Translation of the Meanings Surah Al-Baqarah - Filipino Translation (Maguindanaon) - Rowad Translation Center - Page Number 25 - Encyclopedia of the Noble Quran

Verse: 164

إِنَّ فِي خَلۡقِ ٱلسَّمَٰوَٰتِ وَٱلۡأَرۡضِ وَٱخۡتِلَٰفِ ٱلَّيۡلِ وَٱلنَّهَارِ وَٱلۡفُلۡكِ ٱلَّتِي تَجۡرِي فِي ٱلۡبَحۡرِ بِمَا يَنفَعُ ٱلنَّاسَ وَمَآ أَنزَلَ ٱللَّهُ مِنَ ٱلسَّمَآءِ مِن مَّآءٖ فَأَحۡيَا بِهِ ٱلۡأَرۡضَ بَعۡدَ مَوۡتِهَا وَبَثَّ فِيهَا مِن كُلِّ دَآبَّةٖ وَتَصۡرِيفِ ٱلرِّيَٰحِ وَٱلسَّحَابِ ٱلۡمُسَخَّرِ بَيۡنَ ٱلسَّمَآءِ وَٱلۡأَرۡضِ لَأٓيَٰتٖ لِّقَوۡمٖ يَعۡقِلُونَ

Saben-sabenal sya kanu kinapamaluy kanu manga langit endu lupa, endu su kambida nu magabi endu malamag endu su bagedan a balalaguy sa lagat kanu nganin a pakangguna kanu manga taw endu su nganin a pinatuga nu Allah a ebpun sa langit a ig, na inuyag nin sabap lun su lupa kanu ulyan nu kinapatay nin, endu pinambuwad nin kanu lupa i uman i melanap- lanap endu su kapebpalin-palin nu sambel endu su gabun a inipapayt kanu pageltan nu langit endu lupa, na manga tanda intu kanu maginged (umat) a pakapamikil.

Verse: 165

وَمِنَ ٱلنَّاسِ مَن يَتَّخِذُ مِن دُونِ ٱللَّهِ أَندَادٗا يُحِبُّونَهُمۡ كَحُبِّ ٱللَّهِۖ وَٱلَّذِينَ ءَامَنُوٓاْ أَشَدُّ حُبّٗا لِّلَّهِۗ وَلَوۡ يَرَى ٱلَّذِينَ ظَلَمُوٓاْ إِذۡ يَرَوۡنَ ٱلۡعَذَابَ أَنَّ ٱلۡقُوَّةَ لِلَّهِ جَمِيعٗا وَأَنَّ ٱللَّهَ شَدِيدُ ٱلۡعَذَابِ

Endu kaped kanu manga taw na bangaden silan sa salakaw kanu Allah a manga pagidsan nin, galilinyan nilan su entuba sa mana lilini nilan kanu Allah, endu su silan a namalityala (namangimbenal) na labi i lilini nilan kanu Allah, umana bu ka maylay nu manga salimbuten su gay a kaylay nilan kanu siksa sa saben-sabenal na su bagel na kanu Allah langun, endu saben-sabenal na su Allah na mapedes i kasiksa.

Verse: 166

إِذۡ تَبَرَّأَ ٱلَّذِينَ ٱتُّبِعُواْ مِنَ ٱلَّذِينَ ٱتَّبَعُواْ وَرَأَوُاْ ٱلۡعَذَابَ وَتَقَطَّعَتۡ بِهِمُ ٱلۡأَسۡبَابُ

Kanu kutika (lu sa gay a mawli) a kabpukas nu silan a inunutan kanu silan a minunut, na maylay nilan su siksa, endu natebped sa kanilan i manga sabapan (na kalipwas nilan).

Verse: 167

وَقَالَ ٱلَّذِينَ ٱتَّبَعُواْ لَوۡ أَنَّ لَنَا كَرَّةٗ فَنَتَبَرَّأَ مِنۡهُمۡ كَمَا تَبَرَّءُواْ مِنَّاۗ كَذَٰلِكَ يُرِيهِمُ ٱللَّهُ أَعۡمَٰلَهُمۡ حَسَرَٰتٍ عَلَيۡهِمۡۖ وَمَا هُم بِخَٰرِجِينَ مِنَ ٱلنَّارِ

Endu ya pidtalu nu manga namangunut: umana bu ka saben-sabenal na aden sa lekitanu i kambalingan na lemipwas tanu sa kanilan, sa mana kinalipwas nilan sa lekitanu, manan ba i kapailay nu Allah kanu manga galebekan nilan, sa sendit nilan den, endu da sa kanilan i kalyu sa naraka.

Verse: 168

يَٰٓأَيُّهَا ٱلنَّاسُ كُلُواْ مِمَّا فِي ٱلۡأَرۡضِ حَلَٰلٗا طَيِّبٗا وَلَا تَتَّبِعُواْ خُطُوَٰتِ ٱلشَّيۡطَٰنِۚ إِنَّهُۥ لَكُمۡ عَدُوّٞ مُّبِينٌ

Hay sekanu a manga taw! Kan kanu kanu nganin sya kanu lupa sa halal a mapiya, endu di nu bagunuti i manga sangkad nu manga Shaytan, saben-sabenal na su Shaytan na satru nu a mapayag.

Verse: 169

إِنَّمَا يَأۡمُرُكُم بِٱلسُّوٓءِ وَٱلۡفَحۡشَآءِ وَأَن تَقُولُواْ عَلَى ٱللَّهِ مَا لَا تَعۡلَمُونَ

Ya nin bu ipdsugu sa lekanu na mawag endu maledsik, endu nu kapanebu-tebuwan su Allah sa di nu katawan.