Fassarar Ma'anoni Sura Al'nazi'at - Fassarar Pilipiniyanci (Bisaya) - Cibiyar fassara ta Ruwwad - Mau'su'ah ta Akur'ani mai girma (Bakandamiyar Alkur'ani mai girma)

An-Nāzi'āt

Aya: 1

وَٱلنَّٰزِعَٰتِ غَرۡقٗا

Ako (Allāh) Nanumpa pinaagi niadtong (mga anghel) nga nagguyod sa mga kalag sa mga manlilimod (sa panahon sa kamatayon) uban kayugot.

Aya: 2

وَٱلنَّٰشِطَٰتِ نَشۡطٗا

Ug pinaagi niadtong (mga anghel) nga malumong nagkuha sa mga kalag (sa mga magtotoo sa panahon sa kamatayon),

Aya: 3

وَٱلسَّٰبِحَٰتِ سَبۡحٗا

Ug pinaagi niadtong (mga bituon ug mga planeta) nga naglutaw-lutaw sa kawanangan (diha sa ilang mga orbito o agianan),

Aya: 4

فَٱلسَّٰبِقَٰتِ سَبۡقٗا

Ug pinaagi niadtong (mga anghel) nga naglumba sa usag-usa diha sa panaglumba, nga nagdali sa pagtuman sa mga sugo ni Allāh;

Aya: 5

فَٱلۡمُدَبِّرَٰتِ أَمۡرٗا

Ug pinaagi niadtong (mga anghel) nga naghan-ay sa matag butang sumala sa Pagtakda sa Allāh^[1].

[1]. Si Allāh nanumpa sa mga anghel nga nagtuman sa Iyang gisugo ug gihukom, sama sa mga anghel nga gitugyan sa mga kalihokan sa mga tawo. Siya nanumpa didto sa tibuok nga Siya sa pagkatinuod banhawon sila alang sa pag-ihap ug pagbalos,

Aya: 6

يَوۡمَ تَرۡجُفُ ٱلرَّاجِفَةُ

Sa Adlaw nga ang unang (Pagtayhop sa) Trumpeta, mahitabo ug magpauyog (sa kalibutan).

Aya: 7

تَتۡبَعُهَا ٱلرَّادِفَةُ

Ug ang ikaduha nga (Pagtayhop sa Trumpeta alang sa Pagkabanhaw) mosunod niini.

Aya: 8

قُلُوبٞ يَوۡمَئِذٖ وَاجِفَةٌ

Ang mga kasingkasing sa mga manlilimod ug mga masupilon nianang adlawa magkurog,

Aya: 9

أَبۡصَٰرُهَا خَٰشِعَةٞ

Ang ilang mga mata nagpaubos (uban sa kahadlok).

Aya: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

(Niining kinabuhia ) ingon nila: "Kami ba gayud ibalik (human sa kamatayon) ngadto sa (among) unang kahimtang?"

Aya: 11

أَءِذَا كُنَّا عِظَٰمٗا نَّخِرَةٗ

Bisan pa kon kami nangadunot na nga mga bukog "mabanhaw ba kita human niana"?

Aya: 12

قَالُواْ تِلۡكَ إِذٗا كَرَّةٌ خَاسِرَةٞ

Sila nag-ingon: "Kana, unya, usa ka pagbalik uban sa kapildihan."

Aya: 13

فَإِنَّمَا هِيَ زَجۡرَةٞ وَٰحِدَةٞ

Apan kini (ang ikaduhang Pagtayhop sa trompeta alang sa Pagkabanhaw) usa lamang ka 'gamhanan' singgit,

Aya: 14

فَإِذَا هُم بِٱلسَّاهِرَةِ

Sa diha nga sila pukawon (nga buhi human sa kamatayon).

Aya: 15

هَلۡ أَتَىٰكَ حَدِيثُ مُوسَىٰٓ

Wala ba ang istorya ni Moises midangat kanimo ˹O Propeta Muhammad˺?

Aya: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Sa diha nga ang iyang Ginoo – Allāh – mitawag kaniya didto sa sagrado nga walog sa Ṭuwā:

Aya: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

(Ug Miingon): "Lakaw ngadto kang Paraon, kay siya sa pagkatinuod nakalapas sa tanang mga utlanan."

Aya: 18

فَقُلۡ هَل لَّكَ إِلَىٰٓ أَن تَزَكَّىٰ

Ug isulti: "Ikaw ba (adunay tinguha) sa pagputli sa imong kaugalingon 'gikan mga sala'?"

Aya: 19

وَأَهۡدِيَكَ إِلَىٰ رَبِّكَ فَتَخۡشَىٰ

Ug ako magatultol kaninyo ngadto sa inyong Ginoo (Allah) aron kamo mahadlok Kaniya.

Aya: 20

فَأَرَىٰهُ ٱلۡأٓيَةَ ٱلۡكُبۡرَىٰ

Unya siya (Moises) nag-pakita kaniya sa labing dako nga ilhanan^[2];

[2]. Kana mao ang sungkod nga nagpamatuod nga siya usa ka mensahero gikan sa Allāh.

