Përkthimi i kuptimeve Surja En Naziat - Përkthimi filipinisht (tagalogisht) - Qendra

An-Nāzi‘āt

Ajeti: 1

وَٱلنَّٰزِعَٰتِ غَرۡقٗا

Sumpa man sa mga [anghel na] nag-aalis^[1] sa isang paghatak [na marahas],

[1] ng kaluluwa ng tagatangging sumampalataya

Ajeti: 2

وَٱلنَّٰشِطَٰتِ نَشۡطٗا

sumpa man sa mga [anghel na] humahablot^[2] sa isang paghunos [malumanay],

[2] ng kaluluwa ng mananampalataya

Ajeti: 3

وَٱلسَّٰبِحَٰتِ سَبۡحٗا

sumpa man sa mga [anghel na] lumalangoy sa isang paglangoy,^[3]

[3] mula sa langit papunta sa lupa

Ajeti: 4

فَٱلسَّٰبِقَٰتِ سَبۡقٗا

saka sa mga [anghel na] nag-uunahan sa isang pag-uunahan [sa pagtalima],

Ajeti: 5

فَٱلۡمُدَبِّرَٰتِ أَمۡرٗا

saka sa mga [anghel na] nagpapatupad ng utos,

Ajeti: 6

يَوۡمَ تَرۡجُفُ ٱلرَّاجِفَةُ

sa araw na yayanig ang tagayanig,^[4]

[4] sa unang pag-ihip sa tambuli

Ajeti: 7

تَتۡبَعُهَا ٱلرَّادِفَةُ

at susunod dito ang kasunod [na pag-ihip sa tambuli].^[5]

[5] na pag-ihip sa tambuli

Ajeti: 8

قُلُوبٞ يَوۡمَئِذٖ وَاجِفَةٌ

May mga puso sa araw na iyon na kakabug-kabog.

Ajeti: 9

أَبۡصَٰرُهَا خَٰشِعَةٞ

Ang mga paningin ng mga ito ay nagpapakumbaba.

Ajeti: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Nagsasabi sila [sa Mundo]: “Tunay bang kami ay talagang mga pababalikin sa dating kalagayan?

Ajeti: 11

أَءِذَا كُنَّا عِظَٰمٗا نَّخِرَةٗ

Kapag ba kami ay naging mga butong nabukbok?”

Ajeti: 12

قَالُواْ تِلۡكَ إِذٗا كَرَّةٌ خَاسِرَةٞ

Magsasabi sila: “Iyon samakatuwid ay isang pagbalik na lugi.”

Ajeti: 13

فَإِنَّمَا هِيَ زَجۡرَةٞ وَٰحِدَةٞ

Ngunit ito^[6] ay nag-iisang bulyaw lamang,

[6] ang ikalawang pag-ihip sa tambuli sa pagkabuhay

Ajeti: 14

فَإِذَا هُم بِٱلسَّاهِرَةِ

saka biglang sila ay [buhay] sa balat ng lupa.

Ajeti: 15

هَلۡ أَتَىٰكَ حَدِيثُ مُوسَىٰٓ

Nakarating kaya sa iyo ang sanaysay kay Moises?

Ajeti: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Noong nanawagan sa kanya ang Panginoon niya sa pinabanal na lambak ng Ṭuwā: