ߞߘߐ ߟߎ߬ ߘߟߊߡߌ߬ߘߊ߬ߟߌ ߝߐߘߊ ߘߏ߫ ߡߊ߲߬ߛߊ߬ߦߊ - ߝߟߌߔ߲߫ ߘߟߊߡߌߘߊ (ߡߊ߬ߖߌߣߖߊ߯ߝߐ) - ߙߎ߬ߥߊ߯ߘߎ-ߕߊ߬ߙߑߖߡߊ ߝߊ߲ߓߊ ߓߟߏ߫ - ߞߎ߬ߙߣߊ߬ ߞߟߊߒߞߋ ߔߘߋߞߎ

Al-Mulk

ߟߝߊߙߌ ߘߏ߫: 1

تَبَٰرَكَ ٱلَّذِي بِيَدِهِ ٱلۡمُلۡكُ وَهُوَ عَلَىٰ كُلِّ شَيۡءٖ قَدِيرٌ

Mahasuti su Allah kigkuwan sa kadatu endu sekanin (Allah) kanu langun na enggaga-isa na kagaga nin.

ߟߝߊߙߌ ߘߏ߫: 2

ٱلَّذِي خَلَقَ ٱلۡمَوۡتَ وَٱلۡحَيَوٰةَ لِيَبۡلُوَكُمۡ أَيُّكُمۡ أَحۡسَنُ عَمَلٗاۚ وَهُوَ ٱلۡعَزِيزُ ٱلۡغَفُورُ

Sekanin (Allah) na binaluy nin su kapatay endu su kawyag sa ipembatalu sa lekanu u entayn i ebpya-pya sa galebek nin, endu sekanin (Allah) i mapulu a bangampun.

ߟߝߊߙߌ ߘߏ߫: 3

ٱلَّذِي خَلَقَ سَبۡعَ سَمَٰوَٰتٖ طِبَاقٗاۖ مَّا تَرَىٰ فِي خَلۡقِ ٱلرَّحۡمَٰنِ مِن تَفَٰوُتٖۖ فَٱرۡجِعِ ٱلۡبَصَرَ هَلۡ تَرَىٰ مِن فُطُورٖ

Sekanin a (Allah) i minaluy kanu pitu lapis a manga langit sa mindada-lapisa, da mailay nengka kanu binaluy nin a midsupaka, lantap ka (sandeng ka) su langit u ngintu aden manga pesu nin?

ߟߝߊߙߌ ߘߏ߫: 4

ثُمَّ ٱرۡجِعِ ٱلۡبَصَرَ كَرَّتَيۡنِ يَنقَلِبۡ إِلَيۡكَ ٱلۡبَصَرُ خَاسِئٗا وَهُوَ حَسِيرٞ

Mawli na edsalumani ka mailay sa makapila makambalingan sa leka su kailay nengka sa malugkug, endu natebped sa lekanin su kailay nin sa tila.

ߟߝߊߙߌ ߘߏ߫: 5

وَلَقَدۡ زَيَّنَّا ٱلسَّمَآءَ ٱلدُّنۡيَا بِمَصَٰبِيحَ وَجَعَلۡنَٰهَا رُجُومٗا لِّلشَّيَٰطِينِۖ وَأَعۡتَدۡنَا لَهُمۡ عَذَابَ ٱلسَّعِيرِ

Endu saben-sabenal a pibpalasan nami su langit sa manga bitun endu binaluy nami su bitun a iperajam sa Shaytan, endu inidtatalenga nami sa kanilan su naraka a pegkaleg.

ߟߝߊߙߌ ߘߏ߫: 6

وَلِلَّذِينَ كَفَرُواْ بِرَبِّهِمۡ عَذَابُ جَهَنَّمَۖ وَبِئۡسَ ٱلۡمَصِيرُ

Endu aden menem kanu manga taw a pigkafiran nilan su Kadenan nilan i siksa lu sa jahannam, endu mawag a benal a kadsunudan.

