Translation of the Meanings Surah Al-Hāqqah - Filipino translation (Bisayan) - Rowwad Translation Center - Page Number 568 - Encyclopedia of the Noble Quran

Verse: 36

وَلَا طَعَامٌ إِلَّا مِنۡ غِسۡلِينٖ

Ni bisan unsang pagkaon gawas sa nana gikan nga mga samad,

Verse: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Walay magakaon niini gawas sa matinuyoon nga mga makasasala^[1].

[1]. Nga nagbutang ug kauban sa Allah, o nakahimo sa uban nga dagkong makamatay nga mga sala, ug namatay sa ingon nga walay paghinulsol.

Verse: 38

فَلَآ أُقۡسِمُ بِمَا تُبۡصِرُونَ

Busa ako (Dios) manumpa pinaagi sa unsay inyong makita,

Verse: 39

وَمَا لَا تُبۡصِرُونَ

Maingon man unsay dili nimo makakita;

Verse: 40

إِنَّهُۥ لَقَوۡلُ رَسُولٖ كَرِيمٖ

Sa pagkatinuod, kini (ang Qur’an) mao ang (dinasig nga) Pulong (gikan sa Allah) gisangyaw sa usa ka halangdon nga Mensahero (Propeta Muhammad),

Verse: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Kini dili pulong sa Magbabalak. Diyutay ra ang imong gi-toohan;

Verse: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Ni pulong sa usa ka mananagna; gamay lang gayud ang inyong nahinumduman.

Verse: 43

تَنزِيلٞ مِّن رَّبِّ ٱلۡعَٰلَمِينَ

Kini usa ka Pinadayag nga gipadala gikan (sa Allah) ang Ginoo sa tanan nga linalang.

Verse: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Ug kon siya (ang Propeta Muhammad) nagmugna batok Kanamo ug pipila ka (bakak) nga mga pulong,

Verse: 45

لَأَخَذۡنَا مِنۡهُ بِٱلۡيَمِينِ

Kami sa pagkatinuod misakmit na kaniya pinaagi sa tuong kamot (sa usa ka dako ug gamhanan nga Pagsakmit,

Verse: 46

ثُمَّ لَقَطَعۡنَا مِنۡهُ ٱلۡوَتِينَ

​​Ug Kami sa pagkatinuod moputol sa iyang (aorta) ugat.

Verse: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Ug walay usa kaninyo nga makapugong Kanamo gikan kaniya.

Verse: 48

وَإِنَّهُۥ لَتَذۡكِرَةٞ لِّلۡمُتَّقِينَ

Ug sa pagkatinuod kini (ang Qur’an) usa ka Pahinumdom alang sa mga matarong.

Verse: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Ug sa pagkatinuod Kami nasayod nga diha kaninyo adunay mga nagsalikway niini.

Verse: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Ug tinooray kini mahimong (hinungdan) sa dakong pagbasol ngadto sa mga manlilimod.

Verse: 51

وَإِنَّهُۥ لَحَقُّ ٱلۡيَقِينِ

Ug sa pagkatinuod, mao kini ang kamatooran nga labing siguro ug hingpit.

Verse: 52

فَسَبِّحۡ بِٱسۡمِ رَبِّكَ ٱلۡعَظِيمِ

Busa dayega ang Ngalan sa imong Ginoo (Allāh) ang Labing Bantugan.