Check out the new design

Meningsmæssige oversættelser af Den Hellige Koran - Luhya-oversættelsen - Det Internationale Selskab for Videnskab og Kultur * - Oversigt over oversættelser

Meningsmæssige oversættelser Kapitel (sura): AL-QALAM   Vers (aya):
Sura oversigt Sidetal HTML

Al-Qalam

Vers (aya): 1

نٓۚ وَٱلۡقَلَمِ وَمَا يَسۡطُرُونَ
Nun. Nditsuba khulukalamu nende kabahandikanga.
Arabiske fortolkninger (tafasir):

Vers (aya): 2

مَآ أَنتَ بِنِعۡمَةِ رَبِّكَ بِمَجۡنُونٖ
Ewe khumikabo chia Nyasaye wuwo Omulesi sholi omulalu tawe.
Arabiske fortolkninger (tafasir):

Vers (aya): 3

وَإِنَّ لَكَ لَأَجۡرًا غَيۡرَ مَمۡنُونٖ
Ne toto bwene oli nomurungo omukhongo kulaliwa tawe.
Arabiske fortolkninger (tafasir):

Vers (aya): 4

وَإِنَّكَ لَعَلَىٰ خُلُقٍ عَظِيمٖ
Ne toto bwene oli nende ebima ebilayi muno.
Arabiske fortolkninger (tafasir):

Vers (aya): 5

فَسَتُبۡصِرُ وَيُبۡصِرُونَ
Hambi ano olalola, nabo bosi nibalole.
Arabiske fortolkninger (tafasir):

Vers (aya): 6

بِأَييِّكُمُ ٱلۡمَفۡتُونُ
Ni wina mwinywe womurwe omubii.
Arabiske fortolkninger (tafasir):

Vers (aya): 7

إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِٱلۡمُهۡتَدِينَ
Toto Nyasaye wuwo Omulesi niye umanyile muno ulia wakora okhurula khunjila yiyie, ne amanyile muno abali khubulunjifu.
Arabiske fortolkninger (tafasir):

Vers (aya): 8

فَلَا تُطِعِ ٱلۡمُكَذِّبِينَ
Olaloonda abakatsulanga tawe.
Arabiske fortolkninger (tafasir):

Vers (aya): 9

وَدُّواْ لَوۡ تُدۡهِنُ فَيُدۡهِنُونَ
Bekombanga mbu olaba omuteshere (khudini yiyio) kho nabo bakhutoratosilie (amakhuwa kabo).
Arabiske fortolkninger (tafasir):

Vers (aya): 10

وَلَا تُطِعۡ كُلَّ حَلَّافٖ مَّهِينٍ
Ne olaloonda buli ulia witsubanga muno, owulekungwa tawe.
Arabiske fortolkninger (tafasir):

Vers (aya): 11

هَمَّازٖ مَّشَّآءِۭ بِنَمِيمٖ
Ulekanga muno abandu, uyiyayiyanga natswatswania.
Arabiske fortolkninger (tafasir):

Vers (aya): 12

مَّنَّاعٖ لِّلۡخَيۡرِ مُعۡتَدٍ أَثِيمٍ
Omwikalili muno wamalayi, urumanga tsinzakho, owetsimbi po.
Arabiske fortolkninger (tafasir):

Vers (aya): 13

عُتُلِّۭ بَعۡدَ ذَٰلِكَ زَنِيمٍ
Womwoyo omwangaranu, owe ikholo isiro.
Arabiske fortolkninger (tafasir):

Vers (aya): 14

أَن كَانَ ذَا مَالٖ وَبَنِينَ
Khulwokhubeela ali nende emiandu nende Abana.
Arabiske fortolkninger (tafasir):

Vers (aya): 15

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ
Nibasomelwa tsinyaali tsiefu nibaboola mbu: “Etso nitsingano tsiabakhale.”
Arabiske fortolkninger (tafasir):

Vers (aya): 16

سَنَسِمُهُۥ عَلَى ٱلۡخُرۡطُومِ
Khulamurakhwo eshimanyisio khuliulu lilie.
Arabiske fortolkninger (tafasir):

