Ibisobanuro. Isurat Aldjumuat - Ibisobanuro bya Qur'an mu rurimi rw'igiluhiya - Ishyirahamwe mpuzamahanga ry'ubumenyi n'umuco. - Nimero ya Paji. 553 - Inkoranyabumenyi [Encyclopedia] ya Qur'an ntagatifu.

Al-Jumua

Umurongo: 1

يُسَبِّحُ لِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِ ٱلۡمَلِكِ ٱلۡقُدُّوسِ ٱلۡعَزِيزِ ٱلۡحَكِيمِ

Bitswenulanga Nyasaye, ebili mwikulu nende mushialo, Omwami, Woluyali, Owamaani, Owamachesi muno.

Umurongo: 2

هُوَ ٱلَّذِي بَعَثَ فِي ٱلۡأُمِّيِّـۧنَ رَسُولٗا مِّنۡهُمۡ يَتۡلُواْ عَلَيۡهِمۡ ءَايَٰتِهِۦ وَيُزَكِّيهِمۡ وَيُعَلِّمُهُمُ ٱلۡكِتَٰبَ وَٱلۡحِكۡمَةَ وَإِن كَانُواْ مِن قَبۡلُ لَفِي ضَلَٰلٖ مُّبِينٖ

Ye niye waruma Omurumwa mubandu bakorwa okhusooma nende okhuhandika, abasoomele tsinyaali tsitsie, ne abatswenule, ne abechesie Eshitabu nende amachesi, kata nibaali inyuma awo mubukori bulolekha.

Umurongo: 3

وَءَاخَرِينَ مِنۡهُمۡ لَمَّا يَلۡحَقُواْ بِهِمۡۚ وَهُوَ ٱلۡعَزِيزُ ٱلۡحَكِيمُ

Ne abandi bashili okhuliimaana ninabo, naye niye Owamaani, Omuchesi po.

Umurongo: 4

ذَٰلِكَ فَضۡلُ ٱللَّهِ يُؤۡتِيهِ مَن يَشَآءُۚ وَٱللَّهُ ذُو ٱلۡفَضۡلِ ٱلۡعَظِيمِ

Etso nitsimbabaasi tsia Nyasaye, ahelesinjia owa yenya. Ne Nyasaye niwetsimbabaasi tsinyinji.

Umurongo: 5

مَثَلُ ٱلَّذِينَ حُمِّلُواْ ٱلتَّوۡرَىٰةَ ثُمَّ لَمۡ يَحۡمِلُوهَا كَمَثَلِ ٱلۡحِمَارِ يَحۡمِلُ أَسۡفَارَۢاۚ بِئۡسَ مَثَلُ ٱلۡقَوۡمِ ٱلَّذِينَ كَذَّبُواْ بِـَٔايَٰتِ ٱللَّهِۚ وَٱللَّهُ لَا يَهۡدِي ٱلۡقَوۡمَ ٱلظَّٰلِمِينَ

Abahebwa Eshitabu shia Itaurati mana nibalashiloonda tawe, bali shinga isishili ichinjile ebitabu. Ifwani imbii muno ni Abandu bakhaya amakhuwa ka Nyasaye. Ne Nyasaye shalunjisinjia Abandu ababii tawe.

Umurongo: 6

قُلۡ يَٰٓأَيُّهَا ٱلَّذِينَ هَادُوٓاْ إِن زَعَمۡتُمۡ أَنَّكُمۡ أَوۡلِيَآءُ لِلَّهِ مِن دُونِ ٱلنَّاسِ فَتَمَنَّوُاْ ٱلۡمَوۡتَ إِن كُنتُمۡ صَٰدِقِينَ

Bola mbu: “Enywe Abayahudi, nimuparanga mbu enywe muli abahelwa ba Nyasaye okhushila Abandu boosi, mwikoombe liifwa nikali mbu muboolanga obwatoto.”

Umurongo: 7

وَلَا يَتَمَنَّوۡنَهُۥٓ أَبَدَۢا بِمَا قَدَّمَتۡ أَيۡدِيهِمۡۚ وَٱللَّهُ عَلِيمُۢ بِٱلظَّٰلِمِينَ

Ne shibanyala okhwikomba liifwa tawe khulwa akemikhono chiabu chiaranjilisia okhukhola. Ne Nyasaye yamanya muno ababii.

Umurongo: 8

قُلۡ إِنَّ ٱلۡمَوۡتَ ٱلَّذِي تَفِرُّونَ مِنۡهُ فَإِنَّهُۥ مُلَٰقِيكُمۡۖ ثُمَّ تُرَدُّونَ إِلَىٰ عَٰلِمِ ٱلۡغَيۡبِ وَٱلشَّهَٰدَةِ فَيُنَبِّئُكُم بِمَا كُنتُمۡ تَعۡمَلُونَ

Bola mbu: “Toto liifwa liamwilukhanga elo, lilibanyoola, mana mulikalusibwa khumumanyi wa kefisa nende kalolokhanga, ne alibaboolela koosi kamwakholanga.”