ߞߘߐ ߟߎ߬ ߘߟߊߡߌ߬ߘߊ߬ߟߌ ߝߐߘߊ ߘߏ߫ ߛߘߍߟߏߟߏ ߟߎ߬ - ߏߗ߭ߑߓߊߞߌߞߊ߲

Буруж

ߝߐߘߊ ߟߊߢߌߣߌ߲ ߘߏ߫:

بيان قوة الله وإحاطته الشاملة، ونصرته لأوليائه، والبطش بأعدائه.

Аллоҳнинг қудрати ҳамма нарсани қамраб олганини ҳамда У Зот Ўзининг дўстларини қўллаб-қувватлаб, душманларини эса жазолашини баён қилиш.

---

ߟߝߊߙߌ ߘߏ߫: 1

وَٱلسَّمَآءِ ذَاتِ ٱلۡبُرُوجِ

Аллоҳ таоло қуёш, ой ва бошқаларнинг манзилларини ўз ичига олган осмонга қасам ичди.

ߟߝߊߙߌ ߘߏ߫: 2

وَٱلۡيَوۡمِ ٱلۡمَوۡعُودِ

Барча халойиқ тўпланиши ваъда қилинган Қиёмат кунига қасам ичди.

ߟߝߊߙߌ ߘߏ߫: 3

وَشَاهِدٖ وَمَشۡهُودٖ

Ҳар бир гувоҳлик берувчи ва гувоҳлик берилувчига қасам ичди. Пайғамбарлар умматга қарши гувоҳ берувчи бўлса, умматлар пайғамбарларига қарши гувоҳдирлар.

ߟߝߊߙߌ ߘߏ߫: 4

قُتِلَ أَصۡحَٰبُ ٱلۡأُخۡدُودِ

Ерда катта чоҳ кавлаганларга лаънат бўлсин!

ߟߝߊߙߌ ߘߏ߫: 5

ٱلنَّارِ ذَاتِ ٱلۡوَقُودِ

Олов ёқиб, унга мўминларни тириклайин улоқтирдилар.

ߟߝߊߙߌ ߘߏ߫: 6

إِذۡ هُمۡ عَلَيۡهَا قُعُودٞ

Ўзлари олов тўла чоҳ атрофида ўтирардилар.

ߟߝߊߙߌ ߘߏ߫: 7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ

Улар мўминларга етказаётган азоб-уқубатларига ўша ерда туриб, ўзлари гувоҳ бўлдилар.

ߟߝߊߙߌ ߘߏ߫: 8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Улар мўминларни битта нарсада - ҳеч ким мағлуб қилолмайдиган қудратли, ҳар бир ишида мақтовга сазовор бўлган Аллоҳга иймон келтирганлари учунгина айбладилар.

ߟߝߊߙߌ ߘߏ߫: 9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ

Аллоҳ шундай Зотки, осмонлару ер эгаси ёлғиз Ўзидир. У ҳар бир нарсадан Хабардордир. Бандаларининг бирон иши у Зотдан махфий қолмайди.

ߟߝߊߙߌ ߘߏ߫: 10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

Улар мўмин ва мўминаларни ёлғиз Аллоҳга иймон келтиришларидан тўхтатиш учун олов билан азоблаган нокаслардир. Бу қилмишлари учун Аллоҳга тавба қилмасалар, Қиёмат куни жаҳаннам азобига гирифтор бўладилар. Мўминларни оловда куйдириб азоблаганларига яраша жазо ўлароқ, ўзлари ҳам куйдирадиган олов билан азобланадилар.

ߟߝߊߙߌ ߘߏ߫: 11

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Аллоҳга иймон келтириб, солиҳ амаллар қилган кишиларга қасрларию дарахтлари остидан анҳорлар оқиб ўтувчи жаннатлар бордир. Мана шу улар учун ҳозирлаб қўйилган тенги йўқ улкан ютуқдир.

