami lun a manga taw a di nilan egkafiran (i langun a kitab).

Ayah: 90

أُوْلَٰٓئِكَ ٱلَّذِينَ هَدَى ٱللَّهُۖ فَبِهُدَىٰهُمُ ٱقۡتَدِهۡۗ قُل لَّآ أَسۡـَٔلُكُمۡ عَلَيۡهِ أَجۡرًاۖ إِنۡ هُوَ إِلَّا ذِكۡرَىٰ لِلۡعَٰلَمِينَ

Silan a manga taw i tinutulu nu Allah na su tutulu sa kanilan i tuntul ka, edtalu ka i di kena aku papedsukay sa lekanu sa sabap sa (Qur’an) ka saben-sabenal a indawan sa taw nu dunya.