Vers (aya): 17

إِنَّا بَلَوۡنَٰهُمۡ كَمَا بَلَوۡنَآ أَصۡحَٰبَ ٱلۡجَنَّةِ إِذۡ أَقۡسَمُواْ لَيَصۡرِمُنَّهَا مُصۡبِحِينَ
Ne toto bwene khulabatema shinga khwatema Abandu bomukunda, olwa betsuba mbu: “Toto khulauna okhukuchesa obulachweya.”
Arabiske fortolkninger (tafasir):

Vers (aya): 18

وَلَا يَسۡتَثۡنُونَ
Ne nibalaboola mbu “Nyasaye nachama” tawe.
Arabiske fortolkninger (tafasir):

Vers (aya): 19

فَطَافَ عَلَيۡهَا طَآئِفٞ مِّن رَّبِّكَ وَهُمۡ نَآئِمُونَ
Awo, eshikhole shiamaraba, okhurula khu Nyasaye wuwo Omulesi nishikholekha khumukunda oko nabo nibali mutsindoolo.
Arabiske fortolkninger (tafasir):

Vers (aya): 20

فَأَصۡبَحَتۡ كَٱلصَّرِيمِ
Nikuba shinga eshiilima eshikhongo.
Arabiske fortolkninger (tafasir):

Vers (aya): 21

فَتَنَادَوۡاْ مُصۡبِحِينَ
Nibalaangana mumabwibwi nibushiele.
Arabiske fortolkninger (tafasir):

Vers (aya): 22

أَنِ ٱغۡدُواْ عَلَىٰ حَرۡثِكُمۡ إِن كُنتُمۡ صَٰرِمِينَ
Mbu: “Tsie itsuli mumukunda kwenyu nimuli toto mbu mutsitsanga okhuchesa.”
Arabiske fortolkninger (tafasir):

Vers (aya): 23

فَٱنطَلَقُواْ وَهُمۡ يَتَخَٰفَتُونَ
Ne nibarula nibasungana mubwimoonyo.
Arabiske fortolkninger (tafasir):

Vers (aya): 24

أَن لَّا يَدۡخُلَنَّهَا ٱلۡيَوۡمَ عَلَيۡكُم مِّسۡكِينٞ
“Alakhabenjirirakhwomwo (mumukunda) omumanani yesiyesi inyanga yino tawe.”
Arabiske fortolkninger (tafasir):

Vers (aya): 25

وَغَدَوۡاْ عَلَىٰ حَرۡدٖ قَٰدِرِينَ
Ne nibatsia nibasuubile muno nibeelolanga mbu bali noobunyali.
Arabiske fortolkninger (tafasir):

Vers (aya): 26

فَلَمَّا رَأَوۡهَا قَالُوٓاْ إِنَّا لَضَآلُّونَ
Olwa bakulola, baboola mbu: “Toto bwene khukorere.
Arabiske fortolkninger (tafasir):

Vers (aya): 27

بَلۡ نَحۡنُ مَحۡرُومُونَ
Halali efwe khwimilwe.”
Arabiske fortolkninger (tafasir):

Vers (aya): 28

قَالَ أَوۡسَطُهُمۡ أَلَمۡ أَقُل لَّكُمۡ لَوۡلَا تُسَبِّحُونَ
Omulayi muno mubo naboola mbu: “Shebaboolelekhwo tawe mbu, khulwa shina mulatswenula Nyasaye tawe?”
Arabiske fortolkninger (tafasir):

Vers (aya): 29

قَالُواْ سُبۡحَٰنَ رَبِّنَآ إِنَّا كُنَّا ظَٰلِمِينَ
Nibaboola mbu: “Obutswenufu nibwa Nyasaye wefu Omulesi. Toto efwe khuli abonooni.”
Arabiske fortolkninger (tafasir):

Vers (aya): 30

فَأَقۡبَلَ بَعۡضُهُمۡ عَلَىٰ بَعۡضٖ يَتَلَٰوَمُونَ
Nibakalukhana abeene khubeene okhufunanania.
Arabiske fortolkninger (tafasir):

Vers (aya): 31

قَالُواْ يَٰوَيۡلَنَآ إِنَّا كُنَّا طَٰغِينَ
Nibaboola mbu: “Abaane efwe! Khuburire eshichelo.
Arabiske fortolkninger (tafasir):