ߟߝߊߙߌ ߘߏ߫: 12

إِنَّ بَطۡشَ رَبِّكَ لَشَدِيدٌ

Эй Пайғамбар, Парвардигорингиз золимларни бир муддат ўз ҳолига қўйган бўлса-да, уларга берадиган жазоси қаттиқдир.

ߟߝߊߙߌ ߘߏ߫: 13

إِنَّهُۥ هُوَ يُبۡدِئُ وَيُعِيدُ

У яратишни ҳам, азобни ҳам Ўзи бошлаб беради ва Ўзи қайтаради.

ߟߝߊߙߌ ߘߏ߫: 14

وَهُوَ ٱلۡغَفُورُ ٱلۡوَدُودُ

Аллоҳ тавба қилган бандаларининг гуноҳларини мағфират қилгувчидир. Зеро, У Зот тақводор дўстларини яхши кўради.

ߟߝߊߙߌ ߘߏ߫: 15

ذُو ٱلۡعَرۡشِ ٱلۡمَجِيدُ

У Арш соҳибидир. Буюкдир.

ߟߝߊߙߌ ߘߏ߫: 16

فَعَّالٞ لِّمَا يُرِيدُ

Ўзи хоҳлаганини қилувчидир. Ўзи истаган бандаларининг гуноҳларини кечириб, истаганларини жазолайди. У Зотни ҳеч ким ҳеч нарсага мажбур қилолмайди.

ߟߝߊߙߌ ߘߏ߫: 17

هَلۡ أَتَىٰكَ حَدِيثُ ٱلۡجُنُودِ

Эй Пайғамбар, сизга ҳақиқатдан тўсиб, унга қарши курашиш учун тўпланган аскарларнинг хабари келдими?

ߟߝߊߙߌ ߘߏ߫: 18

فِرۡعَوۡنَ وَثَمُودَ

Фиръавн ва Солиҳ алайҳиссаломнинг қавми Самуднинг.

ߟߝߊߙߌ ߘߏ߫: 19

بَلِ ٱلَّذِينَ كَفَرُواْ فِي تَكۡذِيبٖ

Уларни иймондан тўсган нарса кофир умматларнинг кечинмаларию ҳалок этилганларидан бехабарликлари эмас, балки, ўзларининг ҳавойи нафсларига эргашиб, пайғамбарлари олиб келган нарсаларни ёлғонга чиқаришларидир.

ߟߝߊߙߌ ߘߏ߫: 20

وَٱللَّهُ مِن وَرَآئِهِم مُّحِيطُۢ

Ҳолбуки, Аллоҳ уларнинг амалларини билиб тургувчидир. У Зот ҳеч нарсани ўтказиб юбормайди. Яқинда қилган амалларига қараб жазо ёки мукофотини беради.

ߟߝߊߙߌ ߘߏ߫: 21

بَلۡ هُوَ قُرۡءَانٞ مَّجِيدٞ

Ёлғонга чиқарувчилар айтаётганидек, у шеър ҳам, сажъ ҳам эмас, балки у буюк Қуръондир.

ߟߝߊߙߌ ߘߏ߫: 22

فِي لَوۡحٖ مَّحۡفُوظِۭ

Қуръон ҳар қандай ўзгартириш, бузиш, камайтириш ва кўпайтиришдан ҳимоя қилинган Лавҳул Маҳфуздадир.

ߟߝߊߙߌ ߟߎ߫ ߢߊ߬ߕߣߐ ߘߏ߫ ߞߐߜߍ ߣߌ߲߬ ߞߊ߲߬:

• يكون ابتلاء المؤمن على قدر إيمانه.

Мўмин иймонининг миқдорига қараб синалади.

• إيثار سلامة الإيمان على سلامة الأبدان من علامات النجاة يوم القيامة.

Тан сиҳатлигидан кўра иймон саломатлигини устун қўйиш Қиёмат кунида нажот топиш аломатларидандир.

• التوبة بشروطها تهدم ما قبلها.

Тавбани шартларига биноан қилиш олдинги гуноҳларни йўққа чиқаради.