ការបកប្រែអត្ថន័យ ជំពូក​ អាល់កឡាំ - ការបកប្រែជាភាសាហ្វីលីពីន (អាល់ប៊ីសាយ៉ា) - មជ្ឍមណ្ឌលបកប្រែរ៉ូវ៉ាទ - សព្វវចនាធិប្បាយគម្ពីរអាល់គួរអាន

Al-Qalam

វាក្យខណ្ឌ: 1

نٓۚ وَٱلۡقَلَمِ وَمَا يَسۡطُرُونَ

Nun^[1]. [Ako Dios] manumpa pinaagi sa gamit pangsulat ug pinaagi sa bisan unsa nga ilang mga 'ang anghel' igasulat,

[1]. Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

វាក្យខណ្ឌ: 2

مَآ أَنتَ بِنِعۡمَةِ رَبِّكَ بِمَجۡنُونٖ

Pinaagi sa Grasya sa imong Ginoo (Allah), ikaw (Oh Muhammad) dili gisudlan sa daotang espiritu.

វាក្យខណ្ឌ: 3

وَإِنَّ لَكَ لَأَجۡرًا غَيۡرَ مَمۡنُونٖ

Ug sa pagkatinuod, alang kanimo maoy ganti nga dili gayod katapusan.

វាក្យខណ្ឌ: 4

وَإِنَّكَ لَعَلَىٰ خُلُقٍ عَظِيمٖ

Ug sa pagkatinuod ikaw (Oh Muhammad) adunay dakong halangdon nga kinaiya ug talagsaon pamatasan.

វាក្យខណ្ឌ: 5

فَسَتُبۡصِرُ وَيُبۡصِرُونَ

Busa imong makita, ug sila usab makakita,

វាក្យខណ្ឌ: 6

بِأَييِّكُمُ ٱلۡمَفۡتُونُ

Kun kinsa kaninyo ang gisudlan sa kabuang (pinaagi sa mga satanas).

វាក្យខណ្ឌ: 7

إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِٱلۡمُهۡتَدِينَ

Sa pagkatinuod ang imong Ginoo (Allah) labing nakaila kaniya nga nahisalaag gikan sa Iyang Dalan, ug Siya mao ang labing nakaila niadtong (matarong) nga nagiyahan.

វាក្យខណ្ឌ: 8

فَلَا تُطِعِ ٱلۡمُكَذِّبِينَ

Busa ayaw tumana ang mga manlilimod (magsusupak sa Islam).

វាក្យខណ្ឌ: 9

وَدُّواْ لَوۡ تُدۡهِنُ فَيُدۡهِنُونَ

Sila naghandom nga ikaw mukumprumiso (sa mga sukaranan sa Islam), aron sila usab mukumprumiso uban kaninyo!

វាក្យខណ្ឌ: 10

وَلَا تُطِعۡ كُلَّ حَلَّافٖ مَّهِينٍ

Ayaw tumana mga walay pulos nga kanunay nanumpa.

វាក្យខណ្ឌ: 11

هَمَّازٖ مَّشَّآءِۭ بِنَمِيمٖ

Usa ka mabutangbutangon, nga nagsuroysuroy uban ang dautang tabi-tabi,

វាក្យខណ្ឌ: 12

مَّنَّاعٖ لِّلۡخَيۡرِ مُعۡتَدٍ أَثِيمٍ

Tigbabag sa maayo, nga malinapason ug makasasala,

វាក្យខណ្ឌ: 13

عُتُلِّۭ بَعۡدَ ذَٰلِكَ زَنِيمٍ

Mabangis, ug gawas pa nianang tanan, bastos;

វាក្យខណ្ឌ: 14

أَن كَانَ ذَا مَالٖ وَبَنِينَ

(Siya ingon niana) tungod kay siya adunay bahandi ug mga anak.

វាក្យខណ្ឌ: 15

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ

Sa diha nga ang Among mga bersikulo (ang Qur'an) ilitok ngadto kaniya, siya muingon: ‘(Kini) Mga Sugilanon sa karaang tawo.’

វាក្យខណ្ឌ: 16

سَنَسِمُهُۥ عَلَى ٱلۡخُرۡطُومِ

Siya Among pagamarkahan sa simod.

