Translation of the Meanings Surah An-Naba’ - Pashto translation of Al-Mukhtsar in interpretation of the Noble Quran - Page Number 582 - Encyclopedia of the Noble Quran

نبا

Objectives of the Surah:

بيان أدلة القدرة على البعث والتخويف من العاقبة.

پر بېرته را ژوندي کولو د قدرت د دلايلو او له پايلې د وېرولو بيان.

---

Verse: 1

عَمَّ یَتَسَآءَلُوْنَ ۟ۚ

دغه مشرکان وروسته له دې چې الله يې خپل رسول صلی الله عليه وسلم ورته ولېږلو د څه په اړه پوښنې سره کوي.

Verse: 2

عَنِ النَّبَاِ الْعَظِیْمِ ۟ۙ

ځينې يې له ځینو د لوی خبر په اړه پوښتنې کوي او هغه دغه قرآن دی چې د هغوی پر رسول نازل کړل شوی د بېرته راپورته کېدو پر خبر مشتمل دی.

Verse: 3

الَّذِیْ هُمْ فِیْهِ مُخْتَلِفُوْنَ ۟ؕ

دغه قرآن چې هغوی يې په هکله په هغه څه اختلاف کړی چې د هغه لپاره يې بيانوي، چې هغه کوډې، يا شعر، يا کهانت (د غيب خبرې) او يا هم د پخوانيو کيسې دي.

Verse: 4

كَلَّا سَیَعْلَمُوْنَ ۟ۙ

داسې نه ده لکه څرنګه چې هغوی چې ګومان کړی، ژر به دغه د قرآن درواغ ګڼونکي د خپلو درواغ ګڼلو په بده پایله پوه شي.

Verse: 5

ثُمَّ كَلَّا سَیَعْلَمُوْنَ ۟

بيا د هغوی لپاره د دې خبرې ټينګار کيږي.

Verse: 6

اَلَمْ نَجْعَلِ الْاَرْضَ مِهٰدًا ۟ۙ

آيا ځمکه مو د هغوی لپاره داسې فرش نه ده ګرځولې چې پر هغې د برکراره پاتې کېدو لپاره يې وړ وي؟!.

Verse: 7

وَّالْجِبَالَ اَوْتَادًا ۟ۙ

او غرونه مو پر هغې د مېخونو غوندې ګرځولي چې له خوځېدو يې را ګرځوي.

Verse: 8

وَّخَلَقْنٰكُمْ اَزْوَاجًا ۟ۙ

او اې خلکو! تاسو مو جوړې جوړې پيداکړي ياست: ځينې له تاسې نارينه او ځينې ښځينه دي.

Verse: 9

وَّجَعَلْنَا نَوْمَكُمْ سُبَاتًا ۟ۙ

او ستاسو خوب مو له له نشاط څخه پرېکون ګرځولی ترڅو آرام وکړئ.

Verse: 10

وَّجَعَلْنَا الَّیْلَ لِبَاسًا ۟ۙ

او شپه مو ستاسو لپاره د هغې په تياره د هغه جامو غوندې پټوونکې ګرځولې چې خپل شرمځايونه پرې پټوئ.

Verse: 11

وَّجَعَلْنَا النَّهَارَ مَعَاشًا ۟ۚ

او ورځ مو ډګر ګرځولې ده د کار او روزۍ پلټڼې لپاره.

Verse: 12

وَبَنَیْنَا فَوْقَكُمْ سَبْعًا شِدَادًا ۟ۙ

او جوړ کړې مو دې ستاسې له پاسه اووه آسمانونه چې ودانۍ یې کلکه او جوړښت یې غښتلی دی.

Verse: 13

وَّجَعَلْنَا سِرَاجًا وَّهَّاجًا ۟ۙ

او لمر مو یو سخت روښانه او رڼا والا ډېوه ګرځولې ده.

Verse: 14

وَّاَنْزَلْنَا مِنَ الْمُعْصِرٰتِ مَآءً ثَجَّاجًا ۟ۙ

او هغه ته له نېږدې ورېځو مو د زياتو تویوونکو اوبو والا باران ورولی دی.

Verse: 15

لِّنُخْرِجَ بِهٖ حَبًّا وَّنَبَاتًا ۟ۙ

ترڅو پرې ډول ډول دانې او ډول ډول شينګياوې را وباسو.