ߟߝߊߙߌ ߘߏ߫: 7

إِذَآ أُلۡقُواْ فِيهَا سَمِعُواْ لَهَا شَهِيقٗا وَهِيَ تَفُورُ

Amayka iyulug silan kanu naraka na makineg nilan i suwara na apuy sa namba a pedsebu-sebu.

ߟߝߊߙߌ ߘߏ߫: 8

تَكَادُ تَمَيَّزُ مِنَ ٱلۡغَيۡظِۖ كُلَّمَآ أُلۡقِيَ فِيهَا فَوۡجٞ سَأَلَهُمۡ خَزَنَتُهَآ أَلَمۡ يَأۡتِكُمۡ نَذِيرٞ

Ya sama i malupet su naraka sa lipunget nin uman ulugan sa satumpuk na midsa menem su pedtameng (sa naraka) sa ngintu dala kanu mawma nu sinugu?

ߟߝߊߙߌ ߘߏ߫: 9

قَالُواْ بَلَىٰ قَدۡ جَآءَنَا نَذِيرٞ فَكَذَّبۡنَا وَقُلۡنَا مَا نَزَّلَ ٱللَّهُ مِن شَيۡءٍ إِنۡ أَنتُمۡ إِلَّا فِي ضَلَٰلٖ كَبِيرٖ

Ya nilan madtalu na: saben-sabenal a nakawma bun sa lekami i sinugu, ugayd na pinandalbut nami sa ya nami pidtalu na dala den mun initulun nu Allah apya paydu, na dala sa lekanu (kapalityaya) ya tabya na natadin kanu sa masela (amayka malitiyala kanu sa sinugu).

ߟߝߊߙߌ ߘߏ߫: 10

وَقَالُواْ لَوۡ كُنَّا نَسۡمَعُ أَوۡ نَعۡقِلُ مَا كُنَّا فِيٓ أَصۡحَٰبِ ٱلسَّعِيرِ

Endu madtalu nilan: umana bu ka napanuliman tanu atawaka nakatagu tanu bu sa ginawa na di tanu matagu sa naraka a mayaw gayd.

ߟߝߊߙߌ ߘߏ߫: 11

فَٱعۡتَرَفُواْ بِذَنۢبِهِمۡ فَسُحۡقٗا لِّأَصۡحَٰبِ ٱلسَّعِيرِ

Nangimbenal bu lawa silan kanu kadusan nilan na mawatan den silan sa limu.

ߟߝߊߙߌ ߘߏ߫: 12

إِنَّ ٱلَّذِينَ يَخۡشَوۡنَ رَبَّهُم بِٱلۡغَيۡبِ لَهُم مَّغۡفِرَةٞ وَأَجۡرٞ كَبِيرٞ

Saben-sabenal su manga taw a ipegkagilek nilan su kadenan nilan sa gayb na sa kanilan su balas a masla.

ߟߝߊߙߌ ߘߏ߫: 13

وَأَسِرُّواْ قَوۡلَكُمۡ أَوِ ٱجۡهَرُواْ بِهِۦٓۖ إِنَّهُۥ عَلِيمُۢ بِذَاتِ ٱلصُّدُورِ

(Sekanu a manga manusya) ipagena nu su kadtalu nu atawaka ipayag nu na katawan nin su dalem nu pusung nu.

ߟߝߊߙߌ ߘߏ߫: 14

أَلَا يَعۡلَمُ مَنۡ خَلَقَ وَهُوَ ٱللَّطِيفُ ٱلۡخَبِيرُ

Di nin besen katawan i sekanin bun i minaluy lun, endu sekanin (Allah) i dalidip a mataw kanu langun na binaluy nin.

