Ibisobanuro by'amagambo Isura Al Qaswasw - Ibisobanuro bya Qur'an Ntagatifu mu rurimi rw'igifulani, bikaba ari incamacye y'ibisobanuro bya Qur'an Ntagatifu. - numero y'urupapuro 393 - ububiko bwa qor'an yejejwe

Umurongo: 60

وَمَآ أُوتِيتُم مِّن شَيۡءٖ فَمَتَٰعُ ٱلۡحَيَوٰةِ ٱلدُّنۡيَا وَزِينَتُهَاۚ وَمَا عِندَ ٱللَّهِ خَيۡرٞ وَأَبۡقَىٰٓۚ أَفَلَا تَعۡقِلُونَ

Kala ko Joomi mon okki on e huunde, ɗum ko ko dakmitoron cuɗinoron e nguurndam aduna, hooti fii mun lanna. Ko ko woni ka Alla kon e mbarjaari mawndi ka laakara, ko ɗum ɓuri moƴƴude,woni kadi ko heddotoo. E on haqqiltaa e ɗum, fii no ɓurdiniron ko heddotoo kon e dow ko lannata kon?

Umurongo: 61

أَفَمَن وَعَدۡنَٰهُ وَعۡدًا حَسَنٗا فَهُوَ لَٰقِيهِ كَمَن مَّتَّعۡنَٰهُ مَتَٰعَ ٱلۡحَيَوٰةِ ٱلدُّنۡيَا ثُمَّ هُوَ يَوۡمَ ٱلۡقِيَٰمَةِ مِنَ ٱلۡمُحۡضَرِينَ

E ko on mo Men fodani Aljanna e neemaaji mun ñiiɓuɗi ka laakara, wa'ata wa on mo Men dakmitiri jawle e cuɗaari nguurndam aduna, refti hara kanko on, Ñalnde Darngal, ko e tawneteeɓe ka Yiite Jahannama ɓen o jeyaa?

Umurongo: 62

وَيَوۡمَ يُنَادِيهِمۡ فَيَقُولُ أَيۡنَ شُرَكَآءِيَ ٱلَّذِينَ كُنتُمۡ تَزۡعُمُونَ

Ñalnde Joomi maaɓe noddoyta ɓe, O wi'ana ɓe: Ko honto kafidaaɗi am, ɗin ɗi rewaynoɗon accon Lam, aaƴoɗon wonnde ko ɗi kafidaaɗi am?

Umurongo: 63

قَالَ ٱلَّذِينَ حَقَّ عَلَيۡهِمُ ٱلۡقَوۡلُ رَبَّنَا هَٰٓؤُلَآءِ ٱلَّذِينَ أَغۡوَيۡنَآ أَغۡوَيۡنَٰهُمۡ كَمَا غَوَيۡنَاۖ تَبَرَّأۡنَآ إِلَيۡكَۖ مَا كَانُوٓاْ إِيَّانَا يَعۡبُدُونَ

Ɓen ɓe Konngol lepte ngol jojjiri e mu'un noddooɓe e keefeeru wi'a: Joomi amen, ko ɓee woni ko Men majjinirnoo, wano men majjirnoo. Men daɗndinike e Maaɗa, immorde e maɓɓe. Wanaa menen woni ko ɓe rewaynoo, ko seytaane ɓe rewayno.

Umurongo: 64

وَقِيلَ ٱدۡعُواْ شُرَكَآءَكُمۡ فَدَعَوۡهُمۡ فَلَمۡ يَسۡتَجِيبُواْ لَهُمۡ وَرَأَوُاْ ٱلۡعَذَابَۚ لَوۡ أَنَّهُمۡ كَانُواْ يَهۡتَدُونَ

Ɓe wi'anee ontuma: noddee non kafidaaɗi mon ɗin, ko itta on e koyeera mon. Ɓe nodda ɗi, kono ɗi jaabotaako ɓe. Ɓe yi'a lepte ɗe hebilanaa ɗen, ɓe yeloo, sinno haa ɓe feewuno aduna.