Verse: 16

وَّجَنّٰتٍ اَلْفَافًا ۟ؕ

او داسې باغونه پرې را وباسو چې د ونو څانګې يې په يو بل کې د زيات ننوتلو له امله سره نېښتې وي.

Verse: 17

اِنَّ یَوْمَ الْفَصْلِ كَانَ مِیْقَاتًا ۟ۙ

پرته له شکه د خلکو تر منځ د پرېکړې ورځ يو ژمنه شوی ټاکل شوی وخت دی چې شاتګ نه ترې کيږي.

Verse: 18

یَّوْمَ یُنْفَخُ فِی الصُّوْرِ فَتَاْتُوْنَ اَفْوَاجًا ۟ۙ

په کومه ورځ چې پرېښته په ښکر کې د دويم ځل لپاره پوکی وکړي؛ نو اې خلکو! تاسې به ډلې ډلې راځئ.

Verse: 19

وَّفُتِحَتِ السَّمَآءُ فَكَانَتْ اَبْوَابًا ۟ۙ

او آسمان به پرانستل شي؛ نو هغه لره به د پرانېستو دروازو غوندې سوروي او سوړې وي.

Verse: 20

وَّسُیِّرَتِ الْجِبَالُ فَكَانَتْ سَرَابًا ۟ؕ

او غرونه به داسې وچلول شي چې پر تيت ګرد به بدل شي، او رېګ غوندې به شي.

Verse: 21

اِنَّ جَهَنَّمَ كَانَتْ مِرْصَادًا ۟ۙ

پرته له شکه دوزخ منتظر څارنځی دی.

Verse: 22

لِّلطَّاغِیْنَ مَاٰبًا ۟ۙ

د ظالمانو لپاره د ورګرځېدو ځای دی چې ور ګرځي به.

Verse: 23

لّٰبِثِیْنَ فِیْهَاۤ اَحْقَابًا ۟ۚ

په هغو کې به دومره زياتې زمانې او وختونه اوسېدونکي وي چې هيڅ پای نه لري.

Verse: 24

لَا یَذُوْقُوْنَ فِیْهَا بَرْدًا وَّلَا شَرَابًا ۟ۙ

په هغو کې به نه يخه هوا څکي چې د دوزخ ګرمي ورڅخه يخه کړي، او نه به داسې څښاک چې خوند پرې واخلي.

Verse: 25

اِلَّا حَمِیْمًا وَّغَسَّاقًا ۟ۙ

يوازې سختې ګرمې اوبه به څکي، او هغه څه چې د دوزخيانو له زوو بهيږي.

Verse: 26

جَزَآءً وِّفَاقًا ۟ؕ

هغه چې پر کوم کفر او لار ورکۍ و له هغې سره برابره بدله ده.

Verse: 27

اِنَّهُمْ كَانُوْا لَا یَرْجُوْنَ حِسَابًا ۟ۙ

پرته له شکه هغوی په دنيا کې له هغوی سره په آخرت کې د الله له حسابه نه ډارېدل؛ ځکه هغوی پر بېرته را پورته کېدو باور نه لرلو، که چېرې هغوی له بېرته را پورته کېدو وېرېدلای هرومرو به يې پر الله ايمان راوړی و، او نېک عمل به يې کړی وای.

Verse: 28

وَّكَذَّبُوْا بِاٰیٰتِنَا كِذَّابًا ۟ؕ

او زمو پر رسول نازل کړل شوي زموږ ايتونه يې په درواغ ګنلو سره درواغ ګڼلي وو.

Verse: 29

وَكُلَّ شَیْءٍ اَحْصَیْنٰهُ كِتٰبًا ۟ۙ

او د هغوی له کړنو مو هرڅه ضبظ کړي او شمېرلي وو، او هغه يې د کړنو په پاڼو کې ليکل شوي وو.

Verse: 30

فَذُوْقُوْا فَلَنْ نَّزِیْدَكُمْ اِلَّا عَذَابًا ۟۠

اې سرکښانو! دغه تلپاتې عذاب وڅکئ، هيڅکله به در زيات نه کړو مګر پر عذاب مو بل عذاب.

Benefits of the Verses on this page:

• إحكام الله للخلق دلالة على قدرته على إعادته.

د الله لخوا د مخلوق محکم والی د هغه د بېرته پر راګرځولو دلالت کوي.

• الطغيان سبب دخول النار.

زیاتی اور ته د ننوتلو لامل دی.

• مضاعفة العذاب على الكفار.

پر کافرانو د عذاب څو برابره کېدل.