វាក្យខណ្ឌ: 17

إِنَّا بَلَوۡنَٰهُمۡ كَمَا بَلَوۡنَآ أَصۡحَٰبَ ٱلۡجَنَّةِ إِذۡ أَقۡسَمُواْ لَيَصۡرِمُنَّهَا مُصۡبِحِينَ

Sa pagkatinuod Amo silang sulayan ingon nga Kami misulay sa mga tag-iya sa tanaman, sa diha nga sila nanumpa sa pagpamupo sa mga bunga sa (tanaman) sa (takna) sa kabuntagon,

វាក្យខណ្ឌ: 18

وَلَا يَسۡتَثۡنُونَ

Apan wala gayod mangandam
sa paggahin (alang sa mga kabus) ni dili miingon insha Allāh (itugot sa Diyos).

វាក្យខណ្ឌ: 19

فَطَافَ عَلَيۡهَا طَآئِفٞ مِّن رَّبِّكَ وَهُمۡ نَآئِمُونَ

Hinonoa, dihay Magduduaw 'kalayo'
nga gikan sa imong Ginoo 'Allāh', nga gihampak 'ang tanaman' samtang sila nangatulog,

វាក្យខណ្ឌ: 20

فَأَصۡبَحَتۡ كَٱلصَّرِيمِ

Busa kini nahimong ingon sa usa ka itom, nga umaw nga yuta.

វាក្យខណ្ឌ: 21

فَتَنَادَوۡاْ مُصۡبِحِينَ

Ug sa na-buntag na, sila nanag-
panawag sa usag usa,

វាក្យខណ្ឌ: 22

أَنِ ٱغۡدُواْ عَلَىٰ حَرۡثِكُمۡ إِن كُنتُمۡ صَٰرِمِينَ

Nag-ingon: Lakaw ug sayo sa inyong tanaman kon kamo buot mamupo (mang-ani).

វាក្យខណ្ឌ: 23

فَٱنطَلَقُواْ وَهُمۡ يَتَخَٰفَتُونَ

Busa sila milakaw, nga naghinung-hongay sa usag-usa, 'ug nag-ingon',

វាក្យខណ្ឌ: 24

أَن لَّا يَدۡخُلَنَّهَا ٱلۡيَوۡمَ عَلَيۡكُم مِّسۡكِينٞ

Walay kabus nga tawo nga mosulod kaninyo (sa tanaman) karong adlawa.

វាក្យខណ្ឌ: 25

وَغَدَوۡاْ عَلَىٰ حَرۡدٖ قَٰدِرِينَ

Ug sila nanlimbasog gayod nga makus-ganon niining maong katuyoan;

វាក្យខណ្ឌ: 26

فَلَمَّا رَأَوۡهَا قَالُوٓاْ إِنَّا لَضَآلُّونَ

Apan sa diha nga sila nakakita niini (sa tanaman nga hingpit nga nadaut), sila miingon: "Sa pagkatinuod kita sayop!

វាក្យខណ្ឌ: 27

بَلۡ نَحۡنُ مَحۡرُومُونَ

Dili, kita gihikawan (sa mga bunga).

វាក្យខណ្ឌ: 28

قَالَ أَوۡسَطُهُمۡ أَلَمۡ أَقُل لَّكُمۡ لَوۡلَا تُسَبِّحُونَ

Ang labing maayo gikan kanila miingon: "Wala ba ako nag-ingon nganha kaninyo, nga Nganong wala man kamo magdayeg ug maghimaya (sa Allah)?"

វាក្យខណ្ឌ: 29

قَالُواْ سُبۡحَٰنَ رَبِّنَآ إِنَّا كُنَّا ظَٰلِمِينَ

Sila miingon: "Himaya sa (Allah) nga among Ginoo, sa pagkatinuod kami dili makiangayon."

វាក្យខណ្ឌ: 30

فَأَقۡبَلَ بَعۡضُهُمۡ عَلَىٰ بَعۡضٖ يَتَلَٰوَمُونَ

Unya ang uban kanila giatubang ang uban, nga nagbasol sa usag-usa.

វាក្យខណ្ឌ: 31

قَالُواْ يَٰوَيۡلَنَآ إِنَّا كُنَّا طَٰغِينَ

Sila miingon: "Alaut kita! Sa pagkatinuod kita mga malinapason."

