ការបកប្រែអត្ថន័យ ជំពូក​ អាល់មុលក៍ - ការបកប្រែជាភាសាហ្វីលីពីន (ម៉ាហ្ជិនដាណាវ) - មជ្ឍមណ្ឌលបកប្រែរ៉ូវ៉ាទ - សព្វវចនាធិប្បាយគម្ពីរអាល់គួរអាន

Al-Mulk

វាក្យខណ្ឌ: 1

تَبَٰرَكَ ٱلَّذِي بِيَدِهِ ٱلۡمُلۡكُ وَهُوَ عَلَىٰ كُلِّ شَيۡءٖ قَدِيرٌ

Mahasuti su Allah kigkuwan sa kadatu endu sekanin (Allah) kanu langun na enggaga-isa na kagaga nin.

វាក្យខណ្ឌ: 2

ٱلَّذِي خَلَقَ ٱلۡمَوۡتَ وَٱلۡحَيَوٰةَ لِيَبۡلُوَكُمۡ أَيُّكُمۡ أَحۡسَنُ عَمَلٗاۚ وَهُوَ ٱلۡعَزِيزُ ٱلۡغَفُورُ

Sekanin (Allah) na binaluy nin su kapatay endu su kawyag sa ipembatalu sa lekanu u entayn i ebpya-pya sa galebek nin, endu sekanin (Allah) i mapulu a bangampun.

វាក្យខណ្ឌ: 3

ٱلَّذِي خَلَقَ سَبۡعَ سَمَٰوَٰتٖ طِبَاقٗاۖ مَّا تَرَىٰ فِي خَلۡقِ ٱلرَّحۡمَٰنِ مِن تَفَٰوُتٖۖ فَٱرۡجِعِ ٱلۡبَصَرَ هَلۡ تَرَىٰ مِن فُطُورٖ

Sekanin a (Allah) i minaluy kanu pitu lapis a manga langit sa mindada-lapisa, da mailay nengka kanu binaluy nin a midsupaka, lantap ka (sandeng ka) su langit u ngintu aden manga pesu nin?

វាក្យខណ្ឌ: 4

ثُمَّ ٱرۡجِعِ ٱلۡبَصَرَ كَرَّتَيۡنِ يَنقَلِبۡ إِلَيۡكَ ٱلۡبَصَرُ خَاسِئٗا وَهُوَ حَسِيرٞ

Mawli na edsalumani ka mailay sa makapila makambalingan sa leka su kailay nengka sa malugkug, endu natebped sa lekanin su kailay nin sa tila.

វាក្យខណ្ឌ: 5

وَلَقَدۡ زَيَّنَّا ٱلسَّمَآءَ ٱلدُّنۡيَا بِمَصَٰبِيحَ وَجَعَلۡنَٰهَا رُجُومٗا لِّلشَّيَٰطِينِۖ وَأَعۡتَدۡنَا لَهُمۡ عَذَابَ ٱلسَّعِيرِ

Endu saben-sabenal a pibpalasan nami su langit sa manga bitun endu binaluy nami su bitun a iperajam sa Shaytan, endu inidtatalenga nami sa kanilan su naraka a pegkaleg.

វាក្យខណ្ឌ: 6

وَلِلَّذِينَ كَفَرُواْ بِرَبِّهِمۡ عَذَابُ جَهَنَّمَۖ وَبِئۡسَ ٱلۡمَصِيرُ

Endu aden menem kanu manga taw a pigkafiran nilan su Kadenan nilan i siksa lu sa jahannam, endu mawag a benal a kadsunudan.

វាក្យខណ្ឌ: 7

إِذَآ أُلۡقُواْ فِيهَا سَمِعُواْ لَهَا شَهِيقٗا وَهِيَ تَفُورُ

Amayka iyulug silan kanu naraka na makineg nilan i suwara na apuy sa namba a pedsebu-sebu.

វាក្យខណ្ឌ: 8

تَكَادُ تَمَيَّزُ مِنَ ٱلۡغَيۡظِۖ كُلَّمَآ أُلۡقِيَ فِيهَا فَوۡجٞ سَأَلَهُمۡ خَزَنَتُهَآ أَلَمۡ يَأۡتِكُمۡ نَذِيرٞ

Ya sama i malupet su naraka sa lipunget nin uman ulugan sa satumpuk na midsa menem su pedtameng (sa naraka) sa ngintu dala kanu mawma nu sinugu?

វាក្យខណ្ឌ: 9

قَالُواْ بَلَىٰ قَدۡ جَآءَنَا نَذِيرٞ فَكَذَّبۡنَا وَقُلۡنَا مَا نَزَّلَ ٱللَّهُ مِن شَيۡءٍ إِنۡ أَنتُمۡ إِلَّا فِي ضَلَٰلٖ كَبِيرٖ

Ya nilan madtalu na: saben-sabenal a nakawma bun sa lekami i sinugu, ugayd na pinandalbut nami sa ya nami pidtalu na dala den mun initulun nu Allah apya paydu, na dala sa lekanu (kapalityaya) ya tabya na natadin kanu sa masela (amayka malitiyala kanu sa sinugu).

