Translation of the Meanings of the Noble Qur'an - Filipino Translation (Maguindanaon) - Rowad Translation Center * - Translations’ Index
۞ وَإِن كُنتُمۡ عَلَىٰ سَفَرٖ وَلَمۡ تَجِدُواْ كَاتِبٗا فَرِهَٰنٞ مَّقۡبُوضَةٞۖ فَإِنۡ أَمِنَ بَعۡضُكُم بَعۡضٗا فَلۡيُؤَدِّ ٱلَّذِي ٱؤۡتُمِنَ أَمَٰنَتَهُۥ وَلۡيَتَّقِ ٱللَّهَ رَبَّهُۥۗ وَلَا تَكۡتُمُواْ ٱلشَّهَٰدَةَۚ وَمَن يَكۡتُمۡهَا فَإِنَّهُۥٓ ءَاثِمٞ قَلۡبُهُۥۗ وَٱللَّهُ بِمَا تَعۡمَلُونَ عَلِيمٞ
Endu amayka ya nu kaaden i sa lakawan a da egkatun nu a pasusulat na sanda a egkasagedan (nu inutangan), na amayka egkasaligan nu sabad sa lekanu su sabad na itunay nu nasaligan su salig sa lekanin, endu ikagilek nin su Allah a pedtiyakap sa lekanin, endu di nu magema su kadsaksi, ka entayn i ipagema nin su entuba na saben-sabenal sa lekanin na mindusa su pamusungan nin, endu su Allah kanu nganin a penggalebeken nu na mataw.
Arabic explanations of the Qur’an:
لِّلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۗ وَإِن تُبۡدُواْ مَا فِيٓ أَنفُسِكُمۡ أَوۡ تُخۡفُوهُ يُحَاسِبۡكُم بِهِ ٱللَّهُۖ فَيَغۡفِرُ لِمَن يَشَآءُ وَيُعَذِّبُ مَن يَشَآءُۗ وَٱللَّهُ عَلَىٰ كُلِّ شَيۡءٖ قَدِيرٌ
Kanu Allah su nganin a sya kanu manga langit endu nganin a sya kanu lupa, endu amayka ipayag nu su nganin a sya kanu manga ginawa nu ataw ka isulen nu su entuba, na kwintan sa lekanu su entuba nu Allah, na ampunen nin su entayn i magkahanda nin, endu siksan nin su entayn i magkahanda nin, endu su Allah kanu langun nu enggagaisa na pakagaga.
Arabic explanations of the Qur’an:
ءَامَنَ ٱلرَّسُولُ بِمَآ أُنزِلَ إِلَيۡهِ مِن رَّبِّهِۦ وَٱلۡمُؤۡمِنُونَۚ كُلٌّ ءَامَنَ بِٱللَّهِ وَمَلَٰٓئِكَتِهِۦ وَكُتُبِهِۦ وَرُسُلِهِۦ لَا نُفَرِّقُ بَيۡنَ أَحَدٖ مِّن رُّسُلِهِۦۚ وَقَالُواْ سَمِعۡنَا وَأَطَعۡنَاۖ غُفۡرَانَكَ رَبَّنَا وَإِلَيۡكَ ٱلۡمَصِيرُ
Nalityala (nangimbenal) su sinugu (Muhammad) kanu nganin a initulun sa lekanin a ebpun kanu pedtiyakap sa lekanin (Allah), endu su manga bamalityala (bamangimbenal), umani isa na nalityala (nangimbenal) sa Allah endu sa manga malaikat nin endu su manga kitab nin, endu su manga sinugu nin, di nami papembidayan su pageltan nu isa ebpun kanu manga sinugu nin, endu pidtalu nilan i nakineg nami endu naginugut kami, ampun kami pedtiyakap sa lekami (Allah), endu sa leka i pedtamanan.
Arabic explanations of the Qur’an:
لَا يُكَلِّفُ ٱللَّهُ نَفۡسًا إِلَّا وُسۡعَهَاۚ لَهَا مَا كَسَبَتۡ وَعَلَيۡهَا مَا ٱكۡتَسَبَتۡۗ رَبَّنَا لَا تُؤَاخِذۡنَآ إِن نَّسِينَآ أَوۡ أَخۡطَأۡنَاۚ رَبَّنَا وَلَا تَحۡمِلۡ عَلَيۡنَآ إِصۡرٗا كَمَا حَمَلۡتَهُۥ عَلَى ٱلَّذِينَ مِن قَبۡلِنَاۚ رَبَّنَا وَلَا تُحَمِّلۡنَا مَا لَا طَاقَةَ لَنَا بِهِۦۖ وَٱعۡفُ عَنَّا وَٱغۡفِرۡ لَنَا وَٱرۡحَمۡنَآۚ أَنتَ مَوۡلَىٰنَا فَٱنصُرۡنَا عَلَى ٱلۡقَوۡمِ ٱلۡكَٰفِرِينَ
Da ibpalyugat nu Allah kanu ginawa ya tabya na magaga nin, lekanin su nganin a mapya a napantiyali nin, endu lekanin su nganin a mawag a napantyali nin, pedtiyakap sa lekami (Allah) di kami sumiksa amayka nalimpangan nami, ataw ka nalimban kami, pedtyakap sa lekami (Allah) dika mapapananggit sa lekami i mapasang sa mana su inipapananggit nengka kanu silan a nawna sa lekami, pedtyakap sa lekami (Allah) di kami mapadtapik sa nganin a da ipenggaga nami lun, endu lasam kami nengka endu ampun kami nengka, endu ikalimu kami nengka, seka i pedtuganul sa lekami na tabangi kami kanu lumpukan a manga kafir.
Arabic explanations of the Qur’an:
Translation of the Meanings of the Noble Qur'an - Filipino Translation (Maguindanaon) - Rowad Translation Center - Translations’ Index
translated by Rowwad Translation Center, in cooperation with the Islamic Propagation Office in Rabwah and the Association for Serving Islamic Content in Languages.