Traduzione dei significati Sura At-Tawbah - Traduzione in lohia - Associazione Internazionale per le Scienze e la Cultura - Numero di pagina 188 - L'Enciclopedia del Nobile Corano

Versetto: 7

كَيۡفَ يَكُونُ لِلۡمُشۡرِكِينَ عَهۡدٌ عِندَ ٱللَّهِ وَعِندَ رَسُولِهِۦٓ إِلَّا ٱلَّذِينَ عَٰهَدتُّمۡ عِندَ ٱلۡمَسۡجِدِ ٱلۡحَرَامِۖ فَمَا ٱسۡتَقَٰمُواْ لَكُمۡ فَٱسۡتَقِيمُواْ لَهُمۡۚ إِنَّ ٱللَّهَ يُحِبُّ ٱلۡمُتَّقِينَ

Abatsokaasi bakhaba barie nende indakano ewa Nyasaye nende ewa Omurumwa wuwe, okhuyiniakhwo balia abayalakana ninabo imbeli womusikiti kwoluyali? Kho, nibabemela khubulayi, mwesi mubemele khubulayi. Toto Nyasaye yachama balia abamuritsanga.

Versetto: 8

كَيۡفَ وَإِن يَظۡهَرُواْ عَلَيۡكُمۡ لَا يَرۡقُبُواْ فِيكُمۡ إِلّٗا وَلَا ذِمَّةٗۚ يُرۡضُونَكُم بِأَفۡوَٰهِهِمۡ وَتَأۡبَىٰ قُلُوبُهُمۡ وَأَكۡثَرُهُمۡ فَٰسِقُونَ

Ni karie, ne nibabashila shibahenganga mwinye olwikho nohomba indakano tawe. Bakhusangasinjia butswa nende eminwa chiabu, ne emioyo chiabu chikhayile. Ne abanji mubo nibokhurula mumalako.

Versetto: 9

ٱشۡتَرَوۡاْ بِـَٔايَٰتِ ٱللَّهِ ثَمَنٗا قَلِيلٗا فَصَدُّواْ عَن سَبِيلِهِۦٓۚ إِنَّهُمۡ سَآءَ مَا كَانُواْ يَعۡمَلُونَ

Bakusia ebimanyisio bia Nyasaye khubukusi butiti bwokhushialo, ne bekalilanga Abandu ehale nende injila yiye. Toto ni amabii muno akabakholanga.

Versetto: 10

لَا يَرۡقُبُونَ فِي مُؤۡمِنٍ إِلّٗا وَلَا ذِمَّةٗۚ وَأُوْلَٰٓئِكَ هُمُ ٱلۡمُعۡتَدُونَ

Shibahenganga khubasubili olwikho nohomba indakano tawe. Abo nibo baburanga eshichelo.

Versetto: 11

فَإِن تَابُواْ وَأَقَامُواْ ٱلصَّلَوٰةَ وَءَاتَوُاْ ٱلزَّكَوٰةَ فَإِخۡوَٰنُكُمۡ فِي ٱلدِّينِۗ وَنُفَصِّلُ ٱلۡأٓيَٰتِ لِقَوۡمٖ يَعۡلَمُونَ

Ne nibasaba (Nyasaye) eshileshelo mana balumilile okhulaama (iswala), ne bayinie eshihanwa shia Izaka, baba bali abana benyu mudini. Ne khwinoosilinjia tsinyaali tsiefu abandu abamanya.

Versetto: 12

وَإِن نَّكَثُوٓاْ أَيۡمَٰنَهُم مِّنۢ بَعۡدِ عَهۡدِهِمۡ وَطَعَنُواْ فِي دِينِكُمۡ فَقَٰتِلُوٓاْ أَئِمَّةَ ٱلۡكُفۡرِ إِنَّهُمۡ لَآ أَيۡمَٰنَ لَهُمۡ لَعَلَّهُمۡ يَنتَهُونَ

Ne nibafunaka ebitsubo biabu nibamalile okhulaka mana banyeka idini, yire abemilisi bobukhayi. Toto ebitsubo biabu bibula obukhala (khubo) tawe, bakhababario banyola okhulekha.

Versetto: 13

أَلَا تُقَٰتِلُونَ قَوۡمٗا نَّكَثُوٓاْ أَيۡمَٰنَهُمۡ وَهَمُّواْ بِإِخۡرَاجِ ٱلرَّسُولِ وَهُم بَدَءُوكُمۡ أَوَّلَ مَرَّةٍۚ أَتَخۡشَوۡنَهُمۡۚ فَٱللَّهُ أَحَقُّ أَن تَخۡشَوۡهُ إِن كُنتُم مُّؤۡمِنِينَ

Koo, shimulakhupana nende Abandu bafunaka indakano ne nibasuubila muno okhurusia Omurumwa, nabo nibo babaranjilila enywe oburasi olwokhuranga? Koo mubaritsanga? Nyasaye niye wamukhoyeshele okhuria butswa toto nimuli Abasuubili.