ការបកប្រែអត្ថន័យ ជំពូក​ អាហ្ពាសា - ការបកប្រែជាភាសាswahili - អាប់ឌុលឡោះ ម៉ូហាំម៉ាត់ និងណាសៀរ ខមុីស - សព្វវចនាធិប្បាយគម្ពីរអាល់គួរអាន

Abasa

វាក្យខណ្ឌ: 1

عَبَسَ وَتَوَلَّىٰٓ

Yalidhihiri mabadiliko na mkunjiko katika uso wa Mtume, rehema ya Mwenyezi Mungu na amani zimshukie,

វាក្យខណ្ឌ: 2

أَن جَآءَهُ ٱلۡأَعۡمَىٰ

na akapa nyongo kwa sababu ya kwamba Abdallah bin Ummi Maktum alimjilia akitaka aelekezwe. Na alikuwa Mtume, rehema ya Mwenyezi Mungu na amani zimshukie, ameshughulika kuwalingania miamba wa Kikureshi katika Uislamu.

វាក្យខណ្ឌ: 3

وَمَا يُدۡرِيكَ لَعَلَّهُۥ يَزَّكَّىٰٓ

Ni kitu gani kinakufanya wewe ujue uhakika wa jambo lake? Kwani huenda ikawa, kwa kuuliza kwake, nafsi yake itatakasika na kusafika.

វាក្យខណ្ឌ: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Au pengine apate mazingatio zaidi na kutishika.

វាក្យខណ្ឌ: 5

أَمَّا مَنِ ٱسۡتَغۡنَىٰ

Basi yule alijyejitosheleza na kutouhitajia uongozi wako,

វាក្យខណ្ឌ: 6

فَأَنتَ لَهُۥ تَصَدَّىٰ

wewe ndiye unayemjali na wapulikiza maneno yake.

វាក្យខណ្ឌ: 7

وَمَا عَلَيۡكَ أَلَّا يَزَّكَّىٰ

Na ni kitu gani kinachokupa jukumu kwako iwapo hakusafika na ukafiri wake?

វាក្យខណ្ឌ: 8

وَأَمَّا مَن جَآءَكَ يَسۡعَىٰ

Ama yule ambaye amekuwa na pupa la kukutana na wewe,

វាក្យខណ្ឌ: 9

وَهُوَ يَخۡشَىٰ

na huku anamuogopa Mwenyezi Mungu asiwe na kasoro katika kupata uongofu,

វាក្យខណ្ឌ: 10

فَأَنتَ عَنۡهُ تَلَهَّىٰ

wewe unampuuza. Ilivyotakikana ufanye si kama ulivyofanya, ewe Mtume.

វាក្យខណ្ឌ: 11

كَلَّآ إِنَّهَا تَذۡكِرَةٞ

Hakika Sura hii ni mawaidha kwako na kwa kila anayetaka kuwaidhika.

វាក្យខណ្ឌ: 12

فَمَن شَآءَ ذَكَرَهُۥ

Basi atakaye atamkumbuka Mwenyezi Mungu na kumtaja na atafuata Wahyi Wake.

វាក្យខណ្ឌ: 13

فِي صُحُفٖ مُّكَرَّمَةٖ

Wahyi huu, nao ni Qur’ani, uko katika kurasa zilizotukuzwa,

វាក្យខណ្ឌ: 14

مَّرۡفُوعَةٖ مُّطَهَّرَةِۭ

zenye kuheshimiwa, zenye cheo cha juu,

វាក្យខណ្ឌ: 15

بِأَيۡدِي سَفَرَةٖ

zilizosafishwa na uchafu, uongezaji na upunguzaji.

វាក្យខណ្ឌ: 16

كِرَامِۭ بَرَرَةٖ

Zilizoko mikononi mwa Malaika waandishi, mabalozi kati ya Mwenyezi Mungu na viumbe Wake, wenye maumbile mema, tabia zao ni nzuri na njema na pia matendo yao.

វាក្យខណ្ឌ: 17

قُتِلَ ٱلۡإِنسَٰنُ مَآ أَكۡفَرَهُۥ

Amelaaniwa mtu kafiri na ataadhibiwa. Ni uovu ulioje wa ukafiri wake kwa Mola wake!

វាក្យខណ្ឌ: 18

مِنۡ أَيِّ شَيۡءٍ خَلَقَهُۥ

Kwani hajui ni kwa kitu gani Mwenyezi Mungu Alimuumba kwacho mwanzo wake?

វាក្យខណ្ឌ: 19

مِن نُّطۡفَةٍ خَلَقَهُۥ فَقَدَّرَهُۥ

Mwenyezi Mungu Alimuumba kwa maji machache, nayo ni manii. Akayakadiria miongo yake.

