Fassarar Ma'anoni Sura Al'anbiyaa - Fassarar Pilipiniyanci (Majindanao) - Cibiyar fassara ta Ruwwad - Lambar shafi 324 - Kundin Alqurani Mai girma

Aya: 25

وَمَآ أَرۡسَلۡنَا مِن قَبۡلِكَ مِن رَّسُولٍ إِلَّا نُوحِيٓ إِلَيۡهِ أَنَّهُۥ لَآ إِلَٰهَ إِلَّآ أَنَا۠ فَٱعۡبُدُونِ

Endu dala sinugu nami a nawna sa leka (Muhammad) a sinugu ya tabiya na ipe-wahi nami sa lekanin i dala kadenan a wagib a pedsimban ya tabiya na saki, na simba aku nu sa pakaisa-isa nu bu a kadenan.

Aya: 26

وَقَالُواْ ٱتَّخَذَ ٱلرَّحۡمَٰنُ وَلَدٗاۗ سُبۡحَٰنَهُۥۚ بَلۡ عِبَادٞ مُّكۡرَمُونَ

Endu pidatlu nilan: namaluli su Allah sa wata, mahasuti su Allah, su manga malaikat na manga ulipen nin a manga mapulu.

Aya: 27

لَا يَسۡبِقُونَهُۥ بِٱلۡقَوۡلِ وَهُم بِأَمۡرِهِۦ يَعۡمَلُونَ

Endu di silan ka-unanan a kadtalu endu silan na endaw i suguwan kanilan na penggalebeken nilan.

Aya: 28

يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡ وَلَا يَشۡفَعُونَ إِلَّا لِمَنِ ٱرۡتَضَىٰ وَهُم مِّنۡ خَشۡيَتِهِۦ مُشۡفِقُونَ

Katawan nu Allah su galebek nilan endu su da nilan pan manggalebek endu di silan makasafaat ya tabya na su sinugutan nin endu silan na su gilek nilan sa Allah na di gadala kanilan i geda-geda.

Aya: 29

۞ وَمَن يَقُلۡ مِنۡهُمۡ إِنِّيٓ إِلَٰهٞ مِّن دُونِهِۦ فَذَٰلِكَ نَجۡزِيهِ جَهَنَّمَۚ كَذَٰلِكَ نَجۡزِي ٱلظَّٰلِمِينَ

Entayn i makadtalu kanilan sa saki na kadenan aku a salakaw sa Allah na balasan nami sa naraka jahannam, mamba i kabalas kanu manga taw a salimbuten.

Aya: 30

أَوَلَمۡ يَرَ ٱلَّذِينَ كَفَرُوٓاْ أَنَّ ٱلسَّمَٰوَٰتِ وَٱلۡأَرۡضَ كَانَتَا رَتۡقٗا فَفَتَقۡنَٰهُمَاۖ وَجَعَلۡنَا مِنَ ٱلۡمَآءِ كُلَّ شَيۡءٍ حَيٍّۚ أَفَلَا يُؤۡمِنُونَ

Ngintu di gailay nu manga kafir (da nilan katawi) su manga langit endu su lupa sa paganay na dala makabpitas na pinabpitas nami? Endu binaluy nami ebpun sa ig sa nawyag i langun na enggaga-isa na di silan mangimbenal.

Aya: 31

وَجَعَلۡنَا فِي ٱلۡأَرۡضِ رَوَٰسِيَ أَن تَمِيدَ بِهِمۡ وَجَعَلۡنَا فِيهَا فِجَاجٗا سُبُلٗا لَّعَلَّهُمۡ يَهۡتَدُونَ

Endu binaluy nami sya sa lupa i manga palaw a pakatigel kanilan sa di kanggagalebek nu lupa endu binaluy nami i ka-ukitan na manga lalan ka malemu lemu kanilan i maka-tuntul silan kanu kahanda nilan.

Aya: 32

وَجَعَلۡنَا ٱلسَّمَآءَ سَقۡفٗا مَّحۡفُوظٗاۖ وَهُمۡ عَنۡ ءَايَٰتِهَا مُعۡرِضُونَ

Endu binaluy nami (Allah) su langit a naka-atep sa di makabetad sa lupa endu silan (a kafir) na su manga tanda nami na di nilan pedsulimanen.

Aya: 33

وَهُوَ ٱلَّذِي خَلَقَ ٱلَّيۡلَ وَٱلنَّهَارَ وَٱلشَّمۡسَ وَٱلۡقَمَرَۖ كُلّٞ فِي فَلَكٖ يَسۡبَحُونَ

Endu sekanin (Allah) i minaluy sa magabi endu malamag, endu senang endu ulan ulan, umani-isa na bagukit sa lalanin.

Aya: 34

وَمَا جَعَلۡنَا لِبَشَرٖ مِّن قَبۡلِكَ ٱلۡخُلۡدَۖ أَفَإِيْن مِّتَّ فَهُمُ ٱلۡخَٰلِدُونَ

Dala binaluy nami a manusya a nawna sa leka (Muhammad) a di matay na matay ka bun na silan pan i di matay?!

Aya: 35

كُلُّ نَفۡسٖ ذَآئِقَةُ ٱلۡمَوۡتِۗ وَنَبۡلُوكُم بِٱلشَّرِّ وَٱلۡخَيۡرِ فِتۡنَةٗۖ وَإِلَيۡنَا تُرۡجَعُونَ

Langun na barangyawa na makananam sa kapatay endu pembatalun nami sekanu sa mapasang endu mapiya (sya sa dunya) endu siya kanu bun makambalingan sa laki.