វាក្យខណ្ឌ: 32

عَسَىٰ رَبُّنَآ أَن يُبۡدِلَنَا خَيۡرٗا مِّنۡهَآ إِنَّآ إِلَىٰ رَبِّنَا رَٰغِبُونَ

Tingali (ang Allāh) nga atong Ginoo magapuli kanato sa usa ka maayong nga (tanaman) kay sa niini; sa pagkatinuod ngadto sa (Allāh) nga among Ginoo kami mapaubsanong naghangyo (sa Iyang Kadagaya).

វាក្យខណ្ឌ: 33

كَذَٰلِكَ ٱلۡعَذَابُۖ وَلَعَذَابُ ٱلۡأٓخِرَةِ أَكۡبَرُۚ لَوۡ كَانُواْ يَعۡلَمُونَ

Ingon niana ang silot (niining kinabuhia), ug sa pagkatinuod ang silot sa Pikas Kinabuhi mas mabug-at, kon sila nahibalo lang.

វាក្យខណ្ឌ: 34

إِنَّ لِلۡمُتَّقِينَ عِندَ رَبِّهِمۡ جَنَّٰتِ ٱلنَّعِيمِ

Ang mga matarung makabaton og mga tanaman sa Kabulahanan duol sa ilang Ginoo (Allāh).

វាក្យខណ្ឌ: 35

أَفَنَجۡعَلُ ٱلۡمُسۡلِمِينَ كَٱلۡمُجۡرِمِينَ

Kami ba unya mutratar sa mga Muslim (mga mitugyan sa ilang mga kaugalingon ngadto sa Allāh) sama sa mga dautan nga mga tawo.

វាក្យខណ្ឌ: 36

مَا لَكُمۡ كَيۡفَ تَحۡكُمُونَ

Unsay nahitabo kaninyo? Giunsa ba ninyo paghukom?

វាក្យខណ្ឌ: 37

أَمۡ لَكُمۡ كِتَٰبٞ فِيهِ تَدۡرُسُونَ

O aduna ba kamoy Kasulatan diin kamo nakakat-on,

វាក្យខណ្ឌ: 38

إِنَّ لَكُمۡ فِيهِ لَمَا تَخَيَّرُونَ

Nga kamo makaangkon sa unsay inyong gipili didto?

វាក្យខណ្ឌ: 39

أَمۡ لَكُمۡ أَيۡمَٰنٌ عَلَيۡنَا بَٰلِغَةٌ إِلَىٰ يَوۡمِ ٱلۡقِيَٰمَةِ إِنَّ لَكُمۡ لَمَا تَحۡكُمُونَ

O nakadawat ba kamo gikan Kanamo ug usa ka kasabutan nga gipamatud-an pinaagi sa usa ka panumpa nga muabot sa Adlaw sa Pagkabanhaw nga ma-mainyo ang bisan unsay inyong pangayoon?

វាក្យខណ្ឌ: 40

سَلۡهُمۡ أَيُّهُم بِذَٰلِكَ زَعِيمٌ

Pangutan-a sila, kinsa kanila ang manubag alang niana (nga pagdahum),

វាក្យខណ្ឌ: 41

أَمۡ لَهُمۡ شُرَكَآءُ فَلۡيَأۡتُواْ بِشُرَكَآئِهِمۡ إِن كَانُواْ صَٰدِقِينَ

O aduna ba silay mga kauban (gawas sa Allāh Diyos)? Unya himoa nga sila modala sa ilang mga kauban^[2], kon sila matinud-anon.

[2]. I.e., kadtong ilang gipasangil nga pagkadios gawas sa Allāh, o kauban Niya gikan sa ilang kaugalingon.

វាក្យខណ្ឌ: 42

يَوۡمَ يُكۡشَفُ عَن سَاقٖ وَيُدۡعَوۡنَ إِلَى ٱلسُّجُودِ فَلَا يَسۡتَطِيعُونَ

Sa adlaw nga din ang tuman nga kalis-danan maga-abot^[3], sila (ang mga manlilimod ug mga salingkapaw) paga-mandoan sa pag-hapa aron sa pagdayeg, apan sila dili maka-himo niini!

