ការបកប្រែអត្ថន័យ ជំពូក​ អាន់ណាហ្សុីអាត - ការបកប្រែជាភាសាswahili - អាប់ឌុលឡោះ ម៉ូហាំម៉ាត់ និងណាសៀរ ខមុីស - លេខ​ទំព័រ 584 - សព្វវចនាធិប្បាយគម្ពីរអាល់គួរអាន

វាក្យខណ្ឌ: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

«Enda kwa Firauni. Hakika yeye amekiuka mno katika kuasi.

វាក្យខណ្ឌ: 18

فَقُلۡ هَل لَّكَ إِلَىٰٓ أَن تَزَكَّىٰ

Ukamwambie, ‘Je, unapendelea kuitakasa nafsi yako na upungufu na kuipamba na imani?

វាក្យខណ្ឌ: 19

وَأَهۡدِيَكَ إِلَىٰ رَبِّكَ فَتَخۡشَىٰ

Na nikuelekeze njia ya kumtii Mola wako, upate kumcha na kumuogopa?’»

វាក្យខណ្ឌ: 20

فَأَرَىٰهُ ٱلۡأٓيَةَ ٱلۡكُبۡرَىٰ

Mūsā alimuonyesha Firauni alama kubwa: fimbo na mkono.

វាក្យខណ្ឌ: 21

فَكَذَّبَ وَعَصَىٰ

Hapo Firauni alimkanusha Nabii wa Mwenyezi Mungu , naye ni Mtume Mūsā, amani imshukie, na alimuasi Mola wake Aliyetukuka.

វាក្យខណ្ឌ: 22

ثُمَّ أَدۡبَرَ يَسۡعَىٰ

Kisha alikengeuka hali ya kuipa mgongo Imani na kufanya bidii katika kumpinga Mūsā.

វាក្យខណ្ឌ: 23

فَحَشَرَ فَنَادَىٰ

Hapo aliwakusanya raia wa utawala wake na akawaita kwa

វាក្យខណ្ឌ: 24

فَقَالَ أَنَا۠ رَبُّكُمُ ٱلۡأَعۡلَىٰ

kuwaambia,»Mimi ndiye mola wenu ambaye hakuna mola mwengine aliye juu yake.»

វាក្យខណ្ឌ: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Hapo Mwenyezi Mungu Alimtesa kwa adhabu ya duniani na ya Akhera.

វាក្យខណ្ឌ: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Na Akaifanya adhabu hiyo iwe ni mazingatio na ni onyo kwa watu mfano wake kati ya wale waasi. Hakika Firauni na kile kilichompata cha adhabu ni mawaidha kwa mwenye kuwaidhika na kutishika.

វាក្យខណ្ឌ: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Je, kufufuliwa kwenu, enyi watu, baada ya kufa ni kugumu zaidi, katika vipimo vyenu, au ni kuumbwa kwa mbingu?

វាក្យខណ្ឌ: 28

رَفَعَ سَمۡكَهَا فَسَوَّىٰهَا

Amezipanga juu yenu kama jengo. Na Ameinua sakafu yake angani, haina tofauti wala nyufa.

វាក្យខណ្ឌ: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Na Ameutia giza usiku wake kwa kutwa kwa jua lake. Na Ameweka wazi mchana wake kwa kuchomoza kwake.

វាក្យខណ្ឌ: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Na ardhi baada ya kuumba mbingu Ameitandaza. Na Ameweka humo manufaa yake.

វាក្យខណ្ឌ: 31

أَخۡرَجَ مِنۡهَا مَآءَهَا وَمَرۡعَىٰهَا

Na Ametumbua humo chemchemu za maji. Na Ameotesha humo mimea inayolishwa.

វាក្យខណ្ឌ: 32

وَٱلۡجِبَالَ أَرۡسَىٰهَا

Na Ameyakita humo majabali yakiwa ni vigingi vyake. Ameumba, Aliyetakasika na kila upungufu,

វាក្យខណ្ឌ: 33

مَتَٰعٗا لَّكُمۡ وَلِأَنۡعَٰمِكُمۡ

neema zote hizi zikiwa ni manufaa kwenu na kwa wanyama wenu. (Hakika kurudisha kuumbwa kwenu, Siku ya Kiyama, ni sahali kwa Mwenyezi Mungu kushinda kuumba viumbe hivyo vyingine. Na vyote hivyo, kwa Mwenyezi Mungu, ni rahisi na ni vipesi).

វាក្យខណ្ឌ: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Pindi kitakapokuja Kiyama Kikubwa na balaa nzito, nao ni Mvuvio wa pili. Kipindi hicho zitaoneshwa kwa binadamu vitendo vyake vyote, za kheri na za shari.

វាក្យខណ្ឌ: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Hapo atazikumbuka na kuzitambua.

វាក្យខណ្ឌ: 36

وَبُرِّزَتِ ٱلۡجَحِيمُ لِمَن يَرَىٰ

Na utaoneshwa Moto wa Jahanamu kwa kila aonaye, uwe waonekana waziwazi.

វាក្យខណ្ឌ: 37

فَأَمَّا مَن طَغَىٰ

Ama yule atakayekiuka amri ya Mwenyezi Mungu

វាក្យខណ្ឌ: 38

وَءَاثَرَ ٱلۡحَيَوٰةَ ٱلدُّنۡيَا

na akapendelea maisha ya ulimwenguni kuliko ya Akhera,

វាក្យខណ្ឌ: 39

فَإِنَّ ٱلۡجَحِيمَ هِيَ ٱلۡمَأۡوَىٰ

basi kwa kweli marejeo yake ni Motoni.

វាក្យខណ្ឌ: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Na ama yule atakayeogopa kusimama mbele ya Mwenyezi Mungu kuhesabiwa na akaikanya nafsi yake na matamanio mapotofu,

វាក្យខណ្ឌ: 41

فَإِنَّ ٱلۡجَنَّةَ هِيَ ٱلۡمَأۡوَىٰ

basi Peponi ndiko makazi yake.

វាក្យខណ្ឌ: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Wanakuuliza washirikina, ewe Mtume, kwa madharau, kuhusu wakati wa kuanzia Kiyama unachowaonya.

វាក្យខណ្ឌ: 43

فِيمَ أَنتَ مِن ذِكۡرَىٰهَآ

Wewe huna kamwe ujuzi nacho.

វាក្យខណ្ឌ: 44

إِلَىٰ رَبِّكَ مُنتَهَىٰهَآ

Bali mambo ya ujuzi huo yarejeshwe kwa Mwenyezi Mungu, Mwenye Sifa Tukufu.

វាក្យខណ្ឌ: 45

إِنَّمَآ أَنتَ مُنذِرُ مَن يَخۡشَىٰهَا

Wewe linalokuhusu katika habari zake ni kumuonya nacho yule anayekiogopa.

វាក្យខណ្ឌ: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Kama kwamba wao siku watakapouona Kiyama kimesimama, watakuwa hawakukaa katika maisha yao ya duniani, kwa vituko vya hiko Kiyama, isipokuwa ni kama kwamba wamkaa kati ya adhuhuri mpaka kutwa juwa, au ni kama kati ya kuchomoza jua mpaka nusu ya mchana.