Fassarar Ma'anoni Sura Al'a'ala - Fassarar Poshto - Cibiyar fassara ta Ruwwad - Kundin Alqurani Mai girma

اعلی

Aya: 1

سَبِّحِ اسْمَ رَبِّكَ الْاَعْلَی ۟ۙ

د خپل ډېر اوچت پالونکي د نوم پاکي دې بيانوه.

Aya: 2

الَّذِیْ خَلَقَ فَسَوّٰی ۟

هغه چې پيداکړي او برابر کړي يې دي.

Aya: 3

وَالَّذِیْ قَدَّرَ فَهَدٰی ۟

او هغه چې تقدير يې وټاکلو بيا يې لارښوونه وکړه.

Aya: 4

وَالَّذِیْۤ اَخْرَجَ الْمَرْعٰی ۟

او هغه چې شنه ګيا يې را واېستله.

Aya: 5

فَجَعَلَهٗ غُثَآءً اَحْوٰی ۟ؕ

بيا يې وچ تور وګرځول.

Aya: 6

سَنُقْرِئُكَ فَلَا تَنْسٰۤی ۟ۙ

دا دی موږ يې درباندې لولو بيا به يې نه هېروې.

Aya: 7

اِلَّا مَا شَآءَ اللّٰهُ ؕ— اِنَّهٗ یَعْلَمُ الْجَهْرَ وَمَا یَخْفٰی ۟ؕ

مګر داچې الله وغواړي بېشکه هغه پر ښکاره هم پوهيږي او پر هغه څه هم چې پټ دي.

Aya: 8

وَنُیَسِّرُكَ لِلْیُسْرٰی ۟ۚۖ

او تا ته به د اسانۍ لار اسانه کړو.

Aya: 9

فَذَكِّرْ اِنْ نَّفَعَتِ الذِّكْرٰی ۟ؕ

نو نصیحت وکړه که نصیحت څه ګټه کوي.

Aya: 10

سَیَذَّكَّرُ مَنْ یَّخْشٰی ۟ۙ

څوک چې وېريږي ژر به هغه نصيحت ومني.

Aya: 11

وَیَتَجَنَّبُهَا الْاَشْقَی ۟ۙ

او ډډه به ترې کوي څوک چې ډېر بدبخته وي.

Aya: 12

الَّذِیْ یَصْلَی النَّارَ الْكُبْرٰی ۟ۚ

هغه چې لوی اور ته ننوځي.

Aya: 13

ثُمَّ لَا یَمُوْتُ فِیْهَا وَلَا یَحْیٰی ۟ؕ

بيا به نه پکې مري او نه به ژوند کولای شي.

Aya: 14

قَدْ اَفْلَحَ مَنْ تَزَكّٰی ۟ۙ

په حقيقت کې هغه څوک بريالی شو چې پاک شو.

Aya: 15

وَذَكَرَ اسْمَ رَبِّهٖ فَصَلّٰی ۟ؕ

او د خپل پالونکي نوم یې ياد کړ او لمونځ يې وکړ.

Aya: 16

بَلْ تُؤْثِرُوْنَ الْحَیٰوةَ الدُّنْیَا ۟ۚۖ

خو تاسې د دنيا ژوند غوره ګڼئ.

Aya: 17

وَالْاٰخِرَةُ خَیْرٌ وَّاَبْقٰی ۟ؕ

او حال داچې آخرت غوره او پايېدونکی دی.

Aya: 18

اِنَّ هٰذَا لَفِی الصُّحُفِ الْاُوْلٰی ۟ۙ

دغه خبرې په رېښتيا په پخوانيو صحيفو کې هم وې.

Aya: 19

صُحُفِ اِبْرٰهِیْمَ وَمُوْسٰی ۟۠

(يعني) د ابراهيم او موسی په صحيفو کې.