Translation of the meanings Surah Al-A‘rāf - Filipino Translation (Maguindanaon) - Rowad Translation Center - Page Number 155 - The Noble Qur'an Encyclopedia

Ayah: 38

قَالَ ٱدۡخُلُواْ فِيٓ أُمَمٖ قَدۡ خَلَتۡ مِن قَبۡلِكُم مِّنَ ٱلۡجِنِّ وَٱلۡإِنسِ فِي ٱلنَّارِۖ كُلَّمَا دَخَلَتۡ أُمَّةٞ لَّعَنَتۡ أُخۡتَهَاۖ حَتَّىٰٓ إِذَا ٱدَّارَكُواْ فِيهَا جَمِيعٗا قَالَتۡ أُخۡرَىٰهُمۡ لِأُولَىٰهُمۡ رَبَّنَا هَٰٓؤُلَآءِ أَضَلُّونَا فَـَٔاتِهِمۡ عَذَابٗا ضِعۡفٗا مِّنَ ٱلنَّارِۖ قَالَ لِكُلّٖ ضِعۡفٞ وَلَٰكِن لَّا تَعۡلَمُونَ

Tig nu Allah: ludep kanu, kanu manga taw a nawna pan sa lekanu a jin endu manusya sa naraka, uman makaludep su isa na mulkan menem nu kaped nin taman sa amayka makanggagaisa den silan tanan (lu sa naraka) na edtalun u egkawli kanu nawna: kadenan nami silan banan (a nawna sa naraka) i tinumading sa lekami, na inggay ka sa takep a apuy, tig nu Allah: uman isa na aden takep nin (matakep) ugayd na di nu katawan.

Ayah: 39

وَقَالَتۡ أُولَىٰهُمۡ لِأُخۡرَىٰهُمۡ فَمَا كَانَ لَكُمۡ عَلَيۡنَا مِن فَضۡلٖ فَذُوقُواْ ٱلۡعَذَابَ بِمَا كُنتُمۡ تَكۡسِبُونَ

Ya manem edtalun nu nangawna kanu nangawli na dala sa lekanu i sya sa lekami i katinggyan nu (di kena sabap sa lekami kinatading nu) na nanami nu su siksa sabap kanu pamantyalin nu (penggalbeken nu) a manga kadusan.

Ayah: 40

إِنَّ ٱلَّذِينَ كَذَّبُواْ بِـَٔايَٰتِنَا وَٱسۡتَكۡبَرُواْ عَنۡهَا لَا تُفَتَّحُ لَهُمۡ أَبۡوَٰبُ ٱلسَّمَآءِ وَلَا يَدۡخُلُونَ ٱلۡجَنَّةَ حَتَّىٰ يَلِجَ ٱلۡجَمَلُ فِي سَمِّ ٱلۡخِيَاطِۚ وَكَذَٰلِكَ نَجۡزِي ٱلۡمُجۡرِمِينَ

Su manga taw a napandalbut kanu manga ayatan nami endu mimamasla silan na di magukat sa kanilan (di kabukatan) i manga bengawan nu langit endu di makaludep silan sa surga taman sa di makaludep su unta kanu pesu na lagum, na mamba i kabalas nami kanu manga pedsakutu.

Ayah: 41

لَهُم مِّن جَهَنَّمَ مِهَادٞ وَمِن فَوۡقِهِمۡ غَوَاشٖۚ وَكَذَٰلِكَ نَجۡزِي ٱلظَّٰلِمِينَ

Aden sa kanilan lu sa naraka i ikam a apuy endu apuy kanu pulu nilan a pegkalaw-kalaw, endu mamba i kapembalas nami kanu manga dhalimun (pedsakutu, salimbuten)

Ayah: 42

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَا نُكَلِّفُ نَفۡسًا إِلَّا وُسۡعَهَآ أُوْلَٰٓئِكَ أَصۡحَٰبُ ٱلۡجَنَّةِۖ هُمۡ فِيهَا خَٰلِدُونَ

Endu su manga bamamaginugut endu minggalbek sa manga mapya, di nami ibpalyugat kanu isa i di nin magaga, silan i kigkwan sa surga a di den silan makalyu (lu sa surga).

Ayah: 43

وَنَزَعۡنَا مَا فِي صُدُورِهِم مِّنۡ غِلّٖ تَجۡرِي مِن تَحۡتِهِمُ ٱلۡأَنۡهَٰرُۖ وَقَالُواْ ٱلۡحَمۡدُ لِلَّهِ ٱلَّذِي هَدَىٰنَا لِهَٰذَا وَمَا كُنَّا لِنَهۡتَدِيَ لَوۡلَآ أَنۡ هَدَىٰنَا ٱللَّهُۖ لَقَدۡ جَآءَتۡ رُسُلُ رَبِّنَا بِٱلۡحَقِّۖ وَنُودُوٓاْ أَن تِلۡكُمُ ٱلۡجَنَّةُ أُورِثۡتُمُوهَا بِمَا كُنتُمۡ تَعۡمَلُونَ

Endu inawa nami kanu manga laleb nilan su kandidilipungeta (su lipunget a nagedam sa sya pan sa dunya) sa pelagilay sa kababan nilan i manga pulangi endu madtalu nilan i pugin tanu su Allah a tinutulu tanu nin sa nya ba endu di tanu makatuntul u di kenabu tinutulu tanu nin, saben-sabenal su kinawma nu sinugu nu Kadenan na bantang endu tinawag silan lu sa surga sa nan demba su surga a pinawarisan nu Allah sa lekanu sabap kanu penggalbeken nu a mapya.