ការបកប្រែអត្ថន័យគួរអាន - ការបកប្រែជាភាសាឃឺដ - សឡាហុទទីន * - សន្ទស្សន៍នៃការបកប្រែ
يُبَصَّرُونَهُمۡۚ يَوَدُّ ٱلۡمُجۡرِمُ لَوۡ يَفۡتَدِي مِنۡ عَذَابِ يَوۡمِئِذِۭ بِبَنِيهِ
[ يُبَصَّرُونَهُمْ ] له‌گه‌ڵ ئه‌وه‌ی كه هه‌موو خزم و دۆستێك خزم و دۆست و كه‌سی خۆی به چاو ئه‌بینێ و كه‌س له كه‌س ناشاردرێته‌وه،به‌ڵام كه‌سیان له‌گه‌ڵ كه‌سیاندا قسه ناكه‌ن و له یه‌كدى راده‌كه‌ن له‌به‌ر سه‌رقاڵى خۆیان و سه‌ختی ئه‌و ڕۆژه [ يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ (١١) ] كه‌سی تاوانبار ئه‌وه‌ی كه شایه‌نی ئاگری دۆزه‌خه ئه‌زانێ به‌ره‌و دۆزه‌خ به‌ڕێ ئه‌كرێ ئاواته‌خوازه كه خۆی بكڕێته‌وه‌و خۆی ڕزگار بكات له ئاگری دۆزه‌خ له‌و ڕۆژه‌دا به منداڵه‌كانی، واته ئه‌گه‌ر منداڵه‌كانی وه‌كو فیدیه لێ وه‌ربگیرێ ئاماده‌یه منداڵه‌كانی ببه‌خشێ ته‌نها خۆی ڕزگاری بێ.
តាហ្វសៀរជាភាសាអារ៉ាប់ជាច្រេីន:
وَمَن فِي ٱلۡأَرۡضِ جَمِيعٗا ثُمَّ يُنجِيهِ
[ وَمَنْ فِي الْأَرْضِ جَمِيعًا ثُمَّ يُنْجِيهِ (١٤) ] نه‌ك هه‌ر ئه‌وانه به‌ڵكو ئاواته‌خوازه‌و ئاماده‌یه هه‌رچی له‌سه‌ر ڕووی زه‌وی هه‌یه به جن و مرۆڤه‌وه هه‌ر هه‌موویان ببه‌خشێ و وه‌كو فیدیه بیاندات ته‌نها خۆی ڕزگاری بێ له سزای ئاگری دۆزه‌خ [ كَلَّا ] خوای گه‌وره ئه‌فه‌رمووێ: نه‌خێر شتی وا نیه‌و ڕوو نادات ئه‌وه ته‌نها هیواو ئومێدخواستنه‌و لێى قه‌بوڵ ناكرێت.
តាហ្វសៀរជាភាសាអារ៉ាប់ជាច្រេីន:
نَزَّاعَةٗ لِّلشَّوَىٰ
[ نَزَّاعَةً لِلشَّوَى (١٦) ] وه هه‌رچی گۆشت و پێست هه‌یه هه‌ر هه‌مووی دائه‌ماڵێ و هه‌مووی ئه‌سووتێنێ تا ئه‌یگه‌یه‌نێته سه‌ر ئێسقانه‌كه، (شَوَى) ئه‌ووترێ مه‌به‌ست پێی پێسته‌ی سه‌ره، وه ئه‌ووترێ مه‌به‌ست پێی ده‌ماره‌كانه، یاخود مه‌به‌ست پێی لایه‌كانی ده‌ست و پێیه‌كانه، یاخود مه‌به‌ست پێی ناوچه‌وانێتی كه به‌ڕێزترین شوێنێتی هه‌مووی ئه‌گرێته‌وه‌و هه‌مووی ئه‌سووتێنێ ته‌نها دڵ ئه‌مێنێ و هاوار ئه‌كات.
តាហ្វសៀរជាភាសាអារ៉ាប់ជាច្រេីន:
تَدۡعُواْ مَنۡ أَدۡبَرَ وَتَوَلَّىٰ
[ تَدْعُو مَنْ أَدْبَرَ وَتَوَلَّى (١٧) ] دۆزه‌خ بانگی ئه‌و كه‌سانه ئه‌كات كه له دونیادا پشتیان له حه‌ق كردووه‌و ڕوویان لێوه‌رگێڕاوه‌و حه‌قیان وه‌رنه‌گرتووه، دۆزه‌خ به زمانێكى پاراو هه‌موویان بانگ ئه‌كات، وه یه‌ك یه‌ك هه‌ڵیان ئه‌گرێ و وه ئه‌یانخاته ناو خۆیه‌وه، چۆن باڵنده ده‌نك ده‌نك دانه‌وێڵه هه‌ڵده‌گرێت.
