Firo maanaaji Simoore Simoore yimooɓe - Firo soomaliiwo - Abdullah Hassan Yaaquuba - Tonngoode hello ngoo 376 - Mawsuuwa al-quraan tedduɗo oo

Aaya: 207

مَآ أَغۡنَىٰ عَنۡهُم مَّا كَانُواْ يُمَتَّعُونَ

207. Maxay u tari Waxa loogu raaxeeyey?

Aaya: 208

وَمَآ أَهۡلَكۡنَا مِن قَرۡيَةٍ إِلَّا لَهَا مُنذِرُونَ

208. Ma jirtona magaalo aan halaagno Annagoon marka hore u dirin Digayaal.

Aaya: 209

ذِكۡرَىٰ وَمَا كُنَّا ظَٰلِمِينَ

209. Si loo waaniyo, mana nihin kuwo ku gardarrooda (dadka).

Aaya: 210

وَمَا تَنَزَّلَتۡ بِهِ ٱلشَّيَٰطِينُ

210. Ma ayan keenin ^[15] 'Qur’aankan' Shaydaammada.

[15]. Siday yidhaahdaan gaalada, waxaase Alle Xaggiisa ka keenay malag Jabriil, Ruuxa aaminka ah oo ku soo dejiyey Nabi Muxammad s.c.w.

Aaya: 211

وَمَا يَنۢبَغِي لَهُمۡ وَمَا يَسۡتَطِيعُونَ

211. Kuma habboona, mana laha awood (sheydaammadu) inay isagoo kale (Qur’aankan) keenaan.

Aaya: 212

إِنَّهُمۡ عَنِ ٱلسَّمۡعِ لَمَعۡزُولُونَ

212. Waa kuwo laga fogeeyey inay maqalaan 'Qur’aanka' ^[16].

[16]. Sida lagu xusay Suuradda 72: Aayadda 9.

Aaya: 213

فَلَا تَدۡعُ مَعَ ٱللَّهِ إِلَٰهًا ءَاخَرَ فَتَكُونَ مِنَ ٱلۡمُعَذَّبِينَ

213. Ee ha la baryin (caabudin) ilaah kale la jirka Alle si aadan uga mid noqon kuwa la cadaabayo.

Aaya: 214

وَأَنذِرۡ عَشِيرَتَكَ ٱلۡأَقۡرَبِينَ

214. U dig xigtadaada kuu dhow.

Aaya: 215

وَٱخۡفِضۡ جَنَاحَكَ لِمَنِ ٱتَّبَعَكَ مِنَ ٱلۡمُؤۡمِنِينَ

215. Oo u raarici garabkaaga ciddii ku raacda ee ka mid ah mu’miiinta.

Aaya: 216

فَإِنۡ عَصَوۡكَ فَقُلۡ إِنِّي بَرِيٓءٞ مِّمَّا تَعۡمَلُونَ

216. Haddayse ku caasiyaan dheh: Anigu barii baan ka ahay waxaad fashaan.

Aaya: 217

وَتَوَكَّلۡ عَلَى ٱلۡعَزِيزِ ٱلرَّحِيمِ

217. Talo saarona (Alle) Adkaadaha Sare, Naxariista Badan,

Aaya: 218

ٱلَّذِي يَرَىٰكَ حِينَ تَقُومُ

218. Ee ku arka markaad kaceyso ^[17].

[17]. Markaad ka soo kacdo gogoshaada habeenkii si aad u tukato salaatu leyl adigoo keligaa ah.

Aaya: 219

وَتَقَلُّبَكَ فِي ٱلسَّٰجِدِينَ

219. Iyo gad-gaddoonkaaga dhexdood ^[18] kuwa u sujuuda (Alle).

[18]. Adigoo ku dhex jira kuwaasi kula tukada jameeco ahaanta.

Aaya: 220

إِنَّهُۥ هُوَ ٱلسَّمِيعُ ٱلۡعَلِيمُ

220. Hubaal (Alle) waa wax kasta Maqlaha, wax kasta Ogsoon.

Aaya: 221

هَلۡ أُنَبِّئُكُمۡ عَلَىٰ مَن تَنَزَّلُ ٱلشَّيَٰطِينُ

221. Ma idiin sheegaa (dadow) kan ay ku soo degaan shaydaammada?

Aaya: 222

تَنَزَّلُ عَلَىٰ كُلِّ أَفَّاكٍ أَثِيمٖ

222. Waxay ku soo degaan beenaale kasta, denbiile ah.

Aaya: 223

يُلۡقُونَ ٱلسَّمۡعَ وَأَكۡثَرُهُمۡ كَٰذِبُونَ

223. Waxay dhigtaan dhegaha ^[19], badankoodna waa beenlawyo.

[19]. Tani waxay ahayd ka hor inta aan arrinkaa laga mamnuucin shayaadiinta oo laga hor joogsan, sida ku soo aroortay Suuradda 72: Aayadaha 8-9.

Aaya: 224

وَٱلشُّعَرَآءُ يَتَّبِعُهُمُ ٱلۡغَاوُۥنَ

224. Gabyaayadana waxaa raaca kuwa habowsan.

Aaya: 225

أَلَمۡ تَرَ أَنَّهُمۡ فِي كُلِّ وَادٖ يَهِيمُونَ

225. Miyaadan arag inay tog kasta la wareegeystaan (wareer ku jira, iyagoo ku ammaana dad run iyo beenba)?

Aaya: 226

وَأَنَّهُمۡ يَقُولُونَ مَا لَا يَفۡعَلُونَ

226. Iyo inay sheegaan waxaysan falayn ^[20].

[20]. Waxaa loola jeedaa in gabyaayada qaarkood iska tiriyaan gabayga iyagoo aan ugala jeedin khayr fidin, aan lahayn wax mowqif cad ah, iyagoo ku hadla been iyagoo aan wax kala saarin, wax iska ammaana ama caaya iyagoo uun raacaya hawadooda iyo danahooda.

Aaya: 227

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَذَكَرُواْ ٱللَّهَ كَثِيرٗا وَٱنتَصَرُواْ مِنۢ بَعۡدِ مَا ظُلِمُواْۗ وَسَيَعۡلَمُ ٱلَّذِينَ ظَلَمُوٓاْ أَيَّ مُنقَلَبٖ يَنقَلِبُونَ

227. Kuwa (Xaqa) rumeeyey ma'ahee oo samaha fala, oo xusa Alle in badan, oo difaaca nafahooda (iyo mu’miniintaba) marka la dulmiyo kaddib ^[21]. Way ogaan kuwa fala dulmiga (shirkiga iyo macaasida) rogmasho noocee ah bay rogmi 'Qiyaamada' ^[22]?

[21]. Ee ugu jawaaba gabay ahaan wax sheegga gabyaayada cadowga.
[22]. Nabigu s.c.w. wuxuu yidhi: In laabta midkiin malax ka buuxsanto baa ka fiican inuu ka buuxsamo gabay.” Waa gabayada xun aan qiimaha lahayn.