Reikšmių vertimas Sūra Al-Džinn - Vertimas į luhjų k. – Tarptautinė mokslo ir kultūros asociacija - Kilniojo Korano enciklopedija

Al-Jinn

Aja (Korano eilutė): 1

قُلۡ أُوحِيَ إِلَيَّ أَنَّهُ ٱسۡتَمَعَ نَفَرٞ مِّنَ ٱلۡجِنِّ فَقَالُوٓاْ إِنَّا سَمِعۡنَا قُرۡءَانًا عَجَبٗا

Boola mbu: “Enyoolele obufimbuli mbu toto omukanda mulala kwa Majini kwarechelesia, nikuboola mbu: ‘Efwe toto bwene khuwulile Ikurani yokhuchenyia po!

Aja (Korano eilutė): 2

يَهۡدِيٓ إِلَى ٱلرُّشۡدِ فَـَٔامَنَّا بِهِۦۖ وَلَن نُّشۡرِكَ بِرَبِّنَآ أَحَدٗا

Ilunjisinjia khubulunjifu, mana khuyisuubile, ne shikhulisaasia Nyasaye wefu Omulesi nende shiosishiosi tawe.

Aja (Korano eilutė): 3

وَأَنَّهُۥ تَعَٰلَىٰ جَدُّ رَبِّنَا مَا ٱتَّخَذَ صَٰحِبَةٗ وَلَا وَلَدٗا

Ne toto bwene Nyasaye wefu Omulesi niwoluyali olukhongo, shiyekholela omukhasi nohomba omwana tawe.

Aja (Korano eilutė): 4

وَأَنَّهُۥ كَانَ يَقُولُ سَفِيهُنَا عَلَى ٱللَّهِ شَطَطٗا

Ne khubwatoto abasilu mwifwe baboolanga khu Nyasaye obubeyi obunji muno.

Aja (Korano eilutė): 5

وَأَنَّا ظَنَنَّآ أَن لَّن تَقُولَ ٱلۡإِنسُ وَٱلۡجِنُّ عَلَى ٱللَّهِ كَذِبٗا

Ne efwe toto khwaparanga mbu Abandu nende Amajini shibanyala okhuboola obubeyi khu Nyasaye tawe.

Aja (Korano eilutė): 6

وَأَنَّهُۥ كَانَ رِجَالٞ مِّنَ ٱلۡإِنسِ يَعُوذُونَ بِرِجَالٖ مِّنَ ٱلۡجِنِّ فَزَادُوهُمۡ رَهَقٗا

Ne toto bwene Abasatsa okhurula mubandu, bakhabanga okhwilinda khubasatsa beshijini, mana nibabameta obusiro obunji.

Aja (Korano eilutė): 7

وَأَنَّهُمۡ ظَنُّواْ كَمَا ظَنَنتُمۡ أَن لَّن يَبۡعَثَ ٱللَّهُ أَحَدٗا

Ne toto abo baparanga shingala muparanga mbu, Nyasaye shaliruma yesiyesi tawe.

Aja (Korano eilutė): 8

وَأَنَّا لَمَسۡنَا ٱلسَّمَآءَ فَوَجَدۡنَٰهَا مُلِئَتۡ حَرَسٗا شَدِيدٗا وَشُهُبٗا

Ne toto khwatila khulikulu, nikhunyoola lietsula abalindi abalulu, nende tsing’ining’ini tsiomulilo.

Aja (Korano eilutė): 9

وَأَنَّا كُنَّا نَقۡعُدُ مِنۡهَا مَقَٰعِدَ لِلسَّمۡعِۖ فَمَن يَسۡتَمِعِ ٱلۡأٓنَ يَجِدۡ لَهُۥ شِهَابٗا رَّصَدٗا

Ne toto bwene khwekhalangamwo nikhurechelesia. Ne ulatsia okhurechelesia bulaano, alabukana nende tsing’ining’ini tsiomulilo omululu.