[3]. O sa laing kahulogan: Sa Adlaw nga ang Batiis (sa tinuod nga Ginoo, Allah) madayag (ug ang Allah dili ikatandi sa Iyang mga binuhat), ug sila pagatawgon aron sa paghapa, apan sila (ang mga dili magtutuo ug mga salingkapaw) dili makahimo (sama nga sila napakyas sa pagbuhat niini nga kinabubut-on niining kinabuhia),

វាក្យខណ្ឌ: 43

خَٰشِعَةً أَبۡصَٰرُهُمۡ تَرۡهَقُهُمۡ ذِلَّةٞۖ وَقَدۡ كَانُواْ يُدۡعَوۡنَ إِلَى ٱلسُّجُودِ وَهُمۡ سَٰلِمُونَ

Ang ilang mga mata mapaubos, ang kaulawon motabon kanila. Ug sa pagkatinuod sila gitawag aron sa paghapa samtang sila maayo pa (panglawas ug makahimo pa).

វាក្យខណ្ឌ: 44

فَذَرۡنِي وَمَن يُكَذِّبُ بِهَٰذَا ٱلۡحَدِيثِۖ سَنَسۡتَدۡرِجُهُم مِّنۡ حَيۡثُ لَا يَعۡلَمُونَ

Busa pasagdi Ako (Oh Muhammad); sila nga nagpanghimakak niining nga Mensahe (ang Qur'an). Kami sa hinay-hinay modala kanila (ngadto sa Silot), gikan sa dapit nga sila wala mahibalo.

វាក្យខណ្ឌ: 45

وَأُمۡلِي لَهُمۡۚ إِنَّ كَيۡدِي مَتِينٌ

Ug Ako maghatag kanila ug panahon. Sa pagkatinuod, ang Akong Plano lig-on.

វាក្យខណ្ឌ: 46

أَمۡ تَسۡـَٔلُهُمۡ أَجۡرٗا فَهُم مِّن مَّغۡرَمٖ مُّثۡقَلُونَ

​​O nangayo ka ba kanila ug bayad (alang niini nga Mensahe), aron sila mabug-atan sa utang?

វាក្យខណ្ឌ: 47

أَمۡ عِندَهُمُ ٱلۡغَيۡبُ فَهُمۡ يَكۡتُبُونَ

O aduna ba silay (kahibalo sa) dili makita, aron ila kining isulat.

វាក្យខណ្ឌ: 48

فَٱصۡبِرۡ لِحُكۡمِ رَبِّكَ وَلَا تَكُن كَصَاحِبِ ٱلۡحُوتِ إِذۡ نَادَىٰ وَهُوَ مَكۡظُومٞ

Busa paghulat nga mapailubon alang sa Paghukom sa (Allah) nga imong Ginoo, ug ayaw pagpahisama sa kauban sa isda (Jonas), sa dihang siya mituaw (ngadto sa Allāh) samtang siya anaa sa tuman nga kalisod.

វាក្យខណ្ឌ: 49

لَّوۡلَآ أَن تَدَٰرَكَهُۥ نِعۡمَةٞ مِّن رَّبِّهِۦ لَنُبِذَ بِٱلۡعَرَآءِ وَهُوَ مَذۡمُومٞ

Ug Kon wala pa miabot kaniya ang Pabor gikan sa iyang Ginoo (Allah), siya (nagpabilin pa unta sa tiyan sa isda, apan Amo siyang gipasaylo), busa siya gitambog ngadto sa umaw nga baybayon samtang siya maoy angayang basolon.

វាក្យខណ្ឌ: 50

فَٱجۡتَبَٰهُ رَبُّهُۥ فَجَعَلَهُۥ مِنَ ٱلصَّٰلِحِينَ

Apan ang iyang Ginoo (Allāh) nagpili kaniya, ug siya gipahiluna ipon kanila nga mga matarung.

វាក្យខណ្ឌ: 51

وَإِن يَكَادُ ٱلَّذِينَ كَفَرُواْ لَيُزۡلِقُونَكَ بِأَبۡصَٰرِهِمۡ لَمَّا سَمِعُواْ ٱلذِّكۡرَ وَيَقُولُونَ إِنَّهُۥ لَمَجۡنُونٞ

Ug kadtong naglimod ( sa Kamatuoran) halos na hampak kanimo pinaagi sa ilang mga mata sa diha nga sila nakadungog sa Pahinumdom (Qur'an), ug sila miingon: 'Sa pagkatinuod siya nawala sa iyang hunahuna!'

វាក្យខណ្ឌ: 52

وَمَا هُوَ إِلَّا ذِكۡرٞ لِّلۡعَٰلَمِينَ

Apan kini usa lamang ka pahinumdom (Mensahe gikan sa Allāh) ngadto sa tanang kanasoran (jinn ug katawhan).