Translation of the Meanings Surah Al-Hāqqah - Filipino Translation (Maguindanaon) - Rowad Translation Center - Page Number 568 - Encyclopedia of the Noble Quran

Verse: 36

وَلَا طَعَامٌ إِلَّا مِنۡ غِسۡلِينٖ

Endu da pan makan nin a salakaw kanu dana nu sa taw sa naraka.

Verse: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Da makakan sa nan ya tabya su baradusa.

Verse: 38

فَلَآ أُقۡسِمُ بِمَا تُبۡصِرُونَ

Inidsapa nu Allah su binaluy nin a egkailay.

Verse: 39

وَمَا لَا تُبۡصِرُونَ

Endu su binaluy a masulen.

Verse: 40

إِنَّهُۥ لَقَوۡلُ رَسُولٖ كَرِيمٖ

Su Qur’an a kadtalu nu sinugu a mapulu a malimu.

Verse: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Endu di kena kadtalu nu pababayuk, na paydu i mangimbenal.

Verse: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Endu di kena kadtalu na taw a edtaw-taw, na paydu i ka indaw nin.

Verse: 43

تَنزِيلٞ مِّن رَّبِّ ٱلۡعَٰلَمِينَ

Nakatulun ebpun kanu Kadenan nu dunya.

Verse: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Umana bu ka midtetebu su (Muhammad) sa edtebu nin sa lekami.

Verse: 45

لَأَخَذۡنَا مِنۡهُ بِٱلۡيَمِينِ

Na binasan nami den sekanin sa bagel.

Verse: 46

ثُمَّ لَقَطَعۡنَا مِنۡهُ ٱلۡوَتِينَ

Mawli na tebpeden nami sa lekanin su ugat a pepatayan.

Verse: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Na da sa lekanu apya sakataw i makapangalaw lun.

Verse: 48

وَإِنَّهُۥ لَتَذۡكِرَةٞ لِّلۡمُتَّقِينَ

Endu saben-sabenal (su Qur’an) na indawan kanu magilek.

Verse: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Endu saben-sabenal a katawan nami i kaped sa lekanu na pendalbut.

Verse: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Endu saben-sabenal a ma-antang-antang su manga kafir.

Verse: 51

وَإِنَّهُۥ لَحَقُّ ٱلۡيَقِينِ

Endu saben-sabenal su Qur’an na benal gayd.

Verse: 52

فَسَبِّحۡ بِٱسۡمِ رَبِّكَ ٱلۡعَظِيمِ

Tasbih ka su ngala nu Kadenan nengka a masla.