د معناګانو ژباړه سورت واقعه - اوزبکي ژبې ته د المختصر في تفسیر القرآن الکریم ژباړه - د مخ نمبر 535 - د قرآن کریم دائرة المعارف

آیت: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Атрофларида ёш болалар ҳар доим хизматга шай бўлиб турадилар. Улар ҳеч қачон қаримайдилар, ўлмайдилар.

آیت: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

Жаннатдаги ҳеч қачон тугаб қолмайдиган оқар булоқдан олинган майли косалар, кўзалар ва косаларни айлантириб турадилар.

آیت: 19

لَّا يُصَدَّعُونَ عَنۡهَا وَلَا يُنزِفُونَ

Улар шу дунёнинг майига ўхшамайди. Уни ичган кишининг боши оғримайди. Ақли ҳам кетмайди, жойида тураверади.

آیت: 20

وَفَٰكِهَةٖ مِّمَّا يَتَخَيَّرُونَ

Болалар жаннатийлар учун истаган меваларини ҳам тинимсиз айлантириб турадилар.

آیت: 21

وَلَحۡمِ طَيۡرٖ مِّمَّا يَشۡتَهُونَ

Иштаҳалари тусаган қуш гўштини ҳам айлантириб турадилар.

آیت: 22

وَحُورٌ عِينٞ

Улар учун жаннатда оҳу кўзли ҳурлар ҳам бор.

آیت: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

Худди садаф ичидаги яширин дурдек.

آیت: 24

جَزَآءَۢ بِمَا كَانُواْ يَعۡمَلُونَ

Бу нарсаларга дунёда қилиб ўтган солиҳ амалларининг мукофоти сифатида ноил бўладилар.

آیت: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

Жаннатда ёмон сўзни ҳам, гуноҳ бўладиган гапни ҳам эшитмаслар.

آیت: 26

إِلَّا قِيلٗا سَلَٰمٗا سَلَٰمٗا

Фаришталарнинг уларга салом беришларини ва бир-бирларига салом беришларинигина эшитарлар.

آیت: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Ўнг тараф эгалари номаи аъмолларини ўнг қўллари билан оладилар. Уларнинг Аллоҳ наздидаги мартаба-мақомлари нақадар юксак!

آیت: 28

فِي سِدۡرٖ مَّخۡضُودٖ

Ҳеч бир озори йўқ тикансиз бутазорларда.

آیت: 29

وَطَلۡحٖ مَّنضُودٖ

Қатор тизилган бананзорларда.

آیت: 30

وَظِلّٖ مَّمۡدُودٖ

Ёйилган, ҳар доим тураверадиган сояда.

آیت: 31

وَمَآءٖ مَّسۡكُوبٖ

Ҳеч қачон тўхтаб қолмайдиган оқар сувларда.

آیت: 32

وَفَٰكِهَةٖ كَثِيرَةٖ

Ҳеч қачон камайиб қолмайдиган мўл-кўл меваларда.

آیت: 33

لَّا مَقۡطُوعَةٖ وَلَا مَمۡنُوعَةٖ

Улар ҳеч қачон тугаб қолмайдилар. Уларнинг бирон мавсими йўқки, ўшанда бор бўлиб, қолган пайтда йўқ бўлсалар. Истаган пайтларида у мевалардан тановул қиладилар. Уларни олишдан ҳеч ким қайтармайди.

آیت: 34

وَفُرُشٖ مَّرۡفُوعَةٍ

Сўрилар устига баланд қилиб тўшалган кўрпачаларда.

آیت: 35

إِنَّآ أَنشَأۡنَٰهُنَّ إِنشَآءٗ

Дарҳақиқат, Биз мазкур ҳурларни одатдагидек туғилиш, ўсиб-улғайиш орқали эмас, дафъатан, жаннат аҳлига хос қилиб яратдик.

آیت: 36

فَجَعَلۡنَٰهُنَّ أَبۡكَارًا

Уларни олдин ҳеч ким тарафидан тегилмаган бокиралар қилдик.

آیت: 37

عُرُبًا أَتۡرَابٗا

Ёшда ҳам, ҳусну латофатда ҳам бир-бири билан баробар, ўз жуфтлари учун севимли ҳурлар.

آیت: 38

لِّأَصۡحَٰبِ ٱلۡيَمِينِ

Бу ҳурларни номаи аъмолини ўнг қўли билан олиб, бахт-саодатга ноил бўлган ўнг тараф эгалари учун яратганмиз.

آیت: 39

ثُلَّةٞ مِّنَ ٱلۡأَوَّلِينَ

Улар олдинги пайғамбарларнинг умматларидан ҳам бир жамоа.

آیت: 40

وَثُلَّةٞ مِّنَ ٱلۡأٓخِرِينَ

Охирги уммат бўлмиш Муҳаммад алайҳиссаломнинг умматидан ҳам бир жамоа.

آیت: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Чап тараф эгалари номаи аъмолларини чап қўллари билан оладилар. Уларнинг жойлари нақадар ёмон ва паст!

آیت: 42

فِي سَمُومٖ وَحَمِيمٖ

Жуда иссиқ эсадиган самум ва ўта қайноқ сув ичрадирлар.

آیت: 43

وَظِلّٖ مِّن يَحۡمُومٖ

Қоп-қора тутундан иборат соя остидалар.

آیت: 44

لَّا بَارِدٖ وَلَا كَرِيمٍ

Эсиши ёқимли ҳам эмас, кўриниши чиройли ҳам эмас.

آیت: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Улар шу азобга йўлиқишларидан олдин дунёда маишатпараст эдилар. Шаҳватларидан, орзу-ҳавасларидан бошқа ғамлари йўқ эди.

آیت: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Аллоҳга куфр келтириш, бутларга ибодат қилиш каби гуноҳларни саркашлик билан давом қилаверардилар.

آیت: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Улар қайта тирилишни инкор этиб, масхара, мазахлар қилиб: "Ўлиб, тупроқ ва чириган суякка айланиб кетганимиздан кейин яна қайта тириламизми?", дер эдилар.

آیت: 48

أَوَءَابَآؤُنَا ٱلۡأَوَّلُونَ

Биздан олдин ўлиб кетган ота-боболаримиз ҳам қайта тириладиларми?

آیت: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

Эй Пайғамбар, анави қайта тирилишни инкор этаётганларга айтинг: "Олдинги одамлар ҳам, кейинги одамлар ҳам

آیت: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

Шак-шубҳасиз, Қиёмат куни ҳисоб-китоб ва жазо ёки мукофот учун тўпланажаклар.

په دې مخ کې د ایتونو د فایدو څخه:

• العمل الصالح سبب لنيل النعيم في الآخرة.

Охиратдаги неъматларга солиҳ амал билан эришилади.

• الترف والتنعم من أسباب الوقوع في المعاصي.

Маишатпарастлик, дунё неъматларига муккадан кетиш одамни гуноҳлар лойига ботириб қўяди.

• خطر الإصرار على الذنب.

Гуноҳни тез тўхтатмасдан саркашлик билан давом эттиравериш ўта хатарли.