Fassarar Ma'anoni Sura Daha - Fassarar Pilipiniyanci (Majindanao) - Cibiyar fassara ta Ruwwad - Lambar shafi 313 - Kundin Alqurani Mai girma

Aya: 13

وَأَنَا ٱخۡتَرۡتُكَ فَٱسۡتَمِعۡ لِمَا يُوحَىٰٓ

Endu pinamili ku seka na panuliman ka su ipe-wahi sa leka.

Aya: 14

إِنَّنِيٓ أَنَا ٱللَّهُ لَآ إِلَٰهَ إِلَّآ أَنَا۠ فَٱعۡبُدۡنِي وَأَقِمِ ٱلصَّلَوٰةَ لِذِكۡرِيٓ

Benal a Saki su Allah, a dala wagib a pedsimban ya tabiya na Saki na simba Aku endu itindeg nengka su sambayang sa tadem nengka ka sa Laki.

Aya: 15

إِنَّ ٱلسَّاعَةَ ءَاتِيَةٌ أَكَادُ أُخۡفِيهَا لِتُجۡزَىٰ كُلُّ نَفۡسِۭ بِمَا تَسۡعَىٰ

Saben-sabenal na su gay a mawli na makawma, kahanda ku i di ku ipayag kanu taw i kawma nin ka endu kabalasan su isa kanu penggalebeken nin.

Aya: 16

فَلَا يَصُدَّنَّكَ عَنۡهَا مَن لَّا يُؤۡمِنُ بِهَا وَٱتَّبَعَ هَوَىٰهُ فَتَرۡدَىٰ

Endu da ka semibay kanu pangimbenal sabap sa kanu di bangimbenal endu ya nin pedtuntulen na kiyug na ginawa nin (ka mabinasa ka).

Aya: 17

وَمَا تِلۡكَ بِيَمِينِكَ يَٰمُوسَىٰ

(Tig nu Allah): ngin inan sa kawanan nengka Musa?

Aya: 18

قَالَ هِيَ عَصَايَ أَتَوَكَّؤُاْ عَلَيۡهَا وَأَهُشُّ بِهَا عَلَىٰ غَنَمِي وَلِيَ فِيهَا مَـَٔارِبُ أُخۡرَىٰ

Tig nu Musa: nya na tungkat ku a kadtigelan ku sa kabpelakaw ku endu ibanapes ku sa lawn na kayu a pegken nu kambing ku endu aden ped a kahanda ku lun.

Aya: 19

قَالَ أَلۡقِهَا يَٰمُوسَىٰ

Tig nu Allah: pitasi ka Musa.

Aya: 20

فَأَلۡقَىٰهَا فَإِذَا هِيَ حَيَّةٞ تَسۡعَىٰ

Pinitasan ni (Musa) na mimbaluy a nipay a belansag.

Aya: 21

قَالَ خُذۡهَا وَلَا تَخَفۡۖ سَنُعِيدُهَا سِيرَتَهَا ٱلۡأُولَىٰ

Tig nu Allah: kwa ka anan (Musa) da ka pegkagilek ka pauliten nami kanu andang a palasin.

Aya: 22

وَٱضۡمُمۡ يَدَكَ إِلَىٰ جَنَاحِكَ تَخۡرُجۡ بَيۡضَآءَ مِنۡ غَيۡرِ سُوٓءٍ ءَايَةً أُخۡرَىٰ

Endu iludep nengka i kawanan a lima nengka sa takilidan a biwang ka lemyu sa maputi a mapiya i palasin, isa menem intu a tanda sa benal ka.

Aya: 23

لِنُرِيَكَ مِنۡ ءَايَٰتِنَا ٱلۡكُبۡرَى

Ka endu nami makapailay sa leka su manga tanda nami a manga masla.

Aya: 24

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

Angay ka kani Fir’awn ka sinemagad i galebek nin (a kadarwakan)

Aya: 25

قَالَ رَبِّ ٱشۡرَحۡ لِي صَدۡرِي

Tig nu Musa: Kadenan ku pagkalinawag ka sa laki su laleb ku.

Aya: 26

وَيَسِّرۡ لِيٓ أَمۡرِي

Endu pakalemu ka sa laki i galebekan ku.

Aya: 27

وَٱحۡلُلۡ عُقۡدَةٗ مِّن لِّسَانِي

Endu iyawa nengka su kapuntel na dila ku.

Aya: 28

يَفۡقَهُواْ قَوۡلِي

Ka endu nilan kasabutan i kadtalu ku.

Aya: 29

وَٱجۡعَل لِّي وَزِيرٗا مِّنۡ أَهۡلِي

Endu baluy ka a makatabang su isa kanu pagali ku.

Aya: 30

هَٰرُونَ أَخِي

Si Harun a suled ku

Aya: 31

ٱشۡدُدۡ بِهِۦٓ أَزۡرِي

Ibagel engka sa laki.

Aya: 32

وَأَشۡرِكۡهُ فِيٓ أَمۡرِي

Endu pa amung ka kanu galebekan ku.

Aya: 33

كَيۡ نُسَبِّحَكَ كَثِيرٗا

Ka endu kami maka-tasbih sa leka sa madakel.

Aya: 34

وَنَذۡكُرَكَ كَثِيرًا

Endu katademan nami seka sa madakel.

Aya: 35

إِنَّكَ كُنتَ بِنَا بَصِيرٗا

Ka seka a Kadenan nami i pakailay sa lekami.

Aya: 36

قَالَ قَدۡ أُوتِيتَ سُؤۡلَكَ يَٰمُوسَىٰ

Tig nu Allah: nakwa nengka den Musa su pangenin nengka.

Aya: 37

وَلَقَدۡ مَنَنَّا عَلَيۡكَ مَرَّةً أُخۡرَىٰٓ

Endu saben-sabenal a inenggan nami seka sa limu a nauna (dala nengka pangenya).