វាក្យខណ្ឌ: 20

ثُمَّ ٱلسَّبِيلَ يَسَّرَهُۥ

Kisha Akambainishia njia ya kheri na ya shari.

វាក្យខណ្ឌ: 21

ثُمَّ أَمَاتَهُۥ فَأَقۡبَرَهُۥ

Kisha humkosesha uhai, na Amemuekea mahali pa kuzikiwa.

វាក្យខណ្ឌ: 22

ثُمَّ إِذَا شَآءَ أَنشَرَهُۥ

Kisha Akitaka Mwenyezi Mungu, Aliyetakasika na sifa mbaya, Atamhuisha na kumfufua baada ya kifo chake, kwa ajili ya kuhesabiwa na kulipwa.

វាក្យខណ្ឌ: 23

كَلَّا لَمَّا يَقۡضِ مَآ أَمَرَهُۥ

Mambo siyo kama yale anayoyasema kafiri na anayoyafanya. Bado hajatakeleza Aliyomuamrisha kwayo Mwenyezi Mungu katika kuamini na kutenda wema kwa kumtii.

វាក្យខណ្ឌ: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Na azingatie binadamu, vipi Mwenyezi Mungu Amekiumba chakula chake ambacho ndicho kinachoendeleza maisha yake?

វាក្យខណ្ឌ: 25

أَنَّا صَبَبۡنَا ٱلۡمَآءَ صَبّٗا

Aone kwamba Sisi Tumeyamimina maji ya mvua juu ya ardhi kwa wingi.

វាក្យខណ្ឌ: 26

ثُمَّ شَقَقۡنَا ٱلۡأَرۡضَ شَقّٗا

Kisha Tumeipasua ardhi kwa Tulivyo vitoa kutoka humo miongoni mwa mimea tofauti.

វាក្យខណ្ឌ: 27

فَأَنۢبَتۡنَا فِيهَا حَبّٗا

Tukaotesha humo nafaka

វាក្យខណ្ឌ: 28

وَعِنَبٗا وَقَضۡبٗا

na zabibu, na nyasi za wanyama.Na mizaituni na mitende.

វាក្យខណ្ឌ: 29

وَزَيۡتُونٗا وَنَخۡلٗا

Na mabustani yenye miti mikubwa.

វាក្យខណ្ឌ: 30

وَحَدَآئِقَ غُلۡبٗا

Na matunda

វាក្យខណ្ឌ: 31

وَفَٰكِهَةٗ وَأَبّٗا

na ndisha.

វាក្យខណ្ឌ: 32

مَّتَٰعٗا لَّكُمۡ وَلِأَنۡعَٰمِكُمۡ

Mnajistareheshea kwazo, nyinyi na wanyama wenu.

វាក្យខណ្ឌ: 33

فَإِذَا جَآءَتِ ٱلصَّآخَّةُ

Utakapokuja Ukelele wa Siku ya Kiyama, ambao utayatia uziwi, kwa kitisho chake, masikizi.

វាក្យខណ្ឌ: 34

يَوۡمَ يَفِرُّ ٱلۡمَرۡءُ مِنۡ أَخِيهِ

Siku mtu atakapomkimbia, kwa kitisho cha Siku Hiyo, nduguye

វាក្យខណ្ឌ: 35

وَأُمِّهِۦ وَأَبِيهِ

na babake na mamake na

វាក្យខណ្ឌ: 36

وَصَٰحِبَتِهِۦ وَبَنِيهِ

mkewe na wanawe.

វាក្យខណ្ឌ: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Kila mmoja Siku Hiyo, atakuwa na jambo litakalomzuia asishughulike na mwingine.

វាក្យខណ្ឌ: 38

وُجُوهٞ يَوۡمَئِذٖ مُّسۡفِرَةٞ

Nyuso za wenye neema, Siku Hiyo, zitakuwa ni zenye kung’ara,

វាក្យខណ្ឌ: 39

ضَاحِكَةٞ مُّسۡتَبۡشِرَةٞ

zenye furaha na nderemo.

វាក្យខណ្ឌ: 40

وَوُجُوهٞ يَوۡمَئِذٍ عَلَيۡهَا غَبَرَةٞ

Na nyuso za watu wa Motoni zitakuwa na giza,

វាក្យខណ្ឌ: 41

تَرۡهَقُهَا قَتَرَةٌ

nyeusi, zafinikwa na unyonge.

វាក្យខណ្ឌ: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Hao wenye kusifika na sifa hiyo ndiwo wale waliozikufuru neema za Mwenyezi Mungu na wakazikanusha aya zake na wakayakeuka Aliyoyaharamisha kwa kutenda maovu na kukiuka mipaka.