វាក្យខណ្ឌ: 10

وَقَالُواْ لَوۡ كُنَّا نَسۡمَعُ أَوۡ نَعۡقِلُ مَا كُنَّا فِيٓ أَصۡحَٰبِ ٱلسَّعِيرِ

Endu madtalu nilan: umana bu ka napanuliman tanu atawaka nakatagu tanu bu sa ginawa na di tanu matagu sa naraka a mayaw gayd.

វាក្យខណ្ឌ: 11

فَٱعۡتَرَفُواْ بِذَنۢبِهِمۡ فَسُحۡقٗا لِّأَصۡحَٰبِ ٱلسَّعِيرِ

Nangimbenal bu lawa silan kanu kadusan nilan na mawatan den silan sa limu.

វាក្យខណ្ឌ: 12

إِنَّ ٱلَّذِينَ يَخۡشَوۡنَ رَبَّهُم بِٱلۡغَيۡبِ لَهُم مَّغۡفِرَةٞ وَأَجۡرٞ كَبِيرٞ

Saben-sabenal su manga taw a ipegkagilek nilan su kadenan nilan sa gayb na sa kanilan su balas a masla.

វាក្យខណ្ឌ: 13

وَأَسِرُّواْ قَوۡلَكُمۡ أَوِ ٱجۡهَرُواْ بِهِۦٓۖ إِنَّهُۥ عَلِيمُۢ بِذَاتِ ٱلصُّدُورِ

(Sekanu a manga manusya) ipagena nu su kadtalu nu atawaka ipayag nu na katawan nin su dalem nu pusung nu.

វាក្យខណ្ឌ: 14

أَلَا يَعۡلَمُ مَنۡ خَلَقَ وَهُوَ ٱللَّطِيفُ ٱلۡخَبِيرُ

Di nin besen katawan i sekanin bun i minaluy lun, endu sekanin (Allah) i dalidip a mataw kanu langun na binaluy nin.

វាក្យខណ្ឌ: 15

هُوَ ٱلَّذِي جَعَلَ لَكُمُ ٱلۡأَرۡضَ ذَلُولٗا فَٱمۡشُواْ فِي مَنَاكِبِهَا وَكُلُواْ مِن رِّزۡقِهِۦۖ وَإِلَيۡهِ ٱلنُّشُورُ

Sekanin (Allah) i minaluy sa lekanu kanu lupa sa malemu i kalakaw nu, na lakaw kanu sya kanu embala-bala lun, endu kan kanu kanu rizki nin endu lu kanu bun makambuwat sa lekanin kanu ulyan na kabangkit.

វាក្យខណ្ឌ: 16

ءَأَمِنتُم مَّن فِي ٱلسَّمَآءِ أَن يَخۡسِفَ بِكُمُ ٱلۡأَرۡضَ فَإِذَا هِيَ تَمُورُ

Ngintu da andamu kanu kigkuwan sa langit amayka tampulan kanu nin sa lupa kanu gay a makanggagalbek endu makab-pulu.

វាក្យខណ្ឌ: 17

أَمۡ أَمِنتُم مَّن فِي ٱلسَّمَآءِ أَن يُرۡسِلَ عَلَيۡكُمۡ حَاصِبٗاۖ فَسَتَعۡلَمُونَ كَيۡفَ نَذِيرِ

Atawaka ngintu dala bun andamu amayka ipa-uma kanu nin sa sambel? Na di sa dili na katawan nu bun su siksa endu su lalaw nu dala nu kapaginugut sa sinugu.

វាក្យខណ្ឌ: 18

وَلَقَدۡ كَذَّبَ ٱلَّذِينَ مِن قَبۡلِهِمۡ فَكَيۡفَ كَانَ نَكِيرِ

Endu saben-sabenal a napandalbut bun su nangawna sa kanilan, na di mawngen su siksa ku salkanilan.

វាក្យខណ្ឌ: 19

أَوَلَمۡ يَرَوۡاْ إِلَى ٱلطَّيۡرِ فَوۡقَهُمۡ صَٰٓفَّٰتٖ وَيَقۡبِضۡنَۚ مَا يُمۡسِكُهُنَّ إِلَّا ٱلرَّحۡمَٰنُۚ إِنَّهُۥ بِكُلِّ شَيۡءِۭ بَصِيرٌ

Ngintu di nilan gailay su papanuk sa kawang-kawangan a belaten nin su papak nin atawaka timun nin su papak nin na dala bun makakwa sa kanilan a salakaw sa Allah, ka sekanin na kailay nin su langun na enggaga-isa.

