Tradução dos significados Surah Al-Mursalat - Tradução filipina (tagalo) de interpretação abreviada do Nobre Alcorão. - Número de página 580 - Enciclopédia do Nobre Qur’an

Al-Mursalāt

Dos propósitos do capítulo:

الوعيد للمكذبين بالويل يوم القيامة.

Ang banta ng kapighatian sa Araw ng Pagbangon sa mga tagapagpasinungaling.

---

Versículo: 1

وَٱلۡمُرۡسَلَٰتِ عُرۡفٗا

Sumumpa si Allāh sa mga hanging nagsusunuran tulad ng buhok ng kabayo.

Versículo: 2

فَٱلۡعَٰصِفَٰتِ عَصۡفٗا

Sumumpa Siya sa mga hanging matindi ang ihip.

Versículo: 3

وَٱلنَّٰشِرَٰتِ نَشۡرٗا

Sumumpa Siya sa mga hanging nagkakalat ng ulan.

Versículo: 4

فَٱلۡفَٰرِقَٰتِ فَرۡقٗا

Sumumpa Siya sa mga anghel na nagbababa ng nagbubukod sa pagitan ng katotohanan at kabulaanan.

Versículo: 5

فَٱلۡمُلۡقِيَٰتِ ذِكۡرًا

Sumumpa Siya sa mga anghel na nagbababa ng kasi.

Versículo: 6

عُذۡرًا أَوۡ نُذۡرًا

Nagbababa [ang mga anghel] ng kasi bilang pagbibigay-dahilan mula kay Allāh tungo sa mga tao at bilang pagbibigay-babala para sa mga tao laban sa pagdurusang dulot ni Allāh.

Versículo: 7

إِنَّمَا تُوعَدُونَ لَوَٰقِعٞ

Tunay na ang ipinangangako sa inyo na pagbubuhay, pagtutuos, at pagganti ay talagang magaganap nang walang pasubali.

Versículo: 8

فَإِذَا ٱلنُّجُومُ طُمِسَتۡ

Kaya kapag ang mga bituin ay pinawi ang liwanag ng mga ito at naalis ang tanglaw ng mga ito,

Versículo: 9

وَإِذَا ٱلسَّمَآءُ فُرِجَتۡ

kapag ang langit ay nabitak upang magbabaan ang mga anghel mula roon,

Versículo: 10

وَإِذَا ٱلۡجِبَالُ نُسِفَتۡ

kapag ang mga bundok ay nabunot sa kinalalagyan ng mga ito saka dinurug-durog hanggang sa maging alikabok,

Versículo: 11

وَإِذَا ٱلرُّسُلُ أُقِّتَتۡ

at kapag ang mga sugo ay tinipon para sa isang oras na tinakdaan,

Versículo: 12

لِأَيِّ يَوۡمٍ أُجِّلَتۡ

para sa araw na dakila inantala sila para sa pagsaksi sa mga kalipunan nila?

Versículo: 13

لِيَوۡمِ ٱلۡفَصۡلِ

Para sa Araw ng Pagpapasya sa pagitan ng mga lingkod para luminaw ang nagtotoo sa nagbulaan at ang maligaya sa malumbay.

Versículo: 14

وَمَآ أَدۡرَىٰكَ مَا يَوۡمُ ٱلۡفَصۡلِ

Ano ang nagpaalam sa iyo, O Sugo, kung ano ang Araw ng Pagpapasya?

Versículo: 15

وَيۡلٞ يَوۡمَئِذٖ لِّلۡمُكَذِّبِينَ

Kapahamakan, pagdurusa, at pagkalugi sa Araw na iyon ay ukol sa mga tagapagpasinungaling na nagpapasinungaling sa inihatid ng mga sugo mula sa ganang kay Allāh!

Versículo: 16

أَلَمۡ نُهۡلِكِ ٱلۡأَوَّلِينَ

Hindi ba Kami nagpahamak sa mga kalipunang nauna noong tumangging sumampalataya ang mga ito kay Allāh at nagpasinungaling sa mga sugo ng mga ito?

Versículo: 17

ثُمَّ نُتۡبِعُهُمُ ٱلۡأٓخِرِينَ

Pagkatapos nagpasunod Kami sa kanila ng mga tagapagpasinungaling kabilang sa mga nahuli para magpahamak Kami sa mga ito kung paanong nagpahamak Kami sa kanila.

Versículo: 18

كَذَٰلِكَ نَفۡعَلُ بِٱلۡمُجۡرِمِينَ

Tulad ng pagpapahamak sa mga kalipunang iyon, nagpapahamak Kami sa mga salarin na mga tagapagpasinungaling sa inihatid ni Muḥammad – basbasan siya ni Allāh at batiin ng kapayapaan.

Versículo: 19

وَيۡلٞ يَوۡمَئِذٖ لِّلۡمُكَذِّبِينَ

Kapahamakan, pagdurusa, at pagkalugi sa Araw na iyon ay ukol sa mga tagapagpasinungaling sa banta ni Allāh ng parusa para sa mga salarin!

Das notas do versículo nesta página:

• خطر التعلق بالدنيا ونسيان الآخرة.

Ang panganib ng pagkahumaling sa Mundo at pagkalimot sa Kabilang-buhay.

• مشيئة العبد تابعة لمشيئة الله.

Ang kalooban ng tao ay tagasunod sa kalooban ni Allāh.

• إهلاك الأمم المكذبة سُنَّة إلهية.

Ang pagpapahamak sa mga kalipunang tagapagpasinungaling ay sunnah (kalakaran) na pandiyos.