Aya: 21

فَكَذَّبَ وَعَصَىٰ

Apan siya (Paraon) misalikway ug misupak 'ni Moises'.

Aya: 22

ثُمَّ أَدۡبَرَ يَسۡعَىٰ

unya siya mitalikod, nga nanlimbasug ˹batok sa kamatuoran˺.

Aya: 23

فَحَشَرَ فَنَادَىٰ

Busa iyang gitigum (ang iyang mga tawo) ug nagtawag:

Aya: 24

فَقَالَ أَنَا۠ رَبُّكُمُ ٱلۡأَعۡلَىٰ

Sa pag-ingon: "Ako mao ang inyong ginoo, ang labing taas!"

Aya: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Busa ang Allah milabnot kaniya alang sa iyang ulahi ug una "nga paglapas^[3]",

[3]. Busa ang Allah milabnot kaniya (sa hilabihan nga Silot) alang sa iyang ulahi ug una (nga paglapas, kay si Paraon nagpahayag sa iyang kaugalingon nga usa ka dios ug alang sa iyang kanhing pagpangdaugdaug sa mga tawo ug pagsalikway kang Moises. Busa Allāh gisilotan siya sa Kalibutan pinaagi sa pagkalumos siya sa dagat ug silotan Niya kini sa Pikas Kinabuhi pinaagi sa pagpasulod niini sa labing grabe nga pagsakit.

Aya: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Sa pagkatinuod adunay pagtulon-an niini ngadto kaniya nga nahadlok (sa Allah).

Aya: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Mas kusgan ka ba sa paglalang o ang langit, nga Iyang (Allāh) gitukod,

Aya: 28

رَفَعَ سَمۡكَهَا فَسَوَّىٰهَا

Sa kahitas' an Siya nagtuboy niini ug Siya nag-hatag niini sa nag-kaigo nga kahingpitan.

Aya: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Ug iyang gihimo nga mangitngit ang gabii niini, ug gipagula ang adlaw niini (kahayag).

Aya: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Ug ang yuta, Iyang gipalapdan kini human niana.

Aya: 31

أَخۡرَجَ مِنۡهَا مَآءَهَا وَمَرۡعَىٰهَا

Siya gipagula gikan niini ang tubig ug ang mga sibsibanan niini.

Aya: 32

وَٱلۡجِبَالَ أَرۡسَىٰهَا

Ug ang kabukiran Iyang gipahamutang nga malig-on,

Aya: 33

مَتَٰعٗا لَّكُمۡ وَلِأَنۡعَٰمِكُمۡ

Usa ka tagana alang kaninyo ug sa inyong mga bakahan.

Aya: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Apan sa diha nga ang dakong Makagagahum nga Katalagman moabut, 

Aya: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Sa Adlaw nga ang matag tawo mahinumdom sa tanan nilang pagpaningkamot (maayo man o daotan),

Aya: 36

وَبُرِّزَتِ ٱلۡجَحِيمُ لِمَن يَرَىٰ

Ug ang Imperno nga kalayo gibutyag alang sa bisan kinsa nga makakita niini,

Aya: 37

فَأَمَّا مَن طَغَىٰ

Alang kaniya nga nakalapas;

Aya: 38

وَءَاثَرَ ٱلۡحَيَوٰةَ ٱلدُّنۡيَا

Ug gipalabi ang kinabuhi niining kalibutana,

Aya: 39

فَإِنَّ ٱلۡجَحِيمَ هِيَ ٱلۡمَأۡوَىٰ

Nan, sa pagkatinuod ang Imperno, kana mao ang iyang Puloy-anan.

Aya: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Apan alang kaniya nga anaa sa Kahadlok sa pagbarog sa Atubangan sa 'Allāh' Ang Ginoo (alang sa Pagkwenta ug Paghukom), ug nagpugong sa iyang kalag gikan sa ubos nga mga tinguha,

Aya: 41

فَإِنَّ ٱلۡجَنَّةَ هِيَ ٱلۡمَأۡوَىٰ

Nan sa pagkatinuod ang Paraiso, mao ang iyang Puloy-anan.

Aya: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Sila nangutana kanimo mahitungod sa Takna (ang Adlaw sa Pagkabanhaw ug Paghukom), Kanus'a ba kini mahitabo?

Aya: 43

فِيمَ أَنتَ مِن ذِكۡرَىٰهَآ

lkaw walay kahibalo sa pagsulti ug bisan unsa mahitungod niini (bisan pa ikaw usa sa mga Timaan).

Aya: 44

إِلَىٰ رَبِّكَ مُنتَهَىٰهَآ

Ngadto sa (Allah) nga imong Ginoo (lamang) mao(ang Kahibalo sa) takna niini.

Aya: 45

إِنَّمَآ أَنتَ مُنذِرُ مَن يَخۡشَىٰهَا

Ang imong katungdanan mao lamang ang pagpasidaan ngadto kaniya nga nahadlok niini.

Aya: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Sa Adlaw nga sila makakita niini, kini mahitabo nga sama nga sila wala makapabilin (niining kalibutana) gawas sa (gidugayon) sa usa ka hapon o usa ka buntag lamang.