Umurongo: 65

وَيَوۡمَ يُنَادِيهِمۡ فَيَقُولُ مَاذَآ أَجَبۡتُمُ ٱلۡمُرۡسَلِينَ

Ñalnde Joomi maɓɓe noddoyta ɓe, O wi'a: ko honɗum jaabinoɗon Nulaaɓe Am, ɓe Mi nulunoo e mon ɓen?

Umurongo: 66

فَعَمِيَتۡ عَلَيۡهِمُ ٱلۡأَنۢبَآءُ يَوۡمَئِذٖ فَهُمۡ لَا يَتَسَآءَلُونَ

Hujjaaji maɓɓe ɗin wumiɗana ɓe nde ñalnde, ɓe yejjita ɗi, ɓe lamndondirtaa kadi, hakkee ko ɓe ɗenƴori yananeede ɓe, wonnde ɓe leptete.

Umurongo: 67

فَأَمَّا مَن تَابَ وَءَامَنَ وَعَمِلَ صَٰلِحٗا فَعَسَىٰٓ أَن يَكُونَ مِنَ ٱلۡمُفۡلِحِينَ

Si ko tuubuɗo e ɓen sirkuɓe, o gomɗini Alla e Nulaaɓe Makko ɓen, o golli golle moƴƴe, hino hasii ka o jeyee e malaaɓe ɓen.

Umurongo: 68

وَرَبُّكَ يَخۡلُقُ مَا يَشَآءُ وَيَخۡتَارُۗ مَا كَانَ لَهُمُ ٱلۡخِيَرَةُۚ سُبۡحَٰنَ ٱللَّهِ وَتَعَٰلَىٰ عَمَّا يُشۡرِكُونَ

Joomi maa, an Nulaaɗo, Himo taga ko O muuyi tagude, O suɓoo ko O muuyi, fii ko ɗoftoo Mo e Annabaaku. Wanaa sirkooɓe ɓen, woni ko suɓotoo, sakko ɓe yi'a ella e ko Alla suɓii kon. Senaade woodanii Mo! O laaɓii e kon ko ɓe kafidata e Makko!

Umurongo: 69

وَرَبُّكَ يَعۡلَمُ مَا تُكِنُّ صُدُورُهُمۡ وَمَا يُعۡلِنُونَ

Joomi maa no anndi ko ɓerɗe maɓɓe ɗen suuɗata, e ko ɓe feññinta; huunde e ɗum wirnanaaki Mo. O yoɓoyay ɓe ɗum.

Umurongo: 70

وَهُوَ ٱللَّهُ لَآ إِلَٰهَ إِلَّا هُوَۖ لَهُ ٱلۡحَمۡدُ فِي ٱلۡأُولَىٰ وَٱلۡأٓخِرَةِۖ وَلَهُ ٱلۡحُكۡمُ وَإِلَيۡهِ تُرۡجَعُونَ

Ko Kanko Alla woni, Mo reweteeɗo e goonga woo alaa, si wanaa Kanko. Ko Kanko tun yettoore woodani aduna e laakara. Ko Kanko kadi ñaawoore luttaynde nden woodanii. Ko Ka Makko tun, woni ruttorde mon, Ñalnde Darngal, fii hasbeede, yoɓee.

Inyungu dukura muri ayat kuri Uru rupapuro:

• العاقل من يؤثر الباقي على الفاني.

Haqqilɗo, ko ɓurdinoowo ko heddotoo kon, e hoore ko lannata kon.

• التوبة تَجُبُّ ما قبلها.

Tuubuubuyee hino momta ko adinoo.

• الاختيار لله لا لعباده، فليس لعباده أن يعترضوا عليه.

Ko Alla tun woodani suɓanagol jeyaaɓe Makko ɓen; alanaa ɓe yi'ugol ella e ɗum.

• إحاطة علم الله بما ظهر وما خفي من أعمال عباده.

Aayeeje ɗen joopike fii fiiltogol ganndal Alla, e kala ko feeñi e ko suuɗii e golle jeyaaɓe Makko ɓen.