តាហ្វសៀរជាភាសាអារ៉ាប់ជាច្រេីន:
إِلَّا ٱلۡمُصَلِّينَ
តាហ្វសៀរជាភាសាអារ៉ាប់ជាច្រេីន:
ٱلَّذِينَ هُمۡ عَلَىٰ صَلَاتِهِمۡ دَآئِمُونَ
[ الَّذِينَ هُمْ عَلَى صَلَاتِهِمْ دَائِمُونَ (٢٣) ] ته‌نها ئه‌و نوێژخوێنانه نه‌بێ كه له‌سه‌ر نوێژه‌كانیان به‌رده‌وامن و پارێزگاری لێ ده‌كه‌ن و له كاتی خۆیدا ئه‌نجامى ئه‌ده‌ن به روكن و واجبات و خشوعه‌وه، وه دڵیان لای نوێژه‌كانیانه.
តាហ្វសៀរជាភាសាអារ៉ាប់ជាច្រេីន:
وَٱلَّذِينَ هُم مِّنۡ عَذَابِ رَبِّهِم مُّشۡفِقُونَ
[ وَالَّذِينَ هُمْ مِنْ عَذَابِ رَبِّهِمْ مُشْفِقُونَ (٢٧) ] وه ئه‌و كه‌سانه‌ی كه له سزای خوای گه‌وره ئه‌ترسێن، هه‌ر چه‌نده چاكه‌و كرده‌وه‌ی باشیان هه‌یه به‌ڵام ترسیان هه‌یه له سزای خوای گه‌وره‌و ئه‌مین نین لێى.
តាហ្វសៀរជាភាសាអារ៉ាប់ជាច្រេីន:
وَٱلَّذِينَ هُمۡ لِفُرُوجِهِمۡ حَٰفِظُونَ
តាហ្វសៀរជាភាសាអារ៉ាប់ជាច្រេីន:
إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ
[ إِلَّا عَلَى أَزْوَاجِهِمْ ] ته‌نها بۆ هاوسه‌رو خێزانه‌كانی خۆیان نه‌بێت [ أَوْ مَا مَلَكَتْ أَيْمَانُهُمْ ] یان ئه‌و كه‌نیزانه‌ی كه هه‌یانه [ فَإِنَّهُمْ غَيْرُ مَلُومِينَ (٣٠) ] ئه‌وان له‌و شته‌دا لۆمه ناكرێن و تاوانبار نابن.
តាហ្វសៀរជាភាសាអារ៉ាប់ជាច្រេីន:
فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ
[ فَمَنِ ابْتَغَى وَرَاءَ ذَلِكَ فَأُولَئِكَ هُمُ الْعَادُونَ (٣١) ] به‌ڵام هه‌ر كه‌سێك جگه له خێزانی خۆی یان كه‌نیزه‌ك (كه كاتی خۆی هه‌بووه) ئاره‌زووی خۆی تێر بكات ئه‌وانه سنووری خوای گه‌وره‌یان به‌زاندووه‌و تاوانیان كردووه، (زانایان ئه‌م ئایه‌ته ده‌كه‌نه به‌ڵگه له‌سه‌ر حه‌رامێتى خوى نهێنى).
តាហ្វសៀរជាភាសាអារ៉ាប់ជាច្រេីន:
وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ
[ وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ (٣٢) ] وه ئه‌و كه‌سانه‌ی كه ئه‌گه‌ر ئه‌مانه‌تێكیان له‌لا دابنێی ئیتر ئه‌گه‌ر ئه‌مانه‌ته‌كه ماددی بێ یان مه‌عنه‌وی ئه‌وان ئه‌یپارێزن، وه هه‌ر عه‌هدو به‌ڵێن و په‌یمانێك كه هه‌یانبێ ئه‌یبه‌نه سه‌رو خیانه‌ت ناكه‌ن، (ئه‌مانه سیفاتى باوه‌ڕداره‌و پێچه‌وانه‌كه‌ى سیفاتى دووڕووه كه درۆ ده‌كه‌ن و به‌ڵێن جێبه‌جێ ناكه‌ن و ناپاكى له ئه‌مانه‌ت ده‌كه‌ن).
តាហ្វសៀរជាភាសាអារ៉ាប់ជាច្រេីន:
وَٱلَّذِينَ هُم بِشَهَٰدَٰتِهِمۡ قَآئِمُونَ
[ وَالَّذِينَ هُمْ بِشَهَادَاتِهِمْ قَائِمُونَ (٣٣) ] وه ئه‌و كه‌سانه‌ی كه شایه‌تییه‌ك هه‌بێ له‌به‌ر خوا وه‌كو خۆی ده‌یده‌ن به‌بێ ئه‌وه‌ی كه لێی زیادو كه‌م بكه‌ن، وه نایشارنه‌وه‌و شایه‌تییه‌كه ده‌رئه‌بڕن و ئاشكرای ئه‌كه‌ن، ئیتر ئه‌گه‌ر دژی به‌رژه‌وه‌ندى خۆیان یان دژی خزمی نزیكیان بێ ئاماده‌نین زیادو كه‌می بكه‌ن یان بیشارنه‌وه.