ߟߝߊߙߌ ߘߏ߫: 15

هُوَ ٱلَّذِي جَعَلَ لَكُمُ ٱلۡأَرۡضَ ذَلُولٗا فَٱمۡشُواْ فِي مَنَاكِبِهَا وَكُلُواْ مِن رِّزۡقِهِۦۖ وَإِلَيۡهِ ٱلنُّشُورُ

Sekanin (Allah) i minaluy sa lekanu kanu lupa sa malemu i kalakaw nu, na lakaw kanu sya kanu embala-bala lun, endu kan kanu kanu rizki nin endu lu kanu bun makambuwat sa lekanin kanu ulyan na kabangkit.

ߟߝߊߙߌ ߘߏ߫: 16

ءَأَمِنتُم مَّن فِي ٱلسَّمَآءِ أَن يَخۡسِفَ بِكُمُ ٱلۡأَرۡضَ فَإِذَا هِيَ تَمُورُ

Ngintu da andamu kanu kigkuwan sa langit amayka tampulan kanu nin sa lupa kanu gay a makanggagalbek endu makab-pulu.

ߟߝߊߙߌ ߘߏ߫: 17

أَمۡ أَمِنتُم مَّن فِي ٱلسَّمَآءِ أَن يُرۡسِلَ عَلَيۡكُمۡ حَاصِبٗاۖ فَسَتَعۡلَمُونَ كَيۡفَ نَذِيرِ

Atawaka ngintu dala bun andamu amayka ipa-uma kanu nin sa sambel? Na di sa dili na katawan nu bun su siksa endu su lalaw nu dala nu kapaginugut sa sinugu.

ߟߝߊߙߌ ߘߏ߫: 18

وَلَقَدۡ كَذَّبَ ٱلَّذِينَ مِن قَبۡلِهِمۡ فَكَيۡفَ كَانَ نَكِيرِ

Endu saben-sabenal a napandalbut bun su nangawna sa kanilan, na di mawngen su siksa ku salkanilan.

ߟߝߊߙߌ ߘߏ߫: 19

أَوَلَمۡ يَرَوۡاْ إِلَى ٱلطَّيۡرِ فَوۡقَهُمۡ صَٰٓفَّٰتٖ وَيَقۡبِضۡنَۚ مَا يُمۡسِكُهُنَّ إِلَّا ٱلرَّحۡمَٰنُۚ إِنَّهُۥ بِكُلِّ شَيۡءِۭ بَصِيرٌ

Ngintu di nilan gailay su papanuk sa kawang-kawangan a belaten nin su papak nin atawaka timun nin su papak nin na dala bun makakwa sa kanilan a salakaw sa Allah, ka sekanin na kailay nin su langun na enggaga-isa.

ߟߝߊߙߌ ߘߏ߫: 20

أَمَّنۡ هَٰذَا ٱلَّذِي هُوَ جُندٞ لَّكُمۡ يَنصُرُكُم مِّن دُونِ ٱلرَّحۡمَٰنِۚ إِنِ ٱلۡكَٰفِرُونَ إِلَّا فِي غُرُورٍ

Atawaka entayn i sundalu nu banan a pakatabang sa lekanu a salakaw sa Allah? Na dala kanu manga kafir a di kena nabintiyana (nasimpang) nu Shaytan.

ߟߝߊߙߌ ߘߏ߫: 21

أَمَّنۡ هَٰذَا ٱلَّذِي يَرۡزُقُكُمۡ إِنۡ أَمۡسَكَ رِزۡقَهُۥۚ بَل لَّجُّواْ فِي عُتُوّٖ وَنُفُورٍ

Atawaka namba i perizki sa lekanu na amayka palenen nin su rizki nu na endaw kanu kumwa? Limban silan a midtegas (su pusung) mimamasela sa timangka kanu bantang.

ߟߝߊߙߌ ߘߏ߫: 22

أَفَمَن يَمۡشِي مُكِبًّا عَلَىٰ وَجۡهِهِۦٓ أَهۡدَىٰٓ أَمَّن يَمۡشِي سَوِيًّا عَلَىٰ صِرَٰطٖ مُّسۡتَقِيمٖ

Ngentu entayn i pakatuntul a pelalakaw kanu pisek endu su pelalakaw a matidtu kanu lalan a matidtu sabap sa pakailay sekanin?

