د معناګانو ژباړه سورت انشقاق - اوزبکي ژبې ته د المختصر في تفسیر القرآن الکریم ژباړه - د مخ نمبر 589 - د قرآن کریم دائرة المعارف

Иншиқоқ

د سورت د مقصدونو څخه:

تذكير الإنسان برجوعه لربه، وبيان ضعفه، وتقلّب الأحوال به.

Инсонга Парвардигорига қайтишини эслатиш, унинг заифлигини, аҳволи ўзгариб туришини баён қилиш.

---

آیت: 1

إِذَا ٱلسَّمَآءُ ٱنشَقَّتۡ

Фаришталар иниши учун осмон ёрилганида;

آیت: 2

وَأَذِنَتۡ لِرَبِّهَا وَحُقَّتۡ

Парвардигорига итоат-ла қулоқ солганида ва шу ишга лойиқ топилганида;

آیت: 3

وَإِذَا ٱلۡأَرۡضُ مُدَّتۡ

Аллоҳ Таоло ерни худди теридек ёйиб қўйганида;

آیت: 4

وَأَلۡقَتۡ مَا فِيهَا وَتَخَلَّتۡ

Ер ўз бағридаги хазиналару ўликларни чиқариб ташлаб, ичини бўшатиб олганида;

آیت: 5

وَأَذِنَتۡ لِرَبِّهَا وَحُقَّتۡ

Парвардигорига итоат-ла қулоқ солганида ва шу ишга лойиқ топилганида;

آیت: 6

يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ

Эй инсон, сен хоҳ яхши, хоҳ ёмон амаллар қил, барибир Қиёмат куни ўша амалларингга йўлиқасан ва Аллоҳ таоло шак-шубҳасиз, амалингга яраша ҳисоб-китоб қилади.

آیت: 7

فَأَمَّا مَنۡ أُوتِيَ كِتَٰبَهُۥ بِيَمِينِهِۦ

Номаи аъмоллари ўнг қўлига бериладиган кишиларга келсак,

آیت: 8

فَسَوۡفَ يُحَاسَبُ حِسَابٗا يَسِيرٗا

Аллоҳ Таоло уларнинг ҳисоб-китобини енгил қилади. Қилмишларини кўрсатса-да, жазоламайди.

آیت: 9

وَيَنقَلِبُ إِلَىٰٓ أَهۡلِهِۦ مَسۡرُورٗا

У киши аҳлига хурсанд бўлиб қайтади.

آیت: 10

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ

Номаи аъмоли орқа томондан чап қўлига бериладиган одамга келсак,

آیت: 11

فَسَوۡفَ يَدۡعُواْ ثُبُورٗا

Ўзига ўзи ўлим сўраб илтижо қилиб қолади.

آیت: 12

وَيَصۡلَىٰ سَعِيرًا

У жаҳаннам оловига киради, унинг оташидан азоб чекади.

آیت: 13

إِنَّهُۥ كَانَ فِيٓ أَهۡلِهِۦ مَسۡرُورًا

Дунё ҳаётида у куфру исёни ила аҳли оиласи орасида шоду хуррам эди.

آیت: 14

إِنَّهُۥ ظَنَّ أَن لَّن يَحُورَ

У ўлганидан кейин яна ҳаётга қайтмайман, қайта тирилмайман, деб ўйлар эди.

آیت: 15

بَلَىٰٓۚ إِنَّ رَبَّهُۥ كَانَ بِهِۦ بَصِيرٗا

Асло! Аллоҳ Таоло уни олдин яратганидек, яна ҳаётга қайтаради. Парвардигори унинг ҳар бир ҳолатини кўриб-билиб туради, У Зотдан бирон нарса махфий қолмайди. Яқинда уларни амалларига қараб ҳисоб-китоб қилади.

آیت: 16

فَلَآ أُقۡسِمُ بِٱلشَّفَقِ

Аллоҳ Таоло қуёш ботгач, уфқда пайдо бўладиган шафаққа қасам ичди.

آیت: 17

وَٱلَّيۡلِ وَمَا وَسَقَ

Тунга ва у қоплаб олган нарсаларга қасам ичди.

آیت: 18

وَٱلۡقَمَرِ إِذَا ٱتَّسَقَ

Йиғилиб, тўла бўлган тўлин ойга қасам ичди.

آیت: 19

لَتَرۡكَبُنَّ طَبَقًا عَن طَبَقٖ

Эй инсонлар, албатта сизлар бир ҳолатдан иккинчи ҳолатга: нутфадан алақага, ундан бир тишлам гўштга, кейин ҳаётга, сўнгра ўлимга, ундан кейин эса қайта тирилишга ўтиб борасизлар.

آیت: 20

فَمَا لَهُمۡ لَا يُؤۡمِنُونَ

Бу кофирларга нима бўлганки, Аллоҳга ва охират кунига иймон келтирмаяптилар?!

آیت: 21

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩

Уларга Қуръон ўқилганда Парвардигорларига сажда қилмайдилар?!

آیت: 22

بَلِ ٱلَّذِينَ كَفَرُواْ يُكَذِّبُونَ

Билъакс, куфр келтирганлар пайғамбарлари келтирган нарсаларни ёлғонга чиқарадилар!

آیت: 23

وَٱللَّهُ أَعۡلَمُ بِمَا يُوعُونَ

Аллоҳ Таоло эса уларнинг қалбларига бекитган нарсаларини ҳам билувчи Зотдир. Уларнинг қилмишларидан бирон нарса У Зотдан махфий қолмас.

آیت: 24

فَبَشِّرۡهُم بِعَذَابٍ أَلِيمٍ

Эй Пайғамбар, кофирларга уларни аламли азоб кутиб турганини айтиб қўйинг.

په دې مخ کې د ایتونو د فایدو څخه:

• خضوع السماء والأرض لربهما.

Само ҳам, замин ҳам Парвардигорга бўйсунади.

• كل إنسان ساعٍ إما لخير وإما لشرّ.

Ҳар бир инсон ё яхши, ё ёмон тарафга қараб юради.

• علامة السعادة يوم القيامة أخذ الكتاب باليمين، وعلامة الشقاء أخذه بالشمال.

Қиёмат кунидаги бахт-саодат аломати номаи аъмолни ўнг томондан олиш бўлса, уни чап тарафдан олиш бахтиқаролик аломатидир.