វាក្យខណ្ឌ: 20

أَمَّنۡ هَٰذَا ٱلَّذِي هُوَ جُندٞ لَّكُمۡ يَنصُرُكُم مِّن دُونِ ٱلرَّحۡمَٰنِۚ إِنِ ٱلۡكَٰفِرُونَ إِلَّا فِي غُرُورٍ

Atawaka entayn i sundalu nu banan a pakatabang sa lekanu a salakaw sa Allah? Na dala kanu manga kafir a di kena nabintiyana (nasimpang) nu Shaytan.

វាក្យខណ្ឌ: 21

أَمَّنۡ هَٰذَا ٱلَّذِي يَرۡزُقُكُمۡ إِنۡ أَمۡسَكَ رِزۡقَهُۥۚ بَل لَّجُّواْ فِي عُتُوّٖ وَنُفُورٍ

Atawaka namba i perizki sa lekanu na amayka palenen nin su rizki nu na endaw kanu kumwa? Limban silan a midtegas (su pusung) mimamasela sa timangka kanu bantang.

វាក្យខណ្ឌ: 22

أَفَمَن يَمۡشِي مُكِبًّا عَلَىٰ وَجۡهِهِۦٓ أَهۡدَىٰٓ أَمَّن يَمۡشِي سَوِيًّا عَلَىٰ صِرَٰطٖ مُّسۡتَقِيمٖ

Ngentu entayn i pakatuntul a pelalakaw kanu pisek endu su pelalakaw a matidtu kanu lalan a matidtu sabap sa pakailay sekanin?

វាក្យខណ្ឌ: 23

قُلۡ هُوَ ٱلَّذِيٓ أَنشَأَكُمۡ وَجَعَلَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَۚ قَلِيلٗا مَّا تَشۡكُرُونَ

Edtalu ka (Muhammad): su Allah i minenggay sa lekanu sa kakineg endu kailay endu pusung, na paydu gayd i kadsukur nu.

វាក្យខណ្ឌ: 24

قُلۡ هُوَ ٱلَّذِي ذَرَأَكُمۡ فِي ٱلۡأَرۡضِ وَإِلَيۡهِ تُحۡشَرُونَ

Edtalu ka (Muhammad) sa kanilan: su Allah i minaluy sa lekanu sya sa lupa, na lu kanu bun malimud sa lekanin.

វាក្យខណ្ឌ: 25

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ

Endu tig nu (manga kafir kanu bamaginugut): kanu inamba a kabuliga amayka benal i pedtalun nu?

វាក្យខណ្ឌ: 26

قُلۡ إِنَّمَا ٱلۡعِلۡمُ عِندَ ٱللَّهِ وَإِنَّمَآ أَنَا۠ نَذِيرٞ مُّبِينٞ

Edtalu ka (Muhammad) sa kanilan: su Allah bu i mataw lun, ka saki na ipedsampay ku bu sa lekanu sa mapayag.

វាក្យខណ្ឌ: 27

فَلَمَّا رَأَوۡهُ زُلۡفَةٗ سِيٓـَٔتۡ وُجُوهُ ٱلَّذِينَ كَفَرُواْ وَقِيلَ هَٰذَا ٱلَّذِي كُنتُم بِهِۦ تَدَّعُونَ

Guna nilan mailay su siksa a masupeg sa kanilan na egkaytem su biyas nu manga kafir, endu ya edtalun sa kanilan na nya ba su gay a pinangeni nu (lu sa dunya).

វាក្យខណ្ឌ: 28

قُلۡ أَرَءَيۡتُمۡ إِنۡ أَهۡلَكَنِيَ ٱللَّهُ وَمَن مَّعِيَ أَوۡ رَحِمَنَا فَمَن يُجِيرُ ٱلۡكَٰفِرِينَ مِنۡ عَذَابٍ أَلِيمٖ

Edtalu ka (Muhammad) sa kanilan: edtalu nu sa laki upama ka binasan aku nu Allah endu su manga bamaginugut atawaka inikalimu kami nin na entayn i mangawn kanu manga kafir kanu siksa a mapasang?

វាក្យខណ្ឌ: 29

قُلۡ هُوَ ٱلرَّحۡمَٰنُ ءَامَنَّا بِهِۦ وَعَلَيۡهِ تَوَكَّلۡنَاۖ فَسَتَعۡلَمُونَ مَنۡ هُوَ فِي ضَلَٰلٖ مُّبِينٖ

Edtalu ka (Muhammad) sa kanilan: su Allah i pinangimbenal nami endu sinaligan nami, katawan nu bun u entayn i natadin sa mapayag.

វាក្យខណ្ឌ: 30

قُلۡ أَرَءَيۡتُمۡ إِنۡ أَصۡبَحَ مَآؤُكُمۡ غَوۡرٗا فَمَن يَأۡتِيكُم بِمَآءٖ مَّعِينِۭ

Edtalu ka (Muhammad) sa kanilan: upama ka semenep den su ig sa lupa na entayn i nakagaga mapambuwat lun sya sa liyawaw?