តាហ្វសៀរជាភាសាអារ៉ាប់ជាច្រេីន:
وَٱلَّذِينَ هُمۡ عَلَىٰ صَلَاتِهِمۡ يُحَافِظُونَ
[ وَالَّذِينَ هُمْ عَلَى صَلَاتِهِمْ يُحَافِظُونَ (٣٤) ] وه ئه‌و كه‌سانه‌ی كه پارێزگاری له نوێژه‌كانیان ئه‌كه‌ن به ڕوكن و واجبات و خشوع و مه‌رجه‌كانه‌وه‌و وه‌كو خۆی ئه‌نجامی ئه‌ده‌ن و پارێزگاری لێ ئه‌كه‌ن، وه هیچ شتێك سه‌رقاڵیان ناكات له نوێژه‌كانیان.
តាហ្វសៀរជាភាសាអារ៉ាប់ជាច្រេីន:
فَمَالِ ٱلَّذِينَ كَفَرُواْ قِبَلَكَ مُهۡطِعِينَ
[ فَمَالِ الَّذِينَ كَفَرُوا قِبَلَكَ مُهْطِعِينَ (٣٦) ] ئه‌ی محمد - صلی الله علیه وسلم - چییه ئه‌و كافرانه‌ی كه له‌لای تۆن به‌خێرایی ئه‌ڕۆن و لێت هه‌ڵدێن و راده‌كه‌ن و گاڵته‌ت پێ ئه‌كه‌ن و به‌درۆت ئه‌زانن، یان ملیان درێژ كردۆته‌وه‌و تێت ئه‌ڕوانن، وه‌ك ئه‌وه‌ی كه شتێكی سه‌یرو سه‌مه‌ره‌یان بینیبێ، بۆ وا ئه‌كه‌ن.
តាហ្វសៀរជាភាសាអារ៉ាប់ជាច្រេីន:
أَيَطۡمَعُ كُلُّ ٱمۡرِيٕٖ مِّنۡهُمۡ أَن يُدۡخَلَ جَنَّةَ نَعِيمٖ
[ أَيَطْمَعُ كُلُّ امْرِئٍ مِنْهُمْ أَنْ يُدْخَلَ جَنَّةَ نَعِيمٍ (٣٨) ] ئایا هه‌ر یه‌كێك له‌وان حه‌زو ئاواتى چوونه به‌هه‌شتى هه‌یه‌و خوازیاره بچێته ناوى، موشریكان ئه‌یانووت ئه‌گه‌ر ئه‌م ڕه‌ش و ڕووت و فه‌قیرو هه‌ژارانه بچنه به‌هه‌شته‌وه ئه‌وه ئێمه شایه‌نترین و له پێش ئه‌واندا ئه‌چینه به‌هه‌شته‌وه، خوای گه‌وره ئه‌م ئایه‌ته‌ی دابه‌زاند.
តាហ្វសៀរជាភាសាអារ៉ាប់ជាច្រេីន:
فَلَآ أُقۡسِمُ بِرَبِّ ٱلۡمَشَٰرِقِ وَٱلۡمَغَٰرِبِ إِنَّا لَقَٰدِرُونَ
[ فَلَا أُقْسِمُ بِرَبِّ الْمَشَارِقِ وَالْمَغَارِبِ ] سوێند ئه‌خۆم به په‌روه‌ردگاری ڕۆژهه‌ڵاته‌كان و ڕۆژئاواكان، واته: هه‌موو ڕۆژێك كه خۆر له ڕۆژهه‌ڵاته‌وه هه‌ڵدێ و هه‌موو ڕۆژێك له ڕۆژئاواوه ئاوا ئه‌بێ، سوێند بێ به په‌روه‌ردگاری ڕۆژهه‌ڵاته‌كان و ڕۆژئاواكان [ إِنَّا لَقَادِرُونَ (٤٠) ] ئێمه توانامان هه‌یه.
តាហ្វសៀរជាភាសាអារ៉ាប់ជាច្រេីន:
ការបកប្រែអត្ថន័យគួរអាន - ការបកប្រែជាភាសាឃឺដ - សឡាហុទទីន - សន្ទស្សន៍នៃការបកប្រែ
បកប្រែដោយលោកសឡាហុទទីន អាប់ឌុលការីម