Fassarar Ma'anoni Sura Al'insan - Fassarar Pilipiniyanci (Majindanao) - Cibiyar fassara ta Ruwwad - Lambar shafi 579 - Kundin Alqurani Mai girma

Aya: 6

عَيۡنٗا يَشۡرَبُ بِهَا عِبَادُ ٱللَّهِ يُفَجِّرُونَهَا تَفۡجِيرٗا

Su buwal a baginumen nu manga ulipen nu Allah, na apya endaw nilan pasangulen atawaka pambuwaten.

Aya: 7

يُوفُونَ بِٱلنَّذۡرِ وَيَخَافُونَ يَوۡمٗا كَانَ شَرُّهُۥ مُسۡتَطِيرٗا

Sabap sa silan a manga taw na pedtumanen nilan i samaya nilan, endu gagilekan silan kanu gay a nakalapat i kapasang nin.

Aya: 8

وَيُطۡعِمُونَ ٱلطَّعَامَ عَلَىٰ حُبِّهِۦ مِسۡكِينٗا وَيَتِيمٗا وَأَسِيرًا

Endu ipapegkan nilan su pegken kanu dayt a makakalimu a miskinan endu yateem endu nasigkem.

Aya: 9

إِنَّمَا نُطۡعِمُكُمۡ لِوَجۡهِ ٱللَّهِ لَا نُرِيدُ مِنكُمۡ جَزَآءٗ وَلَا شُكُورًا

Na edtalun nilan: saben-sabenal na lalan sa Allah i kapapegkan nami sa lekanu, da kiyug nami sa balasan kami nu atawaka edsukuran kami nu.

Aya: 10

إِنَّا نَخَافُ مِن رَّبِّنَا يَوۡمًا عَبُوسٗا قَمۡطَرِيرٗا

Ka saben-sabenal a ipegkagilek nami kanu Kadenan nami su gay a mapasang a mawget.

Aya: 11

فَوَقَىٰهُمُ ٱللَّهُ شَرَّ ذَٰلِكَ ٱلۡيَوۡمِ وَلَقَّىٰهُمۡ نَضۡرَةٗ وَسُرُورٗا

Linepas nu Allah silan kanu kawagan nu namba a gay, endu inalaw silan sa kapya na ginawa endu kagalaw.

Aya: 12

وَجَزَىٰهُم بِمَا صَبَرُواْ جَنَّةٗ وَحَرِيرٗا

Endu binalasan silan sabap sa kanu kinadsabar nilan sa surga, endu balegkas a sutra.

Aya: 13

مُّتَّكِـِٔينَ فِيهَا عَلَى ٱلۡأَرَآئِكِۖ لَا يَرَوۡنَ فِيهَا شَمۡسٗا وَلَا زَمۡهَرِيرٗا

Pedsandeng silan lu kanu manga kantil (katri), a da mailay nilan lu sa surga a senang endu da mayaw a sangat atawaka matenggaw.

Aya: 14

وَدَانِيَةً عَلَيۡهِمۡ ظِلَٰلُهَا وَذُلِّلَتۡ قُطُوفُهَا تَذۡلِيلٗا

Endu masupeg sa kanilan su manga panga na kayu a aden unga nin, na pendayan nilan pedtupu sa endaw i kiyug nilan.

Aya: 15

وَيُطَافُ عَلَيۡهِم بِـَٔانِيَةٖ مِّن فِضَّةٖ وَأَكۡوَابٖ كَانَتۡ قَوَارِيرَا۠

Endu ipembalibet sa kanilan su bananagwan a bulawan pilak endu manga basu a manga katya a da sya sa dunya.

Aya: 16

قَوَارِيرَاْ مِن فِضَّةٖ قَدَّرُوهَا تَقۡدِيرٗا

Manga katya a pilak, a naukul kanu surga i uman-isa.

Aya: 17

وَيُسۡقَوۡنَ فِيهَا كَأۡسٗا كَانَ مِزَاجُهَا زَنجَبِيلًا

Endu pabpaginemen silan sya sa basu a sinimbulan sa luya sa surga.

Aya: 18

عَيۡنٗا فِيهَا تُسَمَّىٰ سَلۡسَبِيلٗا

Aden pamun lawas na ig a nya nin ngala na Salsabila.

Aya: 19

۞ وَيَطُوفُ عَلَيۡهِمۡ وِلۡدَٰنٞ مُّخَلَّدُونَ إِذَا رَأَيۡتَهُمۡ حَسِبۡتَهُمۡ لُؤۡلُؤٗا مَّنثُورٗا

Endu pambalibeten silan na manga wata a tatap den sa surga, sa ya kailay nilan na muntya a pegkendap.

Aya: 20

وَإِذَا رَأَيۡتَ ثَمَّ رَأَيۡتَ نَعِيمٗا وَمُلۡكٗا كَبِيرًا

Endu amayka mailay nengka na lu nengka ba mailay i limu endu kadatu a masela.

Aya: 21

عَٰلِيَهُمۡ ثِيَابُ سُندُسٍ خُضۡرٞ وَإِسۡتَبۡرَقٞۖ وَحُلُّوٓاْ أَسَاوِرَ مِن فِضَّةٖ وَسَقَىٰهُمۡ رَبُّهُمۡ شَرَابٗا طَهُورًا

Balegkas nilan tampal sa lawas na sundus a gadung endu istabraq, endu su manga lamba nu badan nilan na manga pilak, endu pabpaginemen silan sa suti a baginemen.

Aya: 22

إِنَّ هَٰذَا كَانَ لَكُمۡ جَزَآءٗ وَكَانَ سَعۡيُكُم مَّشۡكُورًا

Na saben-sabenal a namba i lekanu a balas, sabap sa langun nu manga galebekan nu sa dunya na pedsukuran nu.

Aya: 23

إِنَّا نَحۡنُ نَزَّلۡنَا عَلَيۡكَ ٱلۡقُرۡءَانَ تَنزِيلٗا

Saben-sabenal a initulun nami sa leka (Muhammad) su Qur’an sa sampulna.

Aya: 24

فَٱصۡبِرۡ لِحُكۡمِ رَبِّكَ وَلَا تُطِعۡ مِنۡهُمۡ ءَاثِمًا أَوۡ كَفُورٗا

Na sabar ka kanu hukuman nu kadenan nengka, di ka maginuguti i baradusa atawaka kafir.

Aya: 25

وَٱذۡكُرِ ٱسۡمَ رَبِّكَ بُكۡرَةٗ وَأَصِيلٗا

Endu tademi ka su ngala nu kadenan nengka sa mapita-malulem.