Aja (Korano eilutė): 10

وَأَنَّا لَا نَدۡرِيٓ أَشَرٌّ أُرِيدَ بِمَن فِي ٱلۡأَرۡضِ أَمۡ أَرَادَ بِهِمۡ رَبُّهُمۡ رَشَدٗا

Ne toto efwe shikhumanyile tawe nibenyelwa amabii abali khushialo, nohomba Nyasaye wabu Omulesi yabenyela obulunjifu.

Aja (Korano eilutė): 11

وَأَنَّا مِنَّا ٱلصَّٰلِحُونَ وَمِنَّا دُونَ ذَٰلِكَۖ كُنَّا طَرَآئِقَ قِدَدٗا

Ne toto bwene mwifwe balimwo abakholi bamalayi, ne abaandi balimwo balali bario tawe. Toto khuli emikanda chikabukhane.

Aja (Korano eilutė): 12

وَأَنَّا ظَنَنَّآ أَن لَّن نُّعۡجِزَ ٱللَّهَ فِي ٱلۡأَرۡضِ وَلَن نُّعۡجِزَهُۥ هَرَبٗا

Ne toto efwe khwamanya mbu shikhunyala okhushila Nyasaye khushialo tawe, ne shikhunyala khwerukha khwamushila tawe.

Aja (Korano eilutė): 13

وَأَنَّا لَمَّا سَمِعۡنَا ٱلۡهُدَىٰٓ ءَامَنَّا بِهِۦۖ فَمَن يُؤۡمِنۢ بِرَبِّهِۦ فَلَا يَخَافُ بَخۡسٗا وَلَا رَهَقٗا

Ne toto efwe olwa khawulila obulunjifu, khwabusuubila. Ne usuubila mu Nyasaye wuwe Omulesi, sharitsanga okhwibilwa nohomba obusilo obunji tawe.

Aja (Korano eilutė): 14

وَأَنَّا مِنَّا ٱلۡمُسۡلِمُونَ وَمِنَّا ٱلۡقَٰسِطُونَۖ فَمَنۡ أَسۡلَمَ فَأُوْلَٰٓئِكَ تَحَرَّوۡاْ رَشَدٗا

Ne toto mwifwe balimwo Abasalamu nende abalekha katoto. Ne balia basilima, abo nibo baloonda obulunjifu.

Aja (Korano eilutė): 15

وَأَمَّا ٱلۡقَٰسِطُونَ فَكَانُواْ لِجَهَنَّمَ حَطَبٗا

Ne balia balekha obwatoto, baliba tsikhwi tsia omulilo kwa Jahannam.

Aja (Korano eilutė): 16

وَأَلَّوِ ٱسۡتَقَٰمُواْ عَلَى ٱلطَّرِيقَةِ لَأَسۡقَيۡنَٰهُم مَّآءً غَدَقٗا

Ne balunjikhanga khunjila yatoto, khwakhabanywesie amaatsi amaanji.

Aja (Korano eilutė): 17

لِّنَفۡتِنَهُمۡ فِيهِۚ وَمَن يُعۡرِضۡ عَن ذِكۡرِ رَبِّهِۦ يَسۡلُكۡهُ عَذَابٗا صَعَدٗا

Kho khubateme khuko. Ne ulia uhelesia ametsulisio ka Nyasaye wuwe Omulesi omukongo, alanyoola eshinyasio eshilulu.'”

Aja (Korano eilutė): 18

وَأَنَّ ٱلۡمَسَٰجِدَ لِلَّهِ فَلَا تَدۡعُواْ مَعَ ٱللَّهِ أَحَدٗا

Ne toto emisikiti ni chia Nyasaye, kho mulalaama halala nende Nyasaye shiosishiosi tawe.

Aja (Korano eilutė): 19

وَأَنَّهُۥ لَمَّا قَامَ عَبۡدُ ٱللَّهِ يَدۡعُوهُ كَادُواْ يَكُونُونَ عَلَيۡهِ لِبَدٗا

Ne toto olwa Omusumba wa Nyasaye yasinjila namulaama, (amajini) ako kali hambi muno okhumufwinya!

Aja (Korano eilutė): 20

قُلۡ إِنَّمَآ أَدۡعُواْ رَبِّي وَلَآ أُشۡرِكُ بِهِۦٓ أَحَدٗا

Boola mbu: “Toto esie enamanga sa Nyasaye wanje Omulesi, ne shemutsokaasinjiakhwo nende yesiyesi tawe.”

Aja (Korano eilutė): 21

قُلۡ إِنِّي لَآ أَمۡلِكُ لَكُمۡ ضَرّٗا وَلَا رَشَدٗا

Boola mbu: “Esie embula obunyali bwokhubawumisia nohomba okhubalunjisia tawe.”

Aja (Korano eilutė): 22

قُلۡ إِنِّي لَن يُجِيرَنِي مِنَ ٱللَّهِ أَحَدٞ وَلَنۡ أَجِدَ مِن دُونِهِۦ مُلۡتَحَدًا

Boola mbu: “Toto abulaho yesiyesi unyala okhuuninda okhurulana nende eshinyasio shia Nyasaye tawe, ne shindilinyoola wandakhelushila tawe halali khuye."

Aja (Korano eilutė): 23

إِلَّا بَلَٰغٗا مِّنَ ٱللَّهِ وَرِسَٰلَٰتِهِۦۚ وَمَن يَعۡصِ ٱللَّهَ وَرَسُولَهُۥ فَإِنَّ لَهُۥ نَارَ جَهَنَّمَ خَٰلِدِينَ فِيهَآ أَبَدًا

Halali okhusia (amakhuwa) okhurula khu Nyasaye nende oburume bubwe. Ne uloba okhutiila ka Nyasaye nende Omurumwa wuwe, toto alinyoola Omulilo kwa Jahannam, alimenyamwo tsinyanga tsioosi.

Aja (Korano eilutė): 24

حَتَّىٰٓ إِذَا رَأَوۡاْ مَا يُوعَدُونَ فَسَيَعۡلَمُونَ مَنۡ أَضۡعَفُ نَاصِرٗا وَأَقَلُّ عَدَدٗا

Okhula olwa balilola kabalakungwa, balimanya mbu ni wina omuteshele muno mubukhoonyi nende omuleemu muno khushichelo.

Aja (Korano eilutė): 25

قُلۡ إِنۡ أَدۡرِيٓ أَقَرِيبٞ مَّا تُوعَدُونَ أَمۡ يَجۡعَلُ لَهُۥ رَبِّيٓ أَمَدًا

Boola mbu: “Esie engorwa kamulakungwa kano mbu kali ahambi nohomba Nyasaye wanje Omulesi alakasitia ehale.”

Aja (Korano eilutė): 26

عَٰلِمُ ٱلۡغَيۡبِ فَلَا يُظۡهِرُ عَلَىٰ غَيۡبِهِۦٓ أَحَدًا

Omumanyi wakefisile, ne shafunulilanga yesiyesi akefisa keke tawe.

Aja (Korano eilutė): 27

إِلَّا مَنِ ٱرۡتَضَىٰ مِن رَّسُولٖ فَإِنَّهُۥ يَسۡلُكُ مِنۢ بَيۡنِ يَدَيۡهِ وَمِنۡ خَلۡفِهِۦ رَصَدٗا

Halali ulia wayachamila Mubarumwa. Ne toto oyo amwelesinjia abalindi imbeli wuwe nende inyuma wuwe.

Aja (Korano eilutė): 28

لِّيَعۡلَمَ أَن قَدۡ أَبۡلَغُواْ رِسَٰلَٰتِ رَبِّهِمۡ وَأَحَاطَ بِمَا لَدَيۡهِمۡ وَأَحۡصَىٰ كُلَّ شَيۡءٍ عَدَدَۢا

Kho anyoole okhumanya mbu toto bosia oburume bwa Nyasaye wabu Omulesi, naye yaterera obulayi akabali ninako, ne yamanya obubasio bwa buli eshindu.