Prijevod značenja Sura Ed-Duha - Azerbejdžanski prijevod sažetog tefsira Plemenitog Kur'ana. - Enciklopedija Kur'ana

əd-Duha

Intencije ove sure:

بيان عناية الله بنبيه في أول أمره وآخره.

İslamın həm əvvəlində, həm də axırında Allahın Öz peyğəmbərinin qeydinə qalmasının bəyan edilməsi.

---

Ajet: 1

وَٱلضُّحَىٰ

Uca Allah gündüzün əvvəlinə and içir.

Ajet: 2

وَٱلَّيۡلِ إِذَا سَجَىٰ

O, həmçinin, zülmətə bürünən və içində insanların hərkətinin sakitləşən gecəyə and içir.

Ajet: 3

مَا وَدَّعَكَ رَبُّكَ وَمَا قَلَىٰ

Ey Peyğəmbər! Vəhy nazil olmadığı vaxtda müşriklərin iddia etdiyi kimi deyil, Rəbbin səni nə tərk etdi, nə də sənə qəzəbləndi.

Ajet: 4

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Tükənməz nemətlərlə dolu olan axirət yurdu, əlbəttə, sənin üçün dünya həyatından daha xeyirlidir.

Ajet: 5

وَلَسَوۡفَ يُعۡطِيكَ رَبُّكَ فَتَرۡضَىٰٓ

Rəbbin sənə və sənin ümmətinə böyük nemət bəxş edəcək, sən də, Onun sənə və sənin ümmətinə bəxş etdiyindən razı qalacaqsan.

Ajet: 6

أَلَمۡ يَجِدۡكَ يَتِيمٗا فَـَٔاوَىٰ

Sən körpə ikən, atan da dünyadan köçmüş ikən Rəbbin səni tapıb sənə sığınacaq vermədimi?! Əvvəlcə baban Əbdülmüttəlib, sonra da əmin Əbu Talib səni öz himayəsinə götürmüşdür.

Ajet: 7

وَوَجَدَكَ ضَآلّٗا فَهَدَىٰ

Sən kitabın və imanın nə olduğunu bilmədiyin bir halda O səni tapıb bunlardan sənə bilmədiklərini öyrətdi.

Ajet: 8

وَوَجَدَكَ عَآئِلٗا فَأَغۡنَىٰ

Və səni kasıb ikən tapıb zəngin etdi.

Ajet: 9

فَأَمَّا ٱلۡيَتِيمَ فَلَا تَقۡهَرۡ

Elə isə atasını itirmiş uşaqla pis davranma və ona xor baxma.

Ajet: 10

وَأَمَّا ٱلسَّآئِلَ فَلَا تَنۡهَرۡ

Səndən kömək diləyən ehtiyaclını yanından qovma.

Ajet: 11

وَأَمَّا بِنِعۡمَةِ رَبِّكَ فَحَدِّثۡ

Allahın sənə bəxş etdiyi nemətlərə şükür et və onlardan söhbət aç.

Poruke i pouke ajeta na ovoj stranici:

• منزلة النبي صلى الله عليه وسلم عند ربه لا تدانيها منزلة.

Heç kəsin məqamı, Peyğəmbərin (səllallahu aleyhi və səlləm) öz Rəbbi yanında olan məqamına bərabər ola bilməz.

• شكر النعم حقّ لله على عبده.

Nemətlərə şükür etmək Allahın Öz qulu üzərində olan haqqıdır.

• وجوب الرحمة بالمستضعفين واللين لهم.

Zəiflərə mərhəmət göstərməyin və onlarla mülayim rəftar etməyin vacib olması.