ߟߝߊߙߌ ߘߏ߫: 23

قُلۡ هُوَ ٱلَّذِيٓ أَنشَأَكُمۡ وَجَعَلَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَۚ قَلِيلٗا مَّا تَشۡكُرُونَ

Edtalu ka (Muhammad): su Allah i minenggay sa lekanu sa kakineg endu kailay endu pusung, na paydu gayd i kadsukur nu.

ߟߝߊߙߌ ߘߏ߫: 24

قُلۡ هُوَ ٱلَّذِي ذَرَأَكُمۡ فِي ٱلۡأَرۡضِ وَإِلَيۡهِ تُحۡشَرُونَ

Edtalu ka (Muhammad) sa kanilan: su Allah i minaluy sa lekanu sya sa lupa, na lu kanu bun malimud sa lekanin.

ߟߝߊߙߌ ߘߏ߫: 25

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ

Endu tig nu (manga kafir kanu bamaginugut): kanu inamba a kabuliga amayka benal i pedtalun nu?

ߟߝߊߙߌ ߘߏ߫: 26

قُلۡ إِنَّمَا ٱلۡعِلۡمُ عِندَ ٱللَّهِ وَإِنَّمَآ أَنَا۠ نَذِيرٞ مُّبِينٞ

Edtalu ka (Muhammad) sa kanilan: su Allah bu i mataw lun, ka saki na ipedsampay ku bu sa lekanu sa mapayag.

ߟߝߊߙߌ ߘߏ߫: 27

فَلَمَّا رَأَوۡهُ زُلۡفَةٗ سِيٓـَٔتۡ وُجُوهُ ٱلَّذِينَ كَفَرُواْ وَقِيلَ هَٰذَا ٱلَّذِي كُنتُم بِهِۦ تَدَّعُونَ

Guna nilan mailay su siksa a masupeg sa kanilan na egkaytem su biyas nu manga kafir, endu ya edtalun sa kanilan na nya ba su gay a pinangeni nu (lu sa dunya).

ߟߝߊߙߌ ߘߏ߫: 28

قُلۡ أَرَءَيۡتُمۡ إِنۡ أَهۡلَكَنِيَ ٱللَّهُ وَمَن مَّعِيَ أَوۡ رَحِمَنَا فَمَن يُجِيرُ ٱلۡكَٰفِرِينَ مِنۡ عَذَابٍ أَلِيمٖ

Edtalu ka (Muhammad) sa kanilan: edtalu nu sa laki upama ka binasan aku nu Allah endu su manga bamaginugut atawaka inikalimu kami nin na entayn i mangawn kanu manga kafir kanu siksa a mapasang?

ߟߝߊߙߌ ߘߏ߫: 29

قُلۡ هُوَ ٱلرَّحۡمَٰنُ ءَامَنَّا بِهِۦ وَعَلَيۡهِ تَوَكَّلۡنَاۖ فَسَتَعۡلَمُونَ مَنۡ هُوَ فِي ضَلَٰلٖ مُّبِينٖ

Edtalu ka (Muhammad) sa kanilan: su Allah i pinangimbenal nami endu sinaligan nami, katawan nu bun u entayn i natadin sa mapayag.

ߟߝߊߙߌ ߘߏ߫: 30

قُلۡ أَرَءَيۡتُمۡ إِنۡ أَصۡبَحَ مَآؤُكُمۡ غَوۡرٗا فَمَن يَأۡتِيكُم بِمَآءٖ مَّعِينِۭ

Edtalu ka (Muhammad) sa kanilan: upama ka semenep den su ig sa lupa na entayn i nakagaga mapambuwat lun sya sa liyawaw?