Fassarar Ma'anoni Aya 94 Sura Al'taubah - Fassarar Fulaniyanci ta taƙaitaccen Tafsirin AlƘur'ani mai girma. - Kundin Alqurani Mai girma

Aya: 94

يَعۡتَذِرُونَ إِلَيۡكُمۡ إِذَا رَجَعۡتُمۡ إِلَيۡهِمۡۚ قُل لَّا تَعۡتَذِرُواْ لَن نُّؤۡمِنَ لَكُمۡ قَدۡ نَبَّأَنَا ٱللَّهُ مِنۡ أَخۡبَارِكُمۡۚ وَسَيَرَى ٱللَّهُ عَمَلَكُمۡ وَرَسُولُهُۥ ثُمَّ تُرَدُّونَ إِلَىٰ عَٰلِمِ ٱلۡغَيۡبِ وَٱلشَّهَٰدَةِ فَيُنَبِّئُكُم بِمَا كُنتُمۡ تَعۡمَلُونَ

Naafiqiiɓe tultunooɓe ɓen ka jihaadi no ngantinora ngantooje lo'uɗe, tuma ɓe ruttitii e jihaadi ndin. Alla no tinndinira Annabaajo Makko on e gomɗimɓe ɓen jaabagol ɓe wonnde : "Wata on ngantinore penaale. Men goongintaa on e ko habroton men. Gomɗii Alla anndinii men goɗɗum e ko woni e pittaali mon. Arma Alla e Nulaaɗo Makko on yi'a si on tuubay, Alla jaɓana on tuubuubuyee, maa hara on luttay e naafiqaaku mon? Refti rutteɗon faade ka Alla On annduɗo kala huunde, O habra on kon ko laatinoɗon hiɗon golla, O yoɓita on ɗum. Awa yaccanee tuubugol ngol gollon golle-moƴƴe.

daga cikin fa'idodin Ayoyin wannan shafi:

• ميدان العمل والتكاليف خير شاهد على إظهار كذب المنافقين من صدقهم.

Dingiral golle ɗen e waɗɗiiɗi ɗin woni ko senndata fenaande naafiqiiɓe ɓen e goonga kan.

• أهل البادية إن كفروا فهم أشد كفرًا ونفاقًا من أهل الحضر؛ لتأثير البيئة.

Si yimɓe ladde ɓen yeddii, ko ɗum ɓuri tiiɗude e keeferaaku maa naafiqaaku yimɓe saare ɓen, sabu battingol nokku on.

• الحض على النفقة في سبيل الله مع إخلاص النية، وعظم أجر من فعل ذلك.

Aayeeje ɗen rerɗinii e wintagol nafqa fii laawol Alla ngol, wonnde e laɓɓingol Annuyee e wonnde baraaji golluɗo ɗum hino mawni.

• فضيلة العلم، وأن فاقده أقرب إلى الخطأ.

Ɗe ɓannginii kadi ɓural ganndal, ɗe holli wonnde waasuɗo ganndal buri badaade e palje.