Firo maanaaji Simoore. Simoore Al-mursalaat - Eggo e ɗemngal Felipiin (Tagalog) wonande firo Alkur'aana raɓɓinaango. - Tonngoode hello ngon 580 - Musuwaɗe Alkur'aan Kirim

Al-Mursalāt

Hino jeyaa e paandale simoore nden:

الوعيد للمكذبين بالويل يوم القيامة.

Ang banta ng kapighatian sa Araw ng Pagbangon sa mga tagapagpasinungaling.

---

Aaya.: 1

وَٱلۡمُرۡسَلَٰتِ عُرۡفٗا

Sumumpa si Allāh sa mga hanging nagsusunuran tulad ng buhok ng kabayo.

Aaya.: 2

فَٱلۡعَٰصِفَٰتِ عَصۡفٗا

Sumumpa Siya sa mga hanging matindi ang ihip.

Aaya.: 3

وَٱلنَّٰشِرَٰتِ نَشۡرٗا

Sumumpa Siya sa mga hanging nagkakalat ng ulan.

Aaya.: 4

فَٱلۡفَٰرِقَٰتِ فَرۡقٗا

Sumumpa Siya sa mga anghel na nagbababa ng nagbubukod sa pagitan ng katotohanan at kabulaanan.

Aaya.: 5

فَٱلۡمُلۡقِيَٰتِ ذِكۡرًا

Sumumpa Siya sa mga anghel na nagbababa ng kasi.

Aaya.: 6

عُذۡرًا أَوۡ نُذۡرًا

Nagbababa [ang mga anghel] ng kasi bilang pagbibigay-dahilan mula kay Allāh tungo sa mga tao at bilang pagbibigay-babala para sa mga tao laban sa pagdurusang dulot ni Allāh.

Aaya.: 7

إِنَّمَا تُوعَدُونَ لَوَٰقِعٞ

Tunay na ang ipinangangako sa inyo na pagbubuhay, pagtutuos, at pagganti ay talagang magaganap nang walang pasubali.

Aaya.: 8

فَإِذَا ٱلنُّجُومُ طُمِسَتۡ

Kaya kapag ang mga bituin ay pinawi ang liwanag ng mga ito at naalis ang tanglaw ng mga ito,

Aaya.: 9

وَإِذَا ٱلسَّمَآءُ فُرِجَتۡ

kapag ang langit ay nabitak upang magbabaan ang mga anghel mula roon,

Aaya.: 10

وَإِذَا ٱلۡجِبَالُ نُسِفَتۡ

kapag ang mga bundok ay nabunot sa kinalalagyan ng mga ito saka dinurug-durog hanggang sa maging alikabok,

Aaya.: 11

وَإِذَا ٱلرُّسُلُ أُقِّتَتۡ

at kapag ang mga sugo ay tinipon para sa isang oras na tinakdaan,

Aaya.: 12

لِأَيِّ يَوۡمٍ أُجِّلَتۡ

para sa araw na dakila inantala sila para sa pagsaksi sa mga kalipunan nila?

Aaya.: 13

لِيَوۡمِ ٱلۡفَصۡلِ

Para sa Araw ng Pagpapasya sa pagitan ng mga lingkod para luminaw ang nagtotoo sa nagbulaan at ang maligaya sa malumbay.

Aaya.: 14

وَمَآ أَدۡرَىٰكَ مَا يَوۡمُ ٱلۡفَصۡلِ

Ano ang nagpaalam sa iyo, O Sugo, kung ano ang Araw ng Pagpapasya?

Aaya.: 15

وَيۡلٞ يَوۡمَئِذٖ لِّلۡمُكَذِّبِينَ

Kapahamakan, pagdurusa, at pagkalugi sa Araw na iyon ay ukol sa mga tagapagpasinungaling na nagpapasinungaling sa inihatid ng mga sugo mula sa ganang kay Allāh!

Aaya.: 16

أَلَمۡ نُهۡلِكِ ٱلۡأَوَّلِينَ

Hindi ba Kami nagpahamak sa mga kalipunang nauna noong tumangging sumampalataya ang mga ito kay Allāh at nagpasinungaling sa mga sugo ng mga ito?

Aaya.: 17

ثُمَّ نُتۡبِعُهُمُ ٱلۡأٓخِرِينَ

Pagkatapos nagpasunod Kami sa kanila ng mga tagapagpasinungaling kabilang sa mga nahuli para magpahamak Kami sa mga ito kung paanong nagpahamak Kami sa kanila.

Aaya.: 18

كَذَٰلِكَ نَفۡعَلُ بِٱلۡمُجۡرِمِينَ

Tulad ng pagpapahamak sa mga kalipunang iyon, nagpapahamak Kami sa mga salarin na mga tagapagpasinungaling sa inihatid ni Muḥammad – basbasan siya ni Allāh at batiin ng kapayapaan.

Aaya.: 19

وَيۡلٞ يَوۡمَئِذٖ لِّلۡمُكَذِّبِينَ

Kapahamakan, pagdurusa, at pagkalugi sa Araw na iyon ay ukol sa mga tagapagpasinungaling sa banta ni Allāh ng parusa para sa mga salarin!

Hino jeyaa e nafooje Aayeeje on ka hello ɗoo.:

• خطر التعلق بالدنيا ونسيان الآخرة.

Ang panganib ng pagkahumaling sa Mundo at pagkalimot sa Kabilang-buhay.

• مشيئة العبد تابعة لمشيئة الله.

Ang kalooban ng tao ay tagasunod sa kalooban ni Allāh.

• إهلاك الأمم المكذبة سُنَّة إلهية.

Ang pagpapahamak sa mga kalipunang tagapagpasinungaling ay sunnah (kalakaran) na pandiyos.