Маънолар таржимаси Сура Набаъ - Қуръон Каримнинг мухтасар тафсирининг паштунча таржимаси - Бет рақами 582 - Қуръони Карим қомуси

نبا

Суранинг мақсадларидан..:

بيان أدلة القدرة على البعث والتخويف من العاقبة.

پر بېرته را ژوندي کولو د قدرت د دلايلو او له پايلې د وېرولو بيان.

---

Оят: 1

عَمَّ یَتَسَآءَلُوْنَ ۟ۚ

دغه مشرکان وروسته له دې چې الله يې خپل رسول صلی الله عليه وسلم ورته ولېږلو د څه په اړه پوښنې سره کوي.

Оят: 2

عَنِ النَّبَاِ الْعَظِیْمِ ۟ۙ

ځينې يې له ځینو د لوی خبر په اړه پوښتنې کوي او هغه دغه قرآن دی چې د هغوی پر رسول نازل کړل شوی د بېرته راپورته کېدو پر خبر مشتمل دی.

Оят: 3

الَّذِیْ هُمْ فِیْهِ مُخْتَلِفُوْنَ ۟ؕ

دغه قرآن چې هغوی يې په هکله په هغه څه اختلاف کړی چې د هغه لپاره يې بيانوي، چې هغه کوډې، يا شعر، يا کهانت (د غيب خبرې) او يا هم د پخوانيو کيسې دي.

Оят: 4

كَلَّا سَیَعْلَمُوْنَ ۟ۙ

داسې نه ده لکه څرنګه چې هغوی چې ګومان کړی، ژر به دغه د قرآن درواغ ګڼونکي د خپلو درواغ ګڼلو په بده پایله پوه شي.

Оят: 5

ثُمَّ كَلَّا سَیَعْلَمُوْنَ ۟

بيا د هغوی لپاره د دې خبرې ټينګار کيږي.

Оят: 6

اَلَمْ نَجْعَلِ الْاَرْضَ مِهٰدًا ۟ۙ

آيا ځمکه مو د هغوی لپاره داسې فرش نه ده ګرځولې چې پر هغې د برکراره پاتې کېدو لپاره يې وړ وي؟!.

Оят: 7

وَّالْجِبَالَ اَوْتَادًا ۟ۙ

او غرونه مو پر هغې د مېخونو غوندې ګرځولي چې له خوځېدو يې را ګرځوي.

Оят: 8

وَّخَلَقْنٰكُمْ اَزْوَاجًا ۟ۙ

او اې خلکو! تاسو مو جوړې جوړې پيداکړي ياست: ځينې له تاسې نارينه او ځينې ښځينه دي.

Оят: 9

وَّجَعَلْنَا نَوْمَكُمْ سُبَاتًا ۟ۙ

او ستاسو خوب مو له له نشاط څخه پرېکون ګرځولی ترڅو آرام وکړئ.

Оят: 10

وَّجَعَلْنَا الَّیْلَ لِبَاسًا ۟ۙ

او شپه مو ستاسو لپاره د هغې په تياره د هغه جامو غوندې پټوونکې ګرځولې چې خپل شرمځايونه پرې پټوئ.

Оят: 11

وَّجَعَلْنَا النَّهَارَ مَعَاشًا ۟ۚ

او ورځ مو ډګر ګرځولې ده د کار او روزۍ پلټڼې لپاره.

Оят: 12

وَبَنَیْنَا فَوْقَكُمْ سَبْعًا شِدَادًا ۟ۙ

او جوړ کړې مو دې ستاسې له پاسه اووه آسمانونه چې ودانۍ یې کلکه او جوړښت یې غښتلی دی.

Оят: 13

وَّجَعَلْنَا سِرَاجًا وَّهَّاجًا ۟ۙ

او لمر مو یو سخت روښانه او رڼا والا ډېوه ګرځولې ده.

Оят: 14

وَّاَنْزَلْنَا مِنَ الْمُعْصِرٰتِ مَآءً ثَجَّاجًا ۟ۙ

او هغه ته له نېږدې ورېځو مو د زياتو تویوونکو اوبو والا باران ورولی دی.

Оят: 15

لِّنُخْرِجَ بِهٖ حَبًّا وَّنَبَاتًا ۟ۙ

ترڅو پرې ډول ډول دانې او ډول ډول شينګياوې را وباسو.

Оят: 16

وَّجَنّٰتٍ اَلْفَافًا ۟ؕ

او داسې باغونه پرې را وباسو چې د ونو څانګې يې په يو بل کې د زيات ننوتلو له امله سره نېښتې وي.

Оят: 17

اِنَّ یَوْمَ الْفَصْلِ كَانَ مِیْقَاتًا ۟ۙ

پرته له شکه د خلکو تر منځ د پرېکړې ورځ يو ژمنه شوی ټاکل شوی وخت دی چې شاتګ نه ترې کيږي.

Оят: 18

یَّوْمَ یُنْفَخُ فِی الصُّوْرِ فَتَاْتُوْنَ اَفْوَاجًا ۟ۙ

په کومه ورځ چې پرېښته په ښکر کې د دويم ځل لپاره پوکی وکړي؛ نو اې خلکو! تاسې به ډلې ډلې راځئ.

Оят: 19

وَّفُتِحَتِ السَّمَآءُ فَكَانَتْ اَبْوَابًا ۟ۙ

او آسمان به پرانستل شي؛ نو هغه لره به د پرانېستو دروازو غوندې سوروي او سوړې وي.

Оят: 20

وَّسُیِّرَتِ الْجِبَالُ فَكَانَتْ سَرَابًا ۟ؕ

او غرونه به داسې وچلول شي چې پر تيت ګرد به بدل شي، او رېګ غوندې به شي.

Оят: 21

اِنَّ جَهَنَّمَ كَانَتْ مِرْصَادًا ۟ۙ

پرته له شکه دوزخ منتظر څارنځی دی.

Оят: 22

لِّلطَّاغِیْنَ مَاٰبًا ۟ۙ

د ظالمانو لپاره د ورګرځېدو ځای دی چې ور ګرځي به.

Оят: 23

لّٰبِثِیْنَ فِیْهَاۤ اَحْقَابًا ۟ۚ

په هغو کې به دومره زياتې زمانې او وختونه اوسېدونکي وي چې هيڅ پای نه لري.

Оят: 24

لَا یَذُوْقُوْنَ فِیْهَا بَرْدًا وَّلَا شَرَابًا ۟ۙ

په هغو کې به نه يخه هوا څکي چې د دوزخ ګرمي ورڅخه يخه کړي، او نه به داسې څښاک چې خوند پرې واخلي.

Оят: 25

اِلَّا حَمِیْمًا وَّغَسَّاقًا ۟ۙ

يوازې سختې ګرمې اوبه به څکي، او هغه څه چې د دوزخيانو له زوو بهيږي.

Оят: 26

جَزَآءً وِّفَاقًا ۟ؕ

هغه چې پر کوم کفر او لار ورکۍ و له هغې سره برابره بدله ده.

Оят: 27

اِنَّهُمْ كَانُوْا لَا یَرْجُوْنَ حِسَابًا ۟ۙ

پرته له شکه هغوی په دنيا کې له هغوی سره په آخرت کې د الله له حسابه نه ډارېدل؛ ځکه هغوی پر بېرته را پورته کېدو باور نه لرلو، که چېرې هغوی له بېرته را پورته کېدو وېرېدلای هرومرو به يې پر الله ايمان راوړی و، او نېک عمل به يې کړی وای.

Оят: 28

وَّكَذَّبُوْا بِاٰیٰتِنَا كِذَّابًا ۟ؕ

او زمو پر رسول نازل کړل شوي زموږ ايتونه يې په درواغ ګنلو سره درواغ ګڼلي وو.

Оят: 29

وَكُلَّ شَیْءٍ اَحْصَیْنٰهُ كِتٰبًا ۟ۙ

او د هغوی له کړنو مو هرڅه ضبظ کړي او شمېرلي وو، او هغه يې د کړنو په پاڼو کې ليکل شوي وو.

Оят: 30

فَذُوْقُوْا فَلَنْ نَّزِیْدَكُمْ اِلَّا عَذَابًا ۟۠

اې سرکښانو! دغه تلپاتې عذاب وڅکئ، هيڅکله به در زيات نه کړو مګر پر عذاب مو بل عذاب.

Ушбу саҳифадаги оят фойдаларидан:

• إحكام الله للخلق دلالة على قدرته على إعادته.

د الله لخوا د مخلوق محکم والی د هغه د بېرته پر راګرځولو دلالت کوي.

• الطغيان سبب دخول النار.

زیاتی اور ته د ننوتلو لامل دی.

• مضاعفة العذاب على الكفار.

پر کافرانو د عذاب څو برابره کېدل.