Vers (aya): 32

عَسَىٰ رَبُّنَآ أَن يُبۡدِلَنَا خَيۡرٗا مِّنۡهَآ إِنَّآ إِلَىٰ رَبِّنَا رَٰغِبُونَ
Awundi Nyasaye wefu Omulesi alakhukalukhasiria amalayi okhushila kano. Toto efwe khukalushila Nyasaye wefu Omulesi.”
Arabiske fortolkninger (tafasir):

Vers (aya): 33

كَذَٰلِكَ ٱلۡعَذَابُۖ وَلَعَذَابُ ٱلۡأٓخِرَةِ أَكۡبَرُۚ لَوۡ كَانُواْ يَعۡلَمُونَ
Endio nilwa eshinyasio shili. Ne eshinyasio sheyindukho neshikhongo muno, bamanyangakhwo bayie!
Arabiske fortolkninger (tafasir):

Vers (aya): 34

إِنَّ لِلۡمُتَّقِينَ عِندَ رَبِّهِمۡ جَنَّٰتِ ٱلنَّعِيمِ
Toto bwene balia abaria Nyasaye wabu baliba nende emikunda chomwikulu chobwokholo ewa Nyasaye wabu Omulesi.
Arabiske fortolkninger (tafasir):

Vers (aya): 35

أَفَنَجۡعَلُ ٱلۡمُسۡلِمِينَ كَٱلۡمُجۡرِمِينَ
Ne, khwakhakhola abasalamu shinga aboononi?
Arabiske fortolkninger (tafasir):

Vers (aya): 36

مَا لَكُمۡ كَيۡفَ تَحۡكُمُونَ
Mukhabeele murie? Mubusinjia murie?
Arabiske fortolkninger (tafasir):

Vers (aya): 37

أَمۡ لَكُمۡ كِتَٰبٞ فِيهِ تَدۡرُسُونَ
Nohomba muli neshitabu shiamusomangamwo?
Arabiske fortolkninger (tafasir):

Vers (aya): 38

إِنَّ لَكُمۡ فِيهِ لَمَا تَخَيَّرُونَ
Mbu mulanyoolamwo akamwayanza?
Arabiske fortolkninger (tafasir):

Vers (aya): 39

أَمۡ لَكُمۡ أَيۡمَٰنٌ عَلَيۡنَا بَٰلِغَةٌ إِلَىٰ يَوۡمِ ٱلۡقِيَٰمَةِ إِنَّ لَكُمۡ لَمَا تَحۡكُمُونَ
Nohomba muli neebiitsubo khwifwe, ebiliboosia khu inyanga yeyindukho, mbu toto bwene mulinyoola koosi pe kamubusinjia?
Arabiske fortolkninger (tafasir):

Vers (aya): 40

سَلۡهُمۡ أَيُّهُم بِذَٰلِكَ زَعِيمٌ
Barebe mbu: “Ni wina mubo Omwimilisi wa kano?”
Arabiske fortolkninger (tafasir):

Vers (aya): 41

أَمۡ لَهُمۡ شُرَكَآءُ فَلۡيَأۡتُواْ بِشُرَكَآئِهِمۡ إِن كَانُواْ صَٰدِقِينَ
Nohomba bali nende abasaanji? Mana barere abasaanji babu abo nikali mbu baboolanga akatoto.
Arabiske fortolkninger (tafasir):

Vers (aya): 42

يَوۡمَ يُكۡشَفُ عَن سَاقٖ وَيُدۡعَوۡنَ إِلَى ٱلسُّجُودِ فَلَا يَسۡتَطِيعُونَ
Inyanga lwomuluku (kwa Nyasaye) kulifunulwa, ne balilangwa okhurerera Nyasaye obwenu bwabu hasi (okhusujuda), ne shibalinyalilwa tawe.
Arabiske fortolkninger (tafasir):

Vers (aya): 43

خَٰشِعَةً أَبۡصَٰرُهُمۡ تَرۡهَقُهُمۡ ذِلَّةٞۖ وَقَدۡ كَانُواْ يُدۡعَوۡنَ إِلَى ٱلسُّجُودِ وَهُمۡ سَٰلِمُونَ
Tsimoni tsiabu tsilihenga hasi, tsisoni tsilibalia muno, toto bwene balaangungwa okhurerera Nyasaye obweni bwabu hasi (nibali khushialo) nibali abalamu muno.
Arabiske fortolkninger (tafasir):

Vers (aya): 44

فَذَرۡنِي وَمَن يُكَذِّبُ بِهَٰذَا ٱلۡحَدِيثِۖ سَنَسۡتَدۡرِجُهُم مِّنۡ حَيۡثُ لَا يَعۡلَمُونَ
Kho ndeshela balia bakatsulanga likhuwa lino, khulabasitia khushinyasio kalahakalaha munjila yabalamanyile tawe.
Arabiske fortolkninger (tafasir):

Vers (aya): 45

وَأُمۡلِي لَهُمۡۚ إِنَّ كَيۡدِي مَتِينٌ
Ne ndalabahelesia ebise. Toto amaraba kanje ni amasiro.
Arabiske fortolkninger (tafasir):

Vers (aya): 46

أَمۡ تَسۡـَٔلُهُمۡ أَجۡرٗا فَهُم مِّن مَّغۡرَمٖ مُّثۡقَلُونَ
Nohomba obasabanga omurungo, nabo bakhayungwa eshichelo esho khulwa neeshisiro?
Arabiske fortolkninger (tafasir):

Vers (aya): 47

أَمۡ عِندَهُمُ ٱلۡغَيۡبُ فَهُمۡ يَكۡتُبُونَ
Nohoma bali nende kefisa kabahandikanga?
Arabiske fortolkninger (tafasir):

Vers (aya): 48

فَٱصۡبِرۡ لِحُكۡمِ رَبِّكَ وَلَا تَكُن كَصَاحِبِ ٱلۡحُوتِ إِذۡ نَادَىٰ وَهُوَ مَكۡظُومٞ
Kho linda okhula shinga Nyasaye wuwo Omulesi yetsa okhubusia eshina, ne olaba ta shinga omundu weyimonye (omurumwa Yunus) tawe, olwa yalaanga nafwinyiikhe.
Arabiske fortolkninger (tafasir):

Vers (aya): 49

لَّوۡلَآ أَن تَدَٰرَكَهُۥ نِعۡمَةٞ مِّن رَّبِّهِۦ لَنُبِذَ بِٱلۡعَرَآءِ وَهُوَ مَذۡمُومٞ
Tsikhayanga okhumuulila tsimbabaasi okhurula khu Nyasaye wuwe Omulesi, yakhasalilwe khulukuku nafunanibwa.
Arabiske fortolkninger (tafasir):

Vers (aya): 50

فَٱجۡتَبَٰهُ رَبُّهُۥ فَجَعَلَهُۥ مِنَ ٱلصَّٰلِحِينَ
Halali Nyasaye wuwe Omulesi namwawula, mana namukhola okhuba mubandu abalayi.
Arabiske fortolkninger (tafasir):

Vers (aya): 51

وَإِن يَكَادُ ٱلَّذِينَ كَفَرُواْ لَيُزۡلِقُونَكَ بِأَبۡصَٰرِهِمۡ لَمَّا سَمِعُواْ ٱلذِّكۡرَ وَيَقُولُونَ إِنَّهُۥ لَمَجۡنُونٞ
Ne abakhayi bali hambi muno okhukhureresia khu tsimoni tsiabu, olwa bawulila ametsulisio ka Nyasaye. Ne baboolanga mbu: “Toto bwene ye ni omulalu.”
Arabiske fortolkninger (tafasir):

Vers (aya): 52

وَمَا هُوَ إِلَّا ذِكۡرٞ لِّلۡعَٰلَمِينَ
Ne amakhuwa kano (Ikurani) shikali halali ni ametsulisio khubiloonje bioosi.
Arabiske fortolkninger (tafasir):
 
Meningsmæssige oversættelser Kapitel (sura): AL-QALAM
Sura oversigt Sidetal
 
Meningsmæssige oversættelser af Den Hellige Koran - Luhya-oversættelsen - Det Internationale Selskab for Videnskab og Kultur - Oversigt over oversættelser

Filippinsk (Maguindanao) oversættelse - Rowad Oversættelsescenter

Luk