Terjemahan makna Surah Asy-Syu'arā` - Terjemahan Berbahasa Filipina (Maguindanao) - Markaz Ruwād Terjemah - Nomor Halaman 369 - Ensiklopedia Alquran Alkarim

Ayah: 40

لَعَلَّنَا نَتَّبِعُ ٱلسَّحَرَةَ إِن كَانُواْ هُمُ ٱلۡغَٰلِبِينَ

Ka endu tanu ya bun kaunutan su manga pasi-sih’r amayka tumaban silan.

Ayah: 41

فَلَمَّا جَآءَ ٱلسَّحَرَةُ قَالُواْ لِفِرۡعَوۡنَ أَئِنَّ لَنَا لَأَجۡرًا إِن كُنَّا نَحۡنُ ٱلۡغَٰلِبِينَ

Guna makawma su manga mategel sa sih’r na pidtalu nilan kani Fir’awn: aden balas a makwa nami (premyu) amayka sekami i tumaban?

Ayah: 42

قَالَ نَعَمۡ وَإِنَّكُمۡ إِذٗا لَّمِنَ ٱلۡمُقَرَّبِينَ

Tig nu Fir’awn: uway, ka makasupeg kanu den sa laki.

Ayah: 43

قَالَ لَهُم مُّوسَىٰٓ أَلۡقُواْ مَآ أَنتُم مُّلۡقُونَ

Pidtalu nu Musa sa kanilan: butawani nu den i langun na pembutawanan nu.

Ayah: 44

فَأَلۡقَوۡاْ حِبَالَهُمۡ وَعِصِيَّهُمۡ وَقَالُواْ بِعِزَّةِ فِرۡعَوۡنَ إِنَّا لَنَحۡنُ ٱلۡغَٰلِبُونَ

Binukawanan nilan i manga tali endu ped a kasangkapan nilan a tanan makagilek i palas nin endu pidtalu nilan i sabap sa kapulu ni Fir’awn a kadenan na sekitanu den i tumaban.

Ayah: 45

فَأَلۡقَىٰ مُوسَىٰ عَصَاهُ فَإِذَا هِيَ تَلۡقَفُ مَا يَأۡفِكُونَ

Binutawanan nu Musa su tungkat nin, na yanin pinggula na belinun nin su langun nu pinambuwat nilan a kalbutan.

Ayah: 46

فَأُلۡقِيَ ٱلسَّحَرَةُ سَٰجِدِينَ

Na nakadempas su manga taw na sih’r sa nakasugyud silan.

Ayah: 47

قَالُوٓاْ ءَامَنَّا بِرَبِّ ٱلۡعَٰلَمِينَ

Ya nilan pidtalu (sa bagulyang silan): nangimbenal kami kanu Kadenan nu dunya.

Ayah: 48

رَبِّ مُوسَىٰ وَهَٰرُونَ

A Kadenan nu Musa endu si Harun.

Ayah: 49

قَالَ ءَامَنتُمۡ لَهُۥ قَبۡلَ أَنۡ ءَاذَنَ لَكُمۡۖ إِنَّهُۥ لَكَبِيرُكُمُ ٱلَّذِي عَلَّمَكُمُ ٱلسِّحۡرَ فَلَسَوۡفَ تَعۡلَمُونَۚ لَأُقَطِّعَنَّ أَيۡدِيَكُمۡ وَأَرۡجُلَكُم مِّنۡ خِلَٰفٖ وَلَأُصَلِّبَنَّكُمۡ أَجۡمَعِينَ

Tig nu Fir’awn nangimbenal kanu kani Musa sa da ku pan makasugut sa lekanu? Su kaunutan nu bun a namandu sa lekanu sa sih’r i dupang, na di ebplis na katawan nu i tebpeden ku i manga lima nu endu su manga ay nu sa pambidayan ku, endu bitinen ku sekanu langun.

Ayah: 50

قَالُواْ لَا ضَيۡرَۖ إِنَّآ إِلَىٰ رَبِّنَا مُنقَلِبُونَ

Tig nilan: di makagkayd, ka lu kami den mumpil kanu Kadenan nami.

Ayah: 51

إِنَّا نَطۡمَعُ أَن يَغۡفِرَ لَنَا رَبُّنَا خَطَٰيَٰنَآ أَن كُنَّآ أَوَّلَ ٱلۡمُؤۡمِنِينَ

Ka bagapasen nami i ampunen nin su manga dusa nami, ka sekami i nawna a mangimbenal kanu nya ba a timpu.

Ayah: 52

۞ وَأَوۡحَيۡنَآ إِلَىٰ مُوسَىٰٓ أَنۡ أَسۡرِ بِعِبَادِيٓ إِنَّكُم مُّتَّبَعُونَ

Endu ini-wahi nami kanu Musa i paawa ka sa magabi i manga ulipen ku, ka sekanu na tundugen kanu nilan.

Ayah: 53

فَأَرۡسَلَ فِرۡعَوۡنُ فِي ٱلۡمَدَآئِنِ حَٰشِرِينَ

Pinasuguwan nu Fir’awn su taw nu dalpa sa binulig nin silan.

Ayah: 54

إِنَّ هَٰٓؤُلَآءِ لَشِرۡذِمَةٞ قَلِيلُونَ

Na silan na pidtalu nilan i paydu bu i nasama kanilan.

Ayah: 55

وَإِنَّهُمۡ لَنَا لَغَآئِظُونَ

Endu silan na ya nilan galebek na pakasakit sa ginawa tanu.

Ayah: 56

وَإِنَّا لَجَمِيعٌ حَٰذِرُونَ

Endu saben-sabenal i sekitanu na mangingat tanu tanan.

Ayah: 57

فَأَخۡرَجۡنَٰهُم مِّن جَنَّٰتٖ وَعُيُونٖ

Pinalyu nami silan (taw nu Fir’awn) kanu manga surga nilan endu su manga buwal.

Ayah: 58

وَكُنُوزٖ وَمَقَامٖ كَرِيمٖ

Endu tamuk a ginadung, endu bamagagayanan a mapiya.

Ayah: 59

كَذَٰلِكَۖ وَأَوۡرَثۡنَٰهَا بَنِيٓ إِسۡرَٰٓءِيلَ

Mamba i kinapawaris nami lun kanu manga tupu nu Israel.

Ayah: 60

فَأَتۡبَعُوهُم مُّشۡرِقِينَ

Sineled nilan (su Musa) endu su manga bamaginugut (